Bindia126 બેંક ખાતાઓ મારફતે 460 કરોડથી વધુની સાયબર છેતરપિંડીનો પર્દાફાશ
ગુજરાત સાયબર સેન્ટર ઓફ એક્સલન્સ (GSCOE) દ્વારા શેરબજારમાં ભારે નફાની લાલચ આપી રોકાણકારોને છેતરનાર એક સુવ્યવસ્થિત સાયબર ગેંગનો પર્દાફાશ કરવામાં આવ્યો છે. આ મામલે પોલીસે ચાર આરોપીઓની ધરપકડ કરી છે. પ્રાથમિક તપાસમાં ખુલાસો થયો છે કે આ ગેંગે 126 બેંક ખાતાઓનો ઉપયોગ કરીને ગુજરાત સહિત દેશના 27 રાજ્યોમાં 460 કરોડ રૂપિયાથી વધુની છેતરપિંડી કરી હતી. નકલી એપ અને વોટ્સએપ ગ્રુપથી ફસાવાતા રોકાણકારો અધિકારીઓના જણાવ્યા મુજબ, આરોપીઓ વોટ્સએપ મારફતે લોકોને સંપર્ક કરી પોતાને રજિસ્ટર્ડ બ્રોકર કંપનીના અધિકારી તરીકે ઓળખાવતા હતા. બાદમાં ભોગ બનનારાઓને વોટ્સએપ ગ્રુપમાં ઉમેરીને “ROCKCREEAK” નામની નકલી ટ્રેડિંગ એપ્લિકેશન ડાઉનલોડ કરાવાતી હતી. આ એપ મારફતે: રજીસ્ટ્રેશન, લોગિન અને વેરિફિકેશન કરાવવામાં આવતુ શેર ટ્રેડિંગ માટે વિવિધ બેંક ખાતાઓમાં નાણાં જમા કરાવાતાં વોલેટમાં ખોટો, જંગી નફો બતાવવામાં…
ચીનના સરકારી મીડિયાએ ટ્રમ્પની નીતિઓ પર કટાક્ષ કરતો વીડિયો શેર કર્યો
અમેરિકા અને ચીન વચ્ચેના રાજકીય તણાવ વચ્ચે હવે શબ્દયુદ્ધ સાથે ડિજિટલ પ્રોપેગાંડા પણ તેજ બનતું દેખાઈ રહ્યું છે. ચીનના સરકારી મીડિયા દ્વારા સોશિયલ મીડિયા પ્લેટફોર્મ X પર એક AI આધારિત વીડિયો શેર કરવામાં આવ્યો છે, જેમાં અમેરિકાના પૂર્વ રાષ્ટ્રપતિ ડોનાલ્ડ ટ્રમ્પની વિદેશ નીતિઓ પર કટાક્ષ કરવામાં આવ્યો છે. અમેરિકાની નીતિઓ પર ચીનની કડક ટીકા ચીનનું કહેવું છે કે અમેરિકા વૈશ્વિક સ્તરે પોતાની સૈન્ય અને આર્થિક શક્તિનો ઉપયોગ કરીને અન્ય દેશોના આંતરિક મામલાઓમાં હસ્તક્ષેપ કરે છે. ચીની સરકારી મીડિયાના જણાવ્યા અનુસાર, અમેરિકા વેનેઝુએલા, મધ્ય પૂર્વ અને અન્ય વિસ્તારોમાં પોતાની મરજી મુજબ કાર્યવાહી કરતું આવ્યું છે. આ પૃષ્ઠભૂમિમાં ચીને આ AI વીડિયો શેર કરીને અમેરિકાના વલણ પર પ્રહાર કર્યો છે. AI વીડિયોમાં શું બતાવવામાં આવ્યું છે? ચીનના રાજ્ય…
માઘ મેળા વિસ્તારમાં લાગી ભીષણ આગ, સેક્ટર-5ના નારાયણ શુક્લ ધામ કેમ્પમાં મચી અફરાતફરી
ઉત્તર પ્રદેશના પ્રયાગરાજમાં ચાલી રહેલા માઘ મેળા દરમિયાન મંગળવારે એક મોટી ઘટના સામે આવી છે. માઘ મેળા વિસ્તારના સેક્ટર-5માં આવેલા નારાયણ શુક્લ ધામ કેમ્પમાં ભીષણ આગ લાગી, જેના કારણે સમગ્ર વિસ્તારમાં અફરાતફરી મચી ગઈ હતી. આગ એટલી વિકરાળ હતી કે કેમ્પમાં આવેલા તમામ ટેન્ટ અને આસપાસની દુકાનો બળીને ખાખ થઈ ગઈ. કેમ્પમાં હાજર 50થી વધુ લોકો સુરક્ષિત બહાર નીકળી ગયા મળતી માહિતી અનુસાર, નારાયણ શુક્લ ધામ કેમ્પમાં કુલ 15 ટેન્ટ લગાવવામાં આવ્યા હતા, જેમાં આશરે 50થી વધુ શ્રદ્ધાળુઓ અને કલ્પવાસીઓ રહેતા હતા. આગ લાગતાની સાથે જ ધુમાડા અને જ્વાળાઓ ફેલાતાં લોકોમાં ભયનો માહોલ છવાઈ ગયો. તમામ લોકો તાત્કાલિક કેમ્પના ગેટ તરફ દોડી ગયા અને સમયસર બહાર નીકળી જતા મોટી જાનહાનિ ટળી. આગ જોઈને સમગ્ર માઘ મેળા…
ભારત ખરીદશે 114 રાફેલ ફાઈટર જેટ્સ, ફ્રાન્સ સાથે થશે આ અઠવાડિયે મહત્વની ચર્ચા
ભારતીય વાયુસેનાની લડાકુ ક્ષમતામાં મોટો વધારો થવા જઈ રહ્યો છે. ભારત સરકાર ફ્રાન્સ પાસેથી વધુ 114 રાફેલ ફાઈટર જેટ્સ ખરીદવાની તૈયારીમાં છે. આશરે 3.25 લાખ કરોડ રૂપિયાના આ વિશાળ સોદા પર આ અઠવાડિયે સંરક્ષણ મંત્રાલયની ઉચ્ચ-સ્તરીય બેઠકમાં વિગતવાર ચર્ચા થવાની શક્યતા છે. મોટાભાગના રાફેલ ભારતમાં બનશે આ સોદાની સૌથી મહત્વની બાબત એ છે કે તેમાં આત્મનિર્ભર ભારત અભિયાનને ખાસ પ્રોત્સાહન મળશે. મળતી માહિતી અનુસાર, 114 રાફેલ વિમાનોમાંથી મોટાભાગના વિમાનોનું ઉત્પાદન ભારતમાં જ કરવામાં આવશે. તેમાં લગભગ 30 ટકા સુધીના ઘટકો અને ટેકનોલોજી સ્વદેશી હશે, જે ભારતીય સંરક્ષણ ઉત્પાદન ક્ષેત્ર માટે એક મોટી સિદ્ધિ માનવામાં આવી રહી છે. વાયુસેનાની તાત્કાલિક જરૂરિયાત પૂરી કરવા સીધી ડિલિવરી સંરક્ષણ સૂત્રોના જણાવ્યા મુજબ, ભારતીય વાયુસેનાની તાત્કાલિક જરૂરિયાતોને ધ્યાનમાં રાખીને 12થી 18…
અમિત શાહના હસ્તે ફાર્માસ્યુટિકલ એકેડેમી ફોર ગ્લોબલ એક્સેલન્સ (PAGE)નો કરાયો શિલાન્યાસ, જાણો વિગત
કેન્દ્રીય ગૃહ અને સહકાર મંત્રી અમિત શાહના હસ્તે અમદાવાદના સનાથલ ખાતે ફાર્માસ્યુટિકલ અકેડેમી ફોર ગ્લોબલ એક્સિલન્સ (PAGE)નો શિલાન્યાસ કરવામાં આવ્યો. PAGEના શિલાન્યાસ સમારંભમાં મુખ્યમંત્રી ભૂપેન્દ્ર પટેલ પણ ઉપસ્થિત રહ્યા હતા. આ પ્રસંગે ઇન્ડિયન ફાર્માસ્યુટિકલ અલાયન્સ (IPA)નાં 25 વર્ષ પૂર્ણ થયાની ઉજવણી પણ કરવામાં આવી હતી. કેન્દ્રીય ગૃહ મંત્રી અમિતભાઈ શાહ તથા મુખ્યમંત્રી ભૂપેન્દ્ર પટેલના હસ્તે ‘ધ એલ્કેમી ઑફ ક્યોર’ કૉફી ટેબલ બુકનું વિમોચન કરવામાં આવ્યું હતું. આ પ્રસંગે ઇન્ડિયન ફાર્માસ્યુટિકલ એલાયન્સનાં 25 વર્ષ પૂર્ણ થવા નિમિત્તે ઇન્ડિયા ફાર્મા આર્કાઇવ્સનું પણ લોકાર્પણ કરાયું હતું. આ સમારંભમાં IPAના પ્રમુખ અને ઝાયડસના મેનેજિંગ ડિરેક્ટર ડૉ. શાર્વિલ પટેલે પ્રાસંગિક વકતવ્ય આપ્યું હતું, જ્યારે ડૉ. રેડ્ડીના ચેરમેન સતીષ રેડ્ડીએ સ્વાગત પ્રવચન અને લુપિનના એમડી નીલેશ ગુપ્તાએ આભારવિધિ કરી હતી.કેન્દ્રીય ગૃહ મંત્રી…
ROBOFEST–ગુજરાત 5.0 માં સર્જાયો ઇતિહાસ, 229થી વધુ પેટન્ટ્સની થઈ નોંધણી ; 137 ટીમો ગ્રાન્ડ ફિનાલે માટે થઈ ક્વોલિફાય
ગુજરાત સરકારના વિજ્ઞાન અને ટેકનોલોજી વિભાગ (DST) હેઠળ કાર્યરત ગુજરાત કાઉન્સિલ ઓન સાયન્સ એન્ડ ટેકનોલોજી (GUJCOST) દ્વારા ભારતની સૌથી મોટી રોબોટિક્સ સ્પર્ધા એવી ROBOFEST–ગુજરાત 5.0 ના Level–II (Proof of Concept) રાઉન્ડના મૂલ્યાંકન માટે ટેક્નિકલ એડવાઇઝરી કમિટી (TAC) બેઠકનું આયોજન કરવામાં આવ્યું હતું. ઇન્ટરનેશનલ ઓટોમોબાઇલ સેન્ટર ઑફ એક્સેલન્સ (iACE), ગાંધીનગર ખાતે 28 થી 30 ડિસેમ્બર, 2025 દરમિયાન આ બેઠક યોજાઈ હતી. Level–II Proof of Concept રાઉન્ડ દરમિયાન લગભગ 1,200 વિદ્યાર્થીઓ અને મેન્ટર્સને સમાવતી 229 ટીમો દ્વારા નવ સ્પર્ધાત્મક કેટેગરીઓમાં કાર્યરત રોબોટિક મોડેલ્સ રજૂ કરવામાં આવ્યા હતા. કાર્યક્રમ દરમિયાન રોબોટ્સ દ્વારા ટ્રેક પર દોડ, હવામાં ગતિ, મેઝ ચેલેન્જનો ઉકેલ, મુશ્કેલ ભૂપ્રદેશમાં નેવિગેશન તથા પાણી નીચે ચાલતા રોબોટ્સ જેવી જીવંત રજૂઆતો કરવામાં આવી હતી. આ પ્રદર્શન iACE કેમ્પસના વિવિધ…
ડ્રગ્સની હેરાફેરી, વેચાણ કે અન્ય શંકાસ્પદ પ્રવૃત્તિ કરનારની હવે ખેર નથી, પોલીસે બાતમી માટે જાહેર કર્યો વોટ્સએપ નંબર
મુખ્યમંત્રી ભૂપેન્દ્ર પટેલના નેતૃત્વમાં અને નાયબ મુખ્યમંત્રી હર્ષ સંઘવીના માર્ગદર્શનમાં ગુજરાત પોલીસ દ્વારા રાજ્યને ડ્રગ્સ મુક્ત બનાવવા માટે રીતસરની જંગ છેડવામાં આવી છે ત્યારે ડ્રગ્સ માફીયાઓ સામે કડક હાથે કામગીરી કરવા ગુજરાત પોલીસમાં ડેડિકેટેડ નાર્કોટિક્સ કેસને લગતી કાર્યવાહી કરવા માટે એન્ટી નાર્કોટિક્સ ટાસ્ક ફોર્સ (ANTF) બનાવવામાં આવી છે. આ લડાઈને વધુ વેગ આપવા અને સામાન્ય જનતા સરળતાથી ડ્રગ્સ માફિયાઓ વિરુદ્ધ માહિતી આપી શકે તે માટે એન્ટી નાર્કોટિક્સ ટાસ્ક ફોર્સ (ANTF) દ્વારા સત્તાવાર વોટ્સએપ નંબર જાહેર કરવામાં આવ્યો છે. આ નંબર પર કરી શકે છે વોટ્સએપ હવે કોઈ પણ નાગરિક ડ્રગ્સ સંબંધિત માહિતી આપવા માટે ANTF ગુજરાત વોટ્સએપ નંબર: 99040 01908 ઉપર સંપર્ક કરી શકશે. તે ઉપરાંત નાર્કોટિક્સ હેલ્પલાઇન નંબર 1908 ઉપર પણ નાગરિકો કોલ કરી શકે…
શેરબજારમાં ફરી થયો ઘટાડો, જાણો સેન્સેક્સ અને નિફ્ટીની શું છે સ્થિતિ
શેરબજારમાં સતત 5 દિવસના ઘટાડા બાદ, સોમવારે બજાર વધારા સાથે બંધ થયું. જોકે, આજે ફરી એકવાર બજારે વળાંક લીધો અને ઘટાડા સાથે બંધ થયું. મંગળવારે, BSE સેન્સેક્સ 250.48 પોઈન્ટ (0.30%) ના ઘટાડા સાથે 83,627.69 પોઈન્ટ પર બંધ થયો. જ્યારે, NSE નિફ્ટી ૫૦ ઈન્ડેક્સ 57.95 પોઈન્ટ (0.42%) ના ઘટાડા સાથે 25,732.30 પોઈન્ટ પર બંધ થયો. મંગળવારે, સેન્સેક્સની 30 કંપનીઓમાંથી, ફક્ત 10 કંપનીઓના શેર વધારા સાથે અને બાકીની બધી 20 કંપનીઓના શેર નુકસાન સાથે બંધ થયા. તેવી જ રીતે, આજે નિફ્ટી 50 ની 50 કંપનીઓમાંથી, ફક્ત 18 કંપનીઓના શેર વધારા સાથે અને બાકીની બધી 32 કંપનીઓના શેર લાલ રંગમાં નુકસાન સાથે બંધ થયા. આજે, સેન્સેક્સ કંપનીઓમાં, એટરનલના શેર સૌથી વધુ 3.24 ટકાના વધારા સાથે અને ટ્રેન્ટના શેર સૌથી…
કેન્દ્રીય ગૃહ મંત્રી અમિત શાહના હસ્તે અદ્યતન બાયો-કન્ટેઈનમેન્ટ ફેસિલિટી “બાયો સેફ્ટી લેવલ- 4” લેબનો શિલાન્યાસ; જાણો વિગત
કેન્દ્રીય ગૃહ મંત્રી અમિત શાહે ગુજરાતની પ્રથમ અદ્યતન બાયો-કન્ટેઈનમેન્ટ ફેસિલિટી “બાયો સેફ્ટી લેવલ- 4” લેબ તેમજ “એનિમલ બાયો-સેફ્ટી લેવલ” સુવિધાનો ગાંધીનગરમાં મુખ્યમંત્રી ભૂપેન્દ્ર પટેલની પ્રેરક ઉપસ્થિતિમાં શિલાન્યાસ કર્યો હતો. આ વેળાએ રાજ્યના વિજ્ઞાન અને પ્રૌદ્યોગિકી મંત્રી અર્જુનભાઈ મોઢવાડિયા પણ ઉપસ્થિત રહ્યા હતા. આ સમારોહ દરમિયાન ગુજરાત બાયો-ટેક્નોલોજી રીસર્ચ સેન્ટરની “બાયો સેફ્ટી લેવલ- 4” સુવિધાને ભારત સરકારની “BioE3 નીતિ” અંતર્ગત ‘નેશનલ સેન્ટર ફોર હાઈ કન્ટેઈનમેન્ટ પેથોજેન રિસર્ચ ફેસિલિટી’ તરીકે નિયુક્ત કરવા માટે કેન્દ્રીય બાયોટેકનોલોજી વિભાગ દ્વારા ગુજરાતના વિજ્ઞાન અને ટેકનોલોજી વિભાગને લેટર ઓફ ઇન્ટેન્ટ (LoI) એનાયત કરવામાં આવ્યો હતો. કેન્દ્રીય ગૃહ મંત્રી અમિત શાહે આ પ્રસંગે જણાવ્યું હતું કે, ગુજરાતની ધરતી પરથી ભારતની સ્વાસ્થ્ય સુરક્ષા અને બાયો સેફ્ટી ક્ષેત્રના વિકાસના નવા યુગની શરૂઆત થઈ છે. પુણે બાદ…
ટ્રમ્પે ઈરાન વિરુદ્ધ લશ્કરી કાર્યવાહી મુલતવી રાખી, કરી આ ઓફર
યુએસ પ્રમુખ ડોનાલ્ડ ટ્રમ્પે ઈરાની સરકાર દ્વારા હજારો લોકો પર ક્રૂર કાર્યવાહી સામે તાત્કાલિક લશ્કરી કાર્યવાહી મુલતવી રાખી છે. એક મીડિયા અનુસાર, વ્હાઇટ હાઉસને તેહરાન તરફથી ખાનગી સંદેશાઓ મળી રહ્યા છે જે જાહેર નિવેદનોથી અલગ છે, અને પરિસ્થિતિનો ઉકેલ શોધવા માટે તેમની “તપાસ” કરી રહ્યા છે. રાષ્ટ્રપતિ ટ્રમ્પે એમ પણ કહ્યું છે કે જો જરૂર પડે તો તેઓ લશ્કરી વિકલ્પોનો ઉપયોગ કરવામાં અચકાશે નહીં. દ , ટ્રમ્પ વહીવટીતંત્રે ઈરાન સાથે વેપાર કરતા દેશો પર 25% ટેરિફ લાદવાની જાહેરાત પણ કરવામાં આવી છે. ઈરાનમાં વિરોધ પ્રદર્શનો પર સરકારના કડક પગલાંને કારણે અત્યાર સુધીમાં 600 થી વધુ લોકો માર્યા ગયા છે અને હજારોની ધરપકડ કરવામાં આવી છે. દરમિયાન, ટ્રમ્પ વહીવટીતંત્ર ઈરાન સામે લશ્કરી કાર્યવાહીનો આદેશ આપવાનો વિચાર કરી…
