બેંગલુરુમાં ડ્રગ્સ રેકેટનો પર્દાફાશ: 16 આરોપીઓ ઝડપાયા, રૂ.36.67 કરોડનું નશીલું માલ જપ્ત

કર્ણાટકની રાજધાની અને આઈટી હબ બેંગલુરુમાં પોલીસએ મોટા ડ્રગ્સ નેટવર્કનો ભાંડો ફોડ્યો છે. શહેરના વિવિધ વિસ્તારોમાં હાથ ધરાયેલા સંયુક્ત ઓપરેશન દરમિયાન પોલીસે કુલ 16 શખસોની ધરપકડ કરી છે. પકડાયેલા આરોપીઓ પાસેથી અંદાજે રૂ.36.67 કરોડની કિંમતનું માદક પદાર્થ જપ્ત કરવામાં આવ્યું છે, જે આંતરરાષ્ટ્રીય ડ્રગ્સ રેકેટ તરફ સંકેત આપે છે.

વિદેશી નાગરિકો સહિત આરોપીઓ ઝડપાયા
આ ઓપરેશન સેન્ટ્રલ ક્રાઈમ બ્રાન્ચ (CCB) અને સ્થાનિક પોલીસ દ્વારા હાથ ધરાયું હતું. ધરપકડ કરાયેલા 16 આરોપીઓમાં 4 વિદેશી નાગરિકો, 8 અન્ય રાજ્યોના રહેવાસીઓ અને 4 સ્થાનિક લોકોનો સમાવેશ થાય છે. તપાસ દરમિયાન સામે આવ્યું છે કે આ ગેંગ વિદેશ તેમજ અન્ય રાજ્યોમાંથી સસ્તા ભાવે ડ્રગ્સ મંગાવી બેંગલુરુમાં મોંઘા ભાવે વેચતી હતી.

શું શું જપ્ત થયું?
પોલીસે દરોડા દરમિયાન વિવિધ પ્રકારના નશીલા પદાર્થો જપ્ત કર્યા છે, જેમાં મુખ્યત્વે:

MDMA – 9.64 કિલોગ્રામ
LSD સ્ટ્રીપ્સ – 19,755 નંગ
હાઈડ્રો ગાંજો – 5.195 કિલોગ્રામ
હેરોઈન – 156 ગ્રામ
કોકેઈન – 332 ગ્રામ
અન્ય નશીલા પદાર્થો જેમ કે ચરસ, ગાંજો અને ડ્રગ્સ મિશ્રિત ગમીઝ

યુવાનો અને વિદ્યાર્થીઓ હતા ટાર્ગેટ
પ્રાથમિક તપાસમાં જાણવા મળ્યું છે કે આ નેટવર્ક ખાસ કરીને કોલેજના વિદ્યાર્થીઓ અને યુવાનોને ટાર્ગેટ કરતું હતું. ઝડપથી નફો કમાવવા માટે આરોપીઓ સોશિયલ સર્કલ અને પાર્ટી કલ્ચરમાં ડ્રગ્સનું વિતરણ કરતા હતા.

NDPS એક્ટ હેઠળ કાર્યવાહી
પકડાયેલા તમામ આરોપીઓ વિરુદ્ધ NDPS એક્ટ હેઠળ કેસ નોંધવામાં આવ્યો છે. કોર્ટ દ્વારા તેમને જ્યુડિશિયલ કસ્ટડીમાં મોકલવામાં આવ્યા છે.

સરકારની ‘ઝીરો ટોલરન્સ’ નીતિ
કર્ણાટક સરકારે ડ્રગ્સના વેપાર સામે કડક વલણ અપનાવવાનું સ્પષ્ટ કર્યું છે. પોલીસ હવે આ રેકેટના આંતરરાષ્ટ્રીય કનેક્શન અને મુખ્ય સુત્રધારો સુધી પહોંચવા માટે તપાસ આગળ ધપાવી રહી છે.

જનતાને અપીલ
બેંગલુરુ પોલીસે જનતાને અપીલ કરી છે કે ડ્રગ્સ સંબંધિત કોઈપણ માહિતી હોય તો હેલ્પલાઈન નંબર 112 અથવા 1922 પર ગુપ્ત રીતે જાણ કરી સહકાર આપે.

 

• Follow us on WHATSAPP :- https://whatsapp.com/channel/0029Va4r…
• WEBSITE : https://bindia.co/
• INSTAGRAM : https:// bindia.in
• FACEBOOK : https://www.facebook.com/buletinindialive 
• X : https://x.com/bindia276