Bindiaસોનાં-ચાંદીમાં ભારે ઉતારચઢાવ: ઊંચાઈએથી નીચે પટકાયા ભાવ, રોકાણકારો સતર્ક
નવા વર્ષની શરૂઆતમાં સોનું અને ચાંદીના ભાવોએ ઐતિહાસિક ઉછાળો નોંધાવ્યો હતો, પરંતુ હવે બંને કિંમતી ધાતુઓમાં નોંધપાત્ર ઘટાડો જોવા મળી રહ્યો છે. ચાંદી પોતાના સર્વોચ્ચ સ્તરેથી અંદાજે 1,67,104 રૂપિયા પ્રતિ કિલોગ્રામ સસ્તી થઈ ગઈ છે, જ્યારે સોનું પણ આશરે 36,220 રૂપિયા પ્રતિ 10 ગ્રામ ઘટ્યું છે. ચાંદીના ભાવમાં મોટો ઘટાડો 29 જાન્યુઆરીએ ચાંદી 4,20,048 રૂપિયા પ્રતિ કિલોગ્રામના સર્વોચ્ચ સ્તરે પહોંચી હતી. ત્યારબાદ બજારમાં તેજ વેચવાલી જોવા મળી અને ભાવોમાં સતત ઘટાડો નોંધાયો. – 13 ફેબ્રુઆરીએ ચાંદી 2,44,360 રૂપિયા પર બંધ થઈ – એક સપ્તાહમાં 8,584 રૂપિયાનો ઉછાળો – શુક્રવારે 2,52,944 રૂપિયા પ્રતિ કિલોગ્રામ સુધી પહોંચી – તેમ છતાં, તે જાન્યુઆરીના સર્વોચ્ચ સ્તરથી ઘણું નીચે ટ્રેડ થઈ રહી છે. સોનામાં પણ સમાન પ્રવૃત્તિ 13 ફેબ્રુઆરીએ 10 ગ્રામ સોનાનો દર 1,55,895 રૂપિયા હતો. પાંચ કારોબારી દિવસોમાં 981 રૂપિયાનો વધારો થઈ 1,56,876 રૂપિયા થયો. પરંતુ 29 જાન્યુઆરીના 1,93,096 રૂપિયા પ્રતિ 10 ગ્રામના ઉચ્ચ સ્તરથી સોનું હજી પણ 36,220 રૂપિયા સસ્તુ છે. બજારના દર ઇન્ડિયન બુલિયન જ્વેલર્સ એસોસિએશન મુજબ: 24 કેરેટ સોનું : 1,55,066 રૂપિયા પ્રતિ 10 ગ્રામ 22 કેરેટ સોનું : 1,51,340 રૂપિયા 20 કેરેટ સોનું : 1,38,010 રૂપિયા 18 કેરેટ સોનું : 1,25,600 રૂપિયા ચાંદી : 2,50,314 રૂપિયા પ્રતિ કિલોગ્રામ બજાર વિશ્લેષણ વિશ્વ બજારની પરિસ્થિતિ, માંગ-પુરવઠાનો સંતુલન અને રોકાણકારોની માનસિકતા કિંમતી ધાતુઓના ભાવને અસર કરે છે. વર્ષના પ્રારંભમાં થયેલા તીવ્ર ઉછાળા બાદ હવે ભાવોમાં સ્થિરતા જોવા મળી રહી છે, પરંતુ ઊંચા સ્તરેથી થયેલો ઘટાડો હજી ચર્ચાનો વિષય છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
ચાંદીમાં રૂ.32 હજારની ઉથલ-પાથલ, સોનામાં પણ ભારે હલચલ – જાણો લેટેસ્ટ ભાવ
સ્થાનિક તેમજ વૈશ્વિક બજારમાં આજે કિંમતી ધાતુઓના ભાવમાં ભારે ઉતાર-ચઢાવ જોવા મળ્યો છે. મલ્ટી કોમોડિટી એક્સચેન્જ (MCX) પર સોના અને ચાંદી બંનેમાં દિવસ દરમિયાન મોટી ઉથલ-પાથલ નોંધાઈ છે. ખાસ કરીને ચાંદીના ભાવમાં એક જ દિવસે રૂ.32 હજારથી વધુનો ફેરફાર જોવા મળ્યો છે. ચાંદીના ભાવમાં રૂ.32,289ની મોટી ઉથલ-પાથલ MCX ફ્યુચર માર્કેટમાં આજે ચાંદીના ભાવમાં શરૂઆતમાં તીવ્ર તેજી જોવા મળી હતી, પરંતુ બાદમાં ભાવમાં ઘટાડો નોંધાયો. ગઈકાલે ચાંદી રૂ.2,68,015 પર બંધ થઈ હતી, જ્યારે આજે (3 ફેબ્રુઆરી) માર્કેટના અંતે ભાવ રૂ.2,67,000 પર બંધ થયા છે. આ રીતે એક જ દિવસમાં ચાંદીના ભાવમાં રૂ.1,015 (0.38%) નો ઘટાડો નોંધાયો છે. દિવસ દરમિયાન ચાંદીનો ભાવ રૂ.2,78,000ની ઊંચી સપાટી સુધી પહોંચ્યો હતો, જ્યારે નીચામાં રૂ.2,45,711 સુધી લપસ્યો હતો. આ પ્રમાણે આજે ચાંદીમાં કુલ રૂ.32,289 જેટલી મોટી ઉથલ-પાથલ જોવા મળી છે. સોનાના ભાવમાં પણ નોંધપાત્ર ફેરફાર સોનાના ભાવમાં પણ આજે દિવસ દરમિયાન તેજી બાદ ઘટાડો જોવા મળ્યો. ગઈકાલે સોનાનો ભાવ રૂ.1,53,809 પર બંધ થયો હતો, જ્યારે આજે MCX પર માર્કેટના અંતે ભાવ રૂ.1,53,650 નોંધાયો છે. આ પ્રમાણે સોનાના ભાવમાં આજે રૂ.159 (0.10%) નો ઘટાડો થયો છે. દિવસ દરમિયાન સોનાનો ભાવ રૂ.1,53,806ની ટોચે પહોંચ્યો હતો, જ્યારે નીચામાં રૂ.1,47,215 સુધી આવ્યો હતો. એટલે કે આજે સોનામાં દિવસ દરમિયાન રૂ.8,584 જેટલી ઉથલ-પાથલ જોવા મળી છે. વૈશ્વિક બજારમાં સોનામાં તેજી વૈશ્વિક બજારની વાત કરીએ તો ઇન્ટરનેશનલ માર્કેટમાં સોનાના ભાવમાં ઉછાળો જોવા મળી રહ્યો છે. રાત્રે 12 વાગ્યા સુધી સોનાનો ભાવ $4,908.63 પર ટ્રેડ થઈ રહ્યો હતો. દિવસ દરમિયાન વૈશ્વિક બજારમાં સોનાનો ભાવ હાઈમાં $4,991.52 અને લોમાં $4,633.33 નોંધાયો છે. નોંધનીય છે કે સોનાનો 52 સપ્તાહનો સર્વોચ્ચ ભાવ $5,595.51 રહ્યો છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
ચાંદીના ભાવમાં 2 લાખ રૂપિયાનો ઘટાડો, 1980 પછીનો મોટો ઝટકો
ચાંદીના ભાવમાં જાન્યુઆરીના અંત અને ફેબ્રુઆરીની શરૂઆતમાં ભારે ઉતાર-ચઢાવ જોવા મળ્યો છે. 30 જાન્યુઆરીએ વૈશ્વિક બજારમાં ચાંદીના ભાવમાં 1980 બાદનો સૌથી મોટો એક દિવસનો ઘટાડો નોંધાયો હતો. આ અસર ભારતના બજારમાં પણ જોવા મળી હતી અને 1 ફેબ્રુઆરીએ MCX પર ચાંદીના ભાવમાં લગભગ 9 ટકાનો ઘટાડો થયો હતો. કેન્દ્રીય બજેટ રજૂ થવાને કારણે 1 ફેબ્રુઆરીએ કોમોડિટી એક્સચેન્જ ખુલ્લી હતી, જેના કારણે ભારતીય બજારમાં પણ આ ઘટાડો વધુ સ્પષ્ટ બન્યો. રોકાણકારોને કેટલું નુકસાન? મીડિયા અહેવાલો મુજબ, સોનું અને ચાંદી બંનેમાં બે ટ્રેડિંગ સેશન દરમિયાન થયેલા ઘટાડાથી રોકાણકારોને કુલ મળીને અંદાજે 5 ટ્રિલિયન ડોલરનું નુકસાન થયું છે. આમાંથી સોનાના રોકાણકારોને લગભગ 3.5 ટ્રિલિયન ડોલર અને ચાંદીના રોકાણકારોને 1.5 ટ્રિલિયન ડોલરનું નુકસાન થયું હોવાનું માનવામાં આવે છે. અત્યાર સુધી શેરબજારમાં થયેલા નુકસાનને સોના અને ચાંદીમાં થયેલા વધારાથી સંતુલિત કરવામાં આવી રહ્યું હતું, પરંતુ હવે આ સુરક્ષિત ગણાતી સંપત્તિઓમાં પણ ઘટાડો થતાં રોકાણકારોમાં ચિંતા વધી છે. રેકોર્ડ લેવલ બાદ અચાનક ઘટાડો 29 જાન્યુઆરીએ સોના અને ચાંદીના ભાવ ઐતિહાસિક ઉંચાઈએ પહોંચ્યા હતા. તે દિવસે સોનું લગભગ 1,83,000 રૂપિયા પ્રતિ 10 ગ્રામ અને ચાંદી 4,04,500 રૂપિયા પ્રતિ કિલોગ્રામ સુધી પહોંચી હતી. આ રેકોર્ડ લેવલ બાદ ઘણા રોકાણકારો નફો બુક કરવા તરફ વળ્યા, જેના પરિણામે અચાનક ભારે વેચવાલી શરૂ થઈ. ખાસ કરીને ચાંદીમાં ઘટાડો વધુ રહ્યો છે, જે રોકાણકારો માટે ચોંકાવનારો સાબિત થયો છે. એક્સપર્ટ્સ શું કહે છે? બજાર નિષ્ણાતોના જણાવ્યા અનુસાર, ખાસ કરીને અમેરિકા સહિત વૈશ્વિક સ્તરે ચાંદીમાં થયેલો અતિશય વધારો ઘટાડાની દિશામાં જવાનો સંકેત આપી રહ્યો હતો. જોકે, આટલી ઝડપથી અને આટલા મોટા પ્રમાણમાં ઘટાડો થશે તેવી અપેક્ષા બહુ ઓછા લોકો પાસે હતી. એક્સપર્ટ્સનું માનવું છે કે જેમના પોર્ટફોલિયોમાં માત્ર 5થી 10 ટકા બુલિયન (સોનું-ચાંદી) છે, તેમને વધુ ચિંતા કરવાની જરૂર નથી. પરંતુ જેમણે એસેટ એલોકેશનને અવગણીને ભારે પ્રમાણમાં સોના-ચાંદીમાં રોકાણ કર્યું છે, તેમને મોટો ફટકો લાગ્યો છે. ગોલ્ડ-સિલ્વર રેશિયો મુખ્ય કારણ ચાંદીના ભાવમાં ઘટાડાનું એક મુખ્ય કારણ ગોલ્ડ-સિલ્વર રેશિયો માનવામાં આવી રહ્યું છે. હાલમાં આ રેશિયો 61ની ઉપર છે અને નિષ્ણાતો માને છે કે તે 70 સુધી પહોંચી શકે છે. જો આવું થાય તો MCX પર ચાંદીના ભાવ 2 લાખ રૂપિયાની નીચે જવાની શક્યતા વ્યક્ત કરવામાં આવી રહી છે. રોકાણકારો માટે સલાહ નિષ્ણાતો સલાહ આપે છે કે સતત વધતા ભાવોને જોઈને અંધાધૂંધ રોકાણ કરવું યોગ્ય નથી. વર્ષ 1980માં ચાંદીમાં લગભગ 90 ટકા સુધીનો ઘટાડો જોવા મળ્યો હતો, જે ઇતિહાસનું મહત્વનું ઉદાહરણ છે. આથી, સોના અને ચાંદીમાં વધુ પડતું રોકાણ કરનારા રોકાણકારોએ ધીરજ રાખવી અને યોગ્ય એસેટ એલોકેશનનું પાલન કરવું અત્યંત જરૂરી છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
બુલિયન બજારમાં ‘બ્લેક ફ્રાઈડે’ : સોના-ચાંદીના ભાવમાં ભૂકંપ જેવો ઐતિહાસિક કડાકો
બુલિયન માર્કેટમાં શુક્રવારની રાત્રે સોના અને ચાંદીના ભાવમાં અચાનક અને ભારે ગાબડું જોવા મળ્યું છે. એમસીએક્સ (MCX) પર રાત્રે 10:00 વાગ્યા પછી અચાનક વેચવાલી થતાં બજારમાં ભારે અસ્થિરતા સર્જાઈ અને જ્વેલર્સ તેમજ ટ્રેડરો પણ આશ્ચર્યમાં પડી ગયા. ચાંદીમાં મહાકડાકો: ચાંદીના ભાવમાં સૌથી વધુ અસર જોવા મળી. થોડા દિવસો પહેલા ₹4.20 લાખ પ્રતિ કિલો પહોંચેલી ચાંદી, અચાનક ઘટાડા પછી ₹3,28,000 થી ₹3,40,000 ની આસપાસ ટ્રેડ થઈ રહી છે. બજારમાં ગભરાટ એટલો વ્યાપક હતો કે ચાંદીમાં લોઅર સર્કિટ પણ લાગવી પડી. સોનું પણ ધરમાર તૂટ્યું: સોનાના ભાવમાં પણ રાત્રે 10:30 વાગ્યા સુધી મોટું ગાબડું જોવા મળ્યું. રેકોર્ડ હાઈ ₹1.80 લાખની સપાટી વટાવ્યા બાદ સોનાનું ભાવ હવે ₹1,54,000 થી ₹1,56,000 ની આસપાસ ટ્રેડ થઇ રહ્યું છે, લગભગ ₹20,000 ની તૂટ નોંધાઈ છે. બજાર પટકાવાના મુખ્ય કારણો: – પ્રોફિટ બુકિંગ: છેલ્લા મહિનામાં ભાવમાં સતત તેજી પછી ટ્રેડરો દ્વારા નફો વસૂલવાનું શરૂ કરાયું. – ડૉલર ઇન્ડેક્સ: આંતરરાષ્ટ્રીય બજારમાં અમેરિકી ડૉલર મજબૂત થવાના કારણે કિંમતી ધાતુઓ પર નકારાત્મક અસર. – વૈશ્વિક ગભરાટ: COMEX પર સોના-ચાંદી રેકોર્ડ સ્તરથી નીચે પડતા ભારતીય બજારમાં પેનિક સેલિંગ. રોકાણકારો અને ગ્રાહકો પર અસર: ઉંચા ભાવે રોકાણ કરનારા રોકાણકારો માટે આ કડાકો ચિંતાનો વિષય બન્યો છે. જોકે, સોનું-ચાંદી ખરીદવા ઈચ્છતા મધ્યમ વર્ગના ગ્રાહકો માટે ભાવઘટાડો આશાનું કિરણ લાવી શકે છે. હાલ બજાર અત્યંત વોલેટાઈલ છે અને ભાવ પ્રતિ સેકન્ડ બદલાઈ રહ્યા છે. સોમવારે બજાર ખુલ્યા બાદ વધુ સ્પષ્ટતા થશે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
ચાંદીના બજારમાં મહાકડાકો: એક જ દિવસમાં 15% ની નીચલી સર્કિટ, રોકાણકારોના કરોડો રૂપિયા ધોવાયા
ચાંદીના રોકાણકારો માટે શુક્રવાર ‘બ્લેક ફ્રાઈડે’ સાબિત થયો છે. મલ્ટી કોમોડિટી એક્સચેન્જ (MCX) પર ચાંદીના ભાવમાં અચાનક 15% ની નીચે સર્કિટ લગાવવામાં આવી હતી. ગઇકાલે ₹4.20 લાખ પ્રતિ કિલોગ્રામ પર પહોંચી ચાંદી, આજે ₹૩.૯૯ લાખની આસપાસ બંધ થઈ છે. આ તેજી ઘટાડાના પાછળ વૈશ્વિક અને સ્થાનિક કારણો છે. અમેરિકી ડોલરના મજબૂત થવાના અને ફેડના નવા ચેરમેનની નિમણૂકના સંકેતો વચ્ચે સોના-ચાંદીમાં આક્રમક વેચવાલી જોવા મળી છે. નિષ્ણાતો માને છે કે બજારમાં આટલી તેજી પછી કરેકશન આવવું સ્વાભાવિક છે, પરંતુ ૧૫% નો ઘટાડો બજારની અસ્થિરતા દર્શાવે છે. વિશ્લેષકોના મુખ્ય તારણો: – ચાંદીના ભાવ છેલ્લા 12 મહિનામાં લગભગ ૧૭૦% વધ્યા છે. ₹4.20 લાખના ઓલ-ટાઇમ હાઈ પછી મોટા રોકાણકારોએ નફો વસૂલવાનું શરૂ કર્યું. – આંતરરાષ્ટ્રીય બજારમાં (COMEX) ચાંદીનો વાયદો ૪% ઘટીને 110 ડોલર પ્રતિ ઔંસ પર આવી ગયો, જેની સીધી અસર ભારતીય બજારમાં જોવા મળી. – ઘરેલું બજારમાં ભાવ આંતરરાષ્ટ્રીય સ્તર કરતાં વધુ ઉંચા હતા, જે તફાવત ઘટતા બજારમાં ભારે ઘટાડો થયો. – મોતીલાલ ઓસ્વાલ અને ઇન્ડસઇન્ડ સિક્યોરિટીઝના વિશ્લેષકો માને છે કે આ માત્ર ટૂંકા ગાળાનું કરેકશન છે. જાન્યુઆરી મહિનામાં ચાંદી 50%થી વધુ વધી છે, જે ઈતિહાસમાં સૌથી મજબૂત પ્રદર્શન છે. ભવિષ્યનો દૃષ્ટિકોણ: સોલર પેનલ, ઇલેક્ટ્રોનિક્સ અને ઇન્ડસ્ટ્રીયલ સેક્ટરમાં ચાંદીની માંગ સતત વધી રહી છે. નિષ્ણાતો રોકાણકારોને સલાહ આપે છે કે મોટી રકમ એક સાથે રોકવા બદલે ટુકડે-ટુકડે રોકાણ કરવું વધુ સલામત છે. વૈશ્વિક ભૂ-રાજકીય તણાવ અને અનિશ્ચિતતા લાંબા ગાળે સોના-ચાંદીના ભાવ માટે પોઝિટિવ છે, જે ભાવને ફરીથી ઉપર તરફ ખેંચી શકે છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
ધરખમ ઉછાળા બાદ ચાંદી અને સોનાના ભાવમાં મોટી અસ્થિરતા, રૂપિયો 91.95 પર ગગડ્યો
મલ્ટી કોમોડિટી એક્સચેન્જ (MCX) પર આજે કિંમતી ધાતુઓના ભાવમાં ઇતિહાસની સૌથી મોટી અસ્થિરતા નોંધાઈ છે. દિવસ દરમિયાન ચાંદીના ભાવમાં રૂ. 65,047 અને સોનાના ભાવમાં રૂ. 22,971 જેટલી જોરદાર ઉથલ-પાથલ જોવા મળી છે. આથી રોકાણકારોમાં ભારે ચિંતાનો માહોલ સર્જાયો છે. ચાંદીના ભાવમાં ઉથલ-પાથલ MCX પર ચાંદીના ભાવમાં આજે કુલ રૂ. 65,047ની ઊંચ-નીચ નોંધાઈ. દિવસની શરૂઆતમાં ચાંદી રૂ. 3,99,000 પર ખુલ્યો અને ટોચે પહોંચી રૂ. 4,20,048. ત્યારબાદ ઘટાડા સાથે તે રૂ. 3,55,001 સુધી પહોંચ્યો. અગાઉના બંધ ભાવ રૂ. 3,85,366ની સરખામણીમાં બજારમાં ભારે તીવ્રતા જોવા મળી. સોનાના ભાવની સ્થિતિ સોનાના ભાવમાં પણ ભારે અસ્થિરતા જોવા મળી. દિવસ દરમિયાન સોનાના ભાવમાં રૂ. 22,971ની ઉથલ-પાથલ નોંધાઈ. સોનાનું ટ્રેડિંગ રૂ. 1,69,882 પર ખુલ્યા બાદ ઊંચા સ્તરે રૂ. 1,80,779 પર પહોંચી અને બાદમાં ઘટીને રૂ. 1,57,808 સુધી પહોંચી ગયું. પહેલા બંધ ભાવ રૂ. 1,65,915ની સરખામણીમાં બજારમાં તેજી-મંદીનો માહોલ જોવા મળ્યો. રૂપિયો 91.95ના રેકોર્ડ નીચલા સ્તરે ભારતીય શેરબજારમાં આજે અફરાતફરી વચ્ચે ડૉલર સામે રૂપિયો 91.95ના રેકોર્ડ નીચલા સ્તરે પહોંચ્યો છે. આ ઘટાડાનો મુખ્ય કારણ અમેરિકન ફેડરલ રિઝર્વ દ્વારા વ્યાજ દરમાં ફેરફાર ન કરવો, વૈશ્વિક ટેરિફ નીતિઓ અને વૈશ્વિક બજારમાં અનિશ્ચિતતા છે. 2026 સુધી ભારતમાં ચલણમાં આશરે 2.5% ઘટાડો નોંધાયો છે. ભાવમાં વધારો થતાં મુખ્ય કારણો 1. વિશ્વભરમાં આર્થિક અનિશ્ચિતતા 2. અમેરિકા પર વધતું દેવું 3. આંતરરાષ્ટ્રીય તણાવ 4. સેન્ટ્રલ બેન્કોની સોનાની ખરીદી 5. ફેડરલ રિઝર્વ દ્વારા વ્યાજ દરમાં ફેરફાર નહીં 6. નબળો ડૉલર 7. વિશ્વભરના દેશમાં સોના-ચાંદીની વધતી માંગ 8. માંગ સામે સપ્લાયની અછત 9. ભારતમાં ઔદ્યોગિક ચાંદીની માંગમાં વધારો 10. સોલાર પેનલ, મોબાઇલ, ઈલેક્ટ્રોનિક્સ, ઈલેક્ટ્રીક વાહન અને ઓટોમોબાઇલમાં ચાંદીની વધતી જરૂરિયાત ભારત ચાંદીનો સૌથી મોટો આયાતકાર ભારતની ચાંદીની માંગ મોટાપાયે આયાત પર આધાર રાખે છે. રિપોર્ટ મુજબ, 2025માં ભારતે 9.2 બિલિયન ડૉલર (75,000 કરોડ રૂપિયા) કિંમતની ચાંદી આયાત કરી, જે 2024ની તુલનામાં 44% વધુ છે. આ સાથે ભારત ચાંદીનો સૌથી મોટો આયાતકાર દેશ બની ગયો છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
સોના-ચાંદીના ભાવમાં ઐતિહાસિક ઉછાળો, સોનું ₹1,62,000ને સ્પર્શ્યું
બુધવારે રાત્રે એમસીએક્સ (MCX) પર સોના અને ચાંદીના ભાવમાં તેજી જોવા મળી છે. વૈશ્વિક સ્તરે યુદ્ધના તણાવ અને આર્થિક અનિશ્ચિતતાને કારણે રોકાણકારો સુરક્ષિત રોકાણની દિશા તરફ વળ્યા છે, જેના પરિણામે કિંમતી ધાતુઓના ભાવ આસમાને પહોંચ્યા છે. ચાંદીમાં ઐતિહાસિક ઉછાળો ચાંદીના ભાવમાં એક જ દિવસમાં ₹31,000નો ઉછાળો નોંધાયો. તેની સાથે ચાંદીનો ભાવ ₹3,75,000 પ્રતિ કિલો સુધી પહોંચી ગયો છે. બજારના નિષ્ણાતો જણાવે છે કે આ તેજી અત્યંત અપ્રતિમ છે અને આગામી સમયમાં ચાંદી ₹૪ લાખની સપાટી પણ સ્પર્શી શકે છે. સોનામાં 5% જેટલો જંગી ઉછાળો સોનામાં એક જ સેશનમાં ₹8,000નો વધારો જોવા મળ્યો, જે ટકાવારી પ્રમાણે લગભગ 5% જેટલો છે. આ ઉછાળાના કારણે સોનું 10 ગ્રામ માટે ₹1,62,000 ની સપાટી સુધી પહોંચી ગયું છે. આ તેજી પાછળના મુખ્ય કારણો – અમેરિકા-યુરોપ તણાવ: અમેરિકાના ટેરિફ્સ અને વેપાર યુદ્ધના ભયના કારણે સોનાની માંગ વધેલી. – વેનેઝુએલા સંઘર્ષ: વેનેઝુએલામાં વધતા તણાવને લીધે રોકાણકાર સુરક્ષિત એસેટ્સ તરફ વળ્યા. – ડોલરની નબળાઈ: અમેરિકન ડોલરની કીમત ઘટવાથી સોનું-ચાંદી જેવી સેફ હેવન એસેટ્સમાં રોકાણ વધ્યું. આ તાજેતરની તેજી બુલિયન માર્કેટના જૂના સમીકરણોને જમાઈ ગઈ છે. તહેવાર અને લગ્નની સીઝન પહેલા જ સોનું-ચાંદી સામાન્ય લોકોની પહોચથી દુર થઈ ગયું છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
ટ્રમ્પના નિર્ણયથી સોના અને ચાંદીના ભાવમાં કડાકો, જાણો આજના ભાવ
વાયદા બજારમાં, સોનાના ભાવમાં એક જ સત્રમાં 2300 રૂપિયાથી વધુનો ઘટાડો થયો હતો, જ્યારે ચાંદીમાં પ્રતિ કિલોગ્રામ 13,000 રૂપિયાનો મોટો ઘટાડો થયો હતો. આ અચાનક ઘટાડાએ રોકાણકારો અને ઝવેરાત ખરીદદારો બંનેનું ધ્યાન ખેંચ્યું છે. ગુરુવારે સવારે 10:15 વાગ્યે, મલ્ટી કોમોડિટી એક્સચેન્જ (MCX) પર, સોનાનો ભાવ 1,49,477 રૂપિયા પ્રતિ 10 ગ્રામ પર ટ્રેડ થતો જોવા મળ્યો, જે પાછલા સત્રની તુલનામાં 2.21 ટકા ઓછો છે. બીજી તરફ, ચાંદીમાં વધુ દબાણ જોવા મળ્યું. MCX પર ચાંદી લગભગ 4 ટકા ઘટીને 3,05,753 રૂપિયા પ્રતિ કિલોગ્રામ પર પહોંચી ગઈ. એક દિવસમાં ચાંદીમાં 13,000 રૂપિયાનો ઘટાડો બજારમાં મોટી હલચલનું કારણ બન્યો. રસપ્રદ વાત એ છે કે, વૈશ્વિક ભૂરાજકીય તણાવ અને અનિશ્ચિતતાને કારણે, છેલ્લા કેટલાક દિવસોથી સુરક્ષિત રોકાણ તરીકે સોના અને ચાંદીની માંગમાં મજબૂત વધારો થયો હતો. પરિણામે, તેમના ભાવ રેકોર્ડ ઊંચાઈએ પહોંચી ગયા હતા. જોકે, ગુરુવારે, આંતરરાષ્ટ્રીય સંકેતોમાં ફેરફારને પગલે, નફા-બુકિંગમાં વધારો થયો, જેની સીધી અસર ભાવ પર પડી. મુખ્ય શહેરોમાં કિંમતો હાજર બજારમાં, દેશભરના મુખ્ય મહાનગરોમાં સોનાના ભાવ ઊંચા રહે છે. ગુડરિટર્ન મુજબ,રાજધાની દિલ્હીમાં 24 કેરેટ સોનું પ્રતિ ગ્રામ 15,446 રૂપિયા, 22 કેરેટ સોનું 14,160 રૂપિયા પ્રતિ ગ્રામ અને 18 કેરેટ સોનું 11,528 રૂપિયા પ્રતિ ગ્રામ છે.મુંબઈ અને કોલકાતામાં, 24 કેરેટ સોનાનો ભાવ પ્રતિ ગ્રામ 15,431 રૂપિયા, 22 કેરેટ 14,145 રૂપિયા અને 18 કેરેટ સોનાનો ભાવ પ્રતિ ગ્રામ 11,573 રૂપિયા નોંધાયો હતો. ચેન્નાઈમાં સોનાના ભાવ સૌથી વધુ હતા, જ્યાં 24 કેરેટ સોનું 15,491 રૂપિયા, 22 કેરેટ 14,200 રૂપિયા અને 18 કેરેટ સોનાનો ભાવ 11,850 રૂપિયા પ્રતિ ગ્રામ પર પહોંચી ગયો. આંતરરાષ્ટ્રીય બજારમાં સોનાનો ભાવ વૈશ્વિક બજારમાં પણ સોનાના ભાવમાં ઘટાડો થયો. આંતરરાષ્ટ્રીય બજારમાં સોનું પ્રતિ ઔંસ $4,800 ની નીચે આવી ગયું. આ મુખ્યત્વે યુએસ રાષ્ટ્રપતિ ડોનાલ્ડ ટ્રમ્પ દ્વારા યુરોપિયન નાટો દેશો પર ટેરિફ લાદવાની ધમકીથી પીછેહઠ અને ગ્રીનલેન્ડ અંગે નાટો સાથે ફ્રેમવર્ક ડીલની જાહેરાતને કારણે છે. આ નિર્ણયોએ વૈશ્વિક બજારોમાં જોખમ લેવાની ભાવનામાં વધારો કર્યો, જેનાથી સલામત રોકાણોની માંગમાં ઘટાડો થયો અને સોના અને ચાંદી પર દબાણ આવ્યું. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
સોના-ચાંદીમાં તેજી: એક જ દિવસમાં 17 હજારનો ઉછાળો, ચાંદી ફરી 2.42 લાખને પાર
સોના અને ચાંદીના ભાવમાં આજે મજબૂત વાપસી જોવા મળી છે, જેના કારણે રોકાણકારોને પહેલા જ ટ્રેડિંગ સત્રમાં રાહત મળી. સોમવારે તીવ્ર ઘટાડા પછી, સોમવારે સોનાં 24 કેરેટના ભાવમાં ₹1,900થી વધુનો વધારો થયો, જ્યારે ચાંદીના ભાવમાં એક જ દિવસે ₹15,000નો ઉછાળો નોંધાયો. બજારમાં ફેરફાર MCX પર 5 ફેબ્રુઆરીનાં 24 કેરેટ સોનાનું એક્સપાયરીવાળું પેકેજ ₹1,913 વધીને ₹1,36,855 પ્રતિ 10 ગ્રામ ટ્રેડ થયું. ટ્રેડિંગ દરમિયાન સોનાનું ઉચ્ચ સ્તર ₹1,36,875 અને નીચું ₹1,35,292 નોંધાયું. અંતે સોનાનું મૂલ્ય ₹1,34,942 પર બંધ થયું. ચાંદીનો ભાવ 5 માર્ચ, 2026ની એક્સપાયરીવાળી ચાંદી સાંજે 6:15 વાગ્યે 7.59% અથવા ₹17,029 વધીને ₹2,41,458 પ્રતિ કિલોગ્રામ ટ્રેડ થઈ. ચાંદીનો ઉચ્ચ સ્તર ₹2,42,037 અને નીચું ₹2,31,100 નોંધાયું. સોમવારે ચાંદી ₹2,24,429 પર બંધ થઈ હતી. IBJA મુજબ બજારનું તાજેતરનું મૂલ્યાંકન ઈન્ડિયન બુલિયન એન્ડ જ્વેલર્સ એસોસિએશન (IBJA)ના જણાવ્યા અનુસાર, 30 ડિસેમ્બરના રોજ સોનાનું મૂલ્ય ₹3,562 ઘટીને ₹1,34,599 પ્રતિ 10 ગ્રામ થયું. ચાંદી ₹11,154 ઘટીને ₹2,32,329 પર ટ્રેડ થઈ. રોકાણકારો માટે શું અર્થ? 2025માં ચાંદીનું પ્રદર્શન સોનાની તુલનામાં વધુ મજબૂત રહ્યું છે. નિષ્ણાતો ચાંદીની તેજીમાંથી નુકસાનના જોખમની ચેતવણી આપી રહ્યા છે, કારણ કે આ ભાવમાં સંવેદનશીલતા વધારે છે. સોનું સંસ્થાકીય રોકાણકારો માટે વધુ પસંદગીનું બની શકે છે, ખાસ કરીને રાજકોષીય સ્થિરતા, ચલણની વિશ્વસનીયતા અને ભૂ-રાજકીય જોખમોની સ્થિતિને ધ્યાનમાં રાખીને. બજારમાં તાજેતરમાં નોંધાયેલા તીવ્ર ભાવ પરિવર્તનએ રોકાણકારોને સાવચેત રહેવા માટે મજબૂર કર્યું છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
ચાંદીમાં એક જ દિવસમાં ₹17,000નો ભારે ઉછાળો, સોનાના ભાવમાં પણ જોરદાર વધારો
સોના અને ચાંદીના ભાવ હાલ રોકાણકારોને ચોંકાવી રહ્યા છે. કિંમતી ધાતુઓના ભાવમાં દરરોજ નવા રેકોર્ડ બની રહ્યા છે અને બજારમાં તેજીનો માહોલ જોવા મળી રહ્યો છે. રિટેલ રોકાણકારોથી લઈને મોટા રોકાણકારો સુધી સોના-ચાંદીમાં ભારે ખરીદી કરી રહ્યા છે. નિષ્ણાતોનું માનવું છે કે આ તેજી ટૂંકા ગાળાની નહીં પરંતુ લાંબા ગાળાની હોઈ શકે છે. ચાંદીના ભાવમાં એક જ દિવસે ₹17,000થી વધુનો ઉછાળો શુક્રવારે MCX પર ચાંદીના ભાવમાં અચાનક વિસ્ફોટક વધારો નોંધાયો હતો. 5 માર્ચના વાયદા માર્કેટમાં 1 કિલો ચાંદીની કિંમત એક જ દિવસે ₹17,145 વધીને ₹2,40,935 સુધી પહોંચી હતી. ટ્રેડિંગ દરમિયાન ચાંદીનો ભાવ લગભગ ₹19,000 વધીને ₹2,42,000 પ્રતિ કિલો સુધી પહોંચ્યો હતો. સોનામાં પણ તેજી બીજી તરફ સોનાના ભાવમાં પણ જોરદાર ઉછાળો જોવા મળ્યો. MCX પર 5 ફેબ્રુઆરીના વાયદા માટે 10 ગ્રામ સોનાનો ભાવ લગભગ ₹1,200 વધીને ₹1,39,940 સુધી પહોંચ્યો હતો. છેલ્લા કેટલાક દિવસોથી સોનાના ભાવ સતત વધતા જઈ રહ્યા છે. એક અઠવાડિયામાં સોના-ચાંદીમાં મોટો વધારો છેલ્લા એક અઠવાડિયામાં સોના અને ચાંદીના ભાવમાં ભારે વધારો નોંધાયો છે. 19 ડિસેમ્બરે 10 ગ્રામ સોનાનો ભાવ ₹1,34,196 હતો, જે હવે લગભગ ₹1.40 લાખની નજીક પહોંચ્યો છે. એટલે કે એક અઠવાડિયામાં સોનામાં અંદાજે ₹6,000નો વધારો થયો છે. એ જ રીતે, 19 ડિસેમ્બરે ચાંદીનો ભાવ ₹2,08,000 પ્રતિ કિલો હતો, જે હવે વધીને ₹2,40,000 સુધી પહોંચી ગયો છે. એટલે કે ચાંદીમાં એક અઠવાડિયામાં આશરે ₹32,000નો ઉછાળો આવ્યો છે. આગળ શું? નિષ્ણાતોનું માનવું છે કે વૈશ્વિક અનિશ્ચિતતા, મોંઘવારી અને સુરક્ષિત રોકાણ તરીકેની માંગને કારણે આગામી દિવસોમાં પણ સોના-ચાંદીના ભાવમાં વધુ તેજી જોવા મળી શકે છે અને નવા રેકોર્ડ તૂટવાની શક્યતા છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
