Bindiaહોર્મુઝ સ્ટ્રેટમાં એક પણ જહાજ પર હુમલો થયો તો….: ટ્રમ્પની ચેતવણી
મધ્ય પૂર્વમાં તણાવ વચ્ચે અમેરિકાનું ઈરાનને કડક સંદેશ મધ્ય પૂર્વમાં વધી રહેલા તણાવ વચ્ચે અમેરિકાના રાષ્ટ્રપતિ ડોનાલ્ડ ટ્રમ્પે ઈરાનને ફરી એકવાર કડક ચેતવણી આપી છે. ટ્રમ્પે કહ્યું છે કે જો સ્ટ્રેટ ઑફ હોર્મુઝમાંથી પસાર થતા કોઈપણ વેપારી અથવા સૈન્ય જહાજ પર ઈરાન દ્વારા હુમલો કરવામાં આવશે તો અમેરિકા તેનો જવાબ આપશે અને ઈરાનના મહત્વપૂર્ણ ઈન્ફ્રાસ્ટ્રક્ચરને નિશાન બનાવી શકે છે. ટ્રમ્પની આ ચેતવણી બાદ આંતરરાષ્ટ્રીય સ્તરે ચિંતા વધી છે, કારણ કે હોર્મુઝ સ્ટ્રેટ વિશ્વના સૌથી મહત્વપૂર્ણ દરિયાઈ માર્ગોમાંથી એક છે. આ માર્ગ પરથી મોટા પ્રમાણમાં વૈશ્વિક તેલ અને વેપારી સામાનની અવરજવર થાય છે. મિસાઈલ, ડ્રોન કે અન્ય હુમલાનો પણ અપાશે જવાબ ડોનાલ્ડ ટ્રમ્પે સોશિયલ મીડિયા પ્લેટફોર્મ ટ્રુથ સોશિયલ પર એક પોસ્ટમાં જણાવ્યું હતું કે હોર્મુઝ સ્ટ્રેટમાં ઈરાન દ્વારા કોઈપણ પ્રકારના હથિયારનો ઉપયોગ કરીને હુમલો કરવામાં આવશે તો અમેરિકા તેનો જવાબ આપશે. તેમણે કહ્યું કે જો મિસાઈલ, રોકેટ, ડ્રોન અથવા અન્ય કોઈ સાધનથી હુમલો કરવામાં આવશે તો અમેરિકી કાર્યવાહી કરવામાં આવશે. ટ્રમ્પે ખાસ કરીને ઈરાનના પુલ અને પાવર પ્લાન્ટને સંભવિત નિશાન તરીકે ગણાવ્યા હતા. ટ્રમ્પના જણાવ્યા મુજબ ઈરાનની રાજધાની તેહરાન અને તેની આસપાસ આવેલા મહત્વપૂર્ણ સ્થળો પણ અમેરિકાની કાર્યવાહી હેઠળ આવી શકે છે. તેમની આ ચેતવણીથી અમેરિકા અને ઈરાન વચ્ચેના સંબંધોમાં વધુ તણાવ ઊભો થવાની શક્યતા છે. અમેરિકા-ઈરાન વચ્ચે વધી રહ્યો છે સૈન્ય તણાવ ટ્રમ્પની આ ધમકી એવા સમયે આવી છે જ્યારે અમેરિકા અને ઈરાન વચ્ચે સૈન્ય તણાવ સતત વધી રહ્યો છે. અમેરિકન સેન્ટ્રલ કમાન્ડ (CENTCOM) અનુસાર, અમેરિકી સેનાએ ઈરાન વિરુદ્ધ સતત અનેક સૈન્ય કાર્યવાહી કરી છે. અમેરિકાના દાવા પ્રમાણે તેની સેનાએ ઈરાનના સૈન્ય ઓપરેશન સેન્ટર, દરિયાઈ ક્ષમતા સાથે જોડાયેલા સ્થળો, વિમાન હેંગર, ડ્રોન સ્ટોરેજ અને સૈન્ય લોજિસ્ટિક્સ સંબંધિત સુવિધાઓને નિશાન બનાવ્યા હતા. અમેરિકાનું કહેવું છે કે આ કાર્યવાહીનો હેતુ ઈરાનની સૈન્ય ક્ષમતાને નબળી બનાવવાનો છે. બીજી તરફ ઈરાન પણ અમેરિકાની કાર્યવાહી સામે પોતાની પ્રતિક્રિયા આપી રહ્યું છે. હોર્મુઝ સ્ટ્રેટ કેમ છે મહત્વપૂર્ણ? સ્ટ્રેટ ઑફ હોર્મુઝ પર્શિયન ગલ્ફ અને અરબી સમુદ્રને જોડતો એક મહત્વપૂર્ણ દરિયાઈ માર્ગ છે. વિશ્વના મોટા પ્રમાણમાં કાચા તેલનો પુરવઠો આ માર્ગ પરથી પસાર થાય છે. જો આ વિસ્તારમાં કોઈ મોટી સૈન્ય અથડામણ થાય તો તેની અસર માત્ર મધ્ય પૂર્વ પૂરતી મર્યાદિત નહીં રહે. વૈશ્વિક તેલના ભાવ, આંતરરાષ્ટ્રીય વેપાર અને અર્થતંત્ર પર પણ તેની સીધી અસર પડી શકે છે. આ કારણે હોર્મુઝ સ્ટ્રેટની સુરક્ષા સમગ્ર વિશ્વ માટે મહત્વપૂર્ણ મુદ્દો બની છે. 30થી વધુ વેપારી જહાજો પર હુમલાનો અમેરિકાનો આરોપ અમેરિકાએ આરોપ લગાવ્યો છે કે ઈરાને છેલ્લા કેટલાક મહિનામાં હોર્મુઝ સ્ટ્રેટમાંથી પસાર થતા 30થી વધુ વેપારી જહાજો પર હુમલા કર્યા છે. અમેરિકાના જણાવ્યા મુજબ આ હુમલાઓને કારણે દરિયાઈ સુરક્ષા અંગે ચિંતા વધી છે. જોકે, આ મામલે ઈરાન તરફથી અલગ દાવા અને પ્રતિક્રિયાઓ પણ આપવામાં આવી છે. મધ્ય પૂર્વની સ્થિતિ પર નજર ઈરાન, અમેરિકા અને ઈઝરાયેલ વચ્ચે ચાલી રહેલા તણાવને કારણે મધ્ય પૂર્વની સ્થિતિ વધુ સંવેદનશીલ બની છે. 28 ફેબ્રુઆરીથી શરૂ થયેલા સંઘર્ષમાં અનેક લોકોના મોત થયા હોવાના અહેવાલો સામે આવ્યા છે અને મોટી સંખ્યામાં લોકો વિસ્થાપિત થયા હોવાનું જણાવવામાં આવ્યું છે. હાલ સમગ્ર વિશ્વની નજર એ વાત પર છે કે અમેરિકા અને ઈરાન વચ્ચેનો આ તણાવ વધુ વધે છે કે પછી રાજદ્વારી પ્રયાસો દ્વારા પરિસ્થિતિને નિયંત્રિત કરવામાં આવે છે. વિશ્વની નજર મધ્ય પૂર્વની આગામી સ્થિતિ પર ટ્રમ્પની નવી ચેતવણી બાદ હવે આંતરરાષ્ટ્રીય સમુદાયની નજર અમેરિકા અને ઈરાન વચ્ચેના આગામી પગલાં પર છે. નિષ્ણાતોના મતે જો હોર્મુઝ સ્ટ્રેટમાં કોઈ મોટી સૈન્ય કાર્યવાહી થાય તો તેની અસર માત્ર એક વિસ્તાર પૂરતી નહીં રહે પરંતુ સમગ્ર વિશ્વના અર્થતંત્ર અને સુરક્ષા પર પડી શકે છે. હાલમાં રાજદ્વારી પ્રયાસો દ્વારા તણાવ ઘટાડવાની માંગ પણ વધી રહી છે. વિશ્વના દેશો ઈચ્છે છે કે મધ્ય પૂર્વમાં સ્થિરતા જળવાઈ રહે અને કોઈ મોટી અથડામણ ટાળી શકાય. જો આ વિસ્તારમાં યુદ્ધ જેવી સ્થિતિ સર્જાય અથવા જહાજોની અવરજવર પર અસર થાય તો તેની સીધી અસર વૈશ્વિક તેલના ભાવ અને અર્થતંત્ર પર પડી શકે છે. આ કારણે વિશ્વના અનેક દેશો હોર્મુઝ સ્ટ્રેટની સુરક્ષા પર નજર રાખી રહ્યા છે. કોઈપણ મોટી અથડામણ આંતરરાષ્ટ્રીય વેપાર માટે મોટો પડકાર બની શકે છે. Follow us on WHATSAPP :- https://whatsapp.com/channel/0029Va4r… WEBSITE : https://bindia.co/ INSTAGRAM : https:// bindia.in FACEBOOK : https://www.facebook.com/buletinindialive X : https://x.com/bindia276
ઈરાનનો દાવો: અમેરિકા સામે ઝૂકશું નહીં, બે વર્ષ સુધી લડવા તૈયાર
ઈરાનના પ્રતિનિધિ અબ્દુલ માજિદ હકીમ ઈલાહીએ જણાવ્યું છે કે એક અઠવાડિયામાં સુપ્રીમ લીડરની પસંદગી પ્રક્રિયા પૂર્ણ થશે. તેમણે સ્પષ્ટ કર્યું કે ઈરાન અમેરિકા સામે ઝૂકશે નહીં અને આગામી બે વર્ષ સુધી લડવા માટે તૈયાર છે. ઈલાહીએ કહ્યું કે વિશ્વને માનવતા સાથે ઉભા રહેવાની અપીલ કરશે અને પડોશી દેશો પર હુમલો નહીં કરે, જ્યાં સુધી તેમને પહેલ ન કરવામાં આવે. તેમણે અમેરિકાના અને ઇઝરાયલના ખામેનેઈ પર હુમલાઓનો ઉલ્લેખ કર્યો અને કહ્યું કે આને છતાં ઈરાન પોતાની સ્વતંત્રતા અને ગૌરવનું રક્ષણ કરવા માટે કટિબદ્ધ છે. વિસ્તારના તણાવને ધ્યાનમાં લેતાં ઈલાહીએ જણાવ્યું કે તેહરાન હવે ‘અન્યાયી’ હુમલાઓ સામે રક્ષણાત્મક સ્થિતિમાં રહેશે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
ઈરાન સામે ટ્રમ્પની કડક ચેતવણી: “શરણાગતિ સ્વીકારો નહીં તો મોટો હુમલો થઈ શકે”
અમેરિકાના રાષ્ટ્રપતિ ડોનાલ્ડ ટ્રમ્પે ઈરાન સામે કડક નિવેદન આપ્યું છે. તેમણે કહ્યું કે જો ઈરાન બિનશરતી શરણાગતિ સ્વીકારશે નહીં, તો અમેરિકાની તરફથી મોટો લશ્કરી હુમલો શક્ય છે. ટ્રમ્પે જણાવ્યું કે અત્યાર સુધી કેટલાક વિસ્તારો પર હુમલો થયો નથી, પરંતુ હવે તે વિસ્તારો અને ત્યાંના લોકો પણ ટાર્ગેટ બની શકે છે. ટ્રમ્પના આ નિવેદન પછી મધ્ય પૂર્વની રાજકીય સ્થિતિ વધુ તંગ બની ગઈ છે. “ઈરાન હવે પ્રબળ શક્તિ નથી” ટ્રમ્પએ દાવો કર્યો કે ઈરાન હવે મધ્ય પૂર્વમાં શક્તિશાળી દેશ નથી. તેમના મતે, અમેરિકાના અને ઇઝરાયલના સતત હુમલાઓને કારણે ઈરાનની સ્થિતિ નબળી પડી છે. ટ્રમ્પએ કહ્યું કે જ્યાં સુધી ઈરાન બિનશરતી શરણાગતિ સ્વીકારશે નહીં, ત્યાં સુધી પરિસ્થિતિ પર દબાણ ચાલુ રહેશે. ઈરાનના રાષ્ટ્રપતિ પર કટાક્ષ ટ્રમ્પે ઈરાનના રાષ્ટ્રપતિ મસૂદ પેઝેશ્કિયન પર પણ ટિપ્પણી કરી, તેઓએ જણાવ્યું હતું કે ઈરાન તેના પડોશી દેશો પર હુમલો નહીં કરે, જો સુધી તેના પર પહેલા હુમલો ન થાય. ટ્રમ્પનો દાવો છે કે ઈરાન પર અમેરિકા-ઇઝરાયલના દબાણના કારણે તેને પડોશી દેશો પાસે માફી માંગવી પડી છે. મધ્ય પૂર્વમાં વધતો તણાવ ટ્રમ્પના નિવેદન બાદ દુબઈ ઈન્ટરનેશનલ એરપોર્ટ નજીક ડ્રોન ક્રેશની ઘટના નોંધાઈ, તેમજ સાઉદી અરેબિયા, બહેરીન અને કતારમાં પણ હુમલાના અહેવાલો આવ્યા. સમગ્ર પ્રદેશમાં સુરક્ષા ચિંતાઓ વધી ગઈ છે. હાલમાં અમેરિકા અને ઇઝરાયલ ઈરાન પર સતત હુમલો કરી રહ્યા છે, જ્યારે ઈરાન પણ જવાબ આપી રહ્યું છે. યુદ્ધ કેટલો સમય ચાલશે? વિશ્લેષકોના મતે આ યુદ્ધનો અંત ટૂંકા સમયમાં જોવા મળશે તેવી શક્યતા ઓછી છે. અમેરિકા ઇઝરાયલને 151 મિલિયન ડોલરના નવા શસ્ત્રો વેચવાની મંજૂરી આપી ચુક્યું છે. ટ્રમ્પે સ્પષ્ટ કર્યું કે જ્યાં સુધી ઈરાન બિનશરતી શરણાગતિ સ્વીકારશે નહીં, ત્યાં સુધી કોઈ વાટાઘાટો નહીં થાય. અમેરિકી અધિકારીઓએ વધુ મોટી બોમ્બમારીની તૈયારી અંગે ચેતવણી આપી છે, જેથી મધ્ય પૂર્વમાં તણાવ વધુ વધવાની શક્યતા છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
મધ્ય પૂર્વ સંઘર્ષમાં રશિયાની એન્ટ્રીના અહેવાલ, ઈરાનને અમેરિકાની ગુપ્ત માહિતી આપ્યાનો દાવો
ઈરાન–ઈઝરાયેલ વચ્ચે વધતા તણાવ વચ્ચે હવે મધ્ય પૂર્વના સંઘર્ષમાં વધુ એક વૈશ્વિક શક્તિ જોડાઈ હોવાના અહેવાલો સામે આવ્યા છે. આંતરરાષ્ટ્રીય મીડિયા રિપોર્ટ્સ મુજબ રશિયાએ પોતાના નજીકના સાથી દેશ ઈરાનને એવી ગુપ્ત માહિતી આપી હોવાનું કહેવાઈ રહ્યું છે, જેના આધારે પ્રદેશમાં હાજર અમેરિકી સૈન્ય શક્તિ સામે કાર્યવાહી શક્ય બની શકે. માહિતી મુજબ આ ગુપ્ત ડેટામાં અમેરિકાના યુદ્ધ જહાજો, લશ્કરી વિમાનો અને મધ્ય પૂર્વમાં આવેલી અન્ય સૈન્ય સુવિધાઓ વિશેની વિગતો સામેલ હોઈ શકે છે. જો આ માહિતીનો ઉપયોગ કરવામાં આવે તો ઈરાન માટે અમેરિકી દળોને નિશાન બનાવવું વધુ સરળ બની શકે છે. આ ઘટનાએ પ્રદેશની સુરક્ષા પરિસ્થિતિને વધુ સંવેદનશીલ બનાવી છે. રશિયા-ઈરાન સંબંધો કેમ મજબૂત બન્યા? છેલ્લાં કેટલાક વર્ષોમાં રશિયા અને ઈરાન વચ્ચેના સંબંધોમાં નોંધપાત્ર નજીકતા જોવા મળી છે. ખાસ કરીને રશિયા-યુક્રેન યુદ્ધ દરમિયાન રશિયાને મિસાઇલ અને ડ્રોન જેવી સૈન્ય તકનીકની જરૂરિયાત વધી હતી, જેના કારણે બંને દેશો વચ્ચે સહકાર વધ્યો હતો. બીજી તરફ ઈરાન લાંબા સમયથી પશ્ચિમ દેશોના દબાણ અને પ્રતિબંધોનો સામનો કરી રહ્યું છે. તેના પરમાણુ કાર્યક્રમ અને મધ્ય પૂર્વમાં કેટલાક સંગઠનોને મળતા સમર્થનને કારણે તે આંતરરાષ્ટ્રીય રાજકારણમાં ઘણી વખત અલગ પડતું રહ્યું છે. આવી સ્થિતિમાં રશિયાની મદદ ઈરાન માટે મહત્વપૂર્ણ માનવામાં આવે છે. પુતિન અને ઈરાનના રાષ્ટ્રપતિ વચ્ચે ચર્ચા આ દરમિયાન રશિયાના રાષ્ટ્રપતિ વ્લાદિમીર પુતિન અને ઈરાનના રાષ્ટ્રપતિ મસૂદ પેઝેશ્કિયન વચ્ચે ફોન પર ચર્ચા થઈ હોવાના અહેવાલ છે. બંને નેતાઓએ મધ્ય પૂર્વની સ્થિતિ પર ચર્ચા કરી અને વધતા તણાવ અંગે ચિંતા વ્યક્ત કરી. પુતિને સંઘર્ષને ઝડપથી સમાપ્ત કરવાની જરૂરિયાત પર ભાર મૂક્યો અને રાજદ્વારી માર્ગ દ્વારા ઉકેલ લાવવાનો આગ્રહ કર્યો. અમેરિકાની પ્રતિક્રિયા રશિયા દ્વારા ઈરાનને મદદ કરવામાં આવી હોવાના દાવાઓ પર અમેરિકી અધિકારીઓએ જણાવ્યું છે કે આવા પ્રયાસોથી તેમની સૈન્ય કાર્યવાહી પર ખાસ અસર પડશે નહીં. અમેરિકાએ જણાવ્યું છે કે તે પોતાના લશ્કરી લક્ષ્યોને પૂર્ણ કરવા માટે કાર્યવાહી ચાલુ રાખશે. મધ્ય પૂર્વમાં વધતા હુમલા વર્તમાન તણાવ વચ્ચે ઈરાન દ્વારા મધ્ય પૂર્વના વિવિધ વિસ્તારોમાં હુમલા કરવામાં આવ્યા હોવાના અહેવાલો પણ સામે આવ્યા છે. આ હુમલાઓમાં ઈઝરાયેલ સહિત કેટલાક દેશોમાં આવેલી અમેરિકી સૈન્ય સુવિધાઓને નિશાન બનાવવામાં આવ્યું હોવાનું કહેવામાં આવે છે. અદ્યતન મિસાઇલ સિસ્ટમોના ઉપયોગના અહેવાલો વચ્ચે પ્રદેશની સ્થિતિ વધુ ગંભીર બની રહી છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in Russia, Iran, MiddleEastConflict, IsraelIranWar, USMilitary, VladimirPutin, MasoudPezeshkian, GlobalPolitics, InternationalNews, BreakingNews, Geopolitics, MilitaryTension, WorldNews, DefenseUpdate, RussiaIranRelations
ટ્રમ્પનું નિવેદન: ઈરાન શરત વગર સરેન્ડર કરે તો જ સમજૂતી, નવી લીડરશિપ અને “મેક ઈરાન ગ્રેટ અગેઇન”
અમેરિકા-ઇઝરાયલ-ઈરાન યુદ્ધનો સાતમો દિવસ ચાલી રહ્યો છે. આ દરમિયાન અમેરિકાના રાષ્ટ્રપતિ ડોનાલ્ડ ટ્રમ્પે જણાવ્યું છે કે ઈરાન સાથે કોઈપણ સમજૂતી ફક્ત ત્યારે જ શક્ય છે જો ઈરાન શરત વગર સરેન્ડર કરે. તેમણે કહ્યું કે આ પછી ઈરાનમાં એક નવું અને સારું નેતૃત્વ પસંદ કરવામાં આવશે. શરણાગતિ વગર કોઈ કરાર નહીં ટ્રમ્પે પોતાના સોશિયલ મીડિયા પોસ્ટમાં સ્પષ્ટ કર્યું કે જ્યાં સુધી ઈરાન કોઈ પણ શરત વગર શરણાગતિ સ્વીકારશે નહીં, ત્યાં સુધી તેની સાથે કોઈ સમજૂતી નહીં થાય. તેમણે ઉમેર્યું કે શરણાગતિ સ્વીકાર્યા પછી ઈરાનમાં વધુ સારું નેતૃત્વ પસંદ કરવામાં આવશે. ઈરાન માટે અર્થવ્યવસ્થા મજબૂત બનાવવાની યોજના ટ્રમ્પે જણાવ્યું કે અમેરિકા પોતાના સાથી દેશો સાથે મળીને ઈરાનની આર્થિક શક્તિને પુનઃસ્થાપિત કરવા માટે કામ કરશે. તેઓએ પોતાના સંદેશમાં “મેક ઈરાન ગ્રેટ અગેઇન (MIGA)” સુત્રનો પણ ઉપયોગ કર્યો અને કહ્યું કે ઈરાન ભવિષ્યમાં વધુ મજબૂત અને સમૃદ્ધ બની શકે છે. હિઝબુલ્લાહ અને ઈઝરાયલ પર હુમલાઓ ઈરાન ડ્રોન અને મિસાઇલનો ઉપયોગ કરીને ઇઝરાયલ અને યુએસ બેઝ પર હુમલો ચાલુ રાખ્યું છે. આ વચ્ચે, ઇઝરાયલના દાવા મુજબ હિઝબુલ્લાહે ઇઝરાયલ પર આશરે 70 રોકેટ ફેંક્યા, જેમાં ઘણાં દક્ષિણ લેબનોનથી છોડવામાં આવ્યા હતા. લેબનોનમાં નાગરિકોનો નુકસાન લેબનોનના આરોગ્ય મંત્રાલયના જણાવ્યા અનુસાર, સોમવારથી ઇઝરાયલી હુમલાઓમાં 217 લોકો, જેમાં નાગરિકો પણ શામેલ છે, માર્યા ગયા છે. આ હુમલાઓમાં 500 થી વધુ લક્ષ્યોને નિશાન બનાવવામાં આવ્યા અને 70 હિઝબુલ્લાહ લડવૈયાઓને મારી નાખવામાં આવ્યા છે. ટ્રમ્પનું આ નિવેદન અને એ ઘટનાક્રમ સમગ્ર મધ્યપૂર્વના તણાવને નવી ઊંચાઈ પર લઈ ગયા છે અને આંતરરાષ્ટ્રીય રાજકારણ માટે ગંભીર ચિંતાનો વિષય બની છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
ટ્રમ્પનું નિવેદન: મોજતબા ખામેની અનુકૂળ નથી, ભવિષ્યમાં ઈરાન સાથે બીજું યુદ્ધ થઈ શકે
અમેરિકાના રાષ્ટ્રપતિ ડોનાલ્ડ ટ્રમ્પે કહ્યું છે કે જ્યાં સુધી ઈરાન બિનશરતી શરણાગતિ સ્વીકારશે નહીં, ત્યાં સુધી ઈરાન સાથે ચાલી રહેલા યુદ્ધને અંત સુધી લાવવા માટે કોઈ કરાર શક્ય નથી. ટ્રમ્પે આ નિવેદન શુક્રવારે પોતાના સોશિયલ મીડિયા પ્લેટફોર્મ, ટ્રુથ સોશિયલ પર આપ્યું. મોજતબા ખામેનીને અયોગ્ય ગણાવ્યો ટ્રમ્પે ઈરાનના નવા સુપ્રીમ લીડરની પસંદગીમાં પણ ભૂમિકા ભજવવા ઈચ્છા વ્યક્ત કરી. એક્સિઓસ સાથેની મુલાકાતમાં તેમણે સંભવિત ઉત્તરાધિકારી મોજતબા ખામેનીની કડક ટીકા કરી અને કહ્યું કે તેઓ આ પદ માટે યોગ્ય નથી. ટ્રમ્પે કહ્યું કે નવા નેતા ખામેનીની નીતિઓ ચાલુ રાખે તો ભવિષ્યમાં અમેરિકા અને ઈરાન વચ્ચે બીજું યુદ્ધ સર્જાઈ શકે છે. “મેક ઈરાન ગ્રેટ અગેઇન” સુત્ર ટ્રમ્પે કહ્યું કે અમેરિકા અને તેના સાથી દેશો ઈરાનને વિનાશના માર્ગથી પાછું લાવવા માટે કામ કરશે. તેમના મતે, ઈરાનને ભવિષ્યમાં આર્થિક રીતે મજબૂત અને સ્થિર બનાવી શકાય છે. ટ્રમ્પે પોતાના સંદેશમાં “મેક ઈરાન ગ્રેટ અગેઇન” (MIGA) સુત્ર પણ રજૂ કર્યું. વૈશ્વિક બજાર પર અસર ટ્રમ્પના નિવેદન બાદ બ્રેન્ટ ક્રૂડના ભાવ પ્રતિ બેરલ $90 ને પાર ગયા. તેમની આ પહેલાં પણ ઈરાનની બિનશરતી શરણાગતિ માટે માંગ કરી હતી. 50 ઇઝરાયલી જેટ્સ દ્વારા તેહરાન પર હુમલો શુક્રવારે ઇઝરાયલી વાયુસેનાએ તેહરાનમાં ઈરાની નેતૃત્વ પરિસરમાં ભૂગર્ભ બંકર પર હુમલો કર્યો. લગભગ 50 ફાઇટર જેટ્સે 100 થી વધુ બોમ્બ ફેંક્યા. આ બંકર સુપ્રીમ લીડર અલી ખામેની માટે બનાવાયું હતું અને તે ઈરાની વરિષ્ઠ અધિકારીઓ દ્વારા ઉપયોગમાં લેવાતું હતું. આ હુમલામાં ઈરાનની કમાન્ડ અને કંટ્રોલ ક્ષમતાઓને મોટું નુકસાન થયું. ટ્રમ્પનું આ નિવેદન, ઈરાન સાથે સંબંધોમાં તણાવ અને ભૂગર્ભ હુમલાની વિગતો સાથે, વૈશ્વિક રાજકારણ અને અર્થતંત્ર પર નોંધપાત્ર અસર કરે તેવી સ્થિતિ ઊભી કરે છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
પશ્ચિમ એશિયામાં સંકટ વચ્ચે જર્મન ચાન્સેલર મેર્ઝ વ્હાઇટ હાઉસ ખાતે રાષ્ટ્રપતિ ટ્રમ્પ સાથે મળ્યા
પશ્ચિમ એશિયામાં વધતા સંકટ વચ્ચે, જર્મન ચાન્સેલર ફ્રેડરિક મેર્ઝે વ્હાઇટ હાઉસ ખાતે અમેરિકાના રાષ્ટ્રપતિ ડોનાલ્ડ ટ્રમ્પ સાથે મુલાકાત કરી. બંને નેતાઓએ ઈરાન અને યુદ્ધ પછીની પરિસ્થિતિ પર ચર્ચા કરી. મેચે જણાવ્યું, “અમે સૌ ઇચ્છીએ છીએ કે આ યુદ્ધ શક્ય તેટલી વહેલી તકે સમાપ્ત થાય.” મુલાકાત દરમિયાન, મેર્ઝે ટ્રમ્પને કહ્યું કે તેઓ તેહરાનમાં ભયાનક શાસન દૂર કરવા પર એકમત છે અને તે પછીની પરિસ્થિતિ પર પણ ચર્ચા થશે. ટ્રમ્પે ઈરાનમાં શાસન પરિવર્તન અંગે વાત કરી છે, જો કે યુદ્ધ ઉદ્દેશ્ય તરીકે એ જાહેર નથી થયું. વેપાર અને ટેરિફ મુદ્દા પણ ચર્ચા એજન્ડામાં રહ્યા. ટ્રમ્પે નવા ટેરિફ લાદવાની જાહેરાત કર્યા બાદ યુરોપિયન યુનિયન દ્વારા કરારની પુનઃપ્રક્રિયા અટકાવી દેવાઈ છે. યુક્રેન મુદ્દા પર પણ ચર્ચા થઈ, જ્યાં યુદ્ધ ચાર વર્ષથી વધુ સમયથી ચાલી રહ્યું છે, અને રશિયા સાથે શાંતિ કરાર પ્રયત્નો નિષ્ફળ રહ્યા છે. વાઇઝિથિંગ્સ દરમિયાન ગ્રીનલેન્ડના સિક્યોરિટી મુદ્દા અને યુએસ-યુરોપ સંબંધો પર ચર્ચા પણ થઈ, કારણ કે ટ્રમ્પએ લાંબા સમયથી ગ્રીનલેન્ડ પર યુએસ નિયંત્રણ ઇચ્છવાની વાત કરી છે. આ મુદ્દે નાટો સભ્યો અને ડેનમાર્ક સાથે સંબંધોમાં તણાવ ઊભો થયો છે. આ મુલાકાતને આર્થિક, રાજકીય અને સામરિક સ્તરે મહત્વપૂર્ણ પગલાં તરીકે જોઈ શકાય છે, જે પશ્ચિમ એશિયામાં વધતા તણાવ અને વૈશ્વિક રાજકારણ માટે મહત્વપૂર્ણ સંકેત છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
‘અમે શાંતિના દૂત’: ઇઝરાયલની સંસદમાં પીએમ મોદીનું સંબોધન, ગાઝા શાંતિ પહેલને ભારતનો ટેકો
લગભગ 9 વર્ષ બાદ ભારતના વડાપ્રધાન નરેન્દ્ર મોદી બે દિવસીય મુલાકાતે ઇઝરાયલ પહોંચ્યા છે. એરપોર્ટ પર તેમના સમકક્ષ બેન્જામિન નેતન્યાહૂ એ પ્રોટોકોલ તોડી ઉષ્માભર્યું સ્વાગત કર્યું હતું. પીએમ મોદીએ ઇઝરાયલની સંસદને સંબોધિત કરતા કહ્યું કે, “હું 140 કરોડ ભારતીયોની મિત્રતાનો સંદેશ લઈને આવ્યો છું. ભારત શાંતિ, સંવાદ અને સ્થિરતાના માર્ગ પર વિશ્વ સાથે ઉભું છે.” ‘નિર્દોષોની હત્યા કોઈપણ કિંમતે સ્વીકાર્ય નથી’ પીએમ મોદીએ 7 ઓક્ટોબરના હુમલાની કડક નિંદા કરી અને કહ્યું કે ભારત આતંકવાદ વિરુદ્ધ ઝીરો ટોલરન્સની નીતિ પર અડગ છે. તેમણે 26/11 મુંબઈ હુમલાનો ઉલ્લેખ કરતા જણાવ્યું કે ભારત પણ આતંકવાદનો ભોગ બન્યું છે અને નિર્દોષ નાગરિકોની હત્યા કોઈપણ સંજોગોમાં યોગ્ય ઠરી શકતી નથી. તેમણે સ્પષ્ટ શબ્દોમાં કહ્યું કે ગાઝા શાંતિ પહેલને ભારત મજબૂત સમર્થન આપે છે અને યુએન સુરક્ષા પરિષદ દ્વારા સમર્થિત પ્રયાસો પ્રદેશમાં ન્યાયી અને સ્થાયી શાંતિ લાવી શકે છે. ‘અબ્રહામ અકોર્ડ’ અને ઐતિહાસિક સંબંધો પીએમ મોદીએ કહ્યું કે ભારત અને ઇઝરાયલના સંબંધો 2000 વર્ષ જૂના છે. તેમણે હાઇફામાં શહીદ થયેલા ભારતીય સૈનિકોને યાદ કર્યા અને હોલોકાસ્ટને ઇતિહાસનો સૌથી કાળો અધ્યાય ગણાવ્યો. ભારત અબ્રહામ અકોર્ડનો સમર્થક હોવાનું જણાવી તેમણે કહ્યું કે યહૂદી સમુદાય ભારતમાં નિર્ભયતાથી રહે છે અને દેશના વિકાસમાં યોગદાન આપ્યું છે. ‘મોદી મારા ભાઈ’: નેતન્યાહૂ ઇઝરાયલના વડાપ્રધાન નેતન્યાહૂએ સંસદમાં મોદીને “મિત્રથી વિશેષ મારા ભાઈ” કહી સંબોધ્યા. તેમણે કહ્યું કે ભારત અને ઇઝરાયલ વચ્ચેની વ્યૂહાત્મક ભાગીદારી મજબૂત બની રહી છે અને ભારત સચ્ચાઈ સાથે ઇઝરાયલની બાજુએ ઉભું છે. મુલાકાતનું મહત્વ 2017ની ઐતિહાસિક મુલાકાત બાદ બંને દેશોના સંબંધો વ્યૂહાત્મક ભાગીદારીમાં પરિવર્તિત થયા હતા. હાલના તણાવસભર પરિસ્થિતિમાં આ મુલાકાત રાજકીય રીતે અત્યંત મહત્વપૂર્ણ માનવામાં આવી રહી છે. મુલાકાત દરમિયાન સંરક્ષણ, કૃષિ, પાણી વ્યવસ્થાપન અને સેમિકન્ડક્ટર જેવા ક્ષેત્રોમાં સહકાર વધારવા માટે મહત્વપૂર્ણ MoU પર હસ્તાક્ષર થવાની શક્યતા છે. પીએમ મોદી હોલોકોસ્ટ મેમોરિયલ સેન્ટર ખાતે શ્રદ્ધાંજલિ અર્પણ કરશે અને બંને નેતાઓ સંયુક્ત નિવેદન પણ જારી કરશે. આ મુલાકાતથી ભારત-ઇઝરાયલ સંબંધોને નવી દિશા મળશે અને મધ્યપૂર્વમાં શાંતિ પ્રયાસોને વધુ ગતિ મળશે તેવી આશા વ્યક્ત કરવામાં આવી રહી છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
જાપાનમાં “Iron Lady” સાનાએ તાકાઇચીનો ઐતિહાસિક વિજય, LDPએ બહુમતીનો આંકડો પાર કર્યો
જાપાનની રાજનીતિમાં નવો ઇતિહાસ રચાયો છે. દેશની પ્રથમ મહિલા પ્રધાનમંત્રી સાનાએ તાકાઇચીએ મધ્ય-શિયાળાના ચૂંટણીમાં વિન્ડર સ્નેપ પોલમાં ભવ્ય જીત મેળવી, અને જાપાનની લિબરલ ડેમોક્રેટિક પાર્ટી (LDP) ને સંસદના નીચલા સદનમાં બહુમતી પાર કરાવી. લેટેસ્ટ પરિણામ અનુસાર, LDPએ માત્ર બે કલાકમાં 233 સીટો મેળવી, રાજકીય વિશ્લેષકોને પણ આશ્ચર્યમાં મૂકી દીધું. આ જીત માત્ર સંખ્યાબળની નથી, પરંતુ તાકાઇચીના મજબૂત નેતૃત્વ પર જનતાનો વિશ્વાસ દર્શાવે છે. સાનાને તાકાઇચી “Iron Lady” તરીકે ઓળખવામાં આવે છે, અને તેમણે દેશની અર્થવ્યવસ્થા, રાષ્ટ્રીય સુરક્ષા અને વૈશ્વિક કૂટનીતિમાં મજબૂત નિર્ણયો લેવામાં છબી ઉભી કરી છે. વિશ્વભરના નેતાઓએ જીત પર અભિનંદન પાઠવ્યા છે. ભારતના પ્રધાનમંત્રી નરેન્દ્ર મોદીએ સોશિયલ મીડિયા પર તાકાઇચીને શુભેચ્છા પાઠવી, અને જણાવ્યું કે આ જીત ભારત-જાપાન વચ્ચેની વ્યૂહાત્મક ભાગીદારીને વધુ મજબૂત બનાવશે. અમેરિકાના રાજદૂત જૉર્જ એડવર્ડ ગ્લાસે પણ તાકાઇચીની “પ્રભાવશાળી જીત” માટે અભિનંદન આપ્યા. આ ચૂંટણી જાપાનમાં મહિલાઓના નેતૃત્વ માટે પ્રેરણાદાયક ક્ષણ બની છે અને 36 વર્ષમાં પહેલી મિડ-વિન્ટર ચૂંટણી તરીકે નોંધાઈ છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
ઈરાનનો ટ્રેમ્પ સામે વિચિત્ર આરોપ: બે લશ્કરી ઠેકાણાઓ પર હુમલો કરવાની ઓફર ફગાવી
ઈરાન અને અમેરિકા વચ્ચે ચાલી રહેલા તણાવમાં એક નવા અને ગંભીર વળાંક આવ્યો છે. ઈરાનના રાષ્ટ્રીય સુરક્ષા સમિતિના ઉપાધ્યક્ષ મહમૂદ નબાવિયનએ દાવો કર્યો છે કે રાષ્ટ્રપતિ ડોનાલ્ડ ટ્રમ્પે ઓમાનમાં મંત્રણા શરૂ થાય તે પહેલાં એક અજિબ પ્રસ્તાવ મોકલ્યો હતો. પ્રસ્તાવમાં, અમેરિકાએ ઈરાનના બે લશ્કરી ઠેકાણાઓ પર હુમલો કરવાની ઓફર મૂકી અને બદલે ઈરાનની પ્રતિસાદ માટે ‘યોગ્ય જવાબ’ મર્યાદિત રાખવાનો પ્રયાસ કર્યો હતો. નબાવિયાને અનુસાર, આ પ્રકારની ‘ફિક્સ્ડ’ યુદ્ધની યોજના પાછળ હેતુ વિશ્વ સમક્ષ અમેરિકાની શક્તિ દર્શાવવાનો હતો. તેમ છતાં, ઈરાને આ ઓફર તત્કાળ નકારી દીધી છે. નબાવિયાનીએ વધુમાં જણાવ્યું કે, અમેરિકાએ વેનેઝુએલાના રાષ્ટ્રપતિ માદુરો સામે જે ગુપ્ત કારવાઈ કરી હતી, તે જ રીત ઈરાન સામે ઘડવામાં આવી હતી. પરંતુ ઈરાનની સુરક્ષા એજન્સીઓની સતર્કતાને કારણે અપહરણ પ્રયાસ નિષ્ફળ રહ્યો. તેણે સીધી ચેતવણી આપી છે કે “હવે એ યુગ પૂરો થઈ ગયો છે જ્યારે અમેરિકા મનફાવે તેમ કરી શકતું હતું.” તેમણે જણાવ્યું કે જો અમેરિકાએ કોઈ ભૂલ કરી, તો હજારો સૈનિકોના જીવનો ભોગ લાગશે. ઈરાનના પ્રાદેશિક સાથી દેશોને પણ ચેતવણી આપવામાં આવી છે કે અમેરિકાની લશ્કરી ઠેકાણીઓ મિસાઇલના સીધા નિશાન પર રહેશે. આ પ્રકાશિત દાવાઓ સાથે ઈરાન અને પશ્ચિમી દેશો વચ્ચે અવિશ્વાસ વધુ ઊંડો થયો છે. આંતરરાષ્ટ્રીય સ્તરે આ સમાચાર ઝડપથી ફેલાઈ રહ્યા છે. ટ્રમ્પ વહીવટીતંત્રે આ દાવાઓ પર હજુ સુધી સત્તાવાર પ્રતિક્રિયા આપેલ નથી, પરંતુ મધ્ય પૂર્વમાં વધતા રાજકીય અને લશ્કરી તણાવ અંગે ચિંતાઓ વધી રહી છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
