Bindiaરશિયન સંસદે ભારત સાથેના મુખ્ય લશ્કરી કરારને આપી મંજૂરી, જાણો શું છે ખાસ
આવતીકાલથી બે દિવસ રશિયાના રાષ્ટ્રપતિ વ્લાદિમીર પુતિન ભારતની મુલાકાતે આવી રહ્યા છે. પુતિનની ભારત મુલાકાત બંને દેશો વચ્ચેના સંબંધોની દ્રષ્ટિએ ખૂબ જ મહત્વપૂર્ણ માનવામાં આવે છે. પુતિનની મુલાકાત પહેલા, રશિયન સંસદના નીચલા ગૃહ ‘ડુમા’ એ ભારત સાથે એક મહત્વપૂર્ણ લશ્કરી કરારને મંજૂરી આપી છે. રશિયન સંસદ તરફથી આ મંજૂરી આ વર્ષે ફેબ્રુઆરીમાં બંને સરકારો વચ્ચે લશ્કરી સાધનોના પરસ્પર આદાનપ્રદાન અંગેના કરાર પર હસ્તાક્ષર થયા બાદ આવી છે. ગયા અઠવાડિયે, રશિયન વડા પ્રધાન મિખાઇલ મિશુસ્તિને લશ્કરી કરારને મંજૂરી માટે ‘ડુમા’ મોકલ્યો હતો. ડુમા ચેરમેને આ મામલે નિવેદન આપતા કહ્યું હતું કે, “ભારત સાથેના અમારા સંબંધો વ્યૂહાત્મક અને વ્યાપક છે, અને અમે આ સંબંધને મહત્વ આપીએ છીએ. અમારું માનવું છે કે કરારની મંજૂરી ચોક્કસપણે બંને દેશો વચ્ચેના સંબંધોને…
