Bindiaઅમદાવાદ–ગાંધીનગર એલર્ટ: શાળાઓને બોમ્બની ધમકી બાદ સચિવાલયમાં સઘન ચેકિંગ, સુરક્ષા વધારી
અમદાવાદમાં આજે અનેક શાળાઓને બોમ્બની ધમકી ભર્યો ઈ-મેઈલ મળતા અફરાતફરીનો માહોલ સર્જાયો છે. ધમકી મળતાની સાથે જ પોલીસ, બોમ્બ ડિસ્પોઝલ સ્ક્વોડ અને અન્ય સુરક્ષા એજન્સીઓએ તાત્કાલિક ચેકિંગ શરૂ કર્યું છે. પરિસ્થિતિને ધ્યાનમાં રાખી ગાંધીનગર સચિવાલયને પણ એલર્ટ પર મૂકવામાં આવ્યું છે અને સુરક્ષા વ્યવસ્થા કડક કરવામાં આવી છે. સચિવાલયમાં ચુસ્ત બંદોબસ્ત દિલ્હી બાદ હવે અમદાવાદમાં પણ શાળાઓને બોમ્બની ધમકી મળતા તંત્ર સાવચેત બન્યું છે. રાજધાની ગાંધીનગરના સચિવાલયમાં સ્ક્વોડ દ્વારા સઘન તપાસ હાથ ધરાઈ છે. સચિવાલયની આસપાસના વિસ્તારોમાં ચેકિંગ વધારાયું છે. સુરક્ષાના ભાગરૂપે બહારના રસ્તાઓ પર ફૂલના કુંડા સહિતની વસ્તુઓ તપાસવામાં આવી રહી છે અને આવન-જાવન કરતા તમામ લોકોની કડક ચકાસણી કરવામાં આવી રહી છે. પાટનગર વિસ્તારમાં ખાનગી વાહનોનું પણ સઘન ચેકિંગ ચાલી રહ્યું છે. શાળાઓમાં સ્વૈચ્છિક…
ટ્રમ્પે વધુ પાંચ દેશો પર મુસાફરી પ્રતિબંધ લાદ્યો, અમેરિકામાં પ્રવેશ પર સંપૂર્ણ પ્રતિબંધ
યુએસ પ્રમુખ ડોનાલ્ડ ટ્રમ્પના વહીવટીતંત્રે પોતાની કડક ઇમિગ્રેશન નીતિને આગળ વધારતા મુસાફરી પ્રતિબંધનો વ્યાપ વધારીને વધુ પાંચ દેશોનો સમાવેશ કર્યો છે. મંગળવારે જાહેર કરાયેલા આ આદેશ અનુસાર, આ દેશોના નાગરિકોને હવે યુનાઇટેડ સ્ટેટ્સમાં પ્રવેશવાની મંજૂરી મળશે નહીં. આ નિર્ણય એવા સમયે લેવામાં આવ્યો છે જ્યારે તાજેતરમાં વોશિંગ્ટન ડીસીમાં અફઘાન મૂળના એક વ્યક્તિએ બે નેશનલ ગાર્ડ સૈનિકો પર ગોળીબાર કર્યો હતો. વહીવટીતંત્રનું કહેવું છે કે રાષ્ટ્રીય સુરક્ષા અને જાહેર સલામતીને ધ્યાનમાં રાખીને આ પગલું લેવામાં આવ્યું છે. અગાઉ 12 દેશો પર પ્રતિબંધ જૂન મહિનાની શરૂઆતમાં ટ્રમ્પે 12 દેશોના નાગરિકો પર સંપૂર્ણ મુસાફરી પ્રતિબંધ લાદ્યો હતો. તેમાં અફઘાનિસ્તાન, મ્યાનમાર, ચાડ, રિપબ્લિક ઓફ કોંગો, ઇક્વેટોરિયલ ગિની, એરિટ્રિયા, હૈતી, ઈરાન, લિબિયા, સોમાલિયા, સુદાન અને યમનનો સમાવેશ થાય છે. આ સાથે…
ભારત–ઇથોપિયા સંબંધો વ્યૂહાત્મક ભાગીદારી સુધી ઉન્નત, આઠ મહત્વપૂર્ણ કરારો પર હસ્તાક્ષર
ભારત અને ઇથોપિયા વચ્ચેના દ્વિપક્ષીય સંબંધો મંગળવારે નવી ઊંચાઈએ પહોંચ્યા, જ્યારે બંને દેશોએ તેમના સંબંધોને વ્યૂહાત્મક ભાગીદારી (Strategic Partnership) સુધી વધારવાનો ઐતિહાસિક નિર્ણય લીધો. પ્રધાનમંત્રી નરેન્દ્ર મોદી અને ઇથોપિયાના પ્રધાનમંત્રી અબીય અહેમદ અલી વચ્ચે થયેલી વ્યાપક વાટાઘાટો બાદ આ નિર્ણય જાહેર કરવામાં આવ્યો. પ્રધાનમંત્રી મોદી તેમની પ્રથમ દ્વિપક્ષીય મુલાકાત પર ઇથોપિયા પહોંચ્યા હતા, જ્યાં રાષ્ટ્રીય મહેલમાં તેમનું ઔપચારિક સ્વાગત કરવામાં આવ્યું. પ્રતિનિધિમંડળ સ્તરની બેઠક બાદ પ્રધાનમંત્રી મોદીએ જણાવ્યું કે આ વ્યૂહાત્મક ભાગીદારી બંને દેશોના સંબંધોમાં નવી ઊર્જા, ગતિ અને ઊંડાણ ઉમેરશે. મુખ્ય મુદ્દાઓ પર ચર્ચા વાટાઘાટોમાં અર્થતંત્ર, ટેકનોલોજી, સંરક્ષણ, આરોગ્ય, શિક્ષણ, ક્ષમતા નિર્માણ, આતંકવાદ વિરોધી સહયોગ અને બહુપક્ષીય મંચો પર સહકાર જેવા વિષયો આવરી લેવામાં આવ્યા. આતંકવાદ સામેની લડાઈમાં ભારતને મળેલા ઇથોપિયાના સમર્થન બદલ પ્રધાનમંત્રી મોદીએ…
સુરતમાં ડબલ મર્ડર કેસના આરોપી પર ફાયરિંગ, ઇજાગ્રસ્ત થયા બાદ કહ્યું “હવે નહીં ભાગું”
સુરતના ગોડાદરા વિસ્તારમાં ડબલ મર્ડર કેસના આરોપી શિવા ઉર્ફે શિવો ટકલા પર રિકન્સ્ટ્રક્શન દરમિયાન પોલીસને ફાયરિંગ કરવું પડ્યું. આરોપી ભાગવાનો પ્રયાસ કરી રહ્યો હતો, જેના પગલે પગમાં બે રાઉન્ડ ગોળી લાગી અને તેને સારવાર માટે સ્મીમેર હોસ્પિટલ ખસેડવામાં આવ્યો. હોસ્પિટલમાં આવતા શિવા ટકલા બોલ્યો કે, “સાહેબ ભૂલ થઈ ગઈ, હવે નહીં થશે, હવે નહીં ભાગું, મને છોડી દો.” અસલમાં શિવા ટકલા પર ગુજસીટોક, હત્યા સહિત ૧૦ ગંભીર ગુનાઓ નોંધાયેલા છે. એક મહિના પહેલા જ તે પેરોલ પર જેલમાંથી બહાર આવ્યો હતો. આરોપીએ રૂપિયા લેતીદેતીના મામલે ત્રણ યુવકોનું અપહરણ કર્યું, જેમાંથી બેની હત્યા કરી, ત્રીજા યુવકને મુક્ત કરાવ્યું. ડીસીપી આલોક કુમારએ જણાવ્યું કે આરોપીની ધરપકડ અમદાવાદથી કરવામાં આવી હતી. રસ્તામાં વોમિટ થવાનો બહાનું બતાવતા, તે પથ્થર વડે…
CM ભૂપેન્દ્ર પટેલની અધ્યક્ષતામાં કેબિનેટ બેઠક: લગ્ન નોંધણીના નવા કડક નિયમો પર ચર્ચા
ગુજરાત રાજ્યમાં લગ્ન નોંધણી પ્રક્રિયાને વધુ પારદર્શક, કડક અને વિશ્વસનીય બનાવવા માટે આવતીકાલે CM ભૂપેન્દ્ર પટેલની અધ્યક્ષતામાં રાજ્ય કેબિનેટની મહત્વપૂર્ણ બેઠક યોજાશે. આ બેઠકમાં કાયદા વિભાગ દ્વારા તૈયાર કરવામાં આવેલા નવા ડ્રાફ્ટ નિયમો કેબિનેટ સમક્ષ રજૂ કરાશે. નવા નિયમો માટેનું મહત્વ છેલ્લા કેટલાક સમયથી લગ્ન નોંધણીમાં ગેરરીતિ અને બોગસ નોંધણી સામે આવી રહી છે. ખાસ કરીને કેટલાક જિલ્લાઓમાં બોગસ કેસ સામે આવતા સરકાર ગંભીર બની છે. નવા ડ્રાફ્ટ નિયમો દસ્તાવેજોની ચકાસણી, સમયમર્યાદા, નોંધણી કરનાર અધિકારીઓની જવાબદારી સહિત કડક નિયમો લાવવા પર કેન્દ્રિત છે. ખોટી માહિતી આપી નોંધણી કરાવનારાઓ સામે કાયદેસરની કાર્યવાહી કરવાની પણ જોગવાઈ મજબૂત થવાની શક્યતા છે. પૂર્વ તૈયારી આવતીકાલની બેઠક પહેલા નાયબ મુખ્યમંત્રી અને ગૃહ રાજ્યમંત્રી હર્ષ સંઘવીની અધ્યક્ષતામાં એક પૂર્વ બેઠક યોજાઈ, જેમાં…
IPL 2026 ઓક્શન પૂર્ણ: 77 ખેલાડીઓ પર થઇ બોલી, કેમેરોન ગ્રીન સૌથી મોંઘો
IPL 2026 ઓક્શન દરમિયાન કુલ 369 ખેલાડીઓ માટે બોલી લાગી, જેમાં માત્ર 77 સ્લોટ ખાલી રહ્યા. આ ઓક્શનના મુખ્ય આકર્ષણમાં કેમેરોન ગ્રીન, પ્રશાંત વીર અને કાર્તિક શર્મા હતા, જેમણે ઇતિહાસ રચ્યો. IPL ઓક્શનની હાઇલાઇટ્સ – કેમેરોન ગ્રીન (ઓસ્ટ્રેલિયા) – ₹25.20 કરોડ, કોલકાતા નાઈટ રાઈડર્સ (KKR), IPLના સૌથી મોંઘા વિદેશી ખેલાડી તરીકે. – પ્રશાંત વીર – ₹14.20 કરોડ, ચેન્નાઈ સુપર કિંગ્સ (CSK), IPL ઇતિહાસમાં સૌથી મોંઘા અનકેપ્ડ ખેલાડી. – કાર્તિક શર્મા – ₹14.20 કરોડ, CSK, અનકેપ્ડ ખેલાડી. – લિયામ લિવિંગસ્ટોન – ₹13 કરોડ. અન્ય મહત્વપૂર્ણ ખેલાડીઓમાં મથીશા પથિરાના ₹18 કરોડ (KKR), વેંકટેશ ઐયર ₹7 કરોડ (RCB), રવિ બિશ્નોઈ ₹7.20 કરોડ (Rajasthan Royals) અને આકિબ ડાર ₹8.40 કરોડ (DC) સામેલ છે. ઓક્શનના કેટલાક મહત્વપૂર્ણ બોલી ખેલાડી દેશ બોલી…
લો-ગાર્ડન ખાતે 98 કરોડના ઓવરબ્રિજથી 1 લાખ વાહનોને મળશે ટ્રાફિકથી મુક્તિ
અમદાવાદ શહેરમાં વધી રહેલી ટ્રાફિક સમસ્યાને ધ્યાનમાં રાખીને AMC દ્વારા લો-ગાર્ડનથી પંચવટી જંકશન અને ગીતા સર્કલથી સીએન વિદ્યાલય સુધી 780 મીટર લાંબો એલ-આકારનો ઓવરબ્રિજ બાંધવામાં આવી રહ્યો છે. આ પ્રોજેક્ટનો અંદાજિત ખર્ચ 98.18 કરોડ રૂપિયા છે અને તે ત્રણ તબક્કામાં પૂર્ણ થશે. ટ્રાફિક માટે રાહત – ઓવરબ્રિજ પૂરો થવાના પછી દરરોજ 1,50,000 થી વધુ વાહનો ટ્રાફિક જામમાંથી મુક્તિ મેળવશે. – રૂટ પર દરરોજ 69,000 ટુ-વ્હીલર, 31,000 ફોર-વ્હીલર અને 13,000 રિક્ષા પસાર થાય છે. – વાહનચાલકોને ટ્રાફિક સિગ્નલ પર અટકવાની ઝંઝટથી મુક્તિ મળશે. કામની વિગતો – પુલની પહોળાઈ 17 મીટર છે અને તેને અત્યાધુનિક ટેકનોલોજીનો ઉપયોગ કરીને બનાવવામાં આવશે. – બાંધકામ દરમિયાન આંબાવાડીથી સીએન વિદ્યાલય સુધીનો રસ્તો બંધ રહેશે. – વાહનોએ પાલડી બસ સ્ટેન્ડથી અંજલી ક્રોસ રોડ…
SIR પ્રક્રિયા બાદ ડ્રાફ્ટ મતદાર યાદી જાહેર: 3 રાજ્ય અને 1 સંઘપ્રદેશમાં 1 કરોડથી વધુ નામ કરાયા દૂર
ચૂંટણી પંચ દ્વારા પશ્ચિમ બંગાળ, રાજસ્થાન, ગોવા અને લક્ષદ્વીપમાં સ્પેશિયલ ઈન્ટેન્સિવ રિવિઝન (SIR) પ્રક્રિયા બાદ ડ્રાફ્ટ મતદાર યાદી જાહેર કરવામાં આવી છે. આ સુધારા દરમિયાન કુલ 1 કરોડથી વધુ મતદારોના નામ યાદીમાંથી દૂર કરવામાં આવ્યા છે. પશ્ચિમ બંગાળ – SIR પ્રક્રિયા દરમિયાન 58,20,898 નામ ડ્રાફ્ટ યાદીમાંથી દૂર થયા. – રાજ્યના કુલ મતદારો 7,66,37,529માંથી ઘટીને 7,08,16,630 થયા. – મોટાભાગના નામ દૂર થતા લોકોના મૃત્યુ પામવું અથવા સ્થળાંતર થયા હોવાનું કારણ છે. – આશરે 30 લાખ મતદારોની વિગતો જૂની યાદી સાથે મેળ ખાતી નથી; તેમને સુનાવણીમાં ભાગ લઇ દસ્તાવેજો દ્વારા પાત્રતા સાબિત કરવાની તક આપવામાં આવશે. રાજસ્થાન – કુલ મતદારો 5,46,56,215માંથી 42 લાખના નામ દૂર થયા. – ફોર્મ જમા કરાવનાર મતદારો: 5,04,71,396. – 8.75 લાખ લોકો મૃત્યુ પામેલા…
ગુજરાતમાં PUC ફીમાં ધરખમ વધારો, વાહનચાલકોના ખિસ્સા પર વધશે ભાર
ગુજરાતના વાહનચાલકો માટે ચિંતાજનક સમાચાર સામે આવ્યા છે. રાજ્ય સરકારે વાહનો માટેના પ્રદૂષણ નિયંત્રણ પ્રમાણપત્ર (PUC) ની ફીમાં નોંધપાત્ર વધારો કરવાની જાહેરાત કરી છે. લાંબા સમય બાદ કરવામાં આવેલા આ વધારાથી હવે PUC કઢાવવું વધુ ખર્ચાળ બનશે. નવી જાહેરાત મુજબ, PUC ફીમાં રૂ.20 થી લઈને રૂ.50 સુધીનો વધારો કરવામાં આવ્યો છે. આ વધારો ટુ-વ્હીલરથી લઈને ભારે વાહનો સુધી તમામ કેટેગરીમાં લાગુ પડશે. ખાસ કરીને મધ્યમ વર્ગના વાહનચાલકો અને ટ્રાન્સપોર્ટ વ્યવસાય સાથે સંકળાયેલા લોકો પર તેની સીધી અસર થવાની શક્યતા છે. નવી અને જૂની PUC ફી (રૂપીયામાં) વાહનનો પ્રકાર જૂની ફી નવી ફી વધારો ટુ-વ્હીલર (બાઈક/સ્કૂટર) 30 50 20 થ્રી-વ્હીલર (રિક્ષા) 50 60 10 ફોર-વ્હીલર (કાર) 80 130 50 ભારે વાહન (બસ/ટ્રક) 100 150 50 પ્રદૂષણ તપાસવું…
ભારતનો પરમાણુ ઉર્જા ક્ષેત્રમાં ઐતિહાસિક સુધારો: લોકસભામાં ‘શાંતિ બિલ, 2025’ રજૂ
ભારતના પરમાણુ ઉર્જા ક્ષેત્રમાં વ્યાપક પરિવર્તન લાવવાના હેતુથી કેન્દ્ર સરકારે સોમવારે લોકસભામાં સસ્ટેનેબલ હાર્નેસિંગ એન્ડ એડવાન્સમેન્ટ ઓફ ન્યુક્લિયર એનર્જી ફોર ટ્રાન્સફોર્મિંગ ઇન્ડિયા (Shanti) બિલ, 2025 રજૂ કર્યું. આ બિલ દ્વારા પરમાણુ ઉર્જા ક્ષેત્રમાં લાંબા સમયથી ચાલતા સરકારી એકાધિકારને સમાપ્ત કરી ખાનગી ક્ષેત્રની ભાગીદારી માટે માર્ગ ખુલ્લો મૂકવાનો પ્રસ્તાવ છે. જો સંસદના બંને ગૃહોમાંથી આ બિલ પસાર થાય, તો પરમાણુ ઉર્જા અધિનિયમ, ૧૯૬૨ અને નાગરિક પરમાણુ ક્ષતિ જવાબદારી અધિનિયમ, ૨૦૧૦ જેવા બે મુખ્ય કાયદાઓ રદ કરવામાં આવશે, જે અત્યાર સુધી ખાનગી અને વિદેશી રોકાણ માટે અવરોધરૂપ ગણાતા હતા. ‘શાંતિ બિલ, 2025’ની મુખ્ય જોગવાઈઓ – ખાનગી ક્ષેત્રને મંજૂરી: હવે ભારતીય ખાનગી કંપનીઓને પરમાણુ ઉર્જા પ્લાન્ટ અને રિએક્ટરનું નિર્માણ, માલિકી, સંચાલન તથા નિષ્ક્રિયકરણ (decommissioning) માટે લાઇસન્સ માટે અરજી કરવાની…
