Bindiaભારતીય નૌસેનાને મળ્યું ચોથું P17A સ્ટેલ્થ ફ્રિગેટ ‘મહેન્દ્રગીરી’, સમુદ્રી શક્તિમાં મોટો વધારો
ભારતીય નૌસેનાને આધુનિક ક્ષમતાઓથી સજ્જ એક વધુ યુદ્ધપોત મળ્યો છે. સરકારી શિપયાર્ડ Mazagon Dock Shipbuilders Limited (MDL) દ્વારા પ્રોજેક્ટ-17A હેઠળ બનાવાયેલું ચોથું સ્ટેલ્થ ફ્રિગેટ ‘મહેન્દ્રગીરી’ સોંપવામાં આવ્યું છે. આ યુદ્ધપોત ટૂંક સમયમાં INS Mahendragiri તરીકે નૌસેનાના બેડામાં સામેલ થશે. ડિલિવરી પ્રસંગે MDLના ચેરમેન અને મેનેજિંગ ડિરેક્ટર કેપ્ટન જગમોહન તેમજ પૂર્વી નૌસેનિક કમાન્ડના ચીફ સ્ટાફ ઓફિસર રિયર એડમિરલ ગૌતમ મરવાહાએ એક્સેપ્ટન્સ દસ્તાવેજ પર હસ્તાક્ષર કર્યા હતા. આ પ્રસંગે નૌસેના અને શિપયાર્ડના વરિષ્ઠ અધિકારીઓ હાજર રહ્યા હતા. પ્રોજેક્ટ-17A ભારતીય નૌસેનાનો અદ્યતન સ્ટેલ્થ ફ્રિગેટ પ્રોગ્રામ છે, જે Shivalik-class frigateનું અપગ્રેડેડ વર્ઝન માનવામાં આવે છે. આ પ્રોજેક્ટ હેઠળ કુલ 7 આધુનિક ફ્રિગેટ્સ તૈયાર કરવામાં આવી રહ્યા છે, જેમાંથી કેટલાક MDL અને Garden Reach Shipbuilders & Engineers (GRSE) દ્વારા નિર્માણાધીન છે.…
કાલે બુદ્ધ પૂર્ણિમા: દાન અને સાધનાથી જીવનમાં લાવો શાંતિ અને સમૃદ્ધિ
આવતીકાલે પવિત્ર બુદ્ધ પૂર્ણિમા નો તહેવાર ઉજવવામાં આવશે, જે ગૌતમ બુદ્ધ ના જીવન અને ઉપદેશોને સમર્પિત છે. વૈશાખ મહિનાની પૂર્ણિમાના દિવસે ઉજવાતો આ તહેવાર શાંતિ, કરુણા અને અહિંસાનો સંદેશ આપે છે. આ વર્ષે બુદ્ધ પૂર્ણિમા 1 મે 2026, શુક્રવારે ઉજવાશે. પંચાંગ મુજબ પૂર્ણિમા તિથિ 30 એપ્રિલ 2026ની રાત્રે લગભગ 9:13 વાગ્યે શરૂ થઈને 1 મેની રાત્રે લગભગ 10:52 વાગ્યા સુધી રહેશે. ઉદય તિથિ અનુસાર 1 મેના રોજ તહેવાર ઉજવાશે. આ દિવસે બ્રહ્મ મુહૂર્ત અને સૂર્યોદય પછીનો સમય પૂજા, ધ્યાન અને દાન માટે અત્યંત શુભ માનવામાં આવે છે. બુદ્ધ પૂર્ણિમા માત્ર ધાર્મિક તહેવાર નથી, પરંતુ જીવનને સકારાત્મક દિશામાં આગળ વધારવાનો સંદેશ આપે છે. આ દિવસ આપણને શાંતિપૂર્ણ જીવન, સહાનુભૂતિ અને સાદગી અપનાવવા પ્રેરણા આપે છે. આ દિવસે…
ક્રૂડ ઓઈલના ભાવમાં તેજી: પેટ્રોલ-ડીઝલ મોંઘા થવાની શક્યતા, હોર્મુઝ સંકટથી વૈશ્વિક ચિંતા વધી
અમેરિકા, ઈઝરાયેલ અને ઈરાન વચ્ચે ચાલી રહેલા તણાવના પગલે વૈશ્વિક તેલ બજારમાં ભારે ઉથલપાથલ જોવા મળી રહી છે. છેલ્લા બે મહિનાથી ચાલી રહેલા સંઘર્ષને કારણે વિશ્વનો મહત્વનો સમુદ્રી માર્ગ હોર્મુઝ સ્ટ્રેટ હજી સુધી સંપૂર્ણપણે ખુલ્લો નથી, જેના કારણે ક્રૂડ ઓઈલના પુરવઠા પર ગંભીર અસર પડી છે. ગુરુવારે આંતરરાષ્ટ્રીય બજારમાં કાચા ક્રૂડ ઓઈલના ભાવમાં જોરદાર ઉછાળો નોંધાયો હતો. પ્રતિ બેરલ ભાવ 126 ડોલર સુધી પહોંચતા છેલ્લા ચાર વર્ષનો રેકોર્ડ તૂટી ગયો છે. નિષ્ણાતોના મતે, પરિસ્થિતિ યથાવત રહી તો ભાવ 140 ડોલર પ્રતિ બેરલ સુધી પહોંચી શકે છે. હોર્મુઝ સ્ટ્રેટ વિશ્વના લગભગ 20 ટકા ક્રૂડ ઓઈલ અને ગેસ સપ્લાય માટે અત્યંત મહત્વપૂર્ણ માર્ગ છે. અહીં સર્જાયેલા અવરોધને કારણે વૈશ્વિક સપ્લાય ચેઇન પર દબાણ વધ્યું છે, જેના સીધા પ્રભાવ…
હિમાચલ પ્રદેશમાં ભયંકર અકસ્માત: કાર 200 ફૂટ ઊંડી ખીણમાં ખાબકી, 2 શ્રદ્ધાળુઓનાં મોત
હિમાચલ પ્રદેશ ના ચિંતપૂર્ણી વિસ્તારમાં એક ડરામણો માર્ગ અકસ્માત સર્જાયો છે, જેમાં પંજાબના બે શ્રદ્ધાળુઓનાં કરુણ મોત થયા છે. આ ઘટના ઉના જિલ્લાના ભરવાઈં વિસ્તારમાં બની હતી, જ્યાં એક કાર આશરે 200 ફૂટ ઊંડી ખીણમાં ખાબકી ગઈ અને બાદમાં તેમાં આગ લાગી ગઈ. મળતી માહિતી મુજબ, લુધિયાણા પાસિંગની કાર ચિંતપૂર્ણી મંદિરે દર્શન કરીને મુબારકપુર તરફ જઈ રહી હતી. આ દરમિયાન અચાનક ટાયર ફાટતા ડ્રાઈવરે કાર પરથી કાબૂ ગુમાવ્યો હતો. પરિણામે કાર પૂરઝડપે હવામાં ઉછળી અને સીધી ખીણમાં પડી ગઈ. અકસ્માતનો સીસીટીવી વીડિયો પણ સામે આવ્યો છે, જેમાં કારને હવામાં ઉછળતી અને પછી ખીણમાં ખાબકતી સ્પષ્ટ રીતે જોઈ શકાય છે. નીચે પડ્યા બાદ કારમાં આગ લાગી ગઈ હતી, જેના કારણે કારમાં સવાર બંને લોકો જીવતા જ દાઝી…
જબલપુરમાં બરગી ડેમ ખાતે ક્રૂઝ દુર્ઘટના: 6નાં મોત, અનેક લાપતા
મધ્યપ્રદેશના જબલપુર નજીક આવેલા પ્રખ્યાત પર્યટન સ્થળ બરગી ડેમમાં ગુરુવારે સાંજે એક ગંભીર દુર્ઘટના સર્જાઈ, જેમાં પ્રવાસીઓથી ભરેલી ક્રૂઝ અચાનક પાણીમાં ડૂબી ગઈ. આ ઘટનાએ સમગ્ર વિસ્તારમાં હાહાકાર મચાવી દીધો છે. પ્રાથમિક માહિતી મુજબ, નર્મદા નદીના બેકવોટરમાં ફરતા સમયે અચાનક આવેલા તોફાન અને જોરદાર પવનને કારણે ક્રૂઝનું સંતુલન બગડ્યું હતું, જેના કારણે તે ડૂબી ગઈ. દુર્ઘટના સમયે ક્રૂઝમાં અંદાજે 35થી 40 પ્રવાસીઓ સવાર હતા. રેસ્ક્યૂ ટીમો તાત્કાલિક ઘટનાસ્થળે પહોંચી ગઈ હતી. સ્થાનિક લોકો, પોલીસ તેમજ NDRF અને SDRFની ટીમોએ મળીને બચાવ કામગીરી શરૂ કરી હતી. અત્યાર સુધીમાં 15થી વધુ લોકોને સુરક્ષિત બહાર કાઢવામાં આવ્યા છે. અત્યાર સુધીમાં 6 લોકોના મોતની પુષ્ટિ કરવામાં આવી છે, જેમના મૃતદેહો બહાર કાઢવામાં આવ્યા છે. મૃતકોમાં મહિલાઓનો પણ સમાવેશ થાય છે.…
વિશ્વ ગુજરાતી સમાજના ‘વિશ્વમેળો’ના નવસંચાર વિશેષાંક તેમજ નવી અદ્યતન વેબસાઈટનું લોન્ચિંગ
મુખ્યમંત્રી શ્રી ભૂપેન્દ્ર પટેલના હસ્તે વિશ્વ ગુજરાતી સમાજના ‘વિશ્વમેળો’ના નવસંચાર વિશેષાંક તેમજ નવી અદ્યતન વેબસાઈટનું લોન્ચિંગ — મુખ્યમંત્રી શ્રી ભૂપેન્દ્ર પટેલે ગુજરાતી સંસ્કૃતિ, ગુજરાતી ભાષા અને વિશ્વભરમાં વસતા ગુજરાતીઓની વિવિધ સિદ્ધિઓને પ્રતિબિંબિત કરતી અવનવી વાંચનસામગ્રીથી ભરપૂર ‘વિશ્વમેળો’ નવસંચાર વિશેષાંક અને નવી વેબસાઈટનું ઉદ્ઘાટન ગાંધીનગર ખાતે લોંન્ચિંગ કર્યુ હતું. વિશ્વ ગુજરાતી સમાજ દ્વારા પ્રકાશિત ‘વિશ્વમેળો’ નવસંચાર વિશેષાંકમાં ગુજરાતી ભાષા-સંસ્કૃતિના સંવર્ધન, વૈશ્વિક સ્તરે ગુજરાતીઓની સિદ્ધિઓ અને સમાજના વિવિધ પાસાઓને આવરી લેવામાં આવ્યા છે. આ નવસંચાર પામેલા સામયિકમાં હવે વાચકોને નૂતન વિચારો, નવી પહેલો, નવા વિભાગો અને અવનવી માહિતી જાણવા મળશે. તેમજ ગુજરાતી સંગઠનો અને વિવિધ સમાજોના સમાચારો જાણવા મળશે. એટલું જ નહીં, યુવા વર્ગ, મહિલા વર્ગ, વ્યાપારી વર્ગ અને જુદા જુદા ક્ષેત્ર માટે ઉપયોગી સામગ્રી ‘વિશ્વમેળો’ના અંકોમાં સમાવેશ…
બેંગલુરુમાં વરસાદી કહેર: દીવાલ ધરાશાયી થતા 7નાં મોત, અનેક ઘાયલ
કર્ણાટકની રાજધાની બેંગલુરુમાં ભારે વરસાદ વચ્ચે મોટી દુર્ઘટના સર્જાઈ છે. મંગળવારે સાંજે શિવાજીનગર વિસ્તારમાં લેડી કર્ઝન હોસ્પિટલ નજીક એક કમ્પાઉન્ડની દીવાલ અચાનક ધરાશાયી થતાં ઓછામાં ઓછા 7 લોકોના મોત થયા છે. વરસાદ અને પવન વચ્ચે દુર્ઘટના માહિતી મુજબ સાંજે લગભગ 5 વાગ્યે ભારે પવન અને ગાજવીજ સાથે વરસાદ શરૂ થયો હતો, જે લગભગ એક કલાક સુધી ચાલુ રહ્યો હતો. ખરાબ હવામાનથી બચવા માટે ઘણા લોકો હોસ્પિટલના પરિસરમાં આશરો લેવા ગયા હતા, ત્યારે જ દીવાલ તૂટી પડતાં તેઓ તેની ચપેટમાં આવી ગયા હતા. બચાવ કામગીરી ચાલુ આ ઘટનામાં 3 લોકો ગંભીર રીતે ઘાયલ થયા છે, જેમને તાત્કાલિક હોસ્પિટલમાં દાખલ કરવામાં આવ્યા છે. હજુ પણ કાટમાળ નીચે કેટલાક લોકો ફસાયેલા હોવાની આશંકા છે, જેના કારણે મૃતકોની સંખ્યા વધવાની…
ભારતની સંરક્ષણ શક્તિમાં વધારો: નેવલ એન્ટી-શિપ મિસાઇલ (NASM-SR)નું સફળ પરીક્ષણ
ભારતને સંરક્ષણ ક્ષેત્રે મહત્વપૂર્ણ સફળતા મળી છે. Defense Research and Development Organization (DRDO) અને ભારતીય નૌસેનાએ મળીને નેવલ એન્ટી-શિપ મિસાઇલ (શોર્ટ રેન્જ)નું સફળ પરીક્ષણ કર્યું છે. આ પરીક્ષણ ઓડિશાના તટ નજીક બંગાળની ખાડીમાં કરવામાં આવ્યું હતું. હેલિકોપ્ટર પરથી સફળ સલ્વો લોન્ચ DRDO અને ભારતીય નૌસેનાએ સંયુક્ત રીતે નૌસેનાના હેલિકોપ્ટર પ્લેટફોર્મ પરથી નેવલ એન્ટી-શિપ મિસાઇલ-શોર્ટ રેન્જ (NASM-SR)નું પ્રથમ સલ્વો લોન્ચ સફળતાપૂર્વક પૂર્ણ કર્યું. આ પરીક્ષણને ભારતની દરિયાઈ સુરક્ષા માટે મોટું પગલું માનવામાં આવી રહ્યું છે. રાજનાથ સિંહે આપી અભિનંદન આ સિદ્ધિ બદલ સંરક્ષણ મંત્રી રાજનાથ સિંહએ DRDO, નૌસેના, વાયુસેના અને ઉદ્યોગ ક્ષેત્રના ભાગીદારોને અભિનંદન પાઠવ્યા હતા. તેમણે જણાવ્યું કે આ મિસાઇલના વિકાસથી સશસ્ત્ર દળોની ક્ષમતામાં નોંધપાત્ર વધારો થશે. નૌસેનાની મારક ક્ષમતામાં વધારો આ સફળ પરીક્ષણ ભારતની સૈન્ય…
બેંગલુરુમાં ડ્રગ્સ રેકેટનો પર્દાફાશ: 16 આરોપીઓ ઝડપાયા, રૂ.36.67 કરોડનું નશીલું માલ જપ્ત
કર્ણાટકની રાજધાની અને આઈટી હબ બેંગલુરુમાં પોલીસએ મોટા ડ્રગ્સ નેટવર્કનો ભાંડો ફોડ્યો છે. શહેરના વિવિધ વિસ્તારોમાં હાથ ધરાયેલા સંયુક્ત ઓપરેશન દરમિયાન પોલીસે કુલ 16 શખસોની ધરપકડ કરી છે. પકડાયેલા આરોપીઓ પાસેથી અંદાજે રૂ.36.67 કરોડની કિંમતનું માદક પદાર્થ જપ્ત કરવામાં આવ્યું છે, જે આંતરરાષ્ટ્રીય ડ્રગ્સ રેકેટ તરફ સંકેત આપે છે. વિદેશી નાગરિકો સહિત આરોપીઓ ઝડપાયા આ ઓપરેશન સેન્ટ્રલ ક્રાઈમ બ્રાન્ચ (CCB) અને સ્થાનિક પોલીસ દ્વારા હાથ ધરાયું હતું. ધરપકડ કરાયેલા 16 આરોપીઓમાં 4 વિદેશી નાગરિકો, 8 અન્ય રાજ્યોના રહેવાસીઓ અને 4 સ્થાનિક લોકોનો સમાવેશ થાય છે. તપાસ દરમિયાન સામે આવ્યું છે કે આ ગેંગ વિદેશ તેમજ અન્ય રાજ્યોમાંથી સસ્તા ભાવે ડ્રગ્સ મંગાવી બેંગલુરુમાં મોંઘા ભાવે વેચતી હતી. શું શું જપ્ત થયું? પોલીસે દરોડા દરમિયાન વિવિધ પ્રકારના નશીલા…
ગુજરાતમાં બેવડી ઋતુનો અહેસાસ: પાટણમાં કમોસમી વરસાદ, રાજકોટમાં તાપમાન 43.6°C પાર
ગુજરાતમાં એક તરફ કાળઝાળ ગરમીનો પ્રકોપ યથાવત છે તો બીજી તરફ કેટલાક વિસ્તારોમાં અચાનક વાતાવરણમાં પલટો આવતા બેવડી ઋતુનો અહેસાસ થઈ રહ્યો છે. બુધવારે (29 એપ્રિલ, 2026) બપોર બાદ પાટણ સહિતના વિસ્તારોમાં કમોસમી વરસાદી ઝાપટાં પડતાં લોકોને ગરમીમાંથી થોડોક સમય માટે રાહત મળી હતી. પાટણમાં ભરઉનાળે ચોમાસા જેવી સ્થિતિ પાટણ જિલ્લામાં અચાનક વાતાવરણ બદલાતા જોરદાર પવન સાથે વરસાદ વરસ્યો હતો. ભરઉનાળામાં પડેલા આ ઝાપટાંને કારણે રસ્તાઓ પર પાણી ફરી વળ્યા હતા અને ચોમાસા જેવી સ્થિતિ સર્જાઈ હતી. ગરમીથી કંટાળેલા લોકોને આ અચાનક વરસાદે થોડી ઠંડકનો અનુભવ કરાવ્યો હતો. રાજકોટમાં ગરમીનો પારો 43.6°C બીજી તરફ રાજ્યના અનેક વિસ્તારોમાં ગરમી યથાવત રહી છે. છેલ્લા 24 કલાક દરમિયાન રાજ્યમાં સૌથી વધુ તાપમાન રાજકોટમાં 43.6 ડિગ્રી સેલ્સિયસ નોંધાયું છે. અમદાવાદમાં…
