Bindiaવેસ્ટર્ન ડિસ્ટર્બન્સ સક્રિય: ગુજરાતમાં વધશે ગરમી, હવામાન વિભાગની આગાહી
ગુજરાતમાં ફેબ્રુઆરીની શરૂઆત સાથે જ ગરમીનો અહેસાસ વધવા લાગ્યો છે. હવામાન વિભાગ મુજબ ઉત્તર ગુજરાત વિસ્તારમાં વેસ્ટર્ન ડિસ્ટર્બન્સ અને ટ્રફ સક્રિય બનતાં રાજ્યના મહત્તમ તાપમાનમાં વધારો થવાની શક્યતા છે. આગામી 24 કલાક બાદ તાપમાનમાં અંદાજે 2 થી 3 ડિગ્રી સુધીનો વધારો નોંધાઈ શકે છે. હવામાન વિભાગે શું કહ્યું? India Meteorological Department (IMD) ના ડાયરેક્ટર એ.કે. દાસે જણાવ્યું છે કે ફેબ્રુઆરી દરમિયાન સામાન્ય કરતાં વધુ તાપમાન નોંધાઈ શકે છે. ખાસ કરીને ઉત્તર ગુજરાતમાં આ સિસ્ટમ સક્રિય થતાં ગરમીનું પ્રમાણ વધુ રહેશે. લોકોમાં વહેલી ગરમીનો અનુભવ થવાની શક્યતા છે. ડીસા અને અમદાવાદમાં તાપમાન ઉંચું ડીસામાં રાજ્યનું સૌથી વધુ 34.3 ડિગ્રી સેલ્સિયસ તાપમાન નોંધાયું છે. જ્યારેઅમદાવાદમાં 34.2 ડિગ્રી મહત્તમ તાપમાન નોંધાયું, જે ફેબ્રુઆરી મહિનામાં સામાન્ય કરતાં ઊંચું માનવામાં આવે છે. બીજી તરફ કેશોદમાં રાજ્યનું સૌથી ઓછું 13.5 ડિગ્રી તાપમાન નોંધાયું છે. આગળ શું? હવામાન નિષ્ણાતોના જણાવ્યા મુજબ દિવસ દરમિયાન ગરમીનું પ્રમાણ વધુ રહેશે, જ્યારે સવાર અને રાત્રે હજી થોડો ઠંડકનો અહેસાસ થઈ શકે છે. આગામી દિવસોમાં તાપમાનમાં વધુ વધારો થવાની સંભાવના હોવાથી નાગરિકોને બપોરના સમયે સાવચેતી રાખવા, પૂરતું પાણી પીવા અને તડકાથી બચવા સૂચના આપવામાં આવી છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
રાજ્યભરમાં બેવડી ઋતુની અસર, સવારમાં ઠંડી તો બપોરે ગરમી
ગુજરાત રાજ્યમાં હવામાનના બદલાતા મિજાજને કારણે હાલ બેવડી ઋતુની અસર જોવા મળી રહી છે. ઉત્તર-પૂર્વ દિશાથી ફૂંકાતા પવનોને કારણે વહેલી સવારે ઠંડીનો અહેસાસ થાય છે, જ્યારે બપોરે પવનોની દિશા બદલાતાં તાપમાનમાં વધારો થતાં ગરમી અનુભવાઈ રહી છે. નલિયામાં રાજ્યનું લઘુતમ તાપમાન કચ્છના નલિયા ખાતે રાજ્યનું સૌથી ઓછું લઘુતમ તાપમાન 11.2 ડિગ્રી સેલ્સિયસ નોંધાયું હતું. જેના કારણે સવારના સમયે ઠંડીનું પ્રમાણ વધારે રહ્યું હતું. રાજ્યના અનેક વિસ્તારોમાં સવાર અને સાંજના સમયે હળવી ઠંડી જ્યારે બપોરે ગરમી અનુભવાઈ રહી છે. અમદાવાદ-ગાંધીનગરમાં પણ ઠંડીની અસર મહાનગર અમદાવાદમાં લઘુતમ તાપમાન 16.2 ડિગ્રી અને ગાંધીનગરમાં 15.5 ડિગ્રી નોંધાયું હતું. ઉત્તર ગુજરાતના ડીસામાં 15 ડિગ્રી તાપમાન સાથે ઠંડીનો અહેસાસ રહ્યો હતો. મધ્ય અને દક્ષિણ ગુજરાતમાં તાપમાન મધ્ય ગુજરાતના વડોદરામાં લઘુતમ તાપમાન 16.4 ડિગ્રી અને દક્ષિણ ગુજરાતના સુરતમાં 18.1 ડિગ્રી નોંધાયું હતું. સૌરાષ્ટ્ર-કચ્છમાં મિશ્ર હવામાન સૌરાષ્ટ્ર વિસ્તારમાં રાજકોટમાં 17.2, ભાવનગરમાં 17.9 અને અમરેલીમાં 17 ડિગ્રી લઘુતમ તાપમાન નોંધાયું હતું. આ ઉપરાંત સુરેન્દ્રનગર અને કંડલામાં 16 ડિગ્રી, મુન્દ્રામાં 16.4 ડિગ્રી તથા મહુવામાં 15.6 ડિગ્રી તાપમાન નોંધાયું હતું. આગામી દિવસોમાં બપોરે ગરમી યથાવત હવામાન વિભાગના જણાવ્યા અનુસાર હાલ ઉત્તર-પૂર્વ પવનોના કારણે સવારમાં ઠંડીનો અહેસાસ રહેશે, જ્યારે આગામી દિવસોમાં બપોરના સમયે ગરમીનો અનુભવ યથાવત રહેવાની શક્યતા છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
રાજ્યમાં બેવડી ઋતુની અસર, સવારે ઠંડી અને બપોરે ગરમીનો અહેસાસ : હવામાન વિભાગ
રાજ્યમાં હાલ ઉત્તર-પૂર્વ દિશાના પવનોના કારણે બેવડી ઋતુની અસર જોવા મળી રહી છે. હવામાન વિભાગના અનુમાન મુજબ, વહેલી સવારે ઠંડક અને બપોરે ઉનાળાની જેમ ગરમીનો અહેસાસ થઈ રહ્યો છે. અમદાવાદ અને ગાંધીનગરમાં લઘુત્તમ તાપમાન 17 થી 18 ડિગ્રી સેલ્સિયસ વચ્ચે નોંધાઈ રહ્યું છે, જ્યારે બપોરે મહત્તમ તાપમાન 30 થી 32 ડિગ્રી સેલ્સિયસ આસપાસ રહેવાની શક્યતા છે. હાલ વાતાવરણમાં મોટા ફેરફારની શક્યતા નહીવત હોવાનું હવામાન વિભાગે જણાવ્યું છે. સુરતમાં ઉનાળાની ગરમી યથાવત સુરત જિલ્લામાં ગરમીનો પારો 35 ડિગ્રી સેલ્સિયસથી નીચે ઉતરવાનું નામ લઈ રહ્યો નથી. શનિવારે સુરતમાં મહત્તમ તાપમાન 35.3 ડિગ્રી નોંધાયું હતું, જેના કારણે સુરત રાજ્યમાં સૌથી ગરમ શહેર તરીકે નોંધાયું હતું. જોકે, રાત્રીનું તાપમાન ઘટીને 18.8 ડિગ્રી સુધી પહોંચ્યું છે, જેના કારણે વહેલી સવારે હળવી ઠંડક અનુભવાઈ રહી છે. સુરતમાં સવારના સમયે ભેજનું પ્રમાણ 70 ટકા અને સાંજે 57 ટકા નોંધાયું હતું. જ્યારે પવન પ્રતિ કલાક સરેરાશ 4 કિલોમીટરની ઝડપે ફૂંકાઈ રહ્યો હતો. નવસારીમાં તાપમાનમાં તફાવત નવસારીમાં શનિવારે મહત્તમ તાપમાન 34.2 ડિગ્રી અને લઘુત્તમ તાપમાન 16.0 ડિગ્રી નોંધાયું હતું. સવારના સમયે ભેજનું પ્રમાણ 90 ટકા અને સાંજે 27 ટકા નોંધાયું હતું. અહીં પવનની ઝડપ સરેરાશ 2.1 કિલોમીટર પ્રતિ કલાક રહી હતી. આગામી દિવસોની આગાહી હવામાન વિભાગના જણાવ્યા અનુસાર, રવિવારે રાત્રીનું તાપમાન થોડું ઘટી શકે છે, પરંતુ ત્યારબાદ એકાદ-બે ડિગ્રીનો વધારો થવાની શક્યતા છે. આગામી 13 ફેબ્રુઆરી સુધી રાજ્યમાં લઘુત્તમ તાપમાન 17 થી 19 ડિગ્રી અને મહત્તમ તાપમાન 33 થી 35 ડિગ્રી સેલ્સિયસ આસપાસ રહેવાની આગાહી કરવામાં આવી છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
શ્રીનગરમાં ભારે કોલ્ડવેવ: ન્યૂનતમ તાપમાન -1°C, ઠંડીનો દોર જારી
જમ્મુ-કાશ્મીરના શ્રીનગરમાં તીવ્ર શીતલહર જોવા મળી રહી છે. ભારતીય હવામાન વિભાગ (IMD) અનુસાર, 8 ફેબ્રુઆરીના રોજ શ્રીનગરમાં ન્યૂનતમ તાપમાન -1 ડિગ્રી સેલ્સિયસ આસપાસ રહેશે, જ્યારે અધિકતમ તાપમાન 12 ડિગ્રી સેલ્સિયસ સુધી પહોંચી શકે છે. આ સાથે કાશ્મીર ખીણમાં ઠંડી જારી રહેશે અને ઉચ્ચ વિસ્તારોમાં હળવી બરફબારીની શક્યતા છે. ઠંડી અને કોહરાને કારણે રોજિંદા જીવન પર અસર પડી રહી છે. IMDએ ઉત્તર ભારતના અન્ય વિસ્તારોમાં પણ શીતલહર અને તાપમાન ઘટાડાની આગાહી કરી છે. હવામાન વિભાગે લોકોને ગરમ કપડાં પહેરવા અને સાવચેત રહેવાની સલાહ આપી છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
ગુજરાતમાં ઠંડીનો પારો ગગડ્યો, લઘુત્તમ તાપમાનમાં 3 થી 5 ડિગ્રીનો ઘટાડો નોંધાયો
ગુજરાતમાં શિયાળાની અસર ફરી એકવાર વધતી જોવા મળી રહી છે. રાજ્યના અનેક શહેરોમાં લઘુત્તમ તાપમાનમાં 3 થી 5 ડિગ્રી સેલ્સિયસનો ઘટાડો નોંધાયો છે. ખાસ કરીને કચ્છ અને સૌરાષ્ટ્ર વિસ્તારમાં ઠંડી વધુ અનુભવાઈ રહી છે. રાજ્યના મુખ્ય શહેરોમાં નોંધાયેલ લઘુત્તમ તાપમાન મુજબ, નલિયામાં 12 ડિગ્રી, કેશોદમાં 14.8, ભુજમાં 15, કંડલામાં 15.5, પોરબંદરમાં 15.5, રાજકોટમાં 15.9, અમરેલીમાં 16.2, ડીસામાં 17.3, ગાંધીનગરમાં 18.6 અને અમદાવાદમાં 19.4 ડિગ્રી સેલ્સિયસ તાપમાન નોંધાયું છે. ઉત્તર ભારતમાં વેસ્ટર્ન ડિસ્ટર્બન્સની અસર ઉત્તર ભારતમાં વેસ્ટર્ન ડિસ્ટર્બન્સ સક્રિય થતાં હવામાનમાં મોટો ફેરફાર આવ્યો છે. રાજસ્થાન, ઉત્તર પ્રદેશ અને દિલ્હીમાં મોડી રાતથી વરસાદ પડી રહ્યો છે. જ્યારે હિમાલયના રાજ્યોમાં વરસાદ અને બરફવર્ષાનો વધુ એક રાઉન્ડ શરૂ થયો છે. હિમાચલ પ્રદેશના શિમલા અને મનાલીમાં સિઝનની પ્રથમ બરફવર્ષા નોંધાઈ છે. હવામાન વિભાગના જણાવ્યા મુજબ આગામી પાંચ દિવસ દરમિયાન ઉત્તરપશ્ચિમ ભારત અને બિહારમાં સવારના સમયે ગાઢ ધુમ્મસ રહેવાની શક્યતા છે. દિલ્હીના લોકોને હજુ ઓછામાં ઓછા બે દિવસ સુધી ઠંડીથી રાહત મળવાની નથી. કેમ આ વર્ષે શિયાળો ‘નરમ’ રહ્યો? હવામાન નિષ્ણાતોના મતે, સામાન્ય રીતે ડિસેમ્બર મહિનામાં ઉત્તર ભારતમાંથી આવતા સૂકા અને ઠંડા પવનો ગુજરાતમાં તીવ્ર ઠંડી લાવે છે. પરંતુ આ વર્ષે હિમાલયમાં મજબૂત વેસ્ટર્ન ડિસ્ટર્બન્સ સર્જાયા નથી, જેના કારણે પહાડોમાં ભારે હિમવર્ષા થઈ નથી. પરિણામે ઠંડા પવનો મેદાની વિસ્તારો અને ગુજરાત સુધી પહોંચી શક્યા નથી. તેમજ પ્રશાંત મહાસાગરમાં વધેલા તાપમાન એટલે કે **‘અલ નિનો’**ની અસરને કારણે વૈશ્વિક સ્તરે શિયાળો હુંફાળો રહ્યો છે. અરબી સમુદ્ર તરફથી આવતા ગરમ અને ભેજવાળા પવનોને કારણે પણ લઘુત્તમ તાપમાનમાં મોટો ઘટાડો થતો અટક્યો છે. ગ્લોબલ વોર્મિંગની સ્પષ્ટ અસર છેલ્લાં કેટલાંક વર્ષોમાં ગુજરાતમાં ત્રણેય ઋતુઓમાં નોંધપાત્ર બદલાવ જોવા મળી રહ્યો છે. ડિસેમ્બર મહિનામાં સામાન્ય રીતે કાતિલ ઠંડી પડતી હોય છે, પરંતુ આ વખતે ગત વર્ષની સરખામણીએ ઠંડીમાં નોંધપાત્ર ઘટાડો થયો છે. ભર શિયાળે પણ ગરમ અને ઉકળાટભર્યા દિવસોની સંખ્યા વધી રહી છે. ડિસેમ્બર-2024માં કચ્છના નલિયામાં 31 દિવસમાંથી 22 વખત લઘુત્તમ તાપમાન 10 ડિગ્રીથી નીચે ગયું હતું, જ્યારે આ વર્ષે માત્ર 4 વખત જ પારો 10 ડિગ્રીથી નીચે ઉતર્યો છે. અમદાવાદ અને નલિયાના તાપમાનનું વિશ્લેષણ ગત વર્ષે 28 ડિસેમ્બર 2024ના રોજ નલિયામાં લઘુત્તમ તાપમાન 4.2 ડિગ્રી સુધી ગગડ્યું હતું, જ્યારે આ વર્ષે સૌથી ઓછું તાપમાન 8.8 ડિગ્રી નોંધાયું છે. મહત્વની વાત એ છે કે આ વર્ષે ડિસેમ્બરમાં નલિયા સિવાય રાજ્યના કોઈ પણ વિસ્તારમાં લઘુત્તમ તાપમાન 10 ડિગ્રીથી નીચે ગયું નથી. અમદાવાદમાં ડિસેમ્બર-2024 દરમિયાન 31માંથી 14 દિવસ તાપમાન 14 ડિગ્રીથી નીચે રહ્યું હતું, જ્યારે આ વર્ષે માત્ર 4 વખત જ તાપમાન 14 ડિગ્રીથી નીચે ઉતર્યું છે. આ વખત ડિસેમ્બરમાં અમદાવાદમાં અત્યાર સુધીનું સૌથી ઓછું તાપમાન નોંધાયું છે. અમદાવાદમાં જાન્યુઆરીમાં 15 વર્ષમાં સૌથી ઓછી ઠંડી હવામાનના આંકડાઓ મુજબ, છેલ્લા 15 વર્ષમાં અમદાવાદમાં જાન્યુઆરી મહિનામાં આ વખતે સૌથી ઓછી ઠંડી નોંધાઈ છે. 1954માં 10 જાન્યુઆરીએ રેકોર્ડબ્રેક 3.9 ડિગ્રી તાપમાન નોંધાયું હતું. ચાલુ વર્ષે માત્ર ત્રણ વખત જ તાપમાન 12 ડિગ્રીથી નીચે ગયું છે. ગત વર્ષની સરખામણીએ આ વર્ષે ઠંડીમાં નોંધપાત્ર ઘટાડો જોવા મળી રહ્યો છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
હિમાચલમાં હિમવર્ષાનું રૌદ્ર સ્વરૂપ: રોહતાંગ અને અટલ ટનલ પર 5 ફૂટ બરફ, IMD દ્વારા યલો અને ઓરેન્જ એલર્ટ જાહેર
હિમાચલ પ્રદેશમાં વેસ્ટર્ન ડિસ્ટર્બન્સની તીવ્ર અસરના કારણે પહાડી વિસ્તારોમાં ભારે હિમવર્ષા થઈ રહી છે. રાજ્યના ઊંચાઈવાળા વિસ્તારોમાં કુદરતનું રૌદ્ર સ્વરૂપ જોવા મળી રહ્યું છે. આ સ્થિતિએ અનેક પર્યટન સ્થળોએ ભારેથી અતિભારે સ્નોફોલ નોંધાયો છે. ખાસ કરીને 7500થી 8000 ફૂટની ઊંચાઈએ આવેલા વિસ્તારોમાં હિમવર્ષાનું તોફાન મચ્યું છે. સોલાંગ વેલી, ચંબા, ખજિયાર, ડેલહાઉસી, તાબો, અટલ ટનલ, રોહતાંગ પાસ અને શિશુ જેવા વિસ્તારોમાં ધોધમાર બરફ વરસી રહ્યો છે. આ સીઝનમાં અત્યાર સુધીમાં અંદાજે 5 ફૂટ જેટલી હિમવર્ષા નોંધાઈ ચૂકી છે. હિમવર્ષાની ગતિ યથાવત્ રહી તો સવાર સુધીમાં કુલ બરફનો થર ૭ ફૂટ સુધી પહોંચવાની શક્યતા છે. હવામાન વિભાગ (IMD)ની આગાહી અને એલર્ટ હવામાન વિભાગના સત્તાવાર આંકડા મુજબ હિમાચલ પ્રદેશના ૧૨માંથી મોટાભાગના જિલ્લાઓમાં હવામાનમાં અચાનક ફેરફાર નોંધાયો છે. – આગાહી: શિમલા, કુલ્લુ, ચંબા અને લાહૌલ-સ્પીતિ જિલ્લામાં આગામી 48 કલાક માટે ભારે વરસાદ અને હિમવર્ષાની આગાહી કરવામાં આવી છે. આ વિસ્તારોમાં ‘યલો એલર્ટ’ અને કેટલાક ભાગોમાં ‘ઓરેન્જ એલર્ટ’ જાહેર કરાયું છે. – તાપમાનમાં ઘટાડો: સતત હિમવર્ષાના કારણે લઘુત્તમ તાપમાનમાં ૨ થી ૪ ડિગ્રી સેલ્સિયસનો ઘટાડો થયો છે. મનાલી અને કેલોંગમાં તાપમાન માઈનસમાં પહોંચી ગયું છે. – વેસ્ટર્ન ડિસ્ટર્બન્સની અસર: ઉત્તર પાકિસ્તાન અને અફઘાનિસ્તાન ઉપર સર્જાયેલા વેસ્ટર્ન ડિસ્ટર્બન્સના કારણે ફેબ્રુઆરીની શરૂઆતમાં જ આટલી ભારે હિમવર્ષા થઈ રહી છે. પ્રશાસનની અપીલ વહીવટી તંત્રએ પ્રવાસીઓ અને સ્થાનિક લોકોને અટલ ટનલ અને રોહતાંગ પાસ તરફ જતા માર્ગો પર ખાસ સાવચેતી રાખવા અને રાત્રિના સમયે મુસાફરી ટાળવા અપીલ કરી છે. પાંગી વેલી અને અન્ય અંતરિયાળ વિસ્તારોમાં રસ્તાઓ બંધ થવાના અહેવાલો પણ સામે આવી રહ્યા છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
ગુજરાતમાં ઠંડીમાં ઘટાડો: પવનની દિશા બદલાતા લોકોને આંશિક રાહત
ગુજરાતમાં છેલ્લા કેટલાક દિવસોથી ઠંડીનું પ્રમાણ ઘટ્યું છે. પવનની દિશા બદલાતા રાજ્યના અનેક શહેરોમાં ઠંડીમાંથી આંશિક રાહત મળી છે. હાલ કંડલામાં 12.6 ડિગ્રી, ભુજમાં 12.6 ડિગ્રી, અમરેલીમાં 14.6 ડિગ્રી, ગાંધીનગરમાં 15.5 ડિગ્રી, દ્વારકામાં 15.8 ડિગ્રી અને અમદાવાદમાં 15.9 ડિગ્રી તાપમાન નોંધાયું છે. બીજી તરફ હવામાન વિભાગ (IMD) દ્વારા ઉત્તર પ્રદેશ અને હરિયાણામાં ભારે વરસાદની આગાહી કરવામાં આવી છે. ઉત્તર ભારતમાં વેસ્ટર્ન ડિસ્ટર્બન્સ સક્રિય થવાને કારણે હવામાનમાં મોટો ફેરફાર જોવા મળી રહ્યો છે. ઉત્તર ભારતમાં વરસાદ અને બરફવર્ષા: રાજસ્થાન, ઉત્તર પ્રદેશ અને દિલ્હીમાં મોડી રાતથી વરસાદ શરૂ થયો છે. હિમાલયના રાજ્યોમાં વધુ એક રાઉન્ડમાં વરસાદ અને બરફવર્ષા થઈ રહી છે. હિમાચલ પ્રદેશના શિમલા અને મનાલીમાં સિઝનની પ્રથમ બરફવર્ષા નોંધાઈ છે. આગામી પાંચ દિવસ દરમિયાન ઉત્તરપશ્ચિમ ભારત અને બિહારમાં સવારના સમયે ગાઢ ધુમ્મસ છવાય તેવી શક્યતા છે. હવામાન વિભાગના અનુમાન મુજબ દિલ્હીમાં હજુ ઓછામાં ઓછા બે દિવસ સુધી ઠંડીથી રાહત મળવાની શક્યતા ઓછી છે. દેશના અનેક મેદાની વિસ્તારોમાં લઘુત્તમ તાપમાન રેકોર્ડ સ્તરે પહોંચી રહ્યું છે અને કેટલાક શહેરોમાં તાપમાન શૂન્ય ડિગ્રીની નજીક પહોંચી ગયું છે. આ વર્ષે શિયાળો કેમ નરમ રહ્યો? હવામાન નિષ્ણાતોનું માનવું છે કે આ વર્ષે હિમાલયમાં મજબૂત વેસ્ટર્ન ડિસ્ટર્બન્સ ન બનવાને કારણે ભારે હિમવર્ષા થઈ નથી. સામાન્ય રીતે પહાડોમાં ભારે બરફવર્ષા થતાં ત્યાંથી ઠંડા પવનો મેદાની વિસ્તારો અને ગુજરાત સુધી પહોંચે છે, પરંતુ આ વખતે તે પ્રક્રિયા નબળી રહી છે. ઉપરાંત, પ્રશાંત મહાસાગરમાં વધતા તાપમાન એટલે કે ‘અલ નીનો’ની અસર અને અરબી સમુદ્ર તરફથી આવતા ગરમ તથા ભેજવાળા પવનોને કારણે લઘુત્તમ તાપમાનમાં મોટો ઘટાડો થતો અટક્યો છે. ગ્લોબલ વોર્મિંગની અસર સ્પષ્ટ: છેલ્લા કેટલાક વર્ષોમાં ગુજરાતમાં ત્રણેય ઋતુઓમાં મોટા ફેરફારો જોવા મળી રહ્યા છે. સામાન્ય રીતે ડિસેમ્બર મહિનામાં કડકડતી ઠંડી અનુભવાતી હતી, પરંતુ આ વર્ષે ગત વર્ષની સરખામણીએ ઠંડીમાં નોંધપાત્ર ઘટાડો થયો છે. ડિસેમ્બર-2024માં કચ્છના નલિયામાં 31 દિવસમાંથી 22 વખત લઘુત્તમ તાપમાન 10 ડિગ્રીથી નીચે ગયું હતું, જ્યારે આ વર્ષે માત્ર 4 વખત જ પારો 10 ડિગ્રીથી નીચે ઉતર્યો છે. અમદાવાદ અને નલિયાનું તાપમાન: ગત વર્ષ 28 ડિસેમ્બર 2024ના રોજ નલિયામાં લઘુત્તમ તાપમાન 4.2 ડિગ્રી સુધી પહોંચ્યું હતું, જ્યારે આ વર્ષે સૌથી ઓછું તાપમાન 8.8 ડિગ્રી નોંધાયું છે. મહત્વની વાત એ છે કે આ વખતે નલિયા સિવાય ગુજરાતના કોઈપણ વિસ્તારમાં તાપમાન 10 ડિગ્રીથી નીચે ગયું નથી. અમદાવાદમાં ડિસેમ્બર 2024 દરમિયાન 14 દિવસ તાપમાન 14 ડિગ્રીથી નીચે રહ્યું હતું, જ્યારે આ વર્ષે માત્ર 4 દિવસ જ એવો ઘટાડો નોંધાયો છે. આ કારણે અમદાવાદમાં 15 વર્ષમાં જાન્યુઆરી મહિનાની સૌથી ઓછી ઠંડી અનુભવાઈ છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
પર્વતોમાં હિમવર્ષાથી મેદાનોમાં ઠંડક, ગાઢ ધુમ્મસ અને શીત લહેરે જનજીવન ખોરવ્યું
પશ્ચિમ હિમાલયના વિસ્તારોમાં વરસાદ અને ભારે હિમવર્ષાના કારણે ઉત્તર ભારતના મેદાની વિસ્તારોમાં કડકડતી ઠંડીનો પ્રભાવ વધી ગયો છે. બુધવારે સતત બીજા દિવસે પંજાબ, હરિયાણા અને રાષ્ટ્રીય રાજધાની દિલ્હી સહિત ઉત્તર ભારતના મોટા ભાગમાં તાપમાનમાં નોંધપાત્ર ઘટાડો થયો છે. ગાઢ ધુમ્મસ, ઠંડા પવનો અને સૂર્યપ્રકાશના અભાવે સામાન્ય જનજીવન પ્રભાવિત થયું છે. પંજાબ-હરિયાણામાં કડકડતી ઠંડી પંજાબ અને હરિયાણામાં ઠંડીનું મોજું યથાવત્ છે. રાજ્યના અનેક વિસ્તારોમાં તાપમાન 10 ડિગ્રી સેલ્સિયસથી નીચે નોંધાયું છે. અમૃતસરમાં મહત્તમ તાપમાન 10.4 ડિગ્રી સેલ્સિયસ નોંધાયું હતું, જ્યારે ભટિંડામાં લઘુત્તમ તાપમાન 4.6 ડિગ્રી સાથે સૌથી ઠંડુ સ્થાન રહ્યું. નારનૌલ (હરિયાણા)માં લઘુત્તમ તાપમાન 4 ડિગ્રી સેલ્સિયસ નોંધાયું. ગાઢ ધુમ્મસને કારણે દૃશ્યતા 10થી 150 મીટર સુધી ઘટી ગઈ, જેના કારણે ફ્લાઇટ્સ અને ટ્રાફિક પર અસર પડી. રાજ્ય સરકારોએ પરિસ્થિતિને ધ્યાનમાં રાખીને શાળાઓની રજાઓ 13 જાન્યુઆરી સુધી લંબાવી છે. હિમાચલ પ્રદેશમાં બરફથી રસ્તાઓ લપસણા હિમાચલ પ્રદેશમાં ભારે ઠંડી અને ધુમ્મસ સાથે સ્થિતિ વધુ ગંભીર બની છે. કિન્નૌર, લાહૌલ-સ્પિતિ, ચંબા, મંડી, કુલ્લુ અને શિમલા જિલ્લાઓમાં લઘુત્તમ તાપમાન માઇનસ ડિગ્રી સુધી પહોંચી ગયું છે. બરફ અને જમેલા પાણીને કારણે અનેક રસ્તાઓ લપસણા બની ગયા છે, જેના કારણે મુસાફરી જોખમી બની છે. કેલોંગમાં બુધવારે HRTC બસ સેવાઓ બંધ રાખવામાં આવી હતી. ઉના, બિલાસપુર, હમીરપુર, કાંગડા, મંડી, સોલન અને સિરમૌર જિલ્લામાં 11 જાન્યુઆરી સુધી પીળા ધુમ્મસનું એલર્ટ જાહેર કરવામાં આવ્યું છે. ભદરવાહમાં તાજી હિમવર્ષા, પ્રવાસીઓ ખુશ જમ્મુ અને કાશ્મીરના ભદરવાહ વિસ્તારમાં ઊંચાઈવાળા વિસ્તારોમાં તાજી હિમવર્ષા થઈ છે. ગુલદાંડા, પંજ નાલા અને ચત્તરગલ્લા જેવા સ્થળોએ બરફથી ઢંકાયેલા દ્રશ્યોને માણવા માટે મોટી સંખ્યામાં પ્રવાસીઓ ઉમટી પડ્યા છે. જોકે, હિમવર્ષાને કારણે મુઘલ રોડના પીર ગલી, દુબજાન અને લાલ ગુલામ વિસ્તારમાં ટ્રાફિક અવરજવર અસ્થાયી રીતે બંધ કરવી પડી હતી. ઉત્તરાખંડમાં લપસણા રસ્તાઓની ચેતવણી ઉત્તરાખંડના ઉત્તરકાશી, ચમોલી, પિથોરાગઢ અને બાગેશ્વર જિલ્લાઓમાં લઘુત્તમ તાપમાન -2 થી 2 ડિગ્રી સેલ્સિયસ વચ્ચે રહેવાની સંભાવના છે. ઊંચાઈવાળા વિસ્તારોમાં હિમવર્ષા અને લપસણા રસ્તાઓને કારણે મુસાફરી જોખમી બની શકે છે. આગામી દિવસોની આગાહી મૌસમ વિભાગ મુજબ આગામી બે થી ત્રણ દિવસ દરમિયાન ઉત્તર ભારતના અનેક વિસ્તારોમાં ગાઢ ધુમ્મસ અને શીત લહેર ચાલુ રહેવાની શક્યતા છે. ઠંડા પવનોના કારણે મેદાની વિસ્તારોમાં પણ ઠંડીનું પ્રમાણ વધુ રહેશે અને સામાન્ય જનજીવન પર તેની અસર ચાલુ રહેશે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
રાજ્યમાં બે દિવસ બાદ ઠંડીમાં વધારો, તાપમાન 2થી 3 ડિગ્રી ઘટવાની શક્યતા
રાજ્યમાં આગામી બે દિવસ બાદ ઠંડીનો ચમકારો વધવાની શક્યતા છે. હવામાન વિભાગે આગાહી કરતા જણાવ્યું છે કે આવનારા 48 કલાક બાદ રાજ્યના તાપમાનમાં ઘટાડો નોંધાઈ શકે છે. વિભાગના જણાવ્યા અનુસાર, 48 કલાક પછી મહત્તમ અને લઘુત્તમ તાપમાનમાં અંદાજે 2થી 3 ડિગ્રી સેલ્સિયસનો ઘટાડો થવાની શક્યતા છે. જોકે, આગામી બે દિવસ સુધી વાતાવરણમાં કોઈ ખાસ ફેરફાર જોવા મળશે નહીં. આગામી સાત દિવસ સુધી વાતાવરણ સૂકું હવામાન વિભાગે વધુમાં જણાવ્યું છે કે રાજ્યમાં આગામી સાત દિવસ સુધી વરસાદની કોઈ શક્યતા નથી અને વાતાવરણ સંપૂર્ણપણે સૂકું રહેશે. ઠંડીમાં વધારાથી સવાર અને રાત્રિના સમયે ઠંડીનો અનુભવ વધે તેવી શક્યતા છે. હવામાન વિભાગ દ્વારા તાપમાનમાં થતા ફેરફારને ધ્યાનમાં રાખીને જરૂરી સાવચેતી રાખવા સૂચના આપવામાં આવી છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
ચક્રવાતની ચેતવણી: મોન્થા પછી ફરી એક વાવાઝોડું ત્રાટકશે?, IMD ની આગાહી મુજબ કાલથી વધુ તીવ્ર બનશે
બંગાળની ખાડી પર નવી હવામાન પ્રણાલી સક્રિય થતાં હવામાન વિભાગે ચક્રવાતની ચેતવણી જારી કરી છે. ભારતીય હવામાન વિભાગ (IMD) અનુસાર, 2 નવેમ્બરના રોજ સવારે પૂર્વ-મધ્ય બંગાળની ખાડી અને મ્યાનમાર દરિયાકાંઠે નીચા દબાણનું ક્ષેત્ર સર્જાયું છે, જે આવતા 48 કલાકમાં વધુ તીવ્ર બનવાની શક્યતા છે. અધિકારીઓના જણાવ્યા અનુસાર, આ સિસ્ટમ “ચક્રવાતી પરિભ્રમણ”ના સ્વરૂપમાં વિકસતી જઈ રહી છે, જે સમુદ્ર સપાટીથી 5.8 કિલોમીટર ઊંચાઈ સુધી વ્યાપી છે. આ હવામાન પ્રણાલી ઉત્તર અને પછી ઉત્તર-પશ્ચિમ દિશામાં આગળ વધવાની ધારણા છે. IMD એ ઉત્તર આંદામાન સમુદ્ર માટે તોફાની હવામાનની ચેતવણી જાહેર કરી છે, જ્યાં 55 કિમી પ્રતિ કલાક સુધીના તીવ્ર પવનની શક્યતા છે. 4 નવેમ્બરથી આ સિસ્ટમ વધુ તીવ્ર બનશે અને દરિયાની સ્થિતિ પણ જોખમી રહેશે, એવું અનુમાન છે. સ્થાનિક વહીવટીતંત્રે માછીમારોને સમુદ્રમાં ન જવાની સલાહ આપી છે. બોટ સંચાલકો, ટાપુવાસીઓ અને પ્રવાસીઓને ખાસ સાવધાની રાખવા તેમજ દરિયામાં કોઈપણ પ્રકારની મનોરંજન પ્રવૃત્તિઓ ટાળવા વિનંતી કરવામાં આવી છે. વિભાગના વરિષ્ઠ અધિકારીએ જણાવ્યું છે કે “આગામી દિવસોમાં પરિસ્થિતિ પર સતત નજર રાખવામાં આવી રહી છે. જરૂરી હોય તો ચક્રવાત માટેના રેડ એલર્ટ પણ જાહેર કરવામાં આવશે.” હવામાન નિષ્ણાતો મુજબ, જો સિસ્ટમ ઝડપથી મજબૂત બને, તો તે આગામી દિવસોમાં ચક્રવાત “મિકુન” (Mikun) તરીકે ઓળખાઈ શકે છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/buletin_india FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
