Bindiaગુજરાતમાં આગામી 5 દિવસ ભારે વરસાદનું એલર્ટ, અનેક જિલ્લામાં રેડ એલર્ટ જાહેર
રાજ્યમાં વરસાદ માહોલ યથાવત, હવામાન વિભાગની મહત્વપૂર્ણ આગાહી ગુજરાતમાં ચોમાસું જોર પકડી રહ્યું છે અને રાજ્યના અનેક વિસ્તારોમાં સતત વરસાદી માહોલ જોવા મળી રહ્યો છે. ખાસ કરીને દક્ષિણ ગુજરાત, મધ્ય ગુજરાત અને ઉત્તર ગુજરાતના અનેક જિલ્લાઓમાં ભારે વરસાદ નોંધાઈ રહ્યો છે. આ પરિસ્થિતિ વચ્ચે હવામાન વિભાગે આગામી 27 જુલાઈ સુધી રાજ્યના વિવિધ જિલ્લાઓમાં ગાજવીજ સાથે ભારેથી અતિભારે વરસાદની આગાહી કરી છે. કેટલીક જગ્યાએ રેડ એલર્ટ અને અનેક જિલ્લાઓમાં ઓરેન્જ એલર્ટ જાહેર કરવામાં આવ્યું છે, જેના પગલે સ્થાનિક તંત્રને પણ સજ્જ રહેવા સૂચના આપવામાં આવી છે. 23 જુલાઈએ અનેક જિલ્લામાં ભારે વરસાદની શક્યતા હવામાન વિભાગના અનુમાન મુજબ 23 જુલાઈએ મહીસાગર, દાહોદ અને પંચમહાલ જિલ્લામાં અતિભારે વરસાદની સંભાવનાને ધ્યાનમાં રાખીને રેડ એલર્ટ જાહેર કરવામાં આવ્યું છે. આ ઉપરાંત સાબરકાંઠા, અરવલ્લી, ગાંધીનગર, ખેડા, વડોદરા, નર્મદા, છોટા ઉદેપુર, તાપી, ડાંગ, નવસારી અને વલસાડ જિલ્લામાં ઓરેન્જ એલર્ટ જાહેર કરવામાં આવ્યું છે. જ્યારે બનાસકાંઠા, મહેસાણા, અમદાવાદ, સુરેન્દ્રનગર, આણંદ, ભરૂચ, સુરત, ભાવનગર, અમરેલી અને બોટાદ જિલ્લામાં યલો એલર્ટ જાહેર કરવામાં આવ્યું છે. આ વિસ્તારોમાં ગાજવીજ સાથે ભારે વરસાદ, તેજ પવન અને વીજળી પડવાની શક્યતા વ્યક્ત કરવામાં આવી છે. 24 જુલાઈ માટે પણ બે જિલ્લામાં વરસાદનું રેડ એલર્ટ 24 જુલાઈના રોજ મહીસાગર અને દાહોદ જિલ્લામાં ફરીથી રેડ એલર્ટ જાહેર કરવામાં આવ્યું છે. સાબરકાંઠા, અરવલ્લી, ગાંધીનગર, મહેસાણા, ખેડા, પંચમહાલ અને છોટા ઉદેપુર જિલ્લામાં ઓરેન્જ એલર્ટ રહેશે. આ ઉપરાંત વાવ-થરાદ, બનાસકાંઠા, અમદાવાદ, આણંદ, વડોદરા, ભરૂચ, નર્મદા, તાપી, સુરત, નવસારી, ડાંગ અને વલસાડ જિલ્લામાં યલો એલર્ટ જાહેર કરવામાં આવ્યું છે. હવામાન વિભાગે લોકોને બિનજરૂરી મુસાફરી ટાળવાની અને નદી-નાળા નજીક ન જવાની સલાહ આપી છે. 25 જુલાઈએ ઉત્તર ગુજરાતમાં વરસાદનું જોર 25 જુલાઈએ સાબરકાંઠા અને અરવલ્લી જિલ્લામાં ઓરેન્જ એલર્ટ રહેશે. જ્યારે વાવ-થરાદ, બનાસકાંઠા, મહેસાણા, ગાંધીનગર, મહીસાગર અને દાહોદ જિલ્લામાં યલો એલર્ટ જાહેર કરવામાં આવ્યું છે. આ વિસ્તારોમાં મધ્યમથી ભારે વરસાદ પડવાની શક્યતા છે. હવામાન વિભાગના જણાવ્યા મુજબ વરસાદી સિસ્ટમ સક્રિય રહેવાના કારણે કેટલાક વિસ્તારોમાં ટૂંકા સમયગાળામાં ભારે વરસાદ નોંધાઈ શકે છે, જેના કારણે નીચાણવાળા વિસ્તારોમાં પાણી ભરાવાની સ્થિતિ સર્જાઈ શકે છે. 26 અને 27 જુલાઈએ પણ વરસાદી માહોલ યથાવત આગામી 26 અને 27 જુલાઈ દરમિયાન પણ રાજ્યના અનેક જિલ્લાઓમાં વરસાદની શક્યતા રહેશે. અમરેલી, ભાવનગર, વાવ-થરાદ, બનાસકાંઠા, પાટણ, મહેસાણા, સાબરકાંઠા અને અરવલ્લી સહિતના વિસ્તારોમાં ગાજવીજ સાથે વરસાદની આગાહી કરવામાં આવી છે. કેટલાક વિસ્તારોમાં ભારે વરસાદના ઝાપટાં પડવાની સંભાવના હોવાથી સ્થાનિક વહીવટી તંત્રને સતર્ક રહેવા સૂચના આપવામાં આવી છે. ઉમરગામમાં સૌથી વધુ 11 ઇંચથી વધુ વરસાદ રાજ્યમાં ચાલુ વરસાદ દરમિયાન 22 જુલાઈના રોજ સાંજે 6 વાગ્યા સુધીમાં કુલ 129 તાલુકાઓમાં વરસાદ નોંધાયો હતો. જેમાં સૌથી વધુ વરસાદ વલસાડ જિલ્લાના ઉમરગામમાં નોંધાયો હતો, જ્યાં 11 ઇંચથી વધુ વરસાદ વરસ્યો હતો. ભારે વરસાદને કારણે અનેક વિસ્તારોમાં પાણી ભરાવાની તેમજ જનજીવન પ્રભાવિત થવાની સ્થિતિ પણ સર્જાઈ હતી. લોકોને સાવચેતી રાખવાની અપીલ હવામાન વિભાગે આગામી કેટલાક દિવસો સુધી ભારે વરસાદની શક્યતાને ધ્યાનમાં રાખીને નાગરિકોને ખાસ સાવચેતી રાખવાની અપીલ કરી છે. વીજળીના કડાકા દરમિયાન ખુલ્લા મેદાનમાં ન રહેવું, નદી-નાળા અને ડેમ નજીક ન જવું તેમજ બિનજરૂરી મુસાફરી ટાળવાની સલાહ આપવામાં આવી છે. સાથે જ સ્થાનિક તંત્ર દ્વારા જારી કરવામાં આવતી સૂચનાઓનું પાલન કરવા પણ અનુરોધ કરવામાં આવ્યો છે. Follow us on WHATSAPP :- https://whatsapp.com/channel/0029Va4r… WEBSITE : https://bindia.co/ INSTAGRAM : https:// bindia.in FACEBOOK : https://www.facebook.com/buletinindialive X : https://x.com/bindia276
ગુજરાતમાં બે દિવસ ભારે વરસાદની આગાહી, નવસારી-વલસાડમાં રેડ એલર્ટ જાહેર
ગુજરાતમાં ફરી એકવાર વરસાદી માહોલ સક્રિય બન્યો છે. હવામાન વિભાગે રાજ્યમાં આગામી બે દિવસ ભારેથી અતિભારે વરસાદની આગાહી કરી છે. ખાસ કરીને દક્ષિણ ગુજરાતના જિલ્લાઓમાં વરસાદનું જોર વધુ રહેવાની શક્યતા વ્યક્ત કરવામાં આવી છે. જેને પગલે હવામાન વિભાગે અનેક વિસ્તારો માટે એલર્ટ જાહેર કર્યા છે. ગુજરાત હવામાન વિભાગના જણાવ્યા મુજબ આજે નવસારી અને વલસાડ જિલ્લામાં રેડ એલર્ટ જાહેર કરવામાં આવ્યું છે. આ બંને જિલ્લાઓમાં અત્યંત ભારે વરસાદ પડવાની શક્યતા છે. ભારે વરસાદને કારણે નીચાણવાળા વિસ્તારોમાં પાણી ભરાવાની સ્થિતિ સર્જાઈ શકે છે, તેમજ નદીઓ અને નાળાઓમાં પાણીના સ્તરમાં વધારો થવાની શક્યતા છે. સ્થાનિક વહીવટી તંત્રને પણ સાવચેતી રાખવા અને જરૂરી વ્યવસ્થા કરવા સૂચના આપવામાં આવી છે. આ ઉપરાંત ગુજરાતના સુરત, તાપી, ડાંગ, દમણ અને દાદરા નગર હવેલીમાં ઓરેન્જ એલર્ટ જાહેર કરવામાં આવ્યું છે. આ વિસ્તારોમાં ભારે વરસાદની સંભાવનાને ધ્યાનમાં રાખીને લોકોને સાવચેત રહેવા અપીલ કરવામાં આવી છે. ભારે વરસાદ દરમિયાન અનાવશ્યક મુસાફરી ટાળવા અને તંત્ર દ્વારા આપવામાં આવતી સૂચનાઓનું પાલન કરવા જણાવાયું છે. મધ્યમ વરસાદની આગાહીવાળા વિસ્તારોમાં ગીર સોમનાથ, અમરેલી, ભાવનગર, બોટાદ, ભરૂચ, નર્મદા, વડોદરા, છોટાઉદેપુર, દાહોદ અને પંચમહાલ જિલ્લાનો સમાવેશ થાય છે. અહીં હળવાથી મધ્યમ વરસાદ સાથે કેટલાક સ્થળોએ ભારે વરસાદ પણ પડી શકે તેવી શક્યતા હવામાન વિભાગે વ્યક્ત કરી છે. હવામાન વિભાગના જણાવ્યા પ્રમાણે રાજ્યમાં અપર એર સાયક્લોનિક સર્ક્યુલેશન અને ટ્રફ લાઈન સક્રિય થઈ છે. આ હવામાન સિસ્ટમના કારણે ગુજરાતમાં વરસાદી ગતિવિધિમાં વધારો થયો છે. ખાસ કરીને દક્ષિણ અને મધ્ય ગુજરાતમાં આ સિસ્ટમની અસર વધુ જોવા મળી શકે છે. આવતીકાલે પણ નવસારી, વલસાડ, દમણ અને દાદરા નગર હવેલી માટે રેડ એલર્ટ યથાવત રાખવામાં આવ્યું છે. આ વિસ્તારોમાં અત્યંત ભારે વરસાદની સંભાવનાને ધ્યાનમાં રાખીને તંત્રને સતર્ક રહેવા સૂચના આપવામાં આવી છે. વરસાદ દરમિયાન વીજળી પડવાની શક્યતા અને પાણી ભરાવાની સ્થિતિને ધ્યાનમાં રાખીને લોકોને સાવચેતી રાખવા જણાવાયું છે. દરિયાકાંઠાના વિસ્તારો માટે પણ ખાસ ચેતવણી જાહેર કરવામાં આવી છે. હવામાન વિભાગે માછીમારોને આગામી ત્રણ દિવસ સુધી દરિયો ન ખેડવાની સલાહ આપી છે. દક્ષિણ ગુજરાતના દરિયાકાંઠે આજે LCS-3 સિગ્નલ જાહેર કરવામાં આવ્યું છે. દરિયામાં પવનની ગતિ વધવાની અને ભારે મોજાં ઉછળવાની શક્યતા હોવાથી માછીમારોને સાવચેતી રાખવા સૂચના આપવામાં આવી છે. રાજ્યમાં ભારે વરસાદની આગાહી વચ્ચે અત્યાર સુધી સિઝનનો કુલ વરસાદ સામાન્ય કરતા ઓછો નોંધાયો છે. આંકડા મુજબ ગુજરાતમાં અત્યાર સુધી સરેરાશ વરસાદમાં આશરે 31 ટકાનો ઘટાડો નોંધાયો છે. જોકે આગામી દિવસોમાં વરસાદની ગતિવિધિ વધવાની શક્યતા છે, જેના કારણે વરસાદની ખાધમાં ઘટાડો થઈ શકે છે. હવામાન વિભાગે નાગરિકોને અપીલ કરી છે કે ભારે વરસાદ દરમિયાન નદી, તળાવ અને જળાશયો નજીક જવાનું ટાળવું. તેમજ સ્થાનિક પ્રશાસન દ્વારા આપવામાં આવતી સૂચનાઓનું પાલન કરવું. ખાસ કરીને રેડ અને ઓરેન્જ એલર્ટવાળા વિસ્તારોમાં લોકોને વધુ સાવચેતી રાખવા જણાવાયું છે. ગુજરાતમાં છેલ્લા કેટલાક દિવસોથી વરસાદમાં ઉતાર-ચઢાવ જોવા મળી રહ્યો છે. હવે સક્રિય થયેલી હવામાન સિસ્ટમના કારણે આગામી બે દિવસ રાજ્યના અનેક વિસ્તારોમાં મેઘરાજા ધમાકેદાર બેટિંગ કરે તેવી શક્યતા છે. દક્ષિણ ગુજરાતમાં ભારે વરસાદની સંભાવનાને પગલે તંત્ર પણ એલર્ટ મોડ પર આવી ગયું છે. Follow us on WHATSAPP :- https://whatsapp.com/channel/0029Va4r… WEBSITE : https://bindia.co/ INSTAGRAM : https:// bindia.in FACEBOOK : https://www.facebook.com/buletinindialive X : https://x.com/bindia276
ગુજરાતમાં ગરમીનો પ્રકોપ વધ્યો: 5 દિવસ હિટવેવની આગાહી, અનેક જિલ્લામાં યલો એલર્ટ જાહેર
ગુજરાતમાં ઉનાળાની શરૂઆત સાથે જ ગરમીનો પ્રકોપ વધવા લાગ્યો છે. હવામાન વિભાગે રાજ્યમાં આગામી 5 દિવસ હિટવેવ રહેવાની આગાહી કરી છે. પોરબંદર, દીવ, સુરત, ભરૂચ, નવસારી, વલસાડ, દમણ અને દાદરાનગર હવેલીમાં હિટવેવની સંભાવના સાથે યલો એલર્ટ જાહેર કરવામાં આવ્યું છે. રાજ્યના અનેક શહેરોમાં તાપમાનમાં નોંધપાત્ર વધારો જોવા મળી રહ્યો છે. અમદાવાદમાં 36.3 ડિગ્રી, ડીસામાં 35.3 ડિગ્રી, ગાંધીનગરમાં 35.5 ડિગ્રી, વડોદરામાં 36 ડિગ્રી અને સુરતમાં 36 ડિગ્રી તાપમાન નોંધાયું છે. જ્યારે ભુજમાં 37.2 ડિગ્રી, અમરેલીમાં 36.9 ડિગ્રી અને રાજકોટમાં 36.3 ડિગ્રી તાપમાન નોંધાયું છે. આગામી 90 દિવસ ગરમી અને હિટવેવની શક્યતા ભારતીય હવામાન વિભાગ (IMD)ના અનુમાન મુજબ આગામી 90 દિવસ દરમિયાન દેશના ઘણા મેદાની અને અંતરિયાળ વિસ્તારોમાં ગરમીનું પ્રમાણ વધશે. જેના કારણે લૂ લાગવાના કિસ્સાઓમાં વધારો થવાની શક્યતા પણ વ્યક્ત કરવામાં આવી છે. માર્ચ મહિનામાં દેશના મોટાભાગના વિસ્તારોમાં સામાન્ય કરતાં વધુ ગરમી રહેવાની સંભાવના છે. આ સાથે ઉત્તર-પશ્ચિમ અને મધ્ય ભારતના કેટલાક વિસ્તારોમાં તાપમાન સામાન્યથી થોડું ઓછું રહી શકે છે. ગુજરાતમાં માર્ચ દરમિયાન હિટવેવના દિવસોની સંખ્યા વધુ રહેવાની શક્યતા વ્યક્ત કરવામાં આવી છે. વાતાવરણીય પરિબળોના કારણે ગરમીમાં વધારો હવામાન નિષ્ણાતોના જણાવ્યા અનુસાર વિવિધ વાતાવરણીય પરિબળોના સંયોજનના કારણે ઉનાળાનું આગમન થોડું વહેલું જોવા મળી રહ્યું છે. પંજાબ, હરિયાણા, રાજસ્થાન અને દિલ્હીમાં તાપમાન સામાન્ય કરતાં 3 થી 5 ડિગ્રી સેલ્સિયસ વધુ નોંધાઈ શકે છે. પર્વતીય રાજ્યોમાં વરસાદ અને હિમવર્ષાની શક્યતા પશ્ચિમ વિક્ષેપના પ્રભાવને કારણે પર્વતીય વિસ્તારોમાં હવામાનમાં બદલાવ જોવા મળી શકે છે. જમ્મુ-કાશ્મીર, હિમાચલ પ્રદેશ અને ઉત્તરાખંડમાં આગામી દિવસોમાં હળવા થી મધ્યમ વરસાદ અને ઊંચાઈવાળા વિસ્તારોમાં હિમવર્ષાની શક્યતા વ્યક્ત કરવામાં આવી છે. કેટલાક વિસ્તારોમાં વાદળછાયું વાતાવરણ પૂર્વોત્તર ભારતના કેટલાક રાજ્યોમાં વાદળછાયું વાતાવરણ રહેવાની સાથે હળવા વરસાદની શક્યતા છે. પશ્ચિમ અને મધ્ય ભારતના રાજસ્થાન, ગુજરાત અને મધ્ય પ્રદેશના ઘણા વિસ્તારોમાં તાપમાન ઝડપથી વધી રહ્યું છે અને આગામી દિવસોમાં ગરમીમાં વધુ વધારો થવાની શક્યતા વ્યક્ત કરવામાં આવી રહી છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
ગુજરાતમાં ઉનાળે વધશે ગરમી, હવામાન વિભાગની આગાહી: તાપમાન 3-5 ડિગ્રી વધે તેવો સંકેત
માર્ચ મહીનાની શરૂઆત સાથે ગુજરાતમાં ગરમીનો અહેસાસ વધી રહ્યો છે. હવામાન વિભાગે કહ્યું છે કે આ વર્ષે ઉનાળો સામાન્ય કરતાં વધુ તીવ્ર અને ગરમ રહી શકે છે. હવામાન નિષ્ણાતોનું માનવું છે કે, રાજ્યમાં અપર એર સર્ક્યુલેશન સક્રિય થઈ રહ્યા છે, જેના પરિણામે તાપમાનમાં 3 થી 5 ડિગ્રી સુધીનો વધારો જોવા મળી શકે છે. અમદાવાદ અને ડીસામાં વધતું તાપમાન અવળ અમદાવાદમાં તાપમાન 34.2 ડિગ્રી સુધી પહોંચી ગયું હતું, જે સામાન્ય કરતાં વધારે ગણાય છે. ત્યારબાદ, ડીસામાં રાજ્યનું સૌથી વધુ 36 ડિગ્રી તાપમાન નોંધાયું હતું. કુલ મળી, તાપમાન સામાન્ય કરતાં 3.5 ડિગ્રી વધુ રહેવું એવી આગાહી છે. માર્ચમાં જ ગરમીનો ત્રાસ હવામાન વિભાગે પૂર્વાનુમાન કર્યો છે કે, 4થી 6 માર્ચ દરમિયાન ભેજના પ્રમાણમાં વધારો થવાથી, લોકો ગરમી અને અવિશ્રાંત વાતાવરણથી પીડિત થઈ શકે છે. ખાસ કરીને બપોરના સમયે ગરમી વધુ બકવાં કંટાળાજનક બની શકે છે. પ્રીમોન્સૂન અને વરસાદ આ વર્ષે માર્ચમાં પ્રીમોન્સૂન એક્ટિવિટી સક્રિય રહેવાની સંભાવના છે, જેના કારણે સામાન્યથી વધુ વરસાદ પડી શકે છે. આ વર્તમાન પરિસ્થિતિ ગરમી સાથે અચાનક વાતાવરણમાં ફેરફાર પણ લાવી શકે છે. ઉનાળાની તૈયારી કરો આ ઘટના સાથે, હવામાન વિભાગે લોકોનો ધ્યાન ઉનાળાની તૈયારી તરફ ખેંચી છે. ગુજરાતમાં આ સમયે યોગ્ય ઠંડા સાધનો ખરીદવા માટે તૈયારી આરંભ કરવી મહત્વપૂર્ણ છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
આગામી 3 કલાકમાં 13 જિલ્લામાં હળવોથી મધ્યમ વરસાદની આગાહી, તાપમાનમાં 2–3 ડિગ્રી ઘટાડાની શક્યતા
રાજ્યમાં માવઠાના માહોલ વચ્ચે હવામાન વિભાગે આગામી ત્રણ કલાક માટે 13 જિલ્લામાં હળવોથી મધ્યમ વરસાદની આગાહી કરી છે. સાથે જ આગામી 24 કલાક દરમિયાન મહત્તમ અને લઘુત્તમ તાપમાનમાં 2 થી 3 ડિગ્રી સેલ્સિયસ સુધી ઘટાડો થવાની શક્યતા વ્યક્ત કરવામાં આવી છે. સાંજે 7 વાગ્યે જાહેર કરાયેલા વેધર અપડેટ અનુસાર અમરેલી, ભાવનગર, જૂનાગઢ, રાજકોટ, બોટાદ, સુરેન્દ્રનગર, તાપી, ડાંગ, નર્મદા, છોટા ઉદેપુર, સાબરકાંઠા, અરવલ્લી અને મહીસાગર જિલ્લામાં છૂટાછવાયા સ્થળોએ હળવો વરસાદ અને ગાજવીજ સાથે વાતાવરણ રહી શકે છે. આ દરમિયાન પવનની ગતિ 40 કિમી પ્રતિ કલાકથી ઓછી રહેવાની સંભાવના છે. આગામી 24 કલાકનું અનુમાન હવામાન વિભાગના અનુમાન મુજબ રાજ્યમાં મહત્તમ અને લઘુત્તમ બંને તાપમાનમાં 2 થી 3 ડિગ્રીનો ઘટાડો નોંધાઈ શકે છે. આ ઘટાડા બાદ તાપમાનમાં મોટો ફેરફાર થવાની શક્યતા ઓછી છે અને હવામાન સ્થિર રહેવાની ધારણા વ્યક્ત કરવામાં આવી છે. સાબરકાંઠા, અરવલ્લી, મહીસાગર, છોટાઉદેપુર, નર્મદા, ભરૂચ, સુરત, તાપી, મોરબી અને જામનગર જિલ્લામાં પણ કમોસમી વરસાદી માહોલ જોવા મળી શકે છે. આજે નોંધાયેલ મહત્તમ તાપમાન (ડિગ્રી સેલ્સિયસ) : સુરત – 37.4 મહુવા – 36.9 રાજકોટ – 36.3 ભુજ – 36.0 કેશોદ – 35.4 અમરેલી – 35.3 સુરેન્દ્રનગર – 35.3 ડીસા – 34.8 કંડલા પોર્ટ – 34.5 પોરબંદર – 34.4 વલ્લભ વિદ્યાનગર – 34.3 અમદાવાદ – 34.2 વડોદરા – 33.6 ગાંધીનગર – 33.5 નલિયા – 33.5 ભાવનગર – 33.4 વેરાવળ – 30.4 ઓખા – 29.8 દ્વારકા – 28.8 Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
વિસાવદરના હવામાનમાં અચાનક બદલાવ: બપોરે આકાશ ઘેરાયું, રાત્રે કમોસમી વરસાદ
ગુજરાતમાં હવામાનના અચાનક બદલાવના કારણે ખેડૂતો મુશ્કેલીમાં છે. વિસાવદર અને આસપાસના ગ્રામ્ય વિસ્તારોમાં મોડી રાત્રે કમોસમી વરસાદ પડતાં ખેતી પર સીધી અસર જોવા મળી રહી છે. દિવસ દરમિયાન વાતાવરણ મિશ્ર રહ્યું, પરંતુ બપોર બાદ આકાશ ઘેરાયું અને રાત્રે પવન સાથે વરસાદી ઝાપટા પડ્યા. ફેબ્રુઆરીમાં આવો વરસાદ ખેડૂતો માટે ચિંતાજનક બની ગયો છે, ખાસ કરીને ખેતરોમાં તૈયાર પાક માટે. પાક પર અસર હાલ રવિ સીઝનના પાક લણણીની તૈયારીમાં છે. ખાસ કરીને: – ઘઉં – ચણા – તુવેર – ધાણા – જીરા જો વરસાદ ચાલુ રહેતો રહ્યો, તો પાક પલળી જવાથી ગુણવત્તા ઘટી શકે છે, કાળો પડી શકે છે અથવા સડી જવાની શક્યતા પણ છે. ખેડૂતો મોંઘું બીજ, ખાતર અને મહેનતથી પાક તૈયાર કરે છે, અને કમોસમી વરસાદ આર્થિક નુકસાન પહોંચાડી શકે છે. માર્કેટિંગ યાર્ડ અને ઘાસચારો પર અસર – ખુલ્લામાં રાખેલા અનાજ ભીનું થવાના ભય હેઠળ – ખેતરમાં કાપીને રાખેલા પાકને બચાવવું મુશ્કેલ – પશુઓ માટેનો ઘાસચારો પણ પલળી જવાથી માલધારીઓ માટે મુશ્કેલી – હવામાન વિભાગે વિસ્તારોમાં વાદળછાયું વાતાવરણ અને વધારે વરસાદની શક્યતા અંગે કાઉંસલિંગ આપી છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
છોટા ઉદેપુરમાં વહેલી સવારે ઝાપટાં: ઠંડીમાં વધારો, પાકને નુકસાનની ભીતિ
ગુજરાતમાં ગરમીની આગાહી વચ્ચે ફરી એકવાર હવામાનમાં પલટો આવ્યો છે. છોટા ઉદેપુર જિલ્લામાં આજે વહેલી સવારે કમોસમી વરસાદ વરસતાં શહેર તેમજ ગ્રામ્ય વિસ્તારોમાં ઠંડીમાં નોંધપાત્ર વધારો થયો છે. વાલોઠી, બમરોલી, મુધિયારી અને ઊંચાપાન પાઠક સહિતના વિસ્તારોમાં હળવા થી મધ્યમ ઝાપટાં પડતાં વાતાવરણમાં અચાનક ફેરફાર જોવા મળ્યો. ખેડૂતો માટે ચિંતા છેલ્લા કેટલાક દિવસોથી સુકું અને ઠંડું હવામાન રહેતાં હવે પડેલા વરસાદે ખેડૂતોની ચિંતા વધારી છે. હાલમાં મકાઈ અને તુવર જેવા પાકોની લણણીનો સમય ચાલી રહ્યો છે. આવા સમયે વરસાદ પડવાથી કાપણી કરેલો પાક ભીનો થઈ ગુણવત્તા પર અસર પડી શકે છે. ખાસ કરીને મકાઈમાં ભેજથી દાણા બગડવાની શક્યતા રહે છે, જ્યારે તુવર પર પણ નકારાત્મક અસર થઈ શકે છે. ખેડૂતોએ કાપણી કરેલો માલ સુરક્ષિત જગ્યાએ ખસેડવા દોડધામ શરૂ કરી દીધી છે. ઇંટ ઉદ્યોગ અને કેરી પાક પર અસર વરસાદને કારણે ખુલ્લી જગ્યામાં તૈયાર થતી કાચી ઇંટોને નુકસાન પહોંચવાની ભીતિ ઊભી થઈ છે. સાથે જ કેરીના પાક પર પણ આ હવામાન પરિવર્તનની અસર થવાની શક્યતા વ્યક્ત કરવામાં આવી રહી છે. India Meteorological Departmentની ગરમી અંગે આગાહી હવામાન વિભાગ મુજબ, ફેબ્રુઆરી દરમિયાન રાજ્યમાં સામાન્ય કરતાં ઊંચું તાપમાન નોંધાઈ શકે છે. ઉત્તર ગુજરાત વિસ્તારમાં વેસ્ટર્ન ડિસ્ટર્બન્સ અને ટ્રફ સક્રિય બનતાં આગામી 24 કલાકમાં મહત્તમ તાપમાનમાં 2 થી 3 ડિગ્રીનો વધારો થઈ શકે છે. હવામાન વિભાગના ડાયરેક્ટર એ.કે. દાસે જણાવ્યું છે કે લોકોને વહેલી ગરમીનો સામનો કરવો પડી શકે છે. રાજ્યમાં નોંધાયેલા તાપમાન ડીસામાં રાજ્યનું સૌથી વધુ 34.3 ડિગ્રી તાપમાન નોંધાયું છે, જ્યારે અમદાવાદમાં 34.2 ડિગ્રી મહત્તમ તાપમાન નોંધાયું છે. બીજી તરફ કેશોદમાં સૌથી ઓછું 13.5 ડિગ્રી તાપમાન નોંધાયું છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
વેસ્ટર્ન ડિસ્ટર્બન્સ સક્રિય: ગુજરાતમાં વધશે ગરમી, હવામાન વિભાગની આગાહી
ગુજરાતમાં ફેબ્રુઆરીની શરૂઆત સાથે જ ગરમીનો અહેસાસ વધવા લાગ્યો છે. હવામાન વિભાગ મુજબ ઉત્તર ગુજરાત વિસ્તારમાં વેસ્ટર્ન ડિસ્ટર્બન્સ અને ટ્રફ સક્રિય બનતાં રાજ્યના મહત્તમ તાપમાનમાં વધારો થવાની શક્યતા છે. આગામી 24 કલાક બાદ તાપમાનમાં અંદાજે 2 થી 3 ડિગ્રી સુધીનો વધારો નોંધાઈ શકે છે. હવામાન વિભાગે શું કહ્યું? India Meteorological Department (IMD) ના ડાયરેક્ટર એ.કે. દાસે જણાવ્યું છે કે ફેબ્રુઆરી દરમિયાન સામાન્ય કરતાં વધુ તાપમાન નોંધાઈ શકે છે. ખાસ કરીને ઉત્તર ગુજરાતમાં આ સિસ્ટમ સક્રિય થતાં ગરમીનું પ્રમાણ વધુ રહેશે. લોકોમાં વહેલી ગરમીનો અનુભવ થવાની શક્યતા છે. ડીસા અને અમદાવાદમાં તાપમાન ઉંચું ડીસામાં રાજ્યનું સૌથી વધુ 34.3 ડિગ્રી સેલ્સિયસ તાપમાન નોંધાયું છે. જ્યારેઅમદાવાદમાં 34.2 ડિગ્રી મહત્તમ તાપમાન નોંધાયું, જે ફેબ્રુઆરી મહિનામાં સામાન્ય કરતાં ઊંચું માનવામાં આવે છે. બીજી તરફ કેશોદમાં રાજ્યનું સૌથી ઓછું 13.5 ડિગ્રી તાપમાન નોંધાયું છે. આગળ શું? હવામાન નિષ્ણાતોના જણાવ્યા મુજબ દિવસ દરમિયાન ગરમીનું પ્રમાણ વધુ રહેશે, જ્યારે સવાર અને રાત્રે હજી થોડો ઠંડકનો અહેસાસ થઈ શકે છે. આગામી દિવસોમાં તાપમાનમાં વધુ વધારો થવાની સંભાવના હોવાથી નાગરિકોને બપોરના સમયે સાવચેતી રાખવા, પૂરતું પાણી પીવા અને તડકાથી બચવા સૂચના આપવામાં આવી છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
ગુજરાતમાં કમોસમી વરસાદની આગાહી, હવામાન વિભાગે નાગરિકોને ધ્યાન રાખવા સૂચના આપી
રાજ્યમાં ફરી એકવાર કમોસમી વરસાદની સંભાવના ઊભી થઈ છે. IMD દ્વારા ઉત્તર ગુજરાત સહિત કેટલાક વિસ્તારોમાં માવઠાની આગાહી કરવામાં આવી છે, જેના કારણે ખેડૂતો અને નાગરિકોમાં ચિંતા ફેલાઈ છે. આગામી દિવસોમાં વાતાવરણમાં અચાનક ફેરફાર થવાની શક્યતા વ્યક્ત કરવામાં આવી છે. વરસાદ માટે જવાબદાર પ્રણાલીઓ હવામાન નિષ્ણાતોના જણાવ્યા મુજબ વેસ્ટર્ન ડિસ્ટરબન્સ, સાયક્લોનિક સર્ક્યુલેશન અને ટ્રફ જેવી ત્રણ પ્રણાલીઓ સક્રિય થતા રાજ્યના અનેક વિસ્તારોમાં વાદળછાયું વાતાવરણ રહેશે. સાબરકાંઠા, અરવલ્લી, મહીસાગર અને દાહોદ જિલ્લાઓમાં સામાન્યથી મધ્યમ માવઠું પડી શકે છે. ખેડૂતો માટે સલાહ આ કમોસમી વરસાદને કારણે રવિ પાકને નુકસાન થવાની ભીતિ વ્યક્ત થઈ રહી છે. ખેડૂત વર્ગને પાકની સુરક્ષા માટે જરૂરી પગલાં લેવા અને સાવધ રહેવાની સલાહ આપવામાં આવી છે. આગામી 48 કલાક દરમિયાન હવામાનમાં સતત બદલાવ જોવા મળી શકે છે, અને કેટલાક વિસ્તારોમાં ગાજવીજ સાથે હળવો વરસાદ નોંધાઈ શકે છે. હવામાન વિભાગે નાગરિકોને તાજી હવામાનની માહિતી પર નજર રાખવા અને સુરક્ષિત રહેવાની સૂચના આપી છે. તાપમાનમાં થોડો ઘટાડો થવાના કારણે સવાર અને સાંજ ઠંડકનો અહેસાસ થશે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
ગુજરાતમાં વહેલી સવારે ઠંડીનો અહેસાસ, છતાં ઉત્તર-પૂર્વના ગરમ પવનોનો પ્રભાવ
ગુજરાતમાં છેલ્લા કેટલાક દિવસોથી વહેલી સવારે હળવી ઠંડીનો અહેસાસ થઈ રહ્યો છે, પરંતુ દિવસ દરમિયાન ઉત્તર-પૂર્વ દિશાથી ફૂંકાતા ગરમ પવનોને કારણે શિયાળાની તીવ્રતા અનુભવાતી નથી. રાજ્યના વિવિધ શહેરોમાં નોંધાયેલા લઘુત્તમ તાપમાન મુજબ કચ્છના નલિયામાં સૌથી ઓછું 12.5 ડિગ્રી તાપમાન નોંધાયું છે. ડીસામાં 14.4 ડિગ્રી, ગાંધીનગરમાં 15 ડિગ્રી, પોરબંદરમાં 15.2 ડિગ્રી, અમદાવાદમાં 15.5 ડિગ્રી, વડોદરામાં 16.4 ડિગ્રી અને કંડલામાં 16.4 ડિગ્રી તાપમાન નોંધાયું છે. આમ છતાં, આ આંકડા સામાન્ય શિયાળાની સરખામણીએ ઊંચા ગણાય છે. કેમ આ વર્ષે શિયાળો ‘નરમ’ રહ્યો? હવામાન નિષ્ણાતોના જણાવ્યા મુજબ, સામાન્ય રીતે ડિસેમ્બર-જાન્યુઆરી દરમિયાન ઉત્તર ભારત તરફથી આવતા સૂકા અને ઠંડા પવનો ગુજરાતમાં કડક ઠંડી લાવે છે. પરંતુ આ વર્ષે હિમાલય વિસ્તારમાં મજબૂત વેસ્ટર્ન ડિસ્ટર્બન્સ (પશ્ચિમી વિક્ષેપ) સક્રિય રહ્યા નથી. જ્યારે હિમાલયમાં ભારે હિમવર્ષા થાય છે ત્યારે ત્યાંથી ફૂંકાતા ઠંડા પવનો મેદાની વિસ્તારોમાં ઠંડી લાવે છે. આ વર્ષે ઉત્તર ભારતમાં હિમવર્ષા ઓછી હોવાથી ઠંડીનું જોર ઓછું રહ્યું છે. હવામાન નિષ્ણાતોના મતે, પ્રશાંત મહાસાગરમાં તાપમાન વધવાની ઘટના ‘અલ નીનો’ના પ્રભાવને કારણે વૈશ્વિક સ્તરે પણ શિયાળો હુંફાળો રહ્યો છે. સાથે જ અરબી સમુદ્ર તરફથી આવતા ગરમ અને ભેજવાળા પવનો લઘુત્તમ તાપમાનમાં ઘટાડો થતો અટકાવી રહ્યા છે. ગ્લોબલ વોર્મિંગનો વધતો પ્રભાવ ગુજરાત સહિત દેશભરમાં ગ્લોબલ વોર્મિંગની અસર ઝડપથી દેખાઈ રહી છે. છેલ્લા કેટલાક વર્ષોમાં રાજ્યની ત્રણેય ઋતુઓમાં નોંધપાત્ર ફેરફાર જોવા મળી રહ્યો છે. સામાન્ય રીતે ડિસેમ્બરમાં કડક ઠંડીનો પ્રારંભ થઈ જાય છે, પરંતુ આ વખતે ગત વર્ષની સરખામણીએ ઠંડીમાં ઘટાડો નોંધાયો છે. ભર શિયાળામાં પણ ગરમ અને ઉકળાટભર્યા દિવસોની સંખ્યા વધી છે. ડિસેમ્બર 2024માં નલિયામાં 31 દિવસમાંથી 22 દિવસ તાપમાન 10 ડિગ્રીથી નીચે ગયું હતું, જ્યારે આ વર્ષે માત્ર 4 દિવસ જ પારો 10 ડિગ્રીથી નીચે નોંધાયો છે. અમદાવાદમાં આ વખતે સૌથી ઓછું તાપમાન 28 ડિસેમ્બર 2024ના રોજ નલિયામાં લઘુત્તમ તાપમાન 4.2 ડિગ્રી સુધી ગગડ્યું હતું, જ્યારે આ વર્ષે સૌથી ઓછું 8.8 ડિગ્રી તાપમાન નોંધાયું છે. મહત્વની બાબત એ છે કે આ વખતના ડિસેમ્બરમાં નલિયા સિવાય રાજ્યના અન્ય કોઈપણ વિસ્તારમાં લઘુત્તમ તાપમાન 10 ડિગ્રીથી નીચે ગયું નથી. અમદાવાદમાં ડિસેમ્બર 2024 દરમિયાન 31માંથી 14 દિવસ તાપમાન 14 ડિગ્રીથી નીચે રહ્યું હતું, જ્યારે આ વર્ષે માત્ર 4 વખત જ તાપમાન 14 ડિગ્રીથી નીચે નોંધાયું છે. 15 વર્ષમાં સૌથી નરમ જાન્યુઆરી અમદાવાદમાં ગયા 15 વર્ષમાં સૌથી ઓછી ઠંડી આ વર્ષે નોંધાઈ છે. ઐતિહાસિક રીતે 10 જાન્યુઆરી 1954ના રોજ 3.9 ડિગ્રી તાપમાન નોંધાયું હતું, જે રેકોર્ડબ્રેક ગણાય છે. ચાલુ વર્ષે માત્ર ત્રણ વખત જ તાપમાન 12 ડિગ્રીથી નીચે ગયું છે. ગત વર્ષની સરખામણીએ ઠંડીમાં નોંધપાત્ર ઘટાડો નોંધાયો છે. નલિયામાં ગત વર્ષે 10 વખત પારો 7 ડિગ્રીથી નીચે ગયો હતો, જ્યારે આ વર્ષે એવી સ્થિતિ જોવા મળી નથી. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
