Bindiaવૈશ્વિક અર્થતંત્ર પર મંડરાયો ઊર્જા સંકટનો ખતરો: 2027 પહેલાં ઓઇલ બજાર સામાન્ય થવાની શક્યતા ઓછી
મિડલ ઈસ્ટમાં ચાલી રહેલા વધતા તણાવ અને હોર્મુઝ જળમાર્ગમાં સર્જાયેલી અસ્થિરતાએ સમગ્ર વિશ્વ માટે ઊર્જા સંકટની ગંભીર સ્થિતિ ઊભી કરી છે. વૈશ્વિક ઊર્જા નિષ્ણાતોના મતે, જો હાલનું યુદ્ધ આજે જ સમાપ્ત થઈ જાય તો પણ વિશ્વભરમાં ઓઇલ અને ગેસનો પુરવઠો ફરી સંપૂર્ણપણે સામાન્ય થવામાં 2027 સુધીનો સમય લાગી શકે છે. આ લાંબા ગાળાની અસર વૈશ્વિક અર્થતંત્ર, મોંઘવારી અને ઉદ્યોગો પર ગંભીર અસર પાડી શકે છે. હોર્મુઝ જળમાર્ગ બન્યો વૈશ્વિક ચિંતાનો કેન્દ્ર હોર્મુઝ જળમાર્ગ વિશ્વનો સૌથી મહત્વપૂર્ણ ઊર્જા માર્ગ માનવામાં આવે છે. વિશ્વના કુલ ઓઇલ પુરવઠાનો લગભગ પાંચમો ભાગ આ માર્ગ મારફતે પસાર થાય છે. હાલના યુદ્ધ અને વધતા સુરક્ષા જોખમોને કારણે આ માર્ગ પર જહાજોની અવરજવર ખોરવાઈ ગઈ છે. અહેવાલો મુજબ, ઈરાન દ્વારા જહાજોની કડક તપાસ,…
પુલવામા હુમલાના માસ્ટરમાઈન્ડ હમઝા બુરહાનની ગોળી મારી હત્યા? POKમાં ખલબલી
વર્ષ 2019ના પુલવામા આતંકી હુમલાની કરુણ યાદ આજે પણ દેશવાસીઓના દિલમાં તાજી છે. 14 ફેબ્રુઆરી 2019ના રોજ જમ્મુ-કાશ્મીરમાં CRPFના કાફલા પર થયેલા આતંકી હુમલામાં 40થી વધુ જવાનો શહીદ થયા હતા. હવે આ હુમલાના માસ્ટરમાઈન્ડ તરીકે ઓળખાતા આતંકવાદી હમઝા બુરહાનના મોતના સમાચાર સામે આવતા ફરી એકવાર તે દુઃખદ ઘટનાની યાદો તાજી થઈ ગઈ છે. POKના મુઝફ્ફરાબાદમાં ગોળીબાર સૂત્રોના જણાવ્યા મુજબ પાકિસ્તાન અધિકૃત કાશ્મીર (POK)ના મુઝફ્ફરાબાદ વિસ્તારમાં હમઝા બુરહાન પર અજાણ્યા હુમલાખોરોએ ગોળીબાર કર્યો હતો. કહેવાઈ રહ્યું છે કે તે પોતાની ઓફિસમાં હાજર હતો ત્યારે હુમલો થયો અને ઘટનાસ્થળે જ તેનું મોત થયું. હાલ આ હુમલો કોણે કર્યો અને તેની પાછળ કોણ જવાબદાર છે તે અંગે કોઈ સત્તાવાર માહિતી જાહેર કરવામાં આવી નથી. 2019ના પુલવામા હુમલાથી દેશ હચમચી…
બેંગલુરુ એરપોર્ટ પર એર ઈન્ડિયાના વિમાનને ‘ટેલ-સ્ટ્રાઈક’, 181 મુસાફરો સલામત
Air Indiaની દિલ્હીથી બેંગલુરુ જતી ફ્લાઈટ AI2651 સાથે બુધવારે લેન્ડિંગ દરમિયાન ‘ટેલ-સ્ટ્રાઈક’ની ઘટના બની હતી. સદભાગ્યે પાઈલટની સતર્કતા અને કુશળતાના કારણે મોટી દુર્ઘટના ટળી હતી અને વિમાનમાં સવાર તમામ 181 મુસાફરો તેમજ ક્રૂ સભ્યો સુરક્ષિત રહ્યા હતા. એરલાઈન દ્વારા આપવામાં આવેલી માહિતી અનુસાર, 21 મેના રોજ દિલ્હીથી ઉડાન ભરનાર ફ્લાઈટનું Airbus A321 બેંગલુરુ એરપોર્ટ પર લેન્ડિંગ દરમિયાન ‘ગો-અરાઉન્ડ’ પ્રક્રિયા ચાલી રહી હતી. તે દરમિયાન વિમાનના પાછળના ભાગનો રનવે સાથે સંપર્ક થતાં ‘ટેલ-સ્ટ્રાઈક’ની ઘટના બની હતી. ઘટના બાદ વિમાનને તાત્કાલિક વધુ તકનિકી તપાસ માટે ગ્રાઉન્ડેડ કરવામાં આવ્યું છે. આ કારણે બેંગલુરુથી દિલ્હી જતી પરતની ફ્લાઈટ AI2652 પણ રદ કરવામાં આવી હતી. અસરગ્રસ્ત મુસાફરો માટે એરલાઈન દ્વારા વૈકલ્પિક મુસાફરી વ્યવસ્થા કરવામાં આવી રહી છે. એર ઈન્ડિયાએ જણાવ્યું કે…
સોશિયલ મીડિયા પર છવાઈ ‘કોકરોચ જનતા પાર્ટી’, જાણો કોણ છે તેનો સ્થાપક અને શું છે એજન્ડા
સોશિયલ મીડિયા પર હાલ ‘કોકરોચ જનતા પાર્ટી’ (CJP) નામની વર્ચ્યુઅલ પાર્ટી ભારે ચર્ચામાં છે. ખાસ કરીને Instagram પર આ પાર્ટીએ ટૂંકા સમયમાં જ 1 કરોડથી વધુ ફોલોઅર્સ મેળવીને યુવાનોમાં ભારે લોકપ્રિયતા મેળવી છે. કોણ છે કોકરોચ જનતા પાર્ટીનો સ્થાપક? કોકરોચ જનતા પાર્ટીની શરૂઆત પુણેના રહેવાસી અભિજીત દીપકે દ્વારા કરવામાં આવી છે. અભિજીતે પુણેમાંથી જર્નાલિઝમમાં ગ્રેજ્યુએશન કર્યા બાદ અમેરિકાની બોસ્ટન યુનિવર્સિટીમાંથી પબ્લિક રિલેશન્સ (PR) માં પોસ્ટ ગ્રેજ્યુએશન પૂર્ણ કર્યું છે. અભિજીત વર્ષ 2020થી 2023 દરમિયાન આમ આદમી પાર્ટી સાથે જોડાયેલા હતા અને સોશિયલ મીડિયા તેમજ ચૂંટણી પ્રચારની જવાબદારી સંભાળી હતી. ખાસ કરીને 2020ની દિલ્હી વિધાનસભા ચૂંટણી દરમિયાન મીમ આધારિત ડિજિટલ કેમ્પેઇનમાં તેમનું મહત્વપૂર્ણ યોગદાન હોવાનું માનવામાં આવે છે. CJIની ટિપ્પણી બાદ ચર્ચામાં આવી પાર્ટી કહેવાય છે કે…
સરકારના ખાતામાં ₹3.5 લાખ કરોડ જમા કરાવશે RBI! ઇતિહાસમાં પહેલીવાર બનશે કિસ્સો
દેશની આર્થિક સ્થિતિ માટે મોટા અને રાહતના સમાચાર સામે આવી રહ્યા છે. Reserve Bank of India (RBI) નાણાકીય વર્ષ 2025-26 માટે કેન્દ્ર સરકારને અત્યાર સુધીનું સૌથી મોટું સરપ્લસ ડિવિડન્ડ ટ્રાન્સફર કરી શકે છે. મીડિયા રિપોર્ટ્સ મુજબ આ રકમ ₹2.7 લાખ કરોડથી લઈને ₹3.5 લાખ કરોડ સુધી પહોંચી શકે છે. આ મામલે RBI બોર્ડની 22 મેના રોજ મહત્વપૂર્ણ બેઠક યોજાવાની છે. બેઠકમાં સરપ્લસ ટ્રાન્સફરને મંજૂરી મળવાની શક્યતા છે. જો આ ચુકવણી ₹3.5 લાખ કરોડ સુધી પહોંચે છે, તો તે RBI દ્વારા સરકારને આપવામાં આવેલું દેશના ઈતિહાસનું સૌથી મોટું ડિવિડન્ડ બનશે. ગયા વર્ષનો રેકોર્ડ પણ તૂટશે ગયા નાણાકીય વર્ષમાં RBIએ કેન્દ્ર સરકારને ₹2.69 લાખ કરોડનું રેકોર્ડબ્રેક ડિવિડન્ડ આપ્યું હતું. આ વર્ષે તેમાં વધુ મોટો વધારો થવાની આશા છે.…
ટ્વીશા શર્મા કેસમાં પરિવારને ઝટકો, બીજી વખત પોસ્ટમોર્ટમની અરજી કોર્ટે ફગાવી
ભોપાલની કોર્ટમાં ટ્વીશા શર્માના મોત મામલે બીજી વખત પોસ્ટમોર્ટમ કરવાની માંગ સાથે કરવામાં આવેલી અરજી નામંજૂર કરવામાં આવી છે. કોર્ટે અગાઉ આપવામાં આવેલા AIIMS Delhi ખાતે રી-પોસ્ટમોર્ટમ અને ફોરેન્સિક વિશ્લેષણ સંબંધિત આદેશને રદ કરવાનો નિર્ણય લીધો છે. કોર્ટમાં રજૂ થયેલી માહિતી મુજબ ટ્વીશા શર્માનો મૃતદેહ હાલમાં AIIMS ભોપાલની મોર્ચરીમાં -4°C તાપમાન પર રાખવામાં આવ્યો છે. જોકે AIIMS ભોપાલના અધિકારીઓએ કોર્ટને જણાવ્યું હતું કે મૃતદેહને લાંબા સમય સુધી સુરક્ષિત રાખવા માટે -80°C તાપમાન જરૂરી બને છે. સાથે જ મધ્ય પ્રદેશમાં આવી અતિનિમ્ન તાપમાનની સુવિધા ઉપલબ્ધ નથી તેવી માહિતી પણ રજૂ કરવામાં આવી હતી. કોર્ટે આ મામલે વધુ માહિતી મેળવવા માટે કટારા હિલ્સ પોલિસ સ્ટેશનના SHOને રાજ્યની વિવિધ મેડિકલ સંસ્થાઓમાં મૃતદેહ જાળવવા માટે જરૂરી સુવિધાઓ ઉપલબ્ધ છે કે…
ચોમાસાના આગમનની તારીખ જાહેર, ગુજરાત સહિત દેશભરમાં ક્યારે પડશે વરસાદ?
India Meteorological Department (IMD)એ ચોમાસા અને હીટવેવ અંગે મહત્વપૂર્ણ આગાહી જાહેર કરી છે. દેશના અનેક વિસ્તારોમાં વધી રહેલી ગરમી વચ્ચે હવામાન વિભાગે જણાવ્યું છે કે દક્ષિણ-પશ્ચિમ ચોમાસું આગામી અઠવાડિયામાં કેરળમાં પ્રવેશી શકે છે. જોકે આ વર્ષે ચોમાસાની ગતિ સામાન્ય કરતાં ધીમી રહેવાની શક્યતા વ્યક્ત કરવામાં આવી છે. IMD અનુસાર સામાન્ય રીતે ચોમાસું 1 જૂન આસપાસ કેરળ પહોંચે છે, પરંતુ આ વખતે તે 26 મે આસપાસ પહોંચવાની સંભાવના છે. હવામાન વિભાગે 22 મેથી 26 મે વચ્ચે ચોમાસું કેરળમાં પ્રવેશી શકે તેવી શક્યતા દર્શાવી છે. હાલમાં ચોમાસું આંદામાન અને નિકોબાર ટાપુઓ અને બંગાળની ખાડીના કેટલાક વિસ્તારો સુધી આગળ વધી ગયું છે. હવામાન નિષ્ણાતોના જણાવ્યા મુજબ આ વખતે ચોમાસાની શરૂઆત વહેલી થઈ શકે છે, પરંતુ તેની ગતિ નબળી અને…
ક્રૂડ ઓઈલની આયાત ઘટાડવા કેન્દ્ર સરકારનો મોટો નિર્ણય, પેટ્રોલમાં હવે 30% સુધી ઈથેનોલ મિશ્રણ મંજૂર
Bureau of Indian Standards (BIS) દ્વારા પેટ્રોલમાં ઈથેનોલ મિશ્રણ અંગે નવા નિયમો જાહેર કરવામાં આવ્યા છે. કેન્દ્ર સરકારની મંજૂરી બાદ હવે પેટ્રોલમાં 30 ટકા સુધી ઈથેનોલ મિશ્રણ કરવાની સત્તાવાર મંજૂરી આપવામાં આવી છે. અત્યાર સુધી પેટ્રોલમાં મહત્તમ 20 ટકા સુધી ઈથેનોલ મિશ્રણ કરવામાં આવતું હતું. કેન્દ્ર સરકારે 15 મે 2026ના રોજ આ નિર્ણયને મંજૂરી આપ્યા બાદ BISએ E22, E25, E27 અને E30 જેવા નવા ઈથેનોલ મિશ્રણ માટે ગુણવત્તા ધોરણો અને માપદંડો નક્કી કર્યા છે. આ પગલું ભારતના બાયોફ્યુઅલ અને ઊર્જા ક્ષેત્ર માટે મહત્વપૂર્ણ માનવામાં આવી રહ્યું છે. સરકાર લાંબા સમયથી પેટ્રોલમાં ઈથેનોલનું પ્રમાણ વધારવા પર ભાર મૂકી રહી હતી. નવા નિયમોથી દેશમાં ક્રૂડ ઓઈલની આયાત પરની નિર્ભરતા ઘટાડવામાં મદદ મળશે. સાથે જ પ્રદૂષણમાં ઘટાડો, વૈકલ્પિક ઈંધણના…
પશ્ચિમ બંગાળમાં ઘુસણખોરી મુદ્દે રાજકીય ગરમાવો, BSFને જમીન સોંપવાની ચર્ચા
પશ્ચિમ બંગાળમાં ભારત-બાંગ્લાદેશ સરહદ પર ઘુસણખોરી રોકવા માટે પગલાં અંગે રાજકીય ચર્ચા તેજ બની છે. કોલકાતા ખાતે આ મુદ્દે થયેલી ચર્ચા દરમિયાન જમીન સોંપવા અને સુરક્ષા વ્યવસ્થા વધુ મજબૂત કરવાની વાત સામે આવી છે. કોલકાતામાં થયેલા એક કાર્યક્રમમાં સરહદી વિસ્તારોમાં સુરક્ષા વધારવા માટે સીમા સુરક્ષા દળ (BSF)ને લગભગ 43 એકર જમીન સોંપવાની યોજના અંગે માહિતી સામે આવી છે. આ વિસ્તાર ભારત-બાંગ્લાદેશ સરહદ નજીક હોવાનું જણાવાયું છે. અહેવાલો મુજબ સરહદ સુરક્ષા અને ઘુસણખોરી રોકવા માટે 2,200 કિમી લાંબી સરહદમાં મોટો ભાગ પહેલેથી જ વાડથી આવરી લેવામાં આવ્યો છે, જ્યારે બાકી વિસ્તારોમાં કામગીરી ચાલુ છે. અધિકારીઓના દાવા મુજબ હજુ કેટલાક વિસ્તારો ખુલ્લા હોવાથી ત્યાં સુરક્ષા મજબૂત કરવાની જરૂર છે. આ વચ્ચે રાજકીય સ્તરે પણ આ મુદ્દો ચર્ચામાં છે.…
ભારતમાં નાગરિકતા નિયમોમાં મોટો ફેરફાર, 3 દેશોના નાગરિકો માટે પાસપોર્ટ સરન્ડર ફરજિયાત
કેન્દ્ર સરકારે નાગરિકતા મેળવવા સંબંધિત નિયમોમાં મહત્વપૂર્ણ ફેરફાર કર્યો છે. કેન્દ્રીય ગૃહ મંત્રાલય દ્વારા 18 મે 2026ના રોજ જાહેર કરાયેલા નવા નોટિફિકેશન મુજબ હવે પાકિસ્તાન, બાંગ્લાદેશ અને અફઘાનિસ્તાનના નાગરિકોએ ભારતની નાગરિકતા મેળવવા માટે પોતાનો પાસપોર્ટ સરન્ડર કરવો ફરજિયાત રહેશે. આ નવા નિયમો નાગરિકતા સુધારા કાયદા (CAA) હેઠળ ભારતની નાગરિકતા માટે અરજી કરનાર લોકો પર લાગુ પડશે. ખાસ કરીને પાકિસ્તાન, બાંગ્લાદેશ અને અફઘાનિસ્તાનમાંથી આવેલા હિન્દુ, શીખ, બૌદ્ધ, જૈન, પારસી અને ખ્રિસ્તી સમુદાયના અરજદારો માટે સરકારે આ નિયમોમાં ફેરફાર કર્યો છે. નવા નિયમો અનુસાર હવે અરજદારે એફિડેવિટ આપીને જાહેર કરવું પડશે કે તેમની પાસે હાલમાં અથવા અગાઉ આ ત્રણ દેશોમાંથી કોઈ દેશનો પાસપોર્ટ હતો કે નહીં. જો અરજદાર પાસે માન્ય અથવા મુદત પૂર્ણ થયેલો પાસપોર્ટ હશે તો તેની…
