Bindiaગુજરાતમાં ઠંડીનું પ્રમાણ ઘટ્યું : વહેલી સવારે ઠંડી, બપોરે ગરમીનો અહેસાસ – શહેરીજનો પરેશાન
ગુજરાતમાં શિયાળો આ વર્ષે નરમ રહ્યો હોવાનું સ્પષ્ટ ચિત્ર સામે આવી રહ્યું છે. વહેલી સવારે ઠંડીનો અહેસાસ થાય છે, પરંતુ બપોરના સમયે ગરમી અને ઉકળાટ અનુભવાતો હોવાથી લોકો દ્વિધામાં મુકાયા છે. રાજ્યમાં નોંધાયેલું લઘુત્તમ તાપમાન હવામાન વિભાગના આંકડા મુજબ રાજ્યના વિવિધ શહેરોમાં નીચે મુજબ લઘુત્તમ તાપમાન નોંધાયું છે: નલિયા : 10.4 ડિગ્રી અમરેલી : 12.7 ડિગ્રી ડીસા : 13 ડિગ્રી રાજકોટ : 12.3 ડિગ્રી પોરબંદર : 14.8 ડિગ્રી ગાંધીનગર : 15.3 ડિગ્રી કંડલા : 15.5 ડિગ્રી દીવ : 15.7 ડિગ્રી સુરત : 16.8 ડિગ્રી અમદાવાદ : 17 ડિગ્રી ઉત્તર ભારત અને બિહારમાં ધુમ્મસની શક્યતા આગામી પાંચ દિવસ દરમિયાન ઉત્તરપશ્ચિમ ભારત અને બિહારમાં વહેલી સવારે ગાઢ ધુમ્મસ છવાયેલું રહેવાની શક્યતા વ્યક્ત કરવામાં આવી છે. રાજસ્થાનનું પિલાની દેશનું સૌથી ઠંડું શહેર રહ્યું હતું, જ્યારે દિલ્હીના આયાનગરમાં લઘુત્તમ તાપમાન 2.9 ડિગ્રી નોંધાયું હતું. હવામાન વિભાગે જણાવ્યું છે કે દિલ્હીમાં આગામી બે દિવસ સુધી કડકડતી ઠંડીમાંથી રાહત મળવાની શક્યતા નથી. કેમ આ વર્ષે શિયાળો નરમ રહ્યો? હવામાન નિષ્ણાતોના જણાવ્યા મુજબ સામાન્ય રીતે ડિસેમ્બરમાં ઉત્તર ભારત તરફથી આવતાં સૂકા અને ઠંડા પવનો ગુજરાતમાં ઠંડી લાવે છે. પરંતુ આ વર્ષે હિમાલયમાં મજબૂત વેસ્ટર્ન ડિસ્ટર્બન્સ સર્જાયા નથી. પરિણામે ઉત્તર ભારતમાં હિમવર્ષા ઓછી રહી અને ઠંડા પવનનો પ્રભાવ ગુજરાત સુધી પહોંચ્યો નહીં. આ ઉપરાંત પ્રશાંત મહાસાગરમાં વધેલા તાપમાનની ઘટના એટલે કે ‘અલ નિનો’ની અસરને કારણે વૈશ્વિક સ્તરે શિયાળો હુંફાળો રહ્યો છે. અરબી સમુદ્ર તરફથી આવતાં ગરમ અને ભેજવાળા પવનોને કારણે લઘુત્તમ તાપમાનમાં નોંધપાત્ર ઘટાડો થતો અટક્યો છે. ગ્લોબલ વોર્મિંગની અસર સ્પષ્ટ છેલ્લાં કેટલાંક વર્ષોથી ગુજરાતમાં ત્રણેય ઋતુઓમાં મોટો ફેરફાર જોવા મળી રહ્યો છે. અગાઉ ડિસેમ્બર મહિનામાં રાજ્યમાં કડક ઠંડી અનુભવાતી હતી, પરંતુ આ વર્ષે ગત વર્ષની તુલનામાં ઠંડીમાં નોંધપાત્ર ઘટાડો નોંધાયો છે. ભર શિયાળે પણ ગરમ અને ઉકળાટભર્યા દિવસોની સંખ્યા વધી છે. આંકડાઓ મુજબ, ડિસેમ્બર-2024માં કચ્છના નલિયામાં 31 દિવસમાંથી 22 વખત લઘુત્તમ તાપમાન 10 ડિગ્રીથી નીચે ગયું હતું, જ્યારે આ વર્ષે માત્ર 4 વખત જ પારો 10 ડિગ્રીથી નીચે ઉતર્યો છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
ગુજરાતમાં આ તારીખથી ઠંડી સાથે માવઠાની સંભાવના, અંબાલાલ પટેલની મોટી આગાહી
ગુજરાતના હવામાનમાં આગામી દિવસોમાં અચાનક ફેરફારની શક્યતા વ્યક્ત કરવામાં આવી છે. હવામાન નિષ્ણાંત અંબાલાલ પટેલ અને હવામાન વિભાગની તાજી આગાહી મુજબ, રાજ્યના કેટલાક વિસ્તારોમાં 22 જાન્યુઆરીથી ઠંડી સાથે કમોસમી વરસાદ અને કરા પડવાની શક્યતા છે. હવામાનની વિગતવાર સ્થિતિ હાલ બેવડી ઋતુમાં વહેલી સવારે ઠંડી અને બપોરે ગરમી અનુભવાઈ રહી છે. ઉત્તર ભારતમાં સક્રિય પશ્ચિમી વિક્ષેપની અસર ગુજરાત પર જોવા મળશે. ખાસ કરીને ઉત્તર ગુજરાત, મધ્ય ગુજરાત, સૌરાષ્ટ્ર અને કચ્છમાં તાપમાનમાં નોંધપાત્ર ઘટાડો અને ઠંડા પવનનું પ્રભાવ રહેશે. 22 થી 26 જાન્યુઆરી દરમિયાન સૌરાષ્ટ્ર અને કચ્છમાં કરા સાથે હળવો વરસાદ પડી શકે છે. 30 જાન્યુઆરીથી 5 ફેબ્રુઆરી દરમિયાન ફરી હવામાનમાં ફેરફારની અને 13 ફેબ્રુઆરી આસપાસ પણ વાતાવરણ બદલાવાની શક્યતા છે. ખેડૂતો માટે ચેતવણી આગાહી મુજબ, રવિ પાકોની સિઝનમાં કમોસમી વરસાદ પડવાથી ઘઉં, ચણા, જીરૂ અને ડુંગળી જેવા પાકોને નુકસાન થવાની શક્યતા છે. હવામાન તંત્ર ખેડૂતોને પાકની સુરક્ષા માટે સાવચેતી રાખવાની સલાહ આપી રહ્યું છે. હવામાન નિષ્ણાંતો અનુરોધ કરે છે કે સામાન્ય નાગરિકો પણ ઠંડી અને કમોસમી વરસાદને ધ્યાનમાં રાખીને સલામતીના પગલાં લેશે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
રાજ્યમાં ફરી માવઠાનો ખતરો: 22 થી 27 જાન્યુઆરી દરમિયાન કમોસમી વરસાદની શક્યતા
ગુજરાતમાં ફરી એકવાર માવઠાનો ખતરો તોળાઇ રહ્યો છે. હવામાન વિભાગની આગાહી અનુસાર, 22 જાન્યુઆરીથી 27 જાન્યુઆરી સુધી રાજ્યમાં કમોસમી વરસાદનો એક રાઉન્ડ આવી શકે છે. હાલ રાજ્યમાં કડકડતી ઠંડી પડી રહી છે, અને આ વચ્ચે માવઠાની આગાહી ખેડૂતોમાં ચિંતાનું કારણ બની છે. ગુજરાતમાં વરસાદની શક્યતાઓ – સૌરાષ્ટ્ર, કચ્છ અને ઉત્તર ગુજરાતમાં હળવો વરસાદ પડવાની સંભાવના છે. – રાજ્યના અનેક જિલ્લાઓમાં હવામાન વિભાગે વાદળછાયું વાતાવરણ અને ભેજવાળા પવનની શક્યતા દર્શાવી છે. – ડિસેમ્બર મહિનામાં વરસેલા માવઠાથી ખેડૂતોને નુકસાન થયું હતું, અને ફરી વરસાદ પડવાને કારણે ઘઉં સહિતના પાકને નુકસાન થવાની આશંકા છે. ઉત્તર ભારત અને વેસ્ટર્ન ડિસ્ટર્બન્સ હવામાન નિષ્ણાતોના જણાવ્યા અનુસાર, ઉત્તર ભારતમાં હાલ તીવ્ર ઠંડી છવાઈ છે. વેસ્ટર્ન ડિસ્ટર્બન્સની અસર હેઠળ 22 જાન્યુઆરીથી 27 જાન્યુઆરી દરમિયાન ઉત્તર ભારતના પહાડી વિસ્તારોમાં ભારે હિમવર્ષા, મેદાન વિસ્તારોમાં વરસાદ. આ અસર ગુજરાતના વાતાવરણ પર પણ જોવા મળી શકે છે. ખાસ કરીને કચ્છ, ઉત્તર ગુજરાત અને સૌરાષ્ટ્રના કેટલાક ભાગો વધુ અસરગ્રસ્ત બની શકે છે. શહેરોમાં સ્થિતિ ગાંધીનગર અને અમદાવાદમાં પણ આ સમયમાં વાદળછાયું વાતાવરણ રહેશે. હળવો વરસાદ પડવાથી, ઠંડીમાં થોડી રાહત મળશે, પરંતુ જમીન પરના પાક માટે જોખમ વધી શકે છે. રાજ્યમાં 22 થી 27 જાન્યુઆરી દરમિયાન કમોસમી વરસાદની આગાહી છે. ખેડૂતો, સામાન્ય લોકો અને શહેરી વાસીઓ માટે આગામી દિવસો દરમિયાન હવામાન પર નજર રાખવી જરૂરી છે, ખાસ કરીને ખેતી માટે તૈયારીઓ કરી લેવી જરૂરી છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
ગુજરાતમાં કડકડતી ઠંડીનો ચમકારો યથાવત, કેશોદ સૌથી ઠંડુ શહેર બન્યું
ગુજરાતમાં ફરી એકવાર કડકડતી ઠંડીનો અનુભવ થઈ રહ્યો છે. રાજ્યના અનેક વિસ્તારોમાં લઘુત્તમ તાપમાનમાં નોંધપાત્ર ઘટાડો નોંધાયો છે. રાજ્યમાં સૌથી ઓછું તાપમાન કેશોદમાં 8.1 ડિગ્રી સેલ્સિયસ નોંધાયું છે, જેના કારણે કેશોદ રાજ્યનું સૌથી ઠંડુ શહેર બન્યું છે. ગુજરાતના મુખ્ય શહેરોમાં લઘુત્તમ તાપમાન કેશોદ – 8.1°C કંડલા એરપોર્ટ – 8.6°C નલિયા – 9.2°C અમરેલી – 9.4°C દીવ – 10.3°C ડીસા – 11°C ભુજ – 12.4°C મહુવા – 12.5°C પોરબંદર – 13.6°C અમદાવાદ – 14.5°C વેરાવળ – 14.5°C ઠંડીના કારણે વહેલી સવારે અને મોડી રાત્રે લોકોને ગરમ કપડાંનો સહારો લેવો પડી રહ્યો છે. ઉત્તર ભારતમાં ઠંડીના નવા રેકોર્ડ ઉત્તર ભારતમાં ઠંડી સતત નવા રેકોર્ડ બનાવી રહી છે. અનેક પહાડી વિસ્તારોમાં ભારે બરફવર્ષા થઈ છે, જ્યારે મેદાન વિસ્તારોમાં ગાઢ ઠંડીના કારણે જનજીવન પ્રભાવિત થયું છે. રાજસ્થાન, પંજાબ, હરિયાણા, દિલ્હી, હિમાચલ પ્રદેશ અને ઉત્તરાખંડમાં આગામી બે દિવસ માટે શીતલહેરની ચેતવણી આપવામાં આવી છે. દિલ્હીના આયાનગરમાં લઘુત્તમ તાપમાન 2.9 ડિગ્રી સેલ્સિયસ નોંધાયું હતું, જ્યારે રાજસ્થાનનું પિલાની દેશના સૌથી ઠંડા શહેરોમાં સામેલ રહ્યું છે. ધુમ્મસની ચેતવણી હવામાન વિભાગના અનુમાન મુજબ, આગામી પાંચ દિવસ દરમિયાન ઉત્તરપશ્ચિમ ભારત અને બિહારના વિસ્તારોમાં ગાઢ ધુમ્મસ છવાય તેવી શક્યતા છે. મેદાન વિસ્તારોમાં ઘણા શહેરોમાં તાપમાન શૂન્ય ડિગ્રીની નજીક પહોંચી રહ્યું છે. કેમ આ વર્ષે શિયાળો ‘નરમ’ રહ્યો? હવામાન નિષ્ણાતોના જણાવ્યા અનુસાર, સામાન્ય રીતે ડિસેમ્બરમાં ઉત્તર ભારત તરફથી આવતા સૂકા અને ઠંડા પવનો ગુજરાતમાં ઠંડી લાવે છે. પરંતુ આ વર્ષે હિમાલય વિસ્તારમાં મજબૂત વેસ્ટર્ન ડિસ્ટર્બન્સ (પશ્ચિમી વિક્ષેપ) સર્જાયા નથી. ઉપરાંત, અલ નીનો (El Niño)ની અસર અને અરબી સમુદ્ર તરફથી આવતા ગરમ તથા ભેજવાળા પવનોને કારણે લઘુત્તમ તાપમાનમાં મોટો ઘટાડો થતો અટક્યો છે. ગ્લોબલ વોર્મિંગની અસર સ્પષ્ટ છેલ્લાં કેટલાંક વર્ષોથી ગુજરાત સહિત સમગ્ર દેશમાં ગ્લોબલ વોર્મિંગની અસર વધુ સ્પષ્ટ બની રહી છે. અગાઉ ડિસેમ્બર મહિનામાં કાતિલ ઠંડી પડતી હતી, પરંતુ આ વખતે ઠંડીની તીવ્રતા ઓછી જોવા મળી છે. ડિસેમ્બર-2024ની તુલનામાં ડિસેમ્બર-2025માં ઠંડી નોંધપાત્ર રીતે ઘટી છે. કચ્છના નલિયામાં જ્યાં ગત વર્ષે 22 વખત તાપમાન 10 ડિગ્રીથી નીચે ગયું હતું, ત્યાં આ વખતે માત્ર 4 વખત જ એવો ઘટાડો નોંધાયો છે. અમદાવાદમાં પણ ઠંડી ઓછી અમદાવાદમાં ડિસેમ્બર-2024 દરમિયાન 14 દિવસ લઘુત્તમ તાપમાન 14 ડિગ્રીથી નીચે રહ્યું હતું, જ્યારે આ વર્ષે માત્ર 4 દિવસ જ એવો ઘટાડો નોંધાયો છે. આ વખતે ડિસેમ્બરમાં અમદાવાદમાં અત્યાર સુધીનું સૌથી ઓછું તાપમાન નોંધાયું છે, પરંતુ તે પણ ગત વર્ષની તુલનામાં વધારે છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
ઉત્તરાયણ પહેલા અંબાલાલ પટેલની આગાહી: ગુજરાતના વાતાવરણમાં આવશે પલટો
ગુજરાતમાં હાલ હાડ થીજવતી ઠંડીનો અનુભવ થઈ રહ્યો છે. આવી સ્થિતિમાં જાણીતા હવામાન નિષ્ણાત અંબાલાલ પટેલે રાજ્યના હવામાનને લઈને મહત્વની આગાહી કરી છે. તેમના જણાવ્યા મુજબ પવનની ગતિ અને ઉત્તર પર્વતીય વિસ્તારોમાંથી આવતાં ઠંડા પવનના કારણે હાલ રાજ્યમાં ઠંડીનો ચમકારો યથાવત છે. અંબાલાલ પટેલે જણાવ્યું કે ન્યુક્લિયર એનર્જીના પ્રયોગો, માનવસર્જિત કારણો તેમજ કુદરતી ફેરફારોના કારણે પશ્ચિમી વિક્ષેપ (વેસ્ટર્ન ડિસ્ટર્બન્સ) પર અસર પડી રહી છે. એટલાન્ટિક મહાસાગરથી લઈને સહરાના રણ અને આરબ દેશો સુધીના વાતાવરણમાં થતા ફેરફારોની અસર ભારત સુધી જોવા મળી રહી છે. તેમના અનુમાન મુજબ 18 જાન્યુઆરી આસપાસ એક નવો પશ્ચિમી વિક્ષેપ સક્રિય થશે. જેના પરિણામે ગુજરાતમાં 18 થી 23 જાન્યુઆરી દરમિયાન વાદળછાયું વાતાવરણ રહેવાની શક્યતા છે. આ સમયગાળા દરમિયાન લઘુતમ તાપમાનમાં થોડો વધારો થવાથી કડકડતી ઠંડીમાંથી થોડી રાહત મળી શકે છે. બંગાળની ખાડી અને અરબ સાગરમાંથી આવતાં ભેજને કારણે મહારાષ્ટ્ર, મધ્ય પ્રદેશ અને ગુજરાતના કેટલાક વિસ્તારોમાં વાદળો છવાઈ શકે છે. જોકે પશ્ચિમી વિક્ષેપની અસર ઓછી થતાં જાન્યુઆરીના અંતમાં ફરી એકવાર ઠંડીનું મોજું વળવાની શક્યતા છે. અંબાલાલ પટેલે વધુમાં જણાવ્યું કે ફેબ્રુઆરીની શરૂઆતમાં પણ હવામાનમાં મોટો પલટો આવી શકે છે. બદલાતા હવામાનને ધ્યાનમાં રાખીને ખેડૂતો અને સામાન્ય નાગરિકોએ જરૂરી સાવચેતી રાખવી જરૂરી હોવાનું તેમણે જણાવ્યું છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
નવા વર્ષમાં કેવો રહેશે કુદરતનો મિજાજ..! | GUJARATI NEWS BULLETIN
ભરશિયાળે ગુજરાત પર તોળાયું માવઠાનું સંકટ રાજ્યમાં છુટાછવાયા વરસાદની વકી કચ્છ, બનાસકાંઠા, પાટણમાં પડી શકે છે માવઠું જામનગર, મોરબી, દેવભૂમિ દ્વારકામાં માવઠાની શક્યતા ભારતીય હવામાન વિભાગની માવઠાની આગાહી અમદાવાદના કેટલાક વિસ્તારોમાં હળવા છાંટા પડ્યા ઠંડી સામે રક્ષણ માટે લોકોએ તાપણાનો સહારો લીધો અમીરગઢમાં કમોસમી વરસાદથી ધરતીપુત્રો ચિંતિત Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
રાજ્યમાં 31 ડિસેમ્બર અને 1 જાન્યુઆરીએ કમોસમી વરસાદની શક્યતા, જાણો હવામાન વિષે
ગુજરાત રાજ્યમાં વર્ષના અંતે અને નવા વર્ષની શરૂઆત સાથે કમોસમી વરસાદની શક્યતા વ્યક્ત કરવામાં આવી છે. હવામાન નિષ્ણાત પરેશ ગોસ્વામીના જણાવ્યા મુજબ 31 ડિસેમ્બર અને 1 જાન્યુઆરીના રોજ રાજ્યના અનેક વિસ્તારોમાં માવઠું પડી શકે છે. આ સાથે 2025ની વિદાય અને નવા વર્ષની શરૂઆત વરસાદી માહોલ સાથે થવાની સંભાવના છે. પરેશ ગોસ્વામીની આગાહી અનુસાર કચ્છના તમામ વિસ્તારોમાં કમોસમી વરસાદની અસર જોવા મળી શકે છે. જ્યારે સૌરાષ્ટ્રના મોરબી, સુરેન્દ્રનગર, રાજકોટ, જૂનાગઢ, પોરબંદર, દ્વારકા અને જામનગર જિલ્લામાં માવઠાની શક્યતા છે. દરિયાકાંઠાના ભાવનગર, અમરેલી અને ગીરસોમનાથમાં હળવા ઝાપટાં પડી શકે છે. આ ઉપરાંત ઉત્તર ગુજરાતના પાટણ તેમજ વાવ-થરાદ વિસ્તારમાં પણ સામાન્ય વરસાદની આગાહી કરવામાં આવી છે. રાજ્યમાં ઠંડીનું જોર વધ્યું રાજ્યભરમાં ઠંડીના પ્રમાણમાં સતત વધારો થઈ રહ્યો છે. તાપમાનના પારા ગગડતા લોકો ઠંડીનો વધુ અનુભવ કરી રહ્યા છે. હવામાન વિભાગ મુજબ આગામી 48 કલાક દરમિયાન ઠંડીમાં હજુ વધારો થવાની શક્યતા છે. હાલમાં 10.4 ડિગ્રી તાપમાન સાથે નલિયા રાજ્યનું સૌથી ઠંડુ શહેર બન્યું છે. દાહોદમાં 11.1 ડિગ્રી અને ડાંગમાં 12.6 ડિગ્રી તાપમાન નોંધાયું છે. ગાંધીનગર અને ડીસામાં લઘુત્તમ તાપમાન 12.8 ડિગ્રી નોંધાયું છે. જ્યારે અમદાવાદમાં 14.8 ડિગ્રી અને વડોદરામાં 14.4 ડિગ્રી તાપમાન નોંધાયું છે. અંબાલાલ પટેલની અગાઉની આગાહી હવામાન નિષ્ણાત અંબાલાલ પટેલે 27 ડિસેમ્બરના રોજ આગાહી કરી હતી કે રાજ્યમાં આગામી ચાર દિવસ દરમિયાન કડકડતી ઠંડી પડશે. ભારે પવન સાથે ઠંડા પવનો ફૂંકાશે અને લઘુત્તમ તાપમાન 10 ડિગ્રી સુધી પહોંચી શકે છે. કચ્છ અને સૌરાષ્ટ્રના વિસ્તારોમાં ઠંડા પવનોનો પ્રભાવ રહેશે, જ્યારે ઉત્તર અને મધ્ય ગુજરાતમાં પણ ઠંડીનો ચમકારો જોવા મળશે. તેમણે વધુમાં જણાવ્યું હતું કે જાન્યુઆરીના પ્રથમ સપ્તાહમાં વાદળછાયા વાતાવરણને કારણે ઠંડીમાં ઘટાડો થશે, પરંતુ 10 જાન્યુઆરી બાદ ફરી પવન ફૂંકાવા સાથે ઠંડીમાં વધારો થવાની શક્યતા છે. ઉત્તરાયણ દરમિયાન પણ ઠંડી સાથે પવન ફૂંકાવાની આગાહી કરવામાં આવી છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
રાજ્યમાં બે દિવસ બાદ ઠંડીમાં વધારો, તાપમાન 2થી 3 ડિગ્રી ઘટવાની શક્યતા
રાજ્યમાં આગામી બે દિવસ બાદ ઠંડીનો ચમકારો વધવાની શક્યતા છે. હવામાન વિભાગે આગાહી કરતા જણાવ્યું છે કે આવનારા 48 કલાક બાદ રાજ્યના તાપમાનમાં ઘટાડો નોંધાઈ શકે છે. વિભાગના જણાવ્યા અનુસાર, 48 કલાક પછી મહત્તમ અને લઘુત્તમ તાપમાનમાં અંદાજે 2થી 3 ડિગ્રી સેલ્સિયસનો ઘટાડો થવાની શક્યતા છે. જોકે, આગામી બે દિવસ સુધી વાતાવરણમાં કોઈ ખાસ ફેરફાર જોવા મળશે નહીં. આગામી સાત દિવસ સુધી વાતાવરણ સૂકું હવામાન વિભાગે વધુમાં જણાવ્યું છે કે રાજ્યમાં આગામી સાત દિવસ સુધી વરસાદની કોઈ શક્યતા નથી અને વાતાવરણ સંપૂર્ણપણે સૂકું રહેશે. ઠંડીમાં વધારાથી સવાર અને રાત્રિના સમયે ઠંડીનો અનુભવ વધે તેવી શક્યતા છે. હવામાન વિભાગ દ્વારા તાપમાનમાં થતા ફેરફારને ધ્યાનમાં રાખીને જરૂરી સાવચેતી રાખવા સૂચના આપવામાં આવી છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
ગુજરાતમાં ઠંડી ચમકારો યથાવત: નલિયામાં આ સિઝનનું સૌથી નીચું 9°C તાપમાન
રાજ્યમાં ઠંડીનો તીવ્ર ચમકારો યથાવત રહ્યો છે. આ સિઝનમાં પ્રથમ વખત નલિયામાં તાપમાન 9°C નોંધાયું છે, જે અત્યાર સુધીનું સૌથી નીચું છે. અનેક શહેરોમાં તાપમાન 12–15°C ની વચ્ચે રહેતાં લોકો સવાર-સાંજ ઠંડીનો મોટો અહેસાસ કરી રહ્યા છે. વિભિન્ન શહેરોમાં નોંધાયેલ તાપમાન (°C) – નલિયા: 9 – અમરેલી: 11.44 – કંડલા એરપોર્ટ: 11.7 – વડોદરા: 12 – રાજકોટ: 12.5 – ડીસા: 12.7 – મહુવા: 12.7 – કેશોદ: 12.3 – અમદાવાદ: 13.4 – ગાંધીનગર: 13 – વિદ્યાનગર: 14.4 – ભુજ: 14.6 – ભાવનગર: 14.6 – સુરેન્દ્રનગર: 14.2 – દીવ: 14.8 હવામાન વિભાગની આગાહી હવામાન વિભાગ મુજબ— – રાજ્યમાં ઉત્તર-પૂર્વનાં ઠંડા પવનોના કારણે સવારમાં ઠંડી વધુ અનુભવાશે. – આ સ્થિતિ 14 ડિસેમ્બર સુધી યથાવત રહેવાની શક્યતા. – પવનની ગતિ વધુ હોવાથી લઘુતમ તાપમાન સ્થિર છતાં શીતલહેરનો અહેસાસ વધશે. – આવનારા 24 કલાકમાં હવામાન શુષ્ક રહેશે. – 48 કલાક બાદ તાપમાન 2 થી 3 ડિગ્રી વધી શકે છે. – વહેલી સવાર અને રાત્રે કડકડતી ઠંડી, બપોરે હળવો તડકો અને સાંજે ફરી ઠંડી વધે તેવી પરિસ્થિતિ રહેશે. ખેડૂતો અને આરોગ્ય પર અસર – ઠંડું હવામાન રવિ પાકો માટે સાનુકૂળ છે. – પરંતુ તાપમાનમાં ઉતાર-ચઢાવને કારણે શરદી-ખાંસી, તાવ જેવા રોગોમાં વધારો. – લોકો માટે ગરમ કપડાં, સૂર્યપ્રકાશ અને સાવચેતી જરૂરી. ઉત્તર ભારત માટે IMDની ચેતવણી – ભારતના ઉત્તર પ્રદેશોમાં ઠંડી વધુ તીવ્ર બની રહી છે— – રાજસ્થાન, મધ્યપ્રદેશ, પંજાબમાં ઠંડીની ચેતવણી. – હરિયાણા, ઉત્તરપ્રદેશમાં તીવ્ર ઠંડીની ચેતવણી. – રાજસ્થાનના સીકરમાં તાપમાન 7°C. – મધ્યપ્રદેશના રાજગઢમાં પણ 7°C. – છત્તીસગઢના સુરગુજા અને પેંડરામાં 9°C સુધી તાપમાન ઘટ્યું. રાજ્યમાં હાલના દિવસોમાં ઠંડીનું પ્રમાણ વધતું જતું હોવાથી તબીબી સાવચેતી અને ગરમીથી બચવાના ઉપાયો અપનાવવું જરૂરી છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
ગુજરાતમાં 17થી 24 ડિસેમ્બર વચ્ચે માવઠાની શક્યતા, ખેડૂતોમાં ચિંતા વધી
ગુજરાતમાં ફરી એકવાર ભરશિયાળે વરસાદ ખાબકવાની આગાહી સામે આવી છે. જાણીતા હવામાન નિષ્ણાત અંબાલાલ પટેલે આગાહી કરી છે કે રાજ્યમાં ડિસેમ્બર માસ દરમિયાન માવઠુ થવાની સંભાવના છે. ખાસ કરીને 17 ડિસેમ્બરથી 24 ડિસેમ્બર વચ્ચે રાજ્યના અનેક વિસ્તારોમાં ઠેકઠેકાણે વરસાદ પડી શકે છે. તાજેતરમાં گزરી ગયેલા દિત્વાહ વાવાઝોડા બાદ રાજ્યના વાતાવરણમાં પહેલેથી જ મોટો ફેરફાર જોવા મળી રહ્યો છે. હવે ભરશિયાળે પડતા આ સંભાવિત માવઠાને કારણે ખેડૂતોમાં ચિંતા વધવા લાગી છે, કારણ કે પાકોના અંતિમ તબક્કામાં પડતો વરસાદ નુકસાન પહોંચાડી શકે છે. હવામાન વિભાગ તરફથી સત્તાવાર આગાહી આવવાની બાકી છે, પરંતુ અંબાલાલ પટેલની આગાહી અનુસાર આ અઠવાડિયામાં હવામાનમાં પલટો જોવા મળી શકે છે. રાજ્યના ઉત્તર, મધ્ય અને દક્ષિણ ગુજરાતના વિસ્તારોમાં સૌથી વધુ અસર રહેવાની શક્યતા હોવાનું માનવામાં આવી રહ્યું છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
