રાજસ્થાન અને જમ્મુ-કાશ્મીર: BSFએ પકડ્યા પાકિસ્તાની અને બાંગ્લાદેશી નાગરિક, સરહદ પર ચેતવણી વધારાઈ
બોર્ડર સિક્યુરિટી ફોર્સ (BSF) એ તાજેતરમાં રાજસ્થાન અને જમ્મુ-કાશ્મીરની સરહદ નજીક બે શંકાસ્પદ નાગરિકોને પકડી પાડ્યા છે. રાજસ્થાનના જેસલમેર વિસ્તારમાં BSF જવાનોએ એક પાકિસ્તાની નાગરિકને પકડ્યો છે, જ્યારે જમ્મુમાં આંતરરાષ્ટ્રીય સરહદ નજીક એક શંકાસ્પદ બાંગ્લાદેશી નાગરિક અટકાવવામાં આવ્યો છે. જેસલમેરમાં પાકિસ્તાની નાગરિક પકડાયો જેસલમેર BSFના જવાનોએ પાકિસ્તાની નાગરિકને નાચના અને નોખ સેક્ટરમાંથી પકડ્યો. પ્રારંભિક તપાસ દરમિયાન, ઘુસણખોરે પોતાની ઓળખ રાણા મોહમ્મદ અસલમના પુત્ર ઇશરત (35) તરીકે આપી છે અને તે પાકિસ્તાનના પંજાબના સરગોધા જિલ્લાના રહેવાસી હોવાનું જાણવા મળ્યું છે. મળતી માહિતી અનુસાર, શંકાસ્પદ નાગરિક માનસિક રીતે અસ્થિર હોવાની શંકા છે. તેની પાસેથી પાકિસ્તાની ચલણ, છરી અને અન્ય વસ્તુઓ જપ્ત કરવામાં આવી છે. વધુ તપાસ માટે તેને નોખ પોલીસ સ્ટેશનને સોંપવામાં આવ્યું છે. જમ્મુમાં બાંગ્લાદેશી નાગરિકની ધરપકડ…
સીરિયામાં નમાજ દરમિયાન મસ્જિદમાં ભીષણ બોમ્બ વિસ્ફોટ, 6નાં મોત અને 21 ઘાયલ
સીરિયાના ત્રીજા સૌથી મોટા શહેર હોમ્સમાં શુક્રવારની નમાજ દરમિયાન એક મસ્જિદમાં ભીષણ બોમ્બ વિસ્ફોટ થયો હતો. આ ઘટનામાં ઓછામાં ઓછા છ લોકોના મોત થયા છે, જ્યારે 21 લોકો ગંભીર રીતે ઘાયલ થયા છે. ઘટનાએ સમગ્ર વિસ્તારમાં ભય અને અફરાતફરી ફેલાવી દીધી છે. સીરિયાની રાજ્ય સમાચાર એજન્સી SANA અનુસાર, આ વિસ્ફોટ હોમ્સના વાડી અલ-દહાબ વિસ્તારમાં આવેલી ઇમામ અલી ઇબ્ને અબી તાલિબ મસ્જિદમાં થયો હતો. ઘટનાસ્થળેથી મળેલી તસવીરોમાં મસ્જિદની અંદર લોહીથી લથપથ કાર્પેટ, દિવાલોમાં પડેલા કાણા, તૂટેલા કાચ અને આગથી થયેલું નુકસાન સ્પષ્ટ જોવા મળે છે. મસ્જિદની અંદર મૂકાયા હતા વિસ્ફોટક ઉપકરણો સુરક્ષા સૂત્રોના જણાવ્યા મુજબ પ્રારંભિક તપાસમાં એવું લાગી રહ્યું છે કે મસ્જિદની અંદર પહેલેથી જ વિસ્ફોટક ઉપકરણો મૂકવામાં આવ્યા હતા. વિસ્ફોટ બાદ સુરક્ષા દળોએ સમગ્ર વિસ્તારને…
બાંગ્લાદેશમાં ક્રિસમસ પૂર્વે પેટ્રોલ બોમ્બ હુમલો, એક નિર્દોષ નાગરિકનું થયું મૃત્યુ
બાંગ્લાદેશમાં મોઘબાજાર વિસ્તારમાં બુધવારે સાંજે શરારતી તત્વોએ પેટ્રોલ બોમ્બ ફેંકી ભયાનક હુમલો કર્યો, જેમાં એક નિર્દોષ નાગરિક સૈફુલ સિયામનું મોત થયું. ઘટનાએ સમગ્ર વિસ્તારમાં ભય અને અફરાતફરી પેદા કરી દીધી. પોલીસના જણાવ્યા અનુસાર, હુમલો વાયરલેસ ગેટ નજીક ફ્રીડમ ફાઈટર્સ કાઉન્સિલના કાર્યાલય સામે થયો હતો. પ્રત્યક્ષદર્શીઓએ જણાવ્યું કે બોમ્બ ફ્લાયઓવર પરથી ફેંકવામાં આવ્યું, જે સીધું સૈફુલના માથા પર પડ્યું. તેનું ઘટના સ્થળે જ મોત થયું. સુરક્ષા અને તપાસ ઢાકા મેટ્રોપોલિટન પોલીસના ડેપ્યુટી કમિશ્નર મસૂદ આલમે જણાવ્યું કે, હાલ હમલાખોરોની ઓળખ માટે આસપાસના CCTV ફૂટેજ અને પુરાવા તપાસી રહ્યા છે. મૃતક સૈફુલ મોઘબાજારમાં એક ઓટોમોબાઈલ એક્સેસરીઝની દુકાનમાં કામ કરતો હતો અને કોઈ સાથે શત્રુતા ન હતી. ક્રિસમસના તહેવાર પૂર્વે આ હુમલો આસપાસના બે મોટા ચર્ચોના નજીક થયો હોવાથી,…
બાંગ્લાદેશમાં હિંસા બાદ ભારતીય સેના એલર્ટ, પૂર્વીય કમાન્ડરે સરહદની સમીક્ષા કરી
ભારતના પાડોશી દેશ બાંગ્લાદેશમાં વધતી હિંસા અને રાજકીય અસ્થિરતાને ધ્યાનમાં રાખીને ભારતીય સેના સંપૂર્ણ રીતે સતર્ક બની છે. શેખ હસીના વિરોધી ચળવળના નેતા શરીફ ઉસ્માન હાદીના મોત બાદ બાંગ્લાદેશના અનેક વિસ્તારોમાં હિંસક પ્રદર્શન જોવા મળ્યા છે. ભારત વિરોધી નારા અને ભારતીય હાઇ કમિશન પર હુમલાના પ્રયાસ બાદ સુરક્ષા ચિંતા વધી છે. આ તંગ પરિસ્થિતિ વચ્ચે ભારતીય સેનાના પૂર્વીય કમાન્ડના કમાન્ડર લેફ્ટનન્ટ જનરલ આર.સી. તિવારીએ બાંગ્લાદેશને અડીને આવેલી સરહદોની મુલાકાત લઈને સુરક્ષા સ્થિતિની સમીક્ષા કરી. સરહદ પર ઉચ્ચસ્તરીય સુરક્ષા બેઠક લેફ્ટનન્ટ જનરલ તિવારીએ મિઝોરમના પરવા વિસ્તારમાં સ્થિત આસામ રાઇફલ્સ અને બોર્ડર સિક્યુરિટી ફોર્સ (BSF)ના કંપની ઓપરેટિંગ બેઝની મુલાકાત લીધી. અહીં તેમણે સ્પીયર કોર્પ્સ હેઠળ કાર્યરત દળો સાથે સુરક્ષા સમીક્ષા બેઠક યોજી. મુલાકાત દરમિયાન ભારત-બાંગ્લાદેશ સરહદ પરની હાલની…
વેરાવળમાં બે કાશ્મીરી યુવકો ઝડપાયા, પોલીસ પૂછપરછમાં વ્યસ્ત
ગીર સોમનાથના વેરાવળમાં પોલીસે શંકાસ્પદ કાશ્મીરી યુવકોને ઝડપી લીધો છે. વેરાવળના રામભરોસે ચોકમાં અનીસઉલ રહેમાન અને મહમદ અસલમને ઝડપી પાડવામાં આવ્યા છે અને તેમની પૂછીપરછ ચાલુ છે. અનીસઉલ રહેમાન ગુજરાત મદરેસા માટે પ્રથમ વખત ચંદો ઉઘરાવવા આવ્યો હતો, જ્યારે મહમદ અસલમ છેલ્લા પાંચથી છ વર્ષથી દર વર્ષે ચંદો ઉઘરવા આવતો રહ્યો છે. બંને યુવકો કાશ્મીરના પૂંછ જિલ્લાની મદરેસાઓ માટે ચંદો ઉઘરાવે છે. ચંદો સ્કેનર દ્વારા ઓનલાઇન ઉપાડી મદરેસાના એકાઉન્ટમાં જમા કરવામાં આવે છે. પોલીસને મળેલ માહિતી મુજબ, બંને યુવકો પ્રથમ ડિસેમ્બરે કાશ્મીરથી અમદાવાદ આવ્યા હતા. ત્યારબાદ તેઓ કડી, વિરમગામ, સુરેન્દ્રનગર, રાજકોટ, ઉપલેટા, જૂનાગઢ અને જેતપુરથી ચંદો ઉઘરાવતા વેરાવળ પહોંચ્યા હતા. વેરાવળ પહોંચતાં પહેલા તેઓ બે દિવસ માંગરોળમાં રોકાયા હતાં. હાલ પોલીસ બંનેની તપાસ કરી રહેલી છે…
અમદાવાદ–ગાંધીનગર એલર્ટ: શાળાઓને બોમ્બની ધમકી બાદ સચિવાલયમાં સઘન ચેકિંગ, સુરક્ષા વધારી
અમદાવાદમાં આજે અનેક શાળાઓને બોમ્બની ધમકી ભર્યો ઈ-મેઈલ મળતા અફરાતફરીનો માહોલ સર્જાયો છે. ધમકી મળતાની સાથે જ પોલીસ, બોમ્બ ડિસ્પોઝલ સ્ક્વોડ અને અન્ય સુરક્ષા એજન્સીઓએ તાત્કાલિક ચેકિંગ શરૂ કર્યું છે. પરિસ્થિતિને ધ્યાનમાં રાખી ગાંધીનગર સચિવાલયને પણ એલર્ટ પર મૂકવામાં આવ્યું છે અને સુરક્ષા વ્યવસ્થા કડક કરવામાં આવી છે. સચિવાલયમાં ચુસ્ત બંદોબસ્ત દિલ્હી બાદ હવે અમદાવાદમાં પણ શાળાઓને બોમ્બની ધમકી મળતા તંત્ર સાવચેત બન્યું છે. રાજધાની ગાંધીનગરના સચિવાલયમાં સ્ક્વોડ દ્વારા સઘન તપાસ હાથ ધરાઈ છે. સચિવાલયની આસપાસના વિસ્તારોમાં ચેકિંગ વધારાયું છે. સુરક્ષાના ભાગરૂપે બહારના રસ્તાઓ પર ફૂલના કુંડા સહિતની વસ્તુઓ તપાસવામાં આવી રહી છે અને આવન-જાવન કરતા તમામ લોકોની કડક ચકાસણી કરવામાં આવી રહી છે. પાટનગર વિસ્તારમાં ખાનગી વાહનોનું પણ સઘન ચેકિંગ ચાલી રહ્યું છે. શાળાઓમાં સ્વૈચ્છિક…
રાષ્ટ્રપતિ દ્રૌપદી મુર્મુ મણિપુરની બે દિવસીય મુલાકાતે, જાણો વિગત
રાષ્ટ્રપતિ દ્રૌપદી મુર્મુ આજે (ગુરુવાર)થી તેમની પ્રથમ બે દિવસીય સત્તાવાર મુલાકાતે મણિપુર પહોંચ્યા છે. રાજ્યમાં ચાલી રહેલી સંવેદનશીલ પરિસ્થિતિને ધ્યાનમાં લઈને સમગ્ર વિસ્તારમાં સુરક્ષા દળો દ્વારા કડક બંદોબસ્ત ગોઠવવામાં આવ્યો છે. મુલાકાતના મુખ્ય મુદ્દા – રાષ્ટ્રપતિ મુર્મુ 11 ડિસેમ્બરે ઇમ્ફાલમાં યોજાનારા એક વિશેષ કાર્યક્રમમાં હાજરી આપશે. – 12 ડિસેમ્બરે તેઓ મહિલા સ્વાતંત્ર્ય સેનાનીઓના સન્માનમાં બનેલા સ્મારક સંકુલની મુલાકાત લેશે. – બાદમાં તેઓ નાગા પ્રભુત્વ ધરાવતા સેનાપતિ જિલ્લામાં એક સત્તાવાર કાર્યક્રમમાં ભાગ લેશે. સુરક્ષા વધારાઈ — ઉગ્ર સંગઠનોનો વિરોધ રાષ્ટ્રપતિની મુલાકાત સામે મણિપુરમાં કાર્યરત અનેક આતંકવાદી અને વિદ્રોહી સંગઠનોના સંયુક્ત મંચ કોરકોમ (CorCom) એ 11 અને 12 ડિસેમ્બર માટે પૂર્ણ બંધ (total shutdown) જાહેર કર્યો છે. આને ધ્યાનમાં લઈને રાજ્ય સરકારે સુરક્ષા એજન્સીઓને હાઈ એલર્ટ પર મૂકી…
રશિયા-યુરોપ તણાવ ચરમસીમાએ, પુતિનએ આપ્યો કડક ચેતાવણીભર્યો સંદેશ
રશિયા અને યુરોપ વચ્ચેનો તણાવ હવે નવા શિખરે પહોંચ્યો છે. ભારતની 4 થી 5 ડિસેમ્બરની મુલાકાત પહેલાં રશિયાના રાષ્ટ્રપતિ વ્લાદિમીર પુતિને યુરોપને સીધો અને કડક સંદેશ આપ્યો છે. પુતિને જણાવ્યું કે રશિયા યુદ્ધ શરૂ કરવા માંગતું નથી, પરંતુ જો યુરોપ સંઘર્ષ ઇચ્છે, તો રશિયા સંપૂર્ણપણે તૈયાર છે. યુરોપ પર પુતિનની સીધી ટીકા પુતિને યુક્રેનને લઈને યુરોપ દ્વારા મૂકવામાં આવી રહેલી “અસ્વીકાર્ય અને અયોગ્ય માંગણીઓ” પર નિશાન સાધ્યું. યુરોપિયન યુનિયન યુક્રેનને સતત લશ્કરી મદદ આપી રહ્યું છે, જેના કારણે રશિયા-યુરોપ વચ્ચેનો તણાવ સતત વધી રહ્યો છે. પુતિનના કહેવા પ્રમાણે, – યુરોપ રશિયા સાથેની શાંતિ વાટાઘાટોમાં અવરોધ ઊભો કરી રહ્યું છે. – યુરોપે રશિયા સાથેનો સંપર્ક તોડી પોતાને શાંતિ પ્રક્રિયાથી દૂર કર્યું છે. – ટ્રમ્પ પ્રસ્તાવિત શાંતિ કરારનો…
Bindia
- Uncategorized
- November 29, 2025
દિલ્હી બ્લાસ્ટ કેસમાં પોલીસની મોટી કાર્યવાહી, વિદેશથી MBBS કરેલા ડોક્ટરોની વિગતો માંગાઈ
દિલ્હીમાં થયેલા લાલ કિલ્લા વિસ્ફોટ કેસમાં તપાસ તેજ બની રહી છે. દિલ્હી પોલીસે NIA સાથે મળીને મહત્વની કાર્યવાહી હાથ ધરી છે. તપાસના ભાગરૂપે શહેરની તમામ ખાનગી હોસ્પિટલોને નોટિસ જારી કરી છે, જેમાં ખાસ કરીને પાકિસ્તાન, બાંગ્લાદેશ, UAE અને ચીનમાંથી MBBS કરેલા અને હાલમાં દિલ્હીમાં પ્રેક્ટિસ કરતા ડોક્ટરોની સંપૂર્ણ માહિતી તાત્કાલિક સોંપવા જણાવાયું છે. NIAની તપાસમાં નવી વિગતો બહાર આવી લાલ કિલ્લા વિસ્ફોટ કેસમાં આત્મઘાતી બોમ્બર ઉમર નબીના સંપર્કો અંગે પણ NIA તપાસ કરી રહી છે. ખાસ કરીને ઉમર નબી અને અલ-ફલાહ યુનિવર્સિટીના એક ડોક્ટર વચ્ચેના સંભવિત સંબંધોને લઈને એજન્સી સતર્ક છે. NIAએ અત્યાર સુધી યુનિવર્સિટીના 30 ડોક્ટરોના નિવેદનો નોંધ્યા છે. સાથી ડોકટર્સે કહ્યું છે કે ઉમર નબીનો સ્વભાવ અત્યંત અજીબ હતો અને તે પોતાના રૂમમાં માત્ર…
મણિપુરમાં આસામ રાઇફલ્સની પેટ્રોલિંગ ટુકડી પર આતંકી હુમલો
મણિપુરમાં ફરી એકવાર સુરક્ષા પરિસ્થિતિ તંગ બની છે. રક્ષા મંત્રાલયના પ્રવક્તાના જણાવ્યા મુજબ, શુક્રવારે તેંગનોપાલ જિલ્લામાં અજાણ્યા આતંકવાદીઓએ અાસામ રાઇફલ્સની પેટ્રોલિંગ ટુકડી પર ગોળીબાર કર્યો હતો. આ હુમલો ભારત–મ્યાનમાર સરહદની નજીક આવેલા સંવેદનશીલ વિસ્તારમાં થયો હતો. પ્રવક્તાએ જણાવ્યું કે હુમલા બાદ સુરક્ષા દળોએ નાગરિકોની સુરક્ષા અને સ્થળની સંવેદનશીલતાને ધ્યાનમાં રાખીને નિયંત્રિત અને સાવધાનીપૂર્વક જવાબી કાર્યવાહી કરી હતી. હુમલા બાદ આસપાસના વિસ્તારમાં તાત્કાલિક કોમ્બિંગ ઓપરેશન શરૂ કરવામાં આવ્યું છે. તંગનોપાલ જિલ્લો મ્યાનમારની નજીક હોવાને કારણે અહીં આ પ્રકારની આતંકી પ્રવૃત્તિઓની શક્યતા વધુ રહેતી હોય છે. હાલ સુધી હુમલાખોરોના જૂથની ઓળખ અંગે કોઈ સત્તાવાર માહિતી સામે આવી નથી. સુરક્ષા એજન્સીઓ વિસ્તારની સ્થિતિ પર નજર રાખીને આગળની કાર્યવાહી કરી રહી છે. Follow us On Social Media YouTube : https://www.youtube.com/@BIndiaDigital…
