Bindia
- Top News , ગુજરાત , ગુજરાત ન્યૂઝ
- August 18, 2026
સુરતમાં ફૂડ પોઈઝનિંગથી બાળકીના મોત બાદ તંત્ર એક્શનમાં, હોટલ-રેસ્ટોરન્ટનું 3 દિવસ સઘન ચેકિંગ
સુરતમાં ફૂડ પોઈઝનિંગની શંકાસ્પદ ઘટનામાં એક માસૂમ બાળકીના મોત બાદ રાજ્યનું આરોગ્ય તંત્ર હરકતમાં આવ્યું છે. સુરતમાં એક પરિવારના સભ્યોની તબિયત લથડ્યા બાદ બાળકીનું સારવાર દરમિયાન મોત થતાં ખાદ્ય સુરક્ષાને લઈને ગંભીર સવાલો ઊભા થયા છે. ઘટનાની ગંભીરતાને ધ્યાનમાં લઈને રાજ્ય સરકારે હવે સમગ્ર ગુજરાતમાં હોટલ, રેસ્ટોરન્ટ અને અન્ય ખાદ્ય એકમોની સઘન તપાસ કરવાનો નિર્ણય લીધો છે. આગામી ત્રણ દિવસ સુધી રાજ્યભરમાં સ્પેશિયલ ડ્રાઈવ ચલાવવામાં આવશે. આ દરમિયાન હોટલ અને રેસ્ટોરન્ટના રસોડાની સ્વચ્છતા, ખાદ્યપદાર્થોની ગુણવત્તા, ખોરાકનો સંગ્રહ અને હાઈજીન સહિતના વિવિધ મુદ્દાઓની તપાસ કરવામાં આવશે. સુરતમાં શું બન્યું? સુરતમાં એક પરિવારના સભ્યો દ્વારા રેસ્ટોરન્ટનું ભોજન લીધા બાદ તેમની તબિયત અચાનક લથડી હતી. પરિવારના સભ્યોને ઉલટી, પેટમાં દુખાવો અને અન્ય તકલીફો થતાં સારવાર માટે હોસ્પિટલમાં ખસેડવામાં આવ્યા…
ગુજરાત બાદ દાદરા-નગર હવેલી અને દમણ-દીવમાં પણ એનાલોગ પનીર પર 1 વર્ષનો પ્રતિબંધ
નકલી અથવા નોન-ડેરી પનીરના વેચાણ સામે કાર્યવાહી વધુ કડક બની રહી છે. ગુજરાત બાદ હવે કેન્દ્રશાસિત પ્રદેશ દાદરા અને નગર હવેલી તથા દમણ અને દીવ પ્રશાસને પણ એનાલોગ પનીર સામે મોટો નિર્ણય લીધો છે. પ્રશાસન દ્વારા જાહેર આરોગ્યના હિતમાં એનાલોગ પનીરના ઉત્પાદનથી લઈને વેચાણ સુધીની સમગ્ર પ્રક્રિયા પર એક વર્ષ માટે પ્રતિબંધ મૂકવામાં આવ્યો હોવાની માહિતી સામે આવી છે. પ્રશાસનના આરોગ્ય વિભાગ અને ફૂડ સેફ્ટી તંત્ર દ્વારા લેવામાં આવેલા આ નિર્ણયનો મુખ્ય હેતુ ગ્રાહકોને અસલી પનીરના નામે નોન-ડેરી અથવા એનાલોગ પનીર વેચવામાં આવતું અટકાવવાનો છે. કેન્દ્રશાસિત પ્રદેશની સત્તાવાર ગેઝેટ વ્યવસ્થા હેઠળ વિવિધ જાહેરનામા અને નિયમો પ્રસિદ્ધ કરવામાં આવે છે. શું છે એનાલોગ પનીર? સામાન્ય રીતે અસલી પનીર દૂધમાંથી બનાવવામાં આવે છે. જ્યારે એનાલોગ અથવા નોન-ડેરી પનીરમાં…
