Bindiaપ્રશાંત કિશોર સાથે પ્રિયંકા ગાંધીએ યોજી બંધ બારણે બેઠક, અનેક અટકળો શરૂ
બિહાર વિધાનસભા ચૂંટણીમાં જન સૂરજ પાર્ટીના નિરાશાજનક પ્રદર્શન બાદ ચૂંટણી રણનીતિકારમાંથી રાજકારણી બનેલા પ્રશાંત કિશોર ફરી એકવાર રાજકીય ચર્ચામાં આવી ગયા છે. સૂત્રો સૂચવે છે કે કિશોરે તાજેતરમાં કોંગ્રેસના મહાસચિવ પ્રિયંકા ગાંધી વાડ્રા સાથે બંધ બારણે મુલાકાત કરી હતી, જેનાથી રાજકીય વર્તુળોમાં નવી અટકળો શરૂ થઈ હતી. આ મુલાકાત લગભગ બે કલાક ચાલી હતી, જે દરમિયાન બંનેએ ઉત્તર ભારતીય રાજ્યો જેમ કે ઉત્તર પ્રદેશ અને બિહારમાં વર્તમાન રાજકીય પરિદૃશ્ય પર ચર્ચા કરી હતી. પ્રિયંકા ગાંધી અને પીકે વચ્ચેની મુલાકાતને સૌજન્ય મુલાકાત ગણાવીને બંને પક્ષોએ રાજકીય અટકળોને શાંત કરવાનો પ્રયાસ કર્યો હોવા છતાં, આ મુલાકાત રાજકીય રીતે રસપ્રદ છે, કારણ કે છેલ્લા કેટલાક વર્ષોમાં પ્રશાંત કિશોર અને કોંગ્રેસ વચ્ચેના સંબંધોમાં ખટાશ રહી છે. પ્રશાંત કિશોરે જેડી(યુ)માંથી હાંકી…
છેલ્લા ત્રણ વર્ષમાં શાળા આરોગ્ય – રાષ્ટ્રીય બાળ સ્વાસ્થ્ય કાર્યક્રમ થકી જાણો રાજ્યના કેટલા બાળકોએ લીધો લાભ, જાણો વિગત
મુખ્યમંત્રી ભૂપેન્દ્રભાઈ પટેલે તેમના કાર્યકાળના ત્રણ વર્ષ પૂર્ણ કર્યા છે. મુખ્યમંત્રીએ વડાપ્રધાન નરેન્દ્ર મોદીના માર્ગદર્શન હેઠળ ગુજરાતની વિકાસયાત્રાને નવી ગતિ આપી છે. આ ત્રણ વર્ષ સેવા, સંકલ્પ અને સમર્પણના પ્રતીક બન્યા છે. મુખ્યમંત્રી ના માર્ગદર્શન અને આરોગ્ય મંત્રી પ્રફુલ પાનશેરીયા નેતૃત્વમાં આજે આરોગ્યને લગતી જનકલ્યાણકારી યોજનાઓ છેવાડાનાં નાગરીકો સુધી પહોચી છે. જેના ભાગરૂપે છેલ્લા ત્રણ વર્ષમાં શાળા આરોગ્ય – રાષ્ટ્રીય બાળ સ્વાસ્થ્ય કાર્યક્રમ થકી રાજ્યના 4.5 કરોડથી વધુ બાળકોએ આ યોજનાનો લાભ લીધો છે. આ યોજના હેઠળ રાજ્યમાં દર વર્ષે અંદાજિત સરેરાશ કુલ 1 કરોડ 89 લાખથી વધુ બાળકોની આરોગ્ય ચકાસણી કરી સ્થળ પર સારવાર કરવામાં આવે છે. આ ઉપરાંત જરૂરીયાતવાળા બાળકોને સરકારી આરોગ્ય સંસ્થાઓ PHC-CHC-SDH, જિલ્લા હોસ્પિટલો, મેડિકલ કોલેજ અને હોસ્પિટલો તથા સુપર સ્પેશિયાલિટી હોસ્પિટલો…
રામ મંદિર આંદોલનમાં મુખ્ય ભૂમિકા ભજવનાર રામ વિલાસ વેદાંતીનું નિધન; યોગી આદિત્યનાથે પાઠવી શ્રદ્ધાંજલિ
અયોધ્યામાં રામ મંદિર ચળવળમાં મુખ્ય ભૂમિકા ભજવનારા ભાજપના ભૂતપૂર્વ સાંસદ ડૉ. રામવિલાસ વેદાંતીનું નિધન થયું છે. તેઓ લાંબા સમયથી ખરાબ તબિયત બાદ મધ્યપ્રદેશના રેવામાં સંજય ગાંધી મેમોરિયલ હોસ્પિટલમાં સારવાર લઈ રહ્યા હતા. દરમિયાન, તેમણે સોમવારે બપોરે અંતિમ શ્વાસ લીધા. તેમના પાર્થિવ શરીરને અયોધ્યા લાવવામાં આવી રહ્યોછે , જ્યાં તેમને મંગળવારે સરયુ નદીમાં વિસર્જન કરવામાં આવશે. મુખ્યમંત્રી યોગી આદિત્યનાથ સહિત અનેક નેતાઓએ વેદાંતીના નિધન પર ઊંડો શોક વ્યક્ત કર્યો છે. 67 વર્ષીય રામવિલાસ છેલ્લા બે દિવસથી મધ્યપ્રદેશના રેવામાં રામ કથા માટે હતા. રવિવારે તેમની તબિયત . ત્યારબાદ તેમને સંજય ગાંધી મેમોરિયલ હોસ્પિટલમાં દાખલ કરવામાં આવ્યા. તેમની બીમારીની જાણ થતાં, મધ્યપ્રદેશના મુખ્યમંત્રી મોહન યાદવે તેમને એરલિફ્ટ કરીને ભોપાલ લઈ જવાની વ્યવસ્થા કરી, પરંતુ લો વિઝિબીલિટીના કારણે વિમાન લેન્ડ…
પ્રધાનમંત્રી કિસાન સન્માન નિધિ યોજનાના 22મા હપ્તાનો લાભ મેળવવા ખેડૂત આઇડી-ફાર્મર રજીસ્ટ્રીની નોંધણી ફરજિયાત
પ્રધાનમંત્રી કિસાન સમ્માન નિધિ યોજનાના આગામી એટલે કે, 22માં હપ્તાનો લાભ વિના વિલંબે મેળવવા માટે કેન્દ્ર સરકાર દ્વારા ખેડૂત આઇડી-ફાર્મર રજીસ્ટ્રીની નોંધણી ફરજિયાત કરવામાં આવી છે. રાજ્યના જે ખેડૂતોએ હજુ સુધી ફાર્મર રજીસ્ટ્રીમાં નોંધણી કરાવવાની બાકી હોય તેવા ખેડૂતોએ સત્વરે ખેડૂત આઇડીની નોંધણી કરાવવા ખેતી નિયામકની કચેરી દ્વારા અનુરોધ કરવામાં આવ્યો છે. રાજ્યમાં બાકી રહી ગયેલા ખેડૂતો સત્વરે ફાર્મર રજીસ્ટ્રીમાં નોંધણી કરાવી શકે તે માટે અત્યારે ગ્રામીણ કક્ષાએ ઝુંબેશ સ્વરૂપે નોંધણી કરવામાં આવી રહી છે. ખેડૂત લાભાર્થીઓએ સત્વરે નોંધણી કરાવવા માટે ગામના તલાટી કમ મંત્રીશ્રી અથવા ગ્રામસેવકશ્રીનો સંપર્ક કરવાનો રહેશે. અહી થશે ખેડૂત નોંધણી આ ઉપરાંત ખેડૂતો જાતે ઘરેથી મોબાઈલ એપ્લિકેશનના માધ્યમથી પણ નોંધણી કરી શકે છે. કોમન સર્વિસ સેન્ટર-CSC અથવા ગ્રામ પંચાયતમાં કોમ્પ્યુટર ઓપરેટર મારફતે…
સચિન અને મેસ્સીની થઈ વાનખેડે સ્ટેડિયમમાં મુલાકાત, આપી આ ખાસ ભેટ
આર્જેન્ટિનાના ફૂટબોલ દિગ્ગજ લિયોનેલ મેસ્સી હાલમાં ભારતના પ્રવાસે છે. મેસ્સી તેમના ભારત પ્રવાસના બીજા તબક્કાના ભાગ રૂપે મુંબઈ પહોંચ્યા હતા. વાનખેડે સ્ટેડિયમ ખાતે આયોજિત એક કાર્યક્રમમાં, મેસ્સી બોલિવૂડના અનેક સેલિબ્રિટીઝ અને ક્રિકેટના ભગવાન તરીકે જાણીતા સચિન તેંડુલકરને મળ્યા. તેઓ ફૂટબોલ દિગ્ગજ સુનીલ છેત્રીને પણ મળ્યા. આ સમય દરમિયાન, તેઓ ડી પોલ અને લુઈસ સુઆરેઝ સાથે કેટલાક બાળકો સાથે રોન્ડો રમતા જોવા મળ્યા. આ મુલાકાત દરમિયાન સચિન તેંડુલકરે લિયોનેલ મેસ્સીને પોતાની ટીમ ઈન્ડિયાની જર્સી ભેટમાં આપી હતી. તેના પર સચિનનો ઓટોગ્રાફ હતો. મેસ્સી અને સચિને સાથે ફોટો પડાવ્યો હતો. આ પછી મેસ્સીએ સચિન તેંડુલકરને ફૂટબોલ ભેટમાં આપ્યો હતો. આ પહેલા લિયોનેલ મેસ્સી ભારતના સ્ટાર ફૂટબોલ ખેલાડી સુનીલ છેત્રીને મળ્યો હતો. આ બંનેને જોવા માટે વાનખેડે સ્ટેડિયમમાં ચાહકોની…
રાહુલ ગાંધીએ ચૂંટણી કમિશનરોને આપી ચેતવણી, જાણો શું કહ્યું
લોકશાહીના પાયા પરનો રાજકીય સંઘર્ષ હવે ખુલીને સામે આવી ગયો છે. કોંગ્રેસે આજે (રવિવારે) દિલ્હીના રામલીલા મેદાનમાં કથિત મત ચોરીના મુદ્દા પર એક વિશાળ રેલીનું આયોજન કર્યું હતું. રેલીને સંબોધતા રાહુલ ગાંધીએ કેન્દ્ર સરકાર, RSS અને ચૂંટણી પંચ પર શાબ્દિક હુમલો કર્યો અને તેને “સત્ય અને અસત્ય વચ્ચેની લડાઈ” ગણાવી. સ્ટેજ પરથી રાહુલ અને પ્રિયંકા ગાંધીના વલણથી સ્પષ્ટ થયું કે આ માત્ર આરોપ નથી, પરંતુ લોકશાહી બચાવવાની લડાઈ છે, જેમાં કોંગ્રેસ સરકાર અને વ્યવસ્થાને પડકારવાના મૂડમાં છે. આ લેખમાં વાંચો કથિત મત ચોરી સામેની રેલીમાં રાહુલ અને પ્રિયંકા ગાંધીએ શું કહ્યું. વિપક્ષના નેતા રાહુલ ગાંધીએ કહ્યું કે તેમની પાસે સરકાર છે અને તેઓ મત ચોરીમાં સામેલ છે. “અમે હંમેશા સત્ય સાથે ઉભા રહીશું અને પીએમ મોદી…
ગુજરાત ભાજપના દિગ્ગજોના દિલ્હીમાં ધામા, આ મામલે વડાપ્રધાન અને અમિત શાહ સાથે થઈ શકે છે ચર્ચા
ગુજરાતમાં મંત્રીમંડળ અને પ્રદેશ ભાજપ અધ્યક્ષ બાદ હવે ગુજરાત ભાજપના સંગઠનને લઈ ચર્ચાઓ શરૂ થઈ છે. આ દરમિયાન આજે ગુજરાતના મુખ્યમંત્રી, નાયબ મુખ્યમંત્રી, પ્રદેશ અધ્યક્ષ, સંગઠન મંત્રી અન્ય નેતાઓની દિલ્હી ખાતે ગૃહમંત્રી અમિત શાહ અને પ્રધાનમંત્રી નરેન્દ્ર મોદી સાથે બેઠક યોજાશે. જેમાં ગુજરાત ભાજપના સંગઠનને લઈને ચર્ચા થશે એવું સૂત્રો પાસેથી જાણવા મળ્યું છે. આજે દિલ્હી ખાતેની બેઠક બાદ ગુજરાત પ્રદેશ ભાજપની ટીમની જાહેરાત થવાની ચર્ચાઓએ વેગ પકડ્યો છે. મળતી માહિતી મુજબ નવી ટીમમાં 6 થી 8 પ્રદેશ ઉપાધ્યક્ષ, 8 થી 10 પ્રદેશ મંત્રી, 1 ખજાનચી સહિત 20 થી 25 હોદેદારો અને ચારે ઝોન માંથી એક એક પ્રદેશ મહામંત્રીની નિમણૂકની ચર્ચાઓ ચાલી રહી છે. દિલ્હીથી મંજૂરીની મહોર બાદ કમુરતા પહેલા નામ જાહેર થવાની સંભાવના છે. ગુજરાત…
ઉત્તર પ્રદેશ ભાજપને મળ્યા નવા પ્રદેશ અધ્યક્ષ, જાણો કોને સોંપવામાં આવી કમાન
ઉત્તર પ્રદેશ ભારતીય જનતા પાર્ટીને આજે નવા પ્રમુખ મળી ગયા છે. કેન્દ્રીય નાણાં રાજ્યમંત્રી પંકજ ચૌધરીની સર્વાનુમતે ચૂંટણીની જાહેરાત મુખ્યમંત્રી યોગી આદિત્યનાથની હાજરીમાં રાષ્ટ્રીય પરિષદના સભ્યોની ચૂંટણીના પ્રભારી કેન્દ્રીય મંત્રી પીયૂષ ગોયલ દ્વારા કરવામાં આવી હતી. લખનૌના લોકભવન ખાતે આયોજિત સમારોહમાં પંકજ ચૌધરીએ કમાન સંભાળતા જ રાજ્ય ભાજપમાં સંગઠનાત્મક સ્તરે એક નવા યુગની શરૂઆત થઈ છે. આ સાથે રાષ્ટ્રીય પરિષદની ચૂંટણી પણ થઈ છે. પીયૂષ ગોયલે કહ્યું કે તેમને એ જાહેરાત કરતા આનંદ થાય છે કે ભાઈ પંકજ ચૌધરીની જનરલ કમિટી દ્વારા પસંદગી કરવામાં આવી છે. પંકજ ચૌધરીની નિમણૂકને ભાજપ દ્વારા એક મોટી રાજકીય ચાલ તરીકે જોવામાં આવી રહી છે. તેઓ પૂર્વાંચલના મહારાજગંજથી સાત વખત સાંસદ રહ્યા છે અને કુર્મી (ઓબીસી) સમુદાયના છે. તેમની નિમણૂક પાછળ…
1000 કરોડના કૌભાંડમાં ચીની કનેક્શન, CBIની ચાર્જશીટમાં થયો મોટો ખુલાસો
CBI (સેન્ટ્રલ બ્યુરો ઓફ ઇન્વેસ્ટિગેશન) એ રવિવારે જણાવ્યું હતું કે, 1,000 કરોડ રૂપિયાથી વધુની છેતરપિંડી કરનારા આંતરરાષ્ટ્રીય સાયબર ફ્રોડ નેટવર્કમાં સંડોવણી બદલ ચાર ચીની નાગરિકો સહિત 17 લોકો અને 58 કંપનીઓ સામે ચાર્જશીટ દાખલ કરી છે. આ વર્ષે ઓક્ટોબરમાં ગેંગનો પર્દાફાશ કર્યા પછી, તપાસ અધિકારીઓએ શોધી કાઢ્યું કે તે એક સુનિયોજિત અને સંગઠિત સિન્ડિકેટ હતું જે જટિલ ડિજિટલ અને નાણાકીય સિસ્ટમોનો ઉપયોગ કરીને વિવિધ પ્રકારની છેતરપિંડી કરી રહ્યું હતું. આ ગેંગની છેતરપિંડીની પદ્ધતિઓમાં ગેરમાર્ગે દોરતી લોન અરજીઓ, નકલી રોકાણ યોજનાઓ, પોન્ઝી અને મલ્ટી-લેવલ માર્કેટિંગ મોડેલો, નકલી પાર્ટ-ટાઇમ જોબ ઓફરો અને નકલી ઓનલાઈન ગેમિંગ પ્લેટફોર્મનો સમાવેશ થાય છે. તપાસ એજન્સીના અંતિમ અહેવાલ મુજબ, ગેંગે 111 શેલ કંપનીઓ દ્વારા ગેરકાયદેસર ભંડોળની હિલચાલ છુપાવી હતી અને “મ્યુલ” એકાઉન્ટ્સ દ્વારા…
ભારત-પાકિસ્તાન મેચ માટે નો હેન્ડશેક પોલિસી યથાવત, જાણો શું થયું
ભારત અને પાકિસ્તાન વચ્ચે અંડર-19 એશિયા કપ 2025 ની ૫મી મેચ દુબઈમાં રમાઈ રહી છે. આ મેચમાં પણ બધાની નજર બંને ટીમોના કેપ્ટન પર હતી. પહેલગામ હુમલા બાદ, ભારતે ક્રિકેટ મેદાન પર પાકિસ્તાન સામે અલગ વલણ અપનાવ્યું છે. મેચના સ્તરને ધ્યાનમાં લીધા વિના, ભારતીય ખેલાડીઓ હાથ મિલાવી રહ્યા નથી કે પાકિસ્તાની ખેલાડીઓ સાથે કોઈપણ પ્રકારની વાતચીત કરી રહ્યા નથી. આ બાબતમાં હસ્તક્ષેપ કરીને, આંતરરાષ્ટ્રીય ક્રિકેટ પરિષદ (ICC) એ જુનિયર સ્તરના ક્રિકેટથી રાજકારણને દૂર રાખવા વિનંતી કરી. જોકે, BCCI એ આ વિનંતીને અવગણી, અને ભારતીય કેપ્ટન આયુષ મ્હાત્રેએ ટોસ દરમિયાન પાકિસ્તાની કેપ્ટન સાથે હાથ મિલાવ્યો નહીં. આ હાઇ-પ્રોફાઇલ મેચ પહેલા એક મીડિયાના અહેવાલમાં ખુલાસો થયો હતો કે ICC અંડર-19 ક્રિકેટમાંથી રાજકારણને દૂર રાખવા માંગે છે અને ભારતને…
