પાલનપુરની ૮ વર્ષની નિક્ષા બારોટે માત્ર ૭ દિવસમાં એવરેસ્ટ બેઝ કેમ્પ સર કરીને પ્રેરણાદાયક સિદ્ધિ નોંધાવી
ગુજરાતના પાલનપુરની માત્ર ૮ વર્ષની દીકરી નિક્ષા બારોટે વિશ્વપ્રસિદ્ધ માઉન્ટ એવરેસ્ટ બેઝ કેમ્પ ટ્રેક સફળતાપૂર્વક પૂર્ણ કરીને એક અસાધારણ અને પ્રેરણાદાયક સાહસિક સિદ્ધિ પોતાના નામે કરી છે. અનુભવી એવરેસ્ટર નિશાના કુશળ માર્ગદર્શન હેઠળ યોજાયેલા આ વિશિષ્ટ અભિયાનમાં માત્ર નિક્ષાએ ભાગ લીધો હતો. ૧૬ મેથી શરૂ થયેલી આ કપરી યાત્રા દરમિયાન નિક્ષાએ હિમાલયના કઠિન માર્ગો, અતિશય ઊંચાઈ, હાડ થીજવતી ઠંડી અને બદલાતા હવામાનના પડકારો વચ્ચે પણ હિંમત હાર્યા વગર આ ટ્રેક પૂર્ણ કર્યો હતો. ૧૬ મે ૨૦૨૬ના રોજ કાઠમંડુથી લુકલા પહોંચ્યા બાદ આ રોમાંચક ટ્રેકિંગની શરૂઆત થઈ હતી. ટ્રેકના પ્રથમ દિવસે પાખડિંગ અને ત્યારબાદ નામચે બજાર સુધીની યાત્રા કરવામાં આવી હતી, જ્યાં શરીરને ઊંચાઈવાળા વાતાવરણને અનુકૂળ (એક્લિમેટાઇઝેશન) બનાવવા માટે એક દિવસનો વિરામ રાખવામાં આવ્યો હતો. ત્યાંથી આગળ…
મિડલ ઈસ્ટની કટોકટી અને વધતા ખર્ચે ઇન્ડિગોને મોટો ઝટકો, માત્ર 3 મહિનામાં ₹2,536 કરોડનું નુકસાન
દેશની સૌથી મોટી એરલાઇન કંપની IndiGoની પેરન્ટ કંપની InterGlobe Aviationને માર્ચ 2026ના રોજ પૂર્ણ થયેલા ચોથા ત્રિમાસિક ગાળામાં મોટું નાણાકીય નુકસાન વેઠવું પડ્યું છે. કંપનીએ 29 મેના રોજ જાહેર કરેલા નાણાકીય પરિણામોમાં ₹2,536 કરોડની ચોખ્ખી ખોટ નોંધાવી છે. નોંધનીય છે કે ગયા વર્ષે આ જ ગાળામાં કંપનીએ ₹3,068 કરોડનો નફો કમાયો હતો. નબળા પરિણામોની અસર શેરબજારમાં પણ જોવા મળી હતી. પરિણામો જાહેર થયા બાદ ઇન્ડિગોના શેરમાં લગભગ 3 ટકાનો ઘટાડો નોંધાયો અને શેર ₹4,420 પર બંધ રહ્યો. નુકસાન પાછળના મુખ્ય કારણો કંપનીએ પોતાના નિવેદનમાં જણાવ્યું હતું કે અનેક પરિબળોના કારણે આ નુકસાન થયું છે. તેમાં મુખ્યત્વે ડોમેસ્ટિક ફ્લાઇટ્સમાં કેપેસિટી મર્યાદા, અમેરિકી ડોલર સામે રૂપિયાનું અવમૂલ્યન, એવિએશન ટર્બાઇન ફ્યુઅલ (ATF)ના સતત વધતા ભાવ અને ઓપરેશનલ ખર્ચમાં થયેલો…
એશિયન ચેમ્પિયનશિપમાં ભારતીય એથ્લેટ પૂજાનો ડંકો, હાઈ જમ્પમાં બનાવ્યો નવો નેશનલ રેકોર્ડ
ભારતીય એથ્લેટિક્સ માટે ગૌરવની ક્ષણ સર્જાઈ છે. પૂજાએ એશિયન ચેમ્પિયનશિપમાં શાનદાર પ્રદર્શન કરીને મહિલા હાઈ જમ્પમાં નવો નેશનલ રેકોર્ડ બનાવ્યો છે. પૂજાએ પોતાની અસાધારણ રમત અને મજબૂત આત્મવિશ્વાસના આધારે તમામ જૂના રેકોર્ડ તોડી ભારતીય એથ્લેટિક્સના ઇતિહાસમાં પોતાનું નામ સુવર્ણ અક્ષરે લખાવી દીધું છે. 1.93 મીટરની ઐતિહાસિક છલાંગ એશિયન ચેમ્પિયનશિપ દરમિયાન પૂજાએ 1.93 મીટરની શાનદાર છલાંગ લગાવી હતી. આ સાથે તેણે ભારતનો સિનિયર મહિલા હાઈ જમ્પનો જૂનો રેકોર્ડ તોડી નાખ્યો હતો. તેની આ ઐતિહાસિક સિદ્ધિએ મેદાન પર હાજર દર્શકો અને રમતપ્રેમીઓને આશ્ચર્યચકિત કરી દીધા હતા. પૂજાની આ સફળતા પાછળ વર્ષોની સખત મહેનત, સતત પ્રેક્ટિસ અને રમત પ્રત્યેનું સમર્પણ જવાબદાર છે. તેની આ એક જ છલાંગે ભારતીય એથ્લેટિક્સને આંતરરાષ્ટ્રીય સ્તરે નવી ઓળખ અપાવી છે. કોમનવેલ્થ ગેમ્સ 2026 માટે…
અમદાવાદમાં હવે રિક્ષામાં મુસાફરી થશે મોંઘી? યુનિયનો દ્વારા સરકારની મંજૂરી વિના ભાડામાં વધારો
અમદાવાદ શહેરમાં ઓટો રિક્ષામાં મુસાફરી કરનારા લોકો માટે ચિંતાજનક સમાચાર સામે આવ્યા છે. શહેરની વિવિધ રિક્ષા યુનિયનોએ સરકારની સત્તાવાર મંજૂરી વિના જ ભાડામાં વધારો જાહેર કર્યો છે. આ નિર્ણય બાદ મુસાફરોમાં ભારે અસંતોષ અને ચર્ચાનો માહોલ સર્જાયો છે. મિનિમમ ભાડું ₹20થી વધીને ₹30 નવી જાહેર કરાયેલી દર સૂચિ અનુસાર હવે ઓટો રિક્ષાનું મિનિમમ ભાડું ₹20માંથી વધારીને સીધું ₹30 કરવામાં આવ્યું છે. ઉપરાંત પ્રતિ કિલોમીટર ભાડું પણ ₹15થી વધારીને ₹20 નક્કી કરવામાં આવ્યું છે. રિક્ષા યુનિયનોનું કહેવું છે કે પેટ્રોલ-ડીઝલ અને CNGના વધતા ભાવ, વાહનોના મેન્ટેનન્સ ખર્ચ અને અન્ય દૈનિક ખર્ચમાં થયેલા વધારાને કારણે આ નિર્ણય લેવો જરૂરી બની ગયો હતો. “સરકાર પાસે અનેક વખત રજૂઆત કરી” રિક્ષા યુનિયનના આગેવાનોના જણાવ્યા અનુસાર ભાડા વધારાને લઈને અગાઉ અનેક…
અમદાવાદ-મુંબઈના મુસાફરોને મોટી રાહત, પશ્ચિમ રેલવે દોડાવશે 2 સ્પેશિયલ ટ્રેન; જાણો સમયપત્રક અને સ્ટોપેજ
પંકજ મકવાણા – અમદાવાદ: પશ્ચિમ રેલવે દ્વારા મુસાફરોની વધતી સંખ્યા અને મુસાફરી સુવિધાને ધ્યાનમાં રાખીને અમદાવાદ અને મુંબઈ વચ્ચે બે જોડી વિશેષ ટ્રેનો દોડાવવાનો નિર્ણય લેવામાં આવ્યો છે. ખાસ ભાડા સાથે દોડાવાતી આ સ્પેશિયલ ટ્રેનો મુસાફરો માટે વધુ આરામદાયક અને ઝડપી મુસાફરીનો વિકલ્પ પૂરું પાડશે. મુંબઈ સેન્ટ્રલ–અમદાવાદ AC સુપરફાસ્ટ સ્પેશિયલ પશ્ચિમ રેલવે દ્વારા ટ્રેન નંબર 09021/09022 Mumbai Central–Ahmedabad AC Superfast Special દોડાવવામાં આવશે. ટ્રેન સમયપત્રક ટ્રેન નંબર 09021 (મુંબઈ સેન્ટ્રલ–અમદાવાદ) આ ટ્રેન 31 મે 2026, રવિવારે સવારે 06:20 વાગ્યે મુંબઈ સેન્ટ્રલથી રવાના થશે અને બપોરે 12:40 વાગ્યે અમદાવાદ પહોંચશે. ટ્રેન નંબર 09022 (અમદાવાદ–મુંબઈ સેન્ટ્રલ) આ ટ્રેન 31 મે 2026, રવિવારે બપોરે 03:10 વાગ્યે અમદાવાદથી ઉપડશે અને રાત્રે 09:45 વાગ્યે મુંબઈ સેન્ટ્રલ પહોંચશે. સ્ટોપેજ અને રૂટ આ…
Bindia
- Breaking News , Exclusive , Top News , Treding News , Trending News , ગુજરાત
- May 29, 2026
ચોમાસા અંગે હવામાન વિભાગની ચિંતાજનક આગાહી : કૃષિ ક્ષેત્ર માટે IMD એ જાહેર કરી કડક એડવાઇઝરી
IMD નો ચિંતાજનક રિપોર્ટ: ભારતીય હવામાન વિભાગ (IMD) એ ચોમાસાના બીજા લાંબા ગાળાના પૂર્વાનુમાનમાં દેશના મોટાભાગના વિસ્તારોમાં સરેરાશ કરતાં ઓછો વરસાદ નોંધાવાની દહેશત વ્યક્ત કરી છે. ઉત્તર-પૂર્વમાં ચોમાસું સામાન્ય: રાહતના એકમાત્ર સમાચાર એ છે કે ઉત્તર-પૂર્વ ભારત (North-East India) ના રાજ્યોમાં ચોમાસું સામાન્ય રહેવાની શક્યતા છે, જ્યારે પશ્ચિમ, મધ્ય અને દક્ષિણ ભારતમાં વરસાદની ભારે અછત સર્જાઈ શકે છે. કૃષિ ક્ષેત્ર માટે એડવાઇઝરી: વરસાદની સંભવિત તંગીને ધ્યાનમાં રાખીને હવામાન વિભાગે અત્યારથી જ કૃષિ ક્ષેત્ર માટે ખાસ ગાઈડલાઈન જાહેર કરી છે, જેથી પાકને નુકસાન થતું અટકાવી શકાય. ખેડૂતોને વાવણીમાં સાવચેતીની સલાહ: દેશના ધરતીપુત્રોને ઉતાવળે વાવણી ન કરવા, ઓછું પાણી માંગતા પાકોની પસંદગી કરવા અને વૈજ્ઞાનિક પદ્ધતિથી પાક આયોજન કરવા માટે સત્તાવાર સૂચના આપવામાં આવી છે. જળસંચય પર વિશેષ…
ગીરમાં CDV વાયરસનો ખતરો, 4 સિંહબાળના મોત બાદ 17 સિંહો આઇસોલેટ, વેક્સિનેશન શરૂ
ગુજરાતના ગૌરવ સમાન એશિયાટિક સિંહોના નિવાસસ્થાન ગીર જંગલમાંથી ચિંતાજનક સમાચાર સામે આવ્યા છે. ગીરમાં CDV (કેનાઇન ડિસ્ટેમ્પર વાયરસ) અને બેબીસીઆર વાયરસના શંકાસ્પદ પ્રકોપ વચ્ચે ચાર સિંહબાળના મોત થતાં વન વિભાગમાં ભારે દોડધામ મચી ગઈ છે. આ ગંભીર પરિસ્થિતિને ધ્યાનમાં રાખીને રાજ્ય સરકાર એક્શન મોડમાં આવી ગઈ છે અને સિંહોને બચાવવા માટે યુદ્ધના ધોરણે કામગીરી શરૂ કરવામાં આવી છે. સિંહબાળના મોત બાદ મુખ્યમંત્રીએ ગાંધીનગરમાં વન પર્યાવરણ અગ્ર સચિવ અને વન વિભાગના ઉચ્ચ અધિકારીઓ સાથે તાત્કાલિક બેઠક યોજી સમગ્ર સ્થિતિની સમીક્ષા કરી હતી. આ મામલે વડાપ્રધાન કાર્યાલય (PMO) પણ સતત નજર રાખી રહ્યું હોવાનું જાણવા મળ્યું છે. સંક્રમણ વધુ ફેલાતું અટકાવવા માટે અસરગ્રસ્ત વિસ્તારોના કુલ 17 સિંહોને આઇસોલેટ કરીને સ્પેશિયલ ઓબ્ઝર્વેશન હેઠળ રાખવામાં આવ્યા છે. ગીર ગઢડા અને…
સોના-ચાંદીના ભાવમાં મોટો કડાકો, સોનું ₹1,800 અને ચાંદી ₹4,500 થી વધુ તૂટી
વૈશ્વિક બજારના નબળા સંકેતો અને સ્થાનિક કોમોડિટી માર્કેટમાં ભારે વેચવાલીના કારણે સોના અને ચાંદીના ભાવમાં આજે મોટો ઘટાડો નોંધાયો છે. છેલ્લા કેટલાક સમયથી સતત નવી ઊંચાઈ સર કરી રહેલી કિંમતી ધાતુઓમાં આજે રોકાણકારોને મોટો ઝટકો લાગ્યો છે. મલ્ટી કોમોડિટી એક્સચેન્જ (MCX) ના તાજા આંકડા મુજબ સોનું અને ચાંદી બંનેના વાયદા ભાવ ભારે ઘટાડા સાથે કારોબાર કરી રહ્યા છે. સોનાના ભાવમાં ₹1,800 થી વધુનો ઘટાડો આગામી 5 જૂન 2026ની મેચ્યોરિટી ધરાવતા સોનાના વાયદા કોન્ટ્રાક્ટમાં આજે ભારે નબળાઈ જોવા મળી છે. બજારમાં પ્રોફિટ બુકિંગ વધતા સોનાનો ભાવ ₹1,842 ઘટીને ₹1,53,785 પ્રતિ 10 ગ્રામના સ્તરે પહોંચી ગયો છે. ટકાવારીની દ્રષ્ટિએ સોનાના ભાવમાં આજે 1.18 ટકાનો ઘટાડો નોંધાયો છે. ચાંદીના ભાવમાં જંગી ઘટાડો સોનાની સરખામણીએ ચાંદીના ભાવમાં આજે વધુ મોટો…
31 મેની રાત્રે દેખાશે દુર્લભ ‘માઇક્રો બ્લુ મૂન’, ગુજરાતભરમાં નરી આંખે માણી શકાશે અદ્ભુત નજારો
ખગોળપ્રેમીઓ માટે આગામી 31 મે, 2026 ની રાત્રિ ખાસ બનવાની છે. અધિક જ્યેષ્ઠ મહિનાની પૂનમના દિવસે આકાશમાં દુર્લભ ‘બ્લુ મૂન’નો નજારો જોવા મળશે. અંગ્રેજીમાં પ્રચલિત “Once in a blue moon” રૂઢિપ્રયોગ જે દુર્લભ ઘટનાને દર્શાવે છે, તે જ ખગોળીય ઘટના હવે લોકો જીવંત રીતે નિહાળી શકશે. વિશેષ વાત એ છે કે આ વખતે આ ઘટનાને ‘માઇક્રો બ્લુ મૂન’ તરીકે ઓળખવામાં આવી રહી છે, કારણ કે ચંદ્ર પૃથ્વીથી સામાન્ય કરતાં વધુ દૂર હશે. ગુજરાત સહિત સમગ્ર દેશમાં દેખાશે બ્લુ મૂન આ દુર્લભ ખગોળીય ઘટના જોવા માટે કોઈ ખાસ સ્થળે જવાની જરૂર નથી. અમદાવાદ, સુરત, રાજકોટ, વડોદરા સહિત સમગ્ર ગુજરાત તેમજ દેશના વિવિધ ભાગોમાં આકાશ સ્વચ્છ હશે તો લોકો આ બ્લુ મૂન નરી આંખે જોઈ શકશે. ક્યારે જોવો…
ટ્વિશા શર્મા મૃત્યુ કેસમાં મોટો વળાંક, પૂર્વ ન્યાયાધીશ ગિરિબાલા સિંહની CBI દ્વારા ધરપકડ
ભોપાલમાં ચર્ચિત ટ્વિશા શર્મા મૃત્યુ કેસમાં મહત્વપૂર્ણ કાર્યવાહી કરવામાં આવી છે. મધ્યપ્રદેશ હાઈકોર્ટે આગોતરા જામીન રદ કર્યા બાદ પૂર્વ ન્યાયાધીશ અને ટ્વિશાના સાસુ ગિરિબાલા સિંહની સીબીઆઈ દ્વારા ધરપકડ કરવામાં આવી છે. સીબીઆઈએ તેમની લગભગ છ કલાક સુધી પૂછપરછ કર્યા બાદ કાર્યવાહી હાથ ધરી હતી. માહિતી અનુસાર, સીબીઆઈની ટીમ ગિરિબાલા સિંહને મૌલાના આઝાદ નેશનલ ઇન્સ્ટિટ્યૂટ ઓફ ટેક્નોલોજી કેમ્પસ લઈ ગઈ હતી અને હવે તેમને શુક્રવારે કોર્ટમાં રજૂ કરવામાં આવશે. સવારે આશરે 10:30 વાગ્યે ત્રણ સીબીઆઈ અધિકારીઓ ગિરિબાલા સિંહના નિવાસસ્થાને પહોંચ્યા હતા. આ દરમિયાન તેમના વકીલ ઇનોશ જ્યોર્જ કાર્લો પણ સ્થળ પર હાજર રહ્યા હતા. સીબીઆઈ દ્વારા ઘરની તપાસ સાથે ડિજિટલ મેપિંગની પ્રક્રિયા પણ હાથ ધરવામાં આવી હતી. તપાસ દરમિયાન મહત્વપૂર્ણ પુરાવાઓ અને ડિજિટલ માહિતી એકત્રિત કરવામાં આવી…
