Bindiaગુજરાતમાં બેવડી ઋતુની અસર: સવારે ગુલાબી ઠંડી, બપોરે ગરમીનો અહેસાસ
ગુજરાતમાં હાલ હવામાનમાં બેવડી ઋતુનો અહેસાસ થઈ રહ્યો છે. વહેલી સવારે ગુલાબી ઠંડી અનુભવાઈ રહી છે તો બપોરના સમયે તાપમાન વધતા ગરમીનો અનુભવ થાય છે. રાજ્યના વિવિધ શહેરોમાં લઘુત્તમ તાપમાનમાં થોડો ઘટાડો નોંધાયો હોવા છતાં, શિયાળો આ વર્ષે નરમ રહ્યો હોવાનું હવામાન નિષ્ણાતો જણાવી રહ્યા છે. વિવિધ શહેરોમાં લઘુત્તમ તાપમાન રાજ્યના અનેક શહેરોમાં આજે નોંધાયેલું સૌથી નીચું તાપમાન નીચે મુજબ છે: – નલિયા – 14.3°C – કેશોદ – 15.3°C – રાજકોટ – 15.5°C – ભૂજ – 17.4°C – ડીસા – 17.1°C – વડોદરા – 18.4°C – ગાંધીનગર – 18.8°C – ભાવનગર – 18.6°C – અમદાવાદ – 19.7°C આ આંકડાઓ દર્શાવે છે કે રાજ્યમાં સવાર-સાંજ ઠંડક હોવા છતાં કડકડતી ઠંડીનો અભાવ છે. શિયાળો ‘નરમ’ કેમ રહ્યો? હવામાન નિષ્ણાતોના જણાવ્યા મુજબ સામાન્ય રીતે ડિસેમ્બર મહિનામાં ઉત્તર ભારત તરફથી આવતા સૂકા અને ઠંડા પવનો ગુજરાતમાં ઠંડી લાવે છે. પરંતુ આ વર્ષે હિમાલય વિસ્તારમાં મજબૂત વેસ્ટર્ન ડિસ્ટર્બન્સ સર્જાયા નથી. સામાન્ય રીતે પહાડોમાં ભારે હિમવર્ષા બાદ ત્યાંથી ફૂંકાતા ઠંડા પવનો મેદાની વિસ્તારોમાં ઠંડી ફેલાવે છે. આ વખતે ઉત્તર ભારતમાં હિમવર્ષા ઓછી થતાં ઠંડીનું મોજું સર્જાયું નથી. આ ઉપરાંત પ્રશાંત મહાસાગરમાં તાપમાન વધવાની ઘટના ‘અલ નિનો’ના પ્રભાવને કારણે વૈશ્વિક સ્તરે શિયાળો હુંફાળો રહ્યો છે. અરબી સમુદ્ર તરફથી આવતા ગરમ અને ભેજવાળા પવનો લઘુત્તમ તાપમાનમાં ઘટાડો થતો અટકાવી રહ્યા છે. ગ્લોબલ વોર્મિંગની વધતી અસર છેલ્લાં કેટલાંક વર્ષોમાં ગુજરાતની ત્રણેય ઋતુઓમાં નોંધપાત્ર ફેરફાર જોવા મળી રહ્યો છે. ડિસેમ્બર મહિનામાં સામાન્ય રીતે કાતિલ ઠંડીનો પ્રારંભ થતો હોય છે, પરંતુ આ વર્ષે ઠંડીમાં નોંધપાત્ર ઘટાડો જોવા મળ્યો છે. ભર શિયાળામાં પણ ગરમ અને ઉકળાટભર્યા દિવસોની સંખ્યા વધી રહી છે. ડિસેમ્બર 2024 અને ડિસેમ્બર 2025ની સરખામણી કચ્છના નલિયામાં ડિસેમ્બર 2024 દરમિયાન 31 દિવસમાંથી 22 દિવસ તાપમાન 10°Cથી નીચે નોંધાયું હતું. જ્યારે ડિસેમ્બર 2025માં માત્ર 4 દિવસ જ પારો 10°Cથી નીચે ગયો. 28 ડિસેમ્બર 2024ના રોજ નલિયામાં લઘુત્તમ તાપમાન 4.2°C સુધી ગગડ્યું હતું, જ્યારે આ વર્ષે સૌથી ઓછું તાપમાન 8.8°C નોંધાયું છે. આ વખતે નલિયા સિવાય રાજ્યના અન્ય કોઈપણ શહેરમાં લઘુત્તમ તાપમાન 10°Cથી નીચે ગયું નથી. અમદાવાદમાં 15 વર્ષમાં સૌથી ઓછી ઠંડી અમદાવાદ શહેરમાં પણ ઠંડીમાં નોંધપાત્ર ઘટાડો જોવા મળ્યો છે. ડિસેમ્બર 2024માં 31માંથી 14 દિવસ તાપમાન 14°Cથી નીચે નોંધાયું હતું. ચાલુ વર્ષે માત્ર 4 વખત જ તાપમાન 14°Cથી નીચે ગયું છે. ઈતિહાસમાં 10 જાન્યુઆરી 1954ના રોજ અમદાવાદમાં 3.9°C તાપમાન નોંધાયું હતું, જે રેકોર્ડબ્રેક માનવામાં આવે છે. ગત વર્ષની સરખામણીએ ચાલુ વર્ષે જાન્યુઆરીમાં ઠંડીનું પ્રમાણ ઘણું ઓછું રહ્યું છે. નલિયામાં પણ ગત વર્ષે જાન્યુઆરી દરમિયાન 10 વખત પારો 7°Cથી નીચે ગયો હતો, જ્યારે આ વર્ષે એવો કડક ઠંડીનો માહોલ સર્જાયો નથી. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
રાજ્યભરમાં બેવડી ઋતુની અસર, સવારમાં ઠંડી તો બપોરે ગરમી
ગુજરાત રાજ્યમાં હવામાનના બદલાતા મિજાજને કારણે હાલ બેવડી ઋતુની અસર જોવા મળી રહી છે. ઉત્તર-પૂર્વ દિશાથી ફૂંકાતા પવનોને કારણે વહેલી સવારે ઠંડીનો અહેસાસ થાય છે, જ્યારે બપોરે પવનોની દિશા બદલાતાં તાપમાનમાં વધારો થતાં ગરમી અનુભવાઈ રહી છે. નલિયામાં રાજ્યનું લઘુતમ તાપમાન કચ્છના નલિયા ખાતે રાજ્યનું સૌથી ઓછું લઘુતમ તાપમાન 11.2 ડિગ્રી સેલ્સિયસ નોંધાયું હતું. જેના કારણે સવારના સમયે ઠંડીનું પ્રમાણ વધારે રહ્યું હતું. રાજ્યના અનેક વિસ્તારોમાં સવાર અને સાંજના સમયે હળવી ઠંડી જ્યારે બપોરે ગરમી અનુભવાઈ રહી છે. અમદાવાદ-ગાંધીનગરમાં પણ ઠંડીની અસર મહાનગર અમદાવાદમાં લઘુતમ તાપમાન 16.2 ડિગ્રી અને ગાંધીનગરમાં 15.5 ડિગ્રી નોંધાયું હતું. ઉત્તર ગુજરાતના ડીસામાં 15 ડિગ્રી તાપમાન સાથે ઠંડીનો અહેસાસ રહ્યો હતો. મધ્ય અને દક્ષિણ ગુજરાતમાં તાપમાન મધ્ય ગુજરાતના વડોદરામાં લઘુતમ તાપમાન 16.4 ડિગ્રી અને દક્ષિણ ગુજરાતના સુરતમાં 18.1 ડિગ્રી નોંધાયું હતું. સૌરાષ્ટ્ર-કચ્છમાં મિશ્ર હવામાન સૌરાષ્ટ્ર વિસ્તારમાં રાજકોટમાં 17.2, ભાવનગરમાં 17.9 અને અમરેલીમાં 17 ડિગ્રી લઘુતમ તાપમાન નોંધાયું હતું. આ ઉપરાંત સુરેન્દ્રનગર અને કંડલામાં 16 ડિગ્રી, મુન્દ્રામાં 16.4 ડિગ્રી તથા મહુવામાં 15.6 ડિગ્રી તાપમાન નોંધાયું હતું. આગામી દિવસોમાં બપોરે ગરમી યથાવત હવામાન વિભાગના જણાવ્યા અનુસાર હાલ ઉત્તર-પૂર્વ પવનોના કારણે સવારમાં ઠંડીનો અહેસાસ રહેશે, જ્યારે આગામી દિવસોમાં બપોરના સમયે ગરમીનો અનુભવ યથાવત રહેવાની શક્યતા છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
રાજ્યમાં બેવડી ઋતુની અસર, સવારે ઠંડી અને બપોરે ગરમીનો અહેસાસ : હવામાન વિભાગ
રાજ્યમાં હાલ ઉત્તર-પૂર્વ દિશાના પવનોના કારણે બેવડી ઋતુની અસર જોવા મળી રહી છે. હવામાન વિભાગના અનુમાન મુજબ, વહેલી સવારે ઠંડક અને બપોરે ઉનાળાની જેમ ગરમીનો અહેસાસ થઈ રહ્યો છે. અમદાવાદ અને ગાંધીનગરમાં લઘુત્તમ તાપમાન 17 થી 18 ડિગ્રી સેલ્સિયસ વચ્ચે નોંધાઈ રહ્યું છે, જ્યારે બપોરે મહત્તમ તાપમાન 30 થી 32 ડિગ્રી સેલ્સિયસ આસપાસ રહેવાની શક્યતા છે. હાલ વાતાવરણમાં મોટા ફેરફારની શક્યતા નહીવત હોવાનું હવામાન વિભાગે જણાવ્યું છે. સુરતમાં ઉનાળાની ગરમી યથાવત સુરત જિલ્લામાં ગરમીનો પારો 35 ડિગ્રી સેલ્સિયસથી નીચે ઉતરવાનું નામ લઈ રહ્યો નથી. શનિવારે સુરતમાં મહત્તમ તાપમાન 35.3 ડિગ્રી નોંધાયું હતું, જેના કારણે સુરત રાજ્યમાં સૌથી ગરમ શહેર તરીકે નોંધાયું હતું. જોકે, રાત્રીનું તાપમાન ઘટીને 18.8 ડિગ્રી સુધી પહોંચ્યું છે, જેના કારણે વહેલી સવારે હળવી ઠંડક અનુભવાઈ રહી છે. સુરતમાં સવારના સમયે ભેજનું પ્રમાણ 70 ટકા અને સાંજે 57 ટકા નોંધાયું હતું. જ્યારે પવન પ્રતિ કલાક સરેરાશ 4 કિલોમીટરની ઝડપે ફૂંકાઈ રહ્યો હતો. નવસારીમાં તાપમાનમાં તફાવત નવસારીમાં શનિવારે મહત્તમ તાપમાન 34.2 ડિગ્રી અને લઘુત્તમ તાપમાન 16.0 ડિગ્રી નોંધાયું હતું. સવારના સમયે ભેજનું પ્રમાણ 90 ટકા અને સાંજે 27 ટકા નોંધાયું હતું. અહીં પવનની ઝડપ સરેરાશ 2.1 કિલોમીટર પ્રતિ કલાક રહી હતી. આગામી દિવસોની આગાહી હવામાન વિભાગના જણાવ્યા અનુસાર, રવિવારે રાત્રીનું તાપમાન થોડું ઘટી શકે છે, પરંતુ ત્યારબાદ એકાદ-બે ડિગ્રીનો વધારો થવાની શક્યતા છે. આગામી 13 ફેબ્રુઆરી સુધી રાજ્યમાં લઘુત્તમ તાપમાન 17 થી 19 ડિગ્રી અને મહત્તમ તાપમાન 33 થી 35 ડિગ્રી સેલ્સિયસ આસપાસ રહેવાની આગાહી કરવામાં આવી છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
ઠંડી વિદાય લઈ રહી છતાં ગુજરાતમાં વાદળછાયું વાતાવરણની આગાહી, તાપમાનમાં પણ આવશે ફેરફાર
ઠંડી ધીમે-ધીમે વિદાય લઈ રહી છે, પરંતુ તે વચ્ચે ગુજરાતના હવામાનમાં ફરી એકવાર બદલાવ જોવા મળી શકે છે. રાજ્યના જાણીતા હવામાન નિષ્ણાત અંબાલાલ પટેલે આગામી દિવસોમાં હવામાનમાં મોટો પલટો આવવાની આગાહી કરી છે, જેને લઈને ખેડૂતોમાં ચિંતા વધી છે. અંબાલાલ પટેલના જણાવ્યા અનુસાર, 8 ફેબ્રુઆરીથી પશ્ચિમ વિક્ષેપોની અસર શરૂ થશે. જેના કારણે રાજ્યના અનેક વિસ્તારોમાં હવામાન બદલાઈ શકે છે અને વાદળછાયું વાતાવરણ જોવા મળી શકે છે. 10 ફેબ્રુઆરીથી રાજ્યમાં વાદળછાયું વાતાવરણ હવામાન નિષ્ણાતના અનુમાન મુજબ 10 ફેબ્રુઆરીથી ગુજરાતના ઘણા વિસ્તારોમાં વાદળછાયું વાતાવરણ છવાઈ શકે છે. ખાસ કરીને ઉત્તર ગુજરાતમાં 8થી 11 ફેબ્રુઆરી દરમિયાન તાપમાનમાં નોંધપાત્ર ઘટાડો થવાની શક્યતા છે. આ સ્થિતિ ખેતી પર અસર કરી શકે હોવાથી ખેડૂતોને સાવચેત રહેવાની સલાહ આપવામાં આવી છે. તાપમાન રહેશે 20થી 28 ડિગ્રી વચ્ચે સૌરાષ્ટ્ર અને કચ્છ વિસ્તારમાં લઘુત્તમ તાપમાન આશરે 15 ડિગ્રી સેલ્સિયસ સુધી રહેવાની શક્યતા છે. જ્યારે દરિયાકિનારાના વિસ્તારોમાં મહત્તમ તાપમાન 20થી 28 ડિગ્રી સેલ્સિયસ વચ્ચે રહેવાનો અંદાજ વ્યક્ત કરવામાં આવ્યો છે. 12 ફેબ્રુઆરી બાદ ધીમે-ધીમે વધશે તાપમાન અંબાલાલ પટેલના કહેવા મુજબ 12 ફેબ્રુઆરી પછી તાપમાનમાં ધીમે-ધીમે વધારો થવાની શક્યતા છે. જોકે, ત્યાં સુધી હવામાનનો મિજાજ બદલાતો રહે તેવી શક્યતા હોવાથી ખેડૂતો અને સામાન્ય નાગરિકોને સતર્ક રહેવાની જરૂર છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
રાજ્યમાં ઠંડી વચ્ચે કમોસમી વરસાદની આગાહી, યલો અલર્ટ જાહેર
રાજ્યમાં એક તરફ ઠંડીનો માહોલ યથાવત રહ્યો છે ત્યારે બીજી તરફ કમોસમી વરસાદની આગાહીએ ચિંતા વધારી છે. હવામાન વિભાગે આજે રાજ્યના અનેક જિલ્લાઓમાં વીજળીના કડાકા અને તેજ પવન સાથે વરસાદ થવાની સંભાવના વ્યક્ત કરી છે અને યલો અલર્ટ જાહેર કર્યું છે. વેસ્ટર્ન ડિસ્ટર્બન્સની અસરને કારણે આજે વડોદરા, ભરૂચ, અરવલ્લી અને ખેડા જિલ્લામાં માવઠાની આગાહી કરવામાં આવી છે. અન્ય જિલ્લાઓમાં પણ વરસાદની સંભાવના આ ઉપરાંત આણંદ, પંચમહાલ અને દાહોદ જિલ્લામાં પણ કમોસમી વરસાદ થવાની શક્યતા દર્શાવવામાં આવી છે. ખાસ કરીને અરવલ્લી, દાહોદ અને મહીસાગર જિલ્લામાં વધુ સતર્કતા રાખવા હવામાન વિભાગે સૂચના આપી છે. વીજળીના કડાકા સાથે છૂટાછવાયા ઝાપટાં હવામાન નિષ્ણાતોના જણાવ્યા મુજબ, કેટલાક વિસ્તારોમાં વીજળીના કડાકા સાથે છૂટાછવાયા વરસાદી ઝાપટાં પડી શકે છે. આ કમોસમી વરસાદ ખેડૂતો માટે ચિંતાજનક સાબિત થઈ શકે છે, ખાસ કરીને પાક કાપણીના સમયમાં. હવામાન વિભાગે લોકોને ખુલ્લા વિસ્તારોમાં સાવચેતી રાખવા અને ખેડૂતોને જરૂરી તકેદારી લેવા અપીલ કરી છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
ગુજરાતમાં ઠંડીનો પારો ગગડ્યો, લઘુત્તમ તાપમાનમાં 3 થી 5 ડિગ્રીનો ઘટાડો નોંધાયો
ગુજરાતમાં શિયાળાની અસર ફરી એકવાર વધતી જોવા મળી રહી છે. રાજ્યના અનેક શહેરોમાં લઘુત્તમ તાપમાનમાં 3 થી 5 ડિગ્રી સેલ્સિયસનો ઘટાડો નોંધાયો છે. ખાસ કરીને કચ્છ અને સૌરાષ્ટ્ર વિસ્તારમાં ઠંડી વધુ અનુભવાઈ રહી છે. રાજ્યના મુખ્ય શહેરોમાં નોંધાયેલ લઘુત્તમ તાપમાન મુજબ, નલિયામાં 12 ડિગ્રી, કેશોદમાં 14.8, ભુજમાં 15, કંડલામાં 15.5, પોરબંદરમાં 15.5, રાજકોટમાં 15.9, અમરેલીમાં 16.2, ડીસામાં 17.3, ગાંધીનગરમાં 18.6 અને અમદાવાદમાં 19.4 ડિગ્રી સેલ્સિયસ તાપમાન નોંધાયું છે. ઉત્તર ભારતમાં વેસ્ટર્ન ડિસ્ટર્બન્સની અસર ઉત્તર ભારતમાં વેસ્ટર્ન ડિસ્ટર્બન્સ સક્રિય થતાં હવામાનમાં મોટો ફેરફાર આવ્યો છે. રાજસ્થાન, ઉત્તર પ્રદેશ અને દિલ્હીમાં મોડી રાતથી વરસાદ પડી રહ્યો છે. જ્યારે હિમાલયના રાજ્યોમાં વરસાદ અને બરફવર્ષાનો વધુ એક રાઉન્ડ શરૂ થયો છે. હિમાચલ પ્રદેશના શિમલા અને મનાલીમાં સિઝનની પ્રથમ બરફવર્ષા નોંધાઈ છે. હવામાન વિભાગના જણાવ્યા મુજબ આગામી પાંચ દિવસ દરમિયાન ઉત્તરપશ્ચિમ ભારત અને બિહારમાં સવારના સમયે ગાઢ ધુમ્મસ રહેવાની શક્યતા છે. દિલ્હીના લોકોને હજુ ઓછામાં ઓછા બે દિવસ સુધી ઠંડીથી રાહત મળવાની નથી. કેમ આ વર્ષે શિયાળો ‘નરમ’ રહ્યો? હવામાન નિષ્ણાતોના મતે, સામાન્ય રીતે ડિસેમ્બર મહિનામાં ઉત્તર ભારતમાંથી આવતા સૂકા અને ઠંડા પવનો ગુજરાતમાં તીવ્ર ઠંડી લાવે છે. પરંતુ આ વર્ષે હિમાલયમાં મજબૂત વેસ્ટર્ન ડિસ્ટર્બન્સ સર્જાયા નથી, જેના કારણે પહાડોમાં ભારે હિમવર્ષા થઈ નથી. પરિણામે ઠંડા પવનો મેદાની વિસ્તારો અને ગુજરાત સુધી પહોંચી શક્યા નથી. તેમજ પ્રશાંત મહાસાગરમાં વધેલા તાપમાન એટલે કે **‘અલ નિનો’**ની અસરને કારણે વૈશ્વિક સ્તરે શિયાળો હુંફાળો રહ્યો છે. અરબી સમુદ્ર તરફથી આવતા ગરમ અને ભેજવાળા પવનોને કારણે પણ લઘુત્તમ તાપમાનમાં મોટો ઘટાડો થતો અટક્યો છે. ગ્લોબલ વોર્મિંગની સ્પષ્ટ અસર છેલ્લાં કેટલાંક વર્ષોમાં ગુજરાતમાં ત્રણેય ઋતુઓમાં નોંધપાત્ર બદલાવ જોવા મળી રહ્યો છે. ડિસેમ્બર મહિનામાં સામાન્ય રીતે કાતિલ ઠંડી પડતી હોય છે, પરંતુ આ વખતે ગત વર્ષની સરખામણીએ ઠંડીમાં નોંધપાત્ર ઘટાડો થયો છે. ભર શિયાળે પણ ગરમ અને ઉકળાટભર્યા દિવસોની સંખ્યા વધી રહી છે. ડિસેમ્બર-2024માં કચ્છના નલિયામાં 31 દિવસમાંથી 22 વખત લઘુત્તમ તાપમાન 10 ડિગ્રીથી નીચે ગયું હતું, જ્યારે આ વર્ષે માત્ર 4 વખત જ પારો 10 ડિગ્રીથી નીચે ઉતર્યો છે. અમદાવાદ અને નલિયાના તાપમાનનું વિશ્લેષણ ગત વર્ષે 28 ડિસેમ્બર 2024ના રોજ નલિયામાં લઘુત્તમ તાપમાન 4.2 ડિગ્રી સુધી ગગડ્યું હતું, જ્યારે આ વર્ષે સૌથી ઓછું તાપમાન 8.8 ડિગ્રી નોંધાયું છે. મહત્વની વાત એ છે કે આ વર્ષે ડિસેમ્બરમાં નલિયા સિવાય રાજ્યના કોઈ પણ વિસ્તારમાં લઘુત્તમ તાપમાન 10 ડિગ્રીથી નીચે ગયું નથી. અમદાવાદમાં ડિસેમ્બર-2024 દરમિયાન 31માંથી 14 દિવસ તાપમાન 14 ડિગ્રીથી નીચે રહ્યું હતું, જ્યારે આ વર્ષે માત્ર 4 વખત જ તાપમાન 14 ડિગ્રીથી નીચે ઉતર્યું છે. આ વખત ડિસેમ્બરમાં અમદાવાદમાં અત્યાર સુધીનું સૌથી ઓછું તાપમાન નોંધાયું છે. અમદાવાદમાં જાન્યુઆરીમાં 15 વર્ષમાં સૌથી ઓછી ઠંડી હવામાનના આંકડાઓ મુજબ, છેલ્લા 15 વર્ષમાં અમદાવાદમાં જાન્યુઆરી મહિનામાં આ વખતે સૌથી ઓછી ઠંડી નોંધાઈ છે. 1954માં 10 જાન્યુઆરીએ રેકોર્ડબ્રેક 3.9 ડિગ્રી તાપમાન નોંધાયું હતું. ચાલુ વર્ષે માત્ર ત્રણ વખત જ તાપમાન 12 ડિગ્રીથી નીચે ગયું છે. ગત વર્ષની સરખામણીએ આ વર્ષે ઠંડીમાં નોંધપાત્ર ઘટાડો જોવા મળી રહ્યો છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
ગુજરાતમાં ઠંડીમાં ઘટાડો: પવનની દિશા બદલાતા લોકોને આંશિક રાહત
ગુજરાતમાં છેલ્લા કેટલાક દિવસોથી ઠંડીનું પ્રમાણ ઘટ્યું છે. પવનની દિશા બદલાતા રાજ્યના અનેક શહેરોમાં ઠંડીમાંથી આંશિક રાહત મળી છે. હાલ કંડલામાં 12.6 ડિગ્રી, ભુજમાં 12.6 ડિગ્રી, અમરેલીમાં 14.6 ડિગ્રી, ગાંધીનગરમાં 15.5 ડિગ્રી, દ્વારકામાં 15.8 ડિગ્રી અને અમદાવાદમાં 15.9 ડિગ્રી તાપમાન નોંધાયું છે. બીજી તરફ હવામાન વિભાગ (IMD) દ્વારા ઉત્તર પ્રદેશ અને હરિયાણામાં ભારે વરસાદની આગાહી કરવામાં આવી છે. ઉત્તર ભારતમાં વેસ્ટર્ન ડિસ્ટર્બન્સ સક્રિય થવાને કારણે હવામાનમાં મોટો ફેરફાર જોવા મળી રહ્યો છે. ઉત્તર ભારતમાં વરસાદ અને બરફવર્ષા: રાજસ્થાન, ઉત્તર પ્રદેશ અને દિલ્હીમાં મોડી રાતથી વરસાદ શરૂ થયો છે. હિમાલયના રાજ્યોમાં વધુ એક રાઉન્ડમાં વરસાદ અને બરફવર્ષા થઈ રહી છે. હિમાચલ પ્રદેશના શિમલા અને મનાલીમાં સિઝનની પ્રથમ બરફવર્ષા નોંધાઈ છે. આગામી પાંચ દિવસ દરમિયાન ઉત્તરપશ્ચિમ ભારત અને બિહારમાં સવારના સમયે ગાઢ ધુમ્મસ છવાય તેવી શક્યતા છે. હવામાન વિભાગના અનુમાન મુજબ દિલ્હીમાં હજુ ઓછામાં ઓછા બે દિવસ સુધી ઠંડીથી રાહત મળવાની શક્યતા ઓછી છે. દેશના અનેક મેદાની વિસ્તારોમાં લઘુત્તમ તાપમાન રેકોર્ડ સ્તરે પહોંચી રહ્યું છે અને કેટલાક શહેરોમાં તાપમાન શૂન્ય ડિગ્રીની નજીક પહોંચી ગયું છે. આ વર્ષે શિયાળો કેમ નરમ રહ્યો? હવામાન નિષ્ણાતોનું માનવું છે કે આ વર્ષે હિમાલયમાં મજબૂત વેસ્ટર્ન ડિસ્ટર્બન્સ ન બનવાને કારણે ભારે હિમવર્ષા થઈ નથી. સામાન્ય રીતે પહાડોમાં ભારે બરફવર્ષા થતાં ત્યાંથી ઠંડા પવનો મેદાની વિસ્તારો અને ગુજરાત સુધી પહોંચે છે, પરંતુ આ વખતે તે પ્રક્રિયા નબળી રહી છે. ઉપરાંત, પ્રશાંત મહાસાગરમાં વધતા તાપમાન એટલે કે ‘અલ નીનો’ની અસર અને અરબી સમુદ્ર તરફથી આવતા ગરમ તથા ભેજવાળા પવનોને કારણે લઘુત્તમ તાપમાનમાં મોટો ઘટાડો થતો અટક્યો છે. ગ્લોબલ વોર્મિંગની અસર સ્પષ્ટ: છેલ્લા કેટલાક વર્ષોમાં ગુજરાતમાં ત્રણેય ઋતુઓમાં મોટા ફેરફારો જોવા મળી રહ્યા છે. સામાન્ય રીતે ડિસેમ્બર મહિનામાં કડકડતી ઠંડી અનુભવાતી હતી, પરંતુ આ વર્ષે ગત વર્ષની સરખામણીએ ઠંડીમાં નોંધપાત્ર ઘટાડો થયો છે. ડિસેમ્બર-2024માં કચ્છના નલિયામાં 31 દિવસમાંથી 22 વખત લઘુત્તમ તાપમાન 10 ડિગ્રીથી નીચે ગયું હતું, જ્યારે આ વર્ષે માત્ર 4 વખત જ પારો 10 ડિગ્રીથી નીચે ઉતર્યો છે. અમદાવાદ અને નલિયાનું તાપમાન: ગત વર્ષ 28 ડિસેમ્બર 2024ના રોજ નલિયામાં લઘુત્તમ તાપમાન 4.2 ડિગ્રી સુધી પહોંચ્યું હતું, જ્યારે આ વર્ષે સૌથી ઓછું તાપમાન 8.8 ડિગ્રી નોંધાયું છે. મહત્વની વાત એ છે કે આ વખતે નલિયા સિવાય ગુજરાતના કોઈપણ વિસ્તારમાં તાપમાન 10 ડિગ્રીથી નીચે ગયું નથી. અમદાવાદમાં ડિસેમ્બર 2024 દરમિયાન 14 દિવસ તાપમાન 14 ડિગ્રીથી નીચે રહ્યું હતું, જ્યારે આ વર્ષે માત્ર 4 દિવસ જ એવો ઘટાડો નોંધાયો છે. આ કારણે અમદાવાદમાં 15 વર્ષમાં જાન્યુઆરી મહિનાની સૌથી ઓછી ઠંડી અનુભવાઈ છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
ગુજરાતમાં ફરી ઠંડીનું જોર, IMDની વરસાદ અને ઠંડીની ડબલ ચેતવણી
ગુજરાતમાં ફરી એકવાર ઠંડીનું જોર વધ્યું છે. રાજ્યના અનેક શહેરોમાં લઘુત્તમ તાપમાનમાં ઘટાડો નોંધાયો છે. બીજી તરફ ભારતીય હવામાન વિભાગ (IMD) દ્વારા વરસાદ સાથે ઠંડી વધવાની ચેતવણી પણ આપવામાં આવી છે. રાજ્યના શહેરોમાં તાપમાન અમદાવાદ અને અમરેલીમાં 14.8 ડિગ્રી, ગાંધીનગરમાં 13.7 ડિગ્રી, કંડલામાં 14.2 ડિગ્રી, કેશોદમાં 14.1 ડિગ્રી, રાજકોટમાં 15.3 ડિગ્રી, ડીસામાં 14.5 ડિગ્રી, પોરબંદરમાં 16.2 ડિગ્રી અને ઓખામાં 16.8 ડિગ્રી તાપમાન નોંધાયું છે. ઠંડા પવનોના કારણે વહેલી સવાર અને રાત્રે ઠંડીની તીવ્રતા અનુભવાઈ રહી છે. ઉત્તર ભારતમાં વેસ્ટર્ન ડિસ્ટર્બન્સ સક્રિય ઉત્તર ભારતમાં વેસ્ટર્ન ડિસ્ટર્બન્સ એક્ટિવ થતા હવામાનમાં મોટો ફેરફાર આવ્યો છે. રાજસ્થાન, ઉત્તર પ્રદેશ અને દિલ્હીમાં મોડી રાતથી વરસાદ પડી રહ્યો છે. હિમાચલ પ્રદેશ અને ઉત્તરાખંડમાં વરસાદ તથા બરફવર્ષાનો નવો રાઉન્ડ શરૂ થયો છે. શિમલા અને મનાલીમાં સિઝનની પ્રથમ બરફવર્ષા નોંધાઈ છે. IMD મુજબ 26 જાન્યુઆરીએ વધુ એક મજબૂત વેસ્ટર્ન ડિસ્ટર્બન્સ સક્રિય થવાની શક્યતા છે, જેના કારણે ઉત્તર ભારતના 9 રાજ્યોમાં વરસાદ અને પહાડી વિસ્તારોમાં હિમવર્ષા થઈ શકે છે. અનેક રાજ્યોમાં ભારે વરસાદની આગાહી IMD દ્વારા જમ્મુ-કાશ્મીર, લદ્દાખ, ઉત્તર પ્રદેશ, હરિયાણા, ઉત્તરાખંડ અને હિમાચલ પ્રદેશમાં વરસાદની આગાહી કરવામાં આવી છે. સાથે સાથે તમિલનાડુ અને કેરળમાં ભારે વરસાદની ચેતવણી આપવામાં આવી છે. કેટલાક વિસ્તારોમાં 55થી 60 કિમી પ્રતિ કલાકની ઝડપે પવન ફૂંકાવાની શક્યતા છે. મેદાની વિસ્તારોમાં તાપમાન શૂન્યની નજીક ઉત્તરપશ્ચિમ ભારત અને બિહારમાં આગામી પાંચ દિવસ દરમિયાન સવારના સમયે ઘન ધુમ્મસ રહેવાની શક્યતા છે. રાજસ્થાનનું પિલાની દેશનું સૌથી ઠંડું શહેર રહ્યું છે, જ્યારે દિલ્હીના આયાનગરમાં લઘુત્તમ તાપમાન 2.9 ડિગ્રી નોંધાયું હતું. હવામાન વિભાગ મુજબ દિલ્હીને હજુ ઓછામાં ઓછા બે દિવસ ઠંડીમાંથી રાહત મળશે નહીં. આ વર્ષે શિયાળો કેમ રહ્યો નરમ? હવામાન નિષ્ણાતો જણાવે છે કે આ વર્ષે હિમાલય વિસ્તારમાં ભારે હિમવર્ષા ઓછી થતાં ઉત્તર ભારત અને ગુજરાતમાં કાતિલ ઠંડી જોવા મળી નથી. ઉપરાંત પ્રશાંત મહાસાગરમાં ‘અલ નિનો’ની અસર અને અરબી સમુદ્ર તરફથી આવતા ગરમ તથા ભેજવાળા પવનોના કારણે લઘુત્તમ તાપમાનમાં નોંધપાત્ર ઘટાડો થતો અટક્યો છે. ગ્લોબલ વોર્મિંગની અસર સ્પષ્ટ છેલ્લાં કેટલાંક વર્ષોમાં ગુજરાતની ત્રણે સિઝનમાં મોટો બદલાવ જોવા મળી રહ્યો છે. ગત વર્ષોની સરખામણીએ આ વર્ષે ડિસેમ્બરમાં ઠંડી ઘણી ઓછી રહી. કચ્છના નલિયામાં ગત વર્ષે ડિસેમ્બરમાં 22 વખત તાપમાન 10 ડિગ્રીથી નીચે ગયું હતું, જ્યારે આ વખતે માત્ર 4 વખત જ પારો 10 ડિગ્રીથી નીચે ઉતર્યો છે. અમદાવાદમાં પણ આ વર્ષે ડિસેમ્બરમાં સૌથી ઓછું 8.8 ડિગ્રી તાપમાન નોંધાયું હતું. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
આગામી બે કલાકમાં રાજ્યમાં કમોસમી વરસાદની આગાહી, જાણો વિગત
ગુજરાતમાં હવામાનમાં અચાનક પલટો આવ્યો છે. હવામાન વિભાગે આગામી બે થી ત્રણ કલાક દરમિયાન રાજ્યના કેટલાક વિસ્તારોમાં કમોસમી વરસાદની આગાહી કરી છે. વિભાગ મુજબ આજે રાત્રે 11 વાગ્યા સુધી રાજ્યના 6 જિલ્લાઓમાં વરસાદ પડી શકે છે. હવામાન વિભાગની આગાહી પ્રમાણે કચ્છમાં પવન અને ગાજવીજ સાથે વરસાદ થવાની શક્યતા વ્યક્ત કરવામાં આવી છે. ઉપરાંત બનાસકાંઠા, પાટણ, મહેસાણા, ડીસા અને પાલનપુરમાં પણ ભારે પવન સાથે કમોસમી વરસાદની સંભાવના છે. વેસ્ટર્ન ડિસ્ટર્બન્સની અસરને કારણે રાજ્યના ઉત્તર ભાગમાં હવામાન અસ્થિર બન્યું છે. આ અસર હેઠળ મહેસાણા જિલ્લામાં વાતાવરણમાં અચાનક ફેરફાર જોવા મળ્યો છે. મહેસાણા શહેરમાં ભરશિયાળે વરસાદના છાંટા પડતાં જનજીવન પર અસર જોવા મળી હતી. કમોસમી વરસાદને કારણે લોકોને હાલાકીનો સામનો કરવો પડ્યો હતો. શિયાળાના માહોલ વચ્ચે વરસાદ પડતા લોકો માટે સ્વેટર પહેરવું કે રેઈનકોટ—એવી દ્વિધાજનક સ્થિતિ સર્જાઈ હતી. હવામાન વિભાગે લોકોને જરૂરી સાવચેતી રાખવાની અપીલ કરી છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
મહેસાણામાં અચાનક વરસાદ, રવિ પાકને નુકસાનની ભીતિ
મહેસાણા શહેરમાં આજે અચાનક કમોસમી વરસાદ વરસતા જનજીવન પ્રભાવિત થયું હતું. હવામાન વિભાગ દ્વારા અગાઉ માવઠાની આગાહી કરવામાં આવી હતી, જે મુજબ સાંજના સમયે અચાનક વરસાદી ઝાપટાં શરૂ થયા હતા. વરસાદના કારણે શહેરના અનેક વિસ્તારોમાં રસ્તાઓ ભીંજાઈ ગયા હતા. વાહનચાલકો અને રાહદારીઓને મુશ્કેલીઓનો સામનો કરવો પડ્યો હતો. બીજી તરફ આ માવઠાને કારણે ખેડૂતોની ચિંતા વધી ગઈ છે. ખાસ કરીને રવિ પાકના ખેતરોમાં પાણી ભરાવાની સ્થિતિ સર્જાઈ હોવાની આશંકા વ્યક્ત કરવામાં આવી રહી છે. હવામાન વિભાગની આગાહી મુજબ રાજ્યના કચ્છ, બનાસકાંઠા અને પાટણ જિલ્લાઓમાં પણ માવઠું થવાની શક્યતા છે. કેટલાક વિસ્તારોમાં વીજળીના કડાકા સાથે વરસાદ પડી શકે તે કારણે યેલો એલર્ટ જાહેર કરવામાં આવ્યું છે. આગામી બે દિવસ ઠંડી વધવાની શક્યતા હવામાન વિભાગના ડાયરેક્ટર એ.કે. દાસે જણાવ્યું કે વેસ્ટર્ન ડિસ્ટર્બન્સના કારણે હવામાન અસ્થિર બન્યું છે. આગામી 24 કલાક દરમિયાન વરસાદી માહોલ રહેવાની શક્યતા છે, ત્યારબાદ સતત બે દિવસ સુધી ઠંડીનું જોર વધશે. રાજ્યમાં તાપમાનની સ્થિતિ અમદાવાદમાં લઘુત્તમ તાપમાન 16.8 ડિગ્રી સેલ્સિયસ નોંધાયું છે, જ્યારે નલિયામાં રાજ્યનું સૌથી નીચું તાપમાન 10.4 ડિગ્રી સેલ્સિયસ નોંધાયું છે. ગાંધીનગરમાં લઘુત્તમ તાપમાન 16 ડિગ્રી સેલ્સિયસ રહ્યું છે. માછીમારોને દરિયો ન ખેડવાની સૂચના દરિયાકાંઠાના વિસ્તારોમાં પવનની ગતિ વધવાની શક્યતા હોવાથી હવામાન વિભાગે માછીમારોને આગામી બે દિવસ સુધી દરિયો ન ખેડવાની સૂચના આપી છે. લોકોને ઠંડી અને વરસાદને ધ્યાનમાં રાખીને જરૂરી સાવચેતી રાખવાની અપીલ પણ કરવામાં આવી છે. ઉત્તર ભારતના રાજ્યોમાં પણ હવામાન પલટો હવામાન વિભાગે આગાહી કરી છે કે આગામી દિવસોમાં ત્રણ સક્રિય વેસ્ટર્ન ડિસ્ટર્બન્સને કારણે કાશ્મીર, હિમાચલ પ્રદેશ અને ઉત્તરાખંડમાં ભારે હિમવર્ષા અને વરસાદ થઈ શકે છે. દિલ્હી-NCR સહિત ઉત્તર પશ્ચિમ ભારતના અનેક રાજ્યોમાં ધુમ્મસ અને વાદળછાયું વાતાવરણ રહેવાની સંભાવના છે. IMD દ્વારા લોકોને બિનજરૂરી બહાર નીકળવાનું ટાળવા, ગરમ કપડાં પહેરવા અને બાળકો તથા વૃદ્ધોની ખાસ કાળજી લેવાની સલાહ આપવામાં આવી છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
