આંતરરાષ્ટ્રીય મહિલા દિવસ 2026: ગુજરાતમાં મહિલા સશક્તિકરણની નવી ઊંચાઈઓ, શિક્ષણથી સંશોધન સુધી વધતી ભાગીદારી
પંકજ મકવાણા – અમદાવાદ: આજે 8 માર્ચે વિશ્વભરમાં આંતરરાષ્ટ્રીય મહિલા દિવસની ઉજવણી કરવામાં આવી રહી છે. ગુજરાતમાં મહિલાઓના સશક્તિકરણ માટે વિવિધ વિભાગો દ્વારા કરવામાં આવતી કામગીરીઓએ નવા માઈલસ્ટોન્સ હાંસલ કર્યા છે. શિક્ષણ ક્ષેત્રમાં વિદ્યાર્થિનીઓની સંખ્યામાં નોંધપાત્ર વધારો જોવા મળ્યો છે, જ્યારે સુરક્ષા અને સંશોધન જેવા ક્ષેત્રોમાં પણ મહિલાઓની ભૂમિકા મજબૂત બની છે. આ વર્ષે મહિલા દિવસની થીમ ‘ઇન્સ્પાયર ઇન્ક્લુઝન’ હેઠળ ગુજરાતમાં મહિલાઓની પ્રગતિને વધુ ગતિ મળી છે.ઉચ્ચ શિક્ષણમાં વિદ્યાર્થિનીઓની વધતી સંખ્યા: 25 હજારનો વધારોગુજરાતના ઉચ્ચ શિક્ષણ ક્ષેત્રમાં મહિલાઓની ભાગીદારી વધી રહી છે. સામાજિક-આર્થિક સમીક્ષા 2025-26 અનુસાર, રાજ્યની ઉચ્ચ શૈક્ષણિક સંસ્થાઓમાં વિદ્યાર્થિનીઓની સંખ્યા વર્ષ 2023-24માં 8.82 લાખ હતી, જે વધીને 2024-25માં 9.07 લાખ થઈ છે. આમ, એક વર્ષમાં 25 હજારનો વધારો નોંધાયો છે. આ આંકડા દર્શાવે છે…
મહિલા સશક્તિકરણ: ગામડાઓમાં ‘સરપંચ પતિ’ પ્રથા હટાવવા અનોખો પુરસ્કાર!
પંકજ મકવાણા – અમદાવાદ, ગુજરાતમાં ગ્રામ પંચાયતોમાં મહિલાઓ માટે 50% અનામત લાગુ થયાને લગભગ એક દાયકા પછી પણ “સરપંચ પતિ”નો શબ્દ ગામડાઓમાં ગુંજે છે. ઘણા ગામોમાં મહિલા સરપંચ માત્ર કાગળ પરની અધ્યક્ષા બને છે, જ્યારે વાસ્તવિક વહીવટ તેમના પતિ કે અન્ય પુરુષ સગા-સંબંધીઓ કરે છે. આ પ્રથાને પડકારવા અને સાચી મહિલા નેતૃત્વને પ્રોત્સાહન આપવા જુનાગઢ જિલ્લા પંચાયતે અનોખી પહેલ કરી છે. જિલ્લા પંચાયતે 2026-27ના બજેટમાં વિશેષ જોગવાઈ કરીને એવી મહિલા સરપંચોને સન્માનિત કરવાનું નક્કી કર્યું છે જેઓ સ્વતંત્ર રીતે ગામનું નેતૃત્વ કરે છે. જિલ્લાના નવ તાલુકાઓમાંથી એક-એક મહિલા સરપંચની પસંદગી કરીને દરેકને રૂ. 50,000નું રોકડ પુરસ્કાર અને પ્રમાણપત્ર આપવામાં આવશે. આ સન્માન સાર્વજનિક કાર્યક્રમમાં આપવામાં આવશે. જિલ્લા પંચાયત પ્રમુખ હરેશ ઠુમ્મરના જણાવ્યા અનુસાર, “અમે જોયું છે…
ભાડા કરાર વિના મકાન આપનાર માલિક-ભાડૂત પર પોલીસની નજર
– રાખીયાલમાં સ્મગલર ભાડે રહેતો મળી આવતા શહેરમાં ભાડૂત ચકાસણી અભિયાન તેજ બન્યું. – ભાડા કરાર વગર મકાન આપનાર માલિક અને ભાડૂત બંને સામે કાયદેસર કાર્યવાહી થશે. પંકજ મકવાણા – અમદાવાદ, અમદાવાદના રાખીયાલ વિસ્તારમાં ભાડે રહેતો એક શખ્સ આંતરરાજ્ય સ્તરે હથિયાર અને નશીલા પદાર્થોની તસ્કરીમાં સંકળાયેલ હોવાની ઘટના બહાર આવતા શહેર પોલીસ તંત્ર સતર્ક બન્યું છે. ગુજરાત ATS એ રહમત અલી શેખ નામના આરોપીને ઝડપી લીધો હતો. તપાસ દરમિયાન સામે આવ્યું કે તે જે મકાનમાં રહેતો હતો તેના માટે પોલીસ પાસે કોઈ ભાડા કરાર નોંધાયેલો નહોતો. આ ઘટનાને પગલે શહેરની ક્રાઈમ બ્રાંચે ભાડૂતોની ચકાસણી માટે વિશેષ અભિયાન શરૂ કર્યું છે. શહેરભરના પોલીસ સ્ટેશનોમાંથી ભાડા કરારની નકલો એકત્ર કરી તેને પોલીસ પાસે રહેલા આશરે એક લાખ ગુનેગારોના…
ખ્યાતી હોસ્પિટલ PM-JAY કૌભાંડ: હાઈકોર્ટે આરોપીઓની ડિસ્ચાર્જ અરજી ફરી સાંભળવા ટ્રાયલ કોર્ટને આદેશ આપ્યો
– 60 દિવસની મર્યાદા પછી પણ યોગ્ય કારણ હોય તો ડિસ્ચાર્જ અરજીનો અધિકાર યથાવત: હાઈકોર્ટ – તકનિકી કારણોસર અરજી ફગાવવી અયોગ્ય; તમામ દસ્તાવેજ આપી ફરી સુનાવણીનો ટ્રાયલ કોર્ટને આદેશ પંકજ મકવાણા – અમદાવાદ: ગુજરાત હાઈકોર્ટે ખ્યાતી હોસ્પિટલ PM-JAY કેસમાં આરોપીઓ દ્વારા દાખલ કરાયેલી ડિસ્ચાર્જ અરજીઓ ફરીથી સાંભળવા ટ્રાયલ કોર્ટને આદેશ આપ્યો છે. ટ્રાયલ કોર્ટએ અગાઉ ચાર્જશીટ ટ્રાયલ માટે મોકલાયા બાદ 60 દિવસની સમયમર્યાદા પછી અરજી કરવામાં આવી હોવાનું કહી તેને ફગાવી દીધી હતી. હોસ્પિટલના ડિરેક્ટર અને નોન-એક્ઝિક્યુટિવ ડિરેક્ટરો સાથે CEO કાર્તિક પટેલ, રાજશ્રી કોઠારી, સંજય પાટોલિયા અને રાહુલ જૈને હાઈકોર્ટનો દરવાજો ખટખટાવ્યો હતો. જસ્ટિસ પી.એમ. રાવલે જણાવ્યું કે ફોજદારી ન્યાયપ્રણાલીમાં ઝડપી ટ્રાયલ સાથે ન્યાયસંગતતા પણ જરૂરી છે અને માત્ર તકનિકી કારણોસર ન્યાયથી વંચિત રાખી શકાય નહીં.…
વિરાટનગરમાં રૂ. 10.91 કરોડે 30 બેડનું અદ્યતન CHC શરૂ
– રખિયાલ, ઓઢવ અને નિકોલ સહિત આસપાસના હજારો નાગરિકોને નજીકમાં મફત સારવાર સુવિધા પંકજ મકવાણા – અમદાવાદ, અમદાવાદ મ્યુનિસિપલ કોર્પોરેશન (AMC) દ્વારા પૂર્વ ઝોનના નાગરિકોને સસ્તી અને ગુણવત્તાયુક્ત આરોગ્યસેવાઓ ઉપલબ્ધ કરાવવા વિરાટનગર વોર્ડમાં અંદાજે રૂ. 10.91 કરોડના ખર્ચે 30 બેડ ક્ષમતાવાળું અદ્યતન કોમ્યુનિટી હેલ્થ સેન્ટર (CHC) શરૂ કરવામાં આવ્યું છે. આ સેન્ટર શરૂ થતા વિરાટનગર ઉપરાંત રખિયાલ, ઓઢવ અને નિકોલ વિસ્તારના હજારો નાગરિકોને સીધો લાભ મળશે. બે માળના આ આરોગ્ય કેન્દ્રમાં ઈમર્જન્સી રૂમ, એક્સ-રે, સોનોગ્રાફી, લેબોરેટરી તેમજ આંખ, હાડકાં અને કાન-નાક-ગળા વિભાગની ઓપીડી જેવી સુવિધાઓ ઉપલબ્ધ છે. પ્રથમ માળ પર પ્રસૂતિ સેવાઓ, પ્રસૂતા વોર્ડ, પીડિયાટ્રિક ઓપીડી અને ડેન્ટલ સારવારની વ્યવસ્થા છે, જ્યારે બીજા માળે ત્રણ આધુનિક ઓપરેશન થિયેટર તથા ડાયાલિસિસ રૂમ ઉભા કરાયા છે. મ્યુનિસિપલ તંત્રના…
ભારત-ન્યૂઝીલેન્ડ ફાઇનલ પહેલા ટિકિટની તંગી: ₹2000ની ટિકિટ બ્લેકમાં ₹55,000 સુધી!
ભારત અને ન્યૂઝીલેન્ડ વચ્ચેની હાઈવોલ્ટેજ ફાઇનલ મેચ આવતીકાલે 8 માર્ચે સાંજે 7 વાગ્યે શરૂ થવાની છે. મેચને લઈને દેશભરના ક્રિકેટપ્રેમીઓમાં ભારે ઉત્સાહ જોવા મળી રહ્યો છે. હજારો ચાહકો ખાસ કરીને અમદાવાદ પહોંચ્યા છે, પરંતુ ટિકિટ મેળવવી હવે અત્યંત મુશ્કેલ બની ગઈ છે. મેચ જોવા માટે અનેક ક્રિકેટપ્રેમીઓ ટિકિટની આશાએ અમદાવાદ આવ્યા છે. જોકે હાલ સ્થિતિ એવી છે કે સ્ટેડિયમ માટે ઓફલાઇન ટિકિટ વિતરણ સંપૂર્ણપણે બંધ કરવામાં આવ્યું છે. બીજી તરફ, ઓનલાઇન પ્લેટફોર્મ પર પણ ટિકિટ ઉપલબ્ધ નથી. ક્રિકેટપ્રેમીઓ ઓનલાઈન બુકિંગ માટે વારંવાર પ્રયાસ કરી રહ્યા છે, પરંતુ ટિકિટ મેળવવામાં નિષ્ફળ જઈ રહ્યા છે. ઓનલાઇન પ્લેટફોર્મ પર ટિકિટ દેખાતી હોવા છતાં પણ ઘણા લોકો તેને બુક કરી શકતા નથી. આ દરમિયાન ટિકિટના ભાવ આસમાને પહોંચી ગયા હોવાનું…
કૃષિ મંત્રી જીતુભાઈ વાઘાણીએ ખેડૂતપુત્ર તરીકે પોતાનો પરિચય આપ્યો, અમરેલીમાં ટ્રેક્ટર ચલાવી અને ખેડૂતો સાથે ચર્ચા કરી
ગુજરાતના કૃષિ મંત્રી જીતુભાઈ વાઘાણીએ એક રાજનેતાની છબી બાજુ પર મૂકીને સાચા અર્થમાં ‘ખેડૂતપુત્ર’ હોવાનો પરિચય આપ્યો છે. પોતાના પ્રભારી જિલ્લા અમરેલીના સનાળા ગામે ખેડૂત મિત્ર રમેશભાઈના ખેતરે પહોંચેલા કૃષિ મંત્રીએ ખેતરની ધૂળ અને માટી વચ્ચે રહીને પોતીકાપણાનો અહેસાસ કરાવ્યો હતો. કૃષિ મંત્રીએ ખેતરમાં પહોંચીને માત્ર મુલાકાત જ ન લીધી, પરંતુ સ્વયં ટ્રેક્ટરના સ્ટિયરિંગ પર બેસીને ખેતરમાં સવડું એટલે કે, હળ હાંક્યું હતું. એક કુશળ ખેડૂતની જેમ જમીન ખેડતા કૃષિ મંત્રીને જોઈને ત્યાં હાજર અન્ય ખેડૂતો પણ ગદગદિત થયા હતા. આ વેળાએ કૃષિ મંત્રીએ ખેતરમાં ખેડૂતો સાથે આત્મીયતાપૂર્વક ગોઠડી માંડી હતી. તેમણે ખેતી-વાડીની વર્તમાન સ્થિતિ અને પાક વિશે ખેડૂતો સાથે વિગતવાર ચર્ચા કરી હતી. મંત્રીએ જણાવ્યું હતું કે, માટી સાથેનો આ સ્પર્શ ખેડૂતોના રાત-દિવસના પરિશ્રમ અને…
અમદાવાદીઓમાં ક્રિકેટનો ઉત્સાહ ચરમસીમાએ, T20 વર્લ્ડ કપ ફાઇનલ પહેલા હોટલના ભાડા આસમાને
અમદાવાદ શહેરમાં ક્રિકેટનો ઉત્સાહ જોરદાર જોવા મળી રહ્યો છે. T20 વર્લ્ડ કપની ફાઇનલ મેચને લઈ દેશ-વિદેશમાંથી હજારો ક્રિકેટપ્રેમીઓ અમદાવાદમાં પહોંચી રહ્યા છે. આ કારણે શહેરની હોટલ અને ગેસ્ટહાઉસ ફુલ થઈ ગઈ છે, અને રૂમના ભાડામાં નોંધપાત્ર વધારો થયો છે. મેચ નિહાળવા માટે ન્યૂઝીલેન્ડ સહિત અન્ય દેશોમાંથી વિદેશી પર્યટકો અને NRI ક્રિકેટ ફેન્સ અમદાવાદમાં આવ્યા છે. ઘણી હોટલો અને ગેસ્ટહાઉસમાં રૂમ ઉપલબ્ધ ન હોવાને કારણે હોટલ સંચાલકોએ રૂમના ભાડામાં 2-3% નો વધારો કર્યો છે. સામાન્ય દિવસોમાં મળતા ભાડા કરતાં હાલ થોડો વધારો થયો છે, પરંતુ ક્રિકેટપ્રેમીઓ માટે આ ખર્ચ મહત્વપૂર્ણ પડતો નથી. વિદેશી મહેમાનોની વધતી સંખ્યા શહેરના પર્યટન સ્થળો, રેસ્ટોરાં અને બજારોમાં આંતરરાષ્ટ્રીય માહોલ ઊભો કરી રહી છે. ફાઇનલ મેચના નજીક આવતા, અમદાવાદમાં ક્રિકેટનો ઉત્સાહ અને વ્યવસાયિક…
Bindia
- Breaking News , Exclusive , Top News , Treding News , Trending News , ગુજરાત
- March 7, 2026
સોલધરા ગામની “લખપતિ દીદી” અસ્મિતાબેન પટેલ: ગ્રામ્ય મહિલાઓ માટે પ્રેરણાદાયક ઉદાહરણ
Gandhinagar, 7 માર્ચ 2026: “સ્ત્રી શક્તિ એ સમાજની સાચી શક્તિ” કહેવતને સાકાર કરતી પ્રેરણાદાયક કહાની છે Soldhara ગામની અસ્મિતાબેન અશોકભાઈ પટેલની. એક સામાન્ય ખેડૂત પરિવારમાં જન્મેલી અસ્મિતાબેને પોતાની મહેનત, સંઘર્ષ અને આત્મવિશ્વાસથી માત્ર પોતાને જ નહીં, પરંતુ ગામની અનેક મહિલાઓને આત્મનિર્ભર બનાવવાનો માર્ગ બતાવ્યો છે. આજે તેઓ “લખપતિ દીદી” તરીકે ઓળખાય છે અને ગ્રામ્ય મહિલાઓ માટે પ્રેરણાસ્ત્રોત બની છે. Chikhli તાલુકાના સોલધરા ગામમાં જન્મેલી અસ્મિતાબેન બાળપણથી ખેતી અને પશુપાલનના માહોલમાં ઉછર્યાં. જીવનમાં પડકારો પણ ઓછા નહોતા. અભ્યાસ દરમિયાન પિતાના અવસાનનો આઘાત સહન કર્યો, પરંતુ પરિવારના સહકાર અને પોતાના દ્રઢ મનોબળના કારણે તેમણે શિક્ષણ અને પ્રગતિનો માર્ગ છોડ્યો નહીં. લગ્ન પછી પણ તેમણે અભ્યાસ ચાલુ રાખી B.A.ની ડિગ્રી મેળવી અને જીવનમાં કંઈક નવું કરવાનું સપનું સાકાર કરવા…
આંતરરાષ્ટ્રીય મહિલા દિવસ નિમિત્તે — મહિલા હેલ્પ ડેસ્ક ન્યાય અને સુરક્ષાનું સરનામું
આજના સમયમાં મહિલા સુરક્ષા અને સશક્તિકરણ સમાજના વિકાસ માટે અત્યંત મહત્વનો મુદ્દો બની ગયો છે. મહિલાઓને નિર્ભય અને સુરક્ષિત વાતાવરણ પૂરૂં પાડવાના હેતુથી અમદાવાદ શહેર પોલીસ દ્વારા દરેક પોલીસ સ્ટેશનમાં ‘મહિલા હેલ્પ ડેસ્ક’ની વ્યવસ્થા કાર્યરત કરવામાં આવી છે. આ પહેલ મહિલાઓને કાયદાકીય સહાય, માર્ગદર્શન અને ત્વરિત ન્યાય ઉપલબ્ધ કરાવવા માટે મહત્વપૂર્ણ સાબિત થઈ રહી છે. મહિલા હેલ્પ ડેસ્કનો મુખ્ય ઉદ્દેશ્ય એ છે કે મહિલાઓ મુશ્કેલીની ઘડીમાં કોઈ પણ સંકોચ વગર પોલીસનો સંપર્ક કરી શકે. દરેક હેલ્પ ડેસ્ક પર મહિલા પોલીસ કર્મચારીઓ તૈનાત રાખવામાં આવે છે જેથી પીડિત મહિલા પોતાની વાત નિઃસંકોચ રીતે રજૂ કરી શકે. ઘરેલું હિંસા, છેડતી, સાયબર ક્રાઈમ જેવા કેસોમાં તાત્કાલિક કાર્યવાહી સાથે જરૂરી કાઉન્સેલિંગ અને કાયદાકીય માર્ગદર્શન પણ આપવામાં આવે છે. મહિલાઓ દ્વારા…
