Bindia
- Treding News , Trending News , ગુજરાત
- September 25, 2025
રાજકોટના ગોંડલ રોડ પર જાહેરમાં પાઈપ વડે મારામારી, જાણો સમગ્ર વિગત
રાજકોટના ગોંડલ રોડ પર જાહેરમાં થયેલી મારામારીનો વીડિયો સોશિયલ મીડિયામાં વાયરલ થતા શહેરમાં ચકચાર મચી ગઈ છે. ઘટનાનું વીડિયો જોઈ લોકોમાં ભયનો માહોલ જોવા મળી રહ્યો છે અને કાયદો વ્યવસ્થાની સ્થિતિ અંગે અનેક સવાલો ઊભા થયા છે. વીડિયોમાં શું દેખાય છે? વીડિયોમાં જોઈ શકાય છે કે એક પુરુષ અને એક મહિલા વચ્ચે બોલાચાલી શરૂ થાય છે, અને ત્યારબાદ સ્થિતિ મારામારી સુધી પહોંચી જાય છે. બાદમાં એક બીજો પુરુષ પણ ઝઘડામાં જોડાઈ જાય છે, અને ત્રણેય લોકો રસ્તા પર જાહેરમાં પાઈપ જેવી વસ્તુઓથી એકબીજા પર હુમલો કરે છે. હિંસા એટલી હદે વધી જાય છે કે આસપાસ ઉભેલા લોકો પણ ડરી જાય છે અને એક પ્રકારનો અફરાતફરીનો માહોલ સર્જાય છે. વીડિયો સોશિયલ મીડિયા પર ઝડપથી ફેલાયો ઘટનાનો વીડિયો જોઈને લોકોની પણ પરિસ્થિતિ વિશે ભારે નારાજગી જોવા મળી રહી છે. ચહેરા સ્પષ્ટ દેખાતા હોવા છતાં પણ હજુ સુધી આરોપીઓ ફરાર છે. પોલીસને જાણ કરાયા બાદ સિસીટીવી અને વીડિયો ફૂટેજના આધારે તપાસ શરૂ કરવામાં આવી છે. પોલીસનું નિવેદન “અમે વીડિયો શોધી કાઢ્યો છે અને તેમાં દેખાતા ત્રણેય શખ્સોની ઓળખ કરવાનો પ્રયાસ ચાલી રહ્યો છે. કાયદો પોતાના હાથમાં લેવાના કોઇને પણ અધિકાર નથી. જવાબદાર વિરુદ્ધ કડક પગલાં લેવામાં આવશે.”– રાજકોટ સિટી પોલીસ ઘટનાએ ઊભા કર્યા ચિંતાજનક પ્રશ્નો આ ઘટના દર્શાવે છે કે જાહેરમાં, તે પણ નગરના મુખ્ય માર્ગ પર આવી ઘટનાઓનો અંજામ મળવો એ શહેરી સુરક્ષા અને કાયદાની અમલવારી પર ગંભીર પ્રશ્નચિહ્ન ઊભું કરે છે. શું લોકો હવે ઝઘડાઓનો ઉકેલ કાયદાની જગ્યાએ હિંસાથી લાવે છે? આવી જાહેર હિંસાની ઘટનાઓ રોકવા શું સીસીટીવી અને પોલીસ પેટ્રોલિંગ પૂરતું છે? રાજકોટ જેવા શહેરમાં દિવસેને દિવસે વધતી હિંસા અને જાહેરમાં થતી મારામારીઓ ચિંતાનું કારણ છે. તંત્ર દ્વારા કડક કાર્યવાહી કરીને આવા શખ્સોને કાયદાની પકડમાં લાવવું અત્યંત જરૂરી બન્યું છે જેથી સામાન્ય લોકોમાં સુરક્ષાની લાગણી રહી શકે.
- Trending News
- May 10, 2025
ગાંધીનગર: ACB PI તરીકે ઓળખ આપી તોડ કરતો ઈસમ પકડાયો
નકલી ઓળખ આપીને પેસા તોડ કરવાનો પ્રયાસ કરનાર આરોપી પોલીસે ઝડપી લીધો છે. આરોપી પોતાની ઓળખ ACB PI તરીકે આપી GPSC ચેરમેન અને કલેક્ટર સાથે “સેટિંગ” હોવાનો દાવો કરી 25 હજાર રૂપિયા પડાવવાનો પ્રયાસ કરી રહ્યો હતો. આરોપી, અમદાવાદના રખિયાલ વિસ્તારનો રહેવા વાળો સોયબહુસેન ગુલામહુસેન શેખ, નિવૃત્ત ASIનો પુત્ર છે. તેણે साबરકાંઠાના તલોદના પત્રકાર રાકેશકુમાર શાહની દીકરી સ્વાતિને GPSC પરીક્ષામાં પાસ થવા માટે “મદદ”ની લાલચ આપી મેસેજ મોકલ્યો હતો. તેણે પોતાનું નામ PSI તરીકે આપ્યું અને બાદમાં રાકેશકુમાર સાથે સંપર્ક કરી કલેક્ટર કચેરીમાં સેટિંગ હોવાનો ભરોસો આપ્યો. જ્યારે તેણે 25 હજાર રૂપિયાનું એડવાન્સ માંગ્યું ત્યારે પત્રકારને શંકા જતાં તેણે પોલીસને જાણ કરી. આરોપીને ગાંધીનગરના ઘ-0 સર્કલ બ્રિજ પાસે બોલાવી પાડોશમાં પોલીસે વોચ ગોઠવી ઝડપ્યો. સેક્ટર-7 PI બી.બી. ગોયલે માહિતી આપતાં જણાવ્યું કે આરોપી સામે IPCની સંબંધિત કલમો હેઠળ ગુનો દાખલ કરી તપાસ શરૂ કરવામાં આવી છે.
