Bindiaવેરાવળમાં બે કાશ્મીરી યુવકો ઝડપાયા, પોલીસ પૂછપરછમાં વ્યસ્ત
ગીર સોમનાથના વેરાવળમાં પોલીસે શંકાસ્પદ કાશ્મીરી યુવકોને ઝડપી લીધો છે. વેરાવળના રામભરોસે ચોકમાં અનીસઉલ રહેમાન અને મહમદ અસલમને ઝડપી પાડવામાં આવ્યા છે અને તેમની પૂછીપરછ ચાલુ છે. અનીસઉલ રહેમાન ગુજરાત મદરેસા માટે પ્રથમ વખત ચંદો ઉઘરાવવા આવ્યો હતો, જ્યારે મહમદ અસલમ છેલ્લા પાંચથી છ વર્ષથી દર વર્ષે ચંદો ઉઘરવા આવતો રહ્યો છે. બંને યુવકો કાશ્મીરના પૂંછ જિલ્લાની મદરેસાઓ માટે ચંદો ઉઘરાવે છે. ચંદો સ્કેનર દ્વારા ઓનલાઇન ઉપાડી મદરેસાના એકાઉન્ટમાં જમા કરવામાં આવે છે. પોલીસને મળેલ માહિતી મુજબ, બંને યુવકો પ્રથમ ડિસેમ્બરે કાશ્મીરથી અમદાવાદ આવ્યા હતા. ત્યારબાદ તેઓ કડી, વિરમગામ, સુરેન્દ્રનગર, રાજકોટ, ઉપલેટા, જૂનાગઢ અને જેતપુરથી ચંદો ઉઘરાવતા વેરાવળ પહોંચ્યા હતા. વેરાવળ પહોંચતાં પહેલા તેઓ બે દિવસ માંગરોળમાં રોકાયા હતાં. હાલ પોલીસ બંનેની તપાસ કરી રહેલી છે…
