Bindiaવૈશ્વિક તણાવ વચ્ચે ઈરાન સમુદ્રમાં ફેંકી રહ્યું છે કરોડોનું ક્રૂડ ઓઈલ? જાણો કારણ
મધ્ય પૂર્વમાં વધી રહેલા તણાવ વચ્ચે વૈશ્વિક તેલ બજારમાં અનિશ્ચિતતા વધુ ઘેરાઈ રહી છે. આ દરમિયાન એવા અહેવાલો સામે આવ્યા છે કે ઈરાન નિકાસમાં અવરોધ અને સંગ્રહ ક્ષમતા પૂર્ણ થવાને કારણે મોટા પ્રમાણમાં ક્રૂડ ઓઈલનો નિકાલ કરવા મજબૂર બન્યું છે. અહેવાલો મુજબ, અમેરિકા અને ઈરાન વચ્ચે વધેલા તણાવ બાદ હોર્મુઝ સામુદ્રધુની નજીક સુરક્ષા અને નૌકાદળ સંબંધિત દબાણ વધતાં ઈરાનના તેલ ટેન્કરોની અવરજવર ગંભીર રીતે પ્રભાવિત થઈ છે. કેમ ઊભી થઈ આવી સ્થિતિ? વિશ્લેષકોના જણાવ્યા મુજબ ઈરાન પાસે હજારો સક્રિય તેલ કુવાઓ છે અને ટેક્નિકલ કારણોસર તેલ ઉત્પાદન સંપૂર્ણપણે બંધ કરવું શક્ય નથી. જો લાંબા સમય સુધી ઉત્પાદન રોકી દેવામાં આવે તો કુવાઓને કાયમી નુકસાન થવાની શક્યતા રહે છે. બીજી તરફ, નિકાસમાં અવરોધ અને સંગ્રહ ક્ષમતાની મર્યાદાને…
હોર્મુઝ સ્ટ્રેટ સંકટનો પનામા કેનાલને મોટો ફાયદો, જહાજ ટ્રાફિક અને આવકમાં નોંધપાત્ર વધારો
મધ્ય પૂર્વમાં ચાલી રહેલા તણાવ અને હોર્મુઝ સ્ટ્રેટમાં વધેલી અનિશ્ચિતતાની અસર હવે વૈશ્વિક શિપિંગ રૂટ્સ પર સ્પષ્ટ જોવા મળી રહી છે. હોર્મુઝ માર્ગ પ્રભાવિત થતાં અનેક આંતરરાષ્ટ્રીય જહાજો હવે વૈકલ્પિક માર્ગ તરીકે પનામા કેનાલ તરફ વળી રહ્યા છે, જેના કારણે પનામાની આવકમાં નોંધપાત્ર વધારો નોંધાયો છે. જહાજ ટ્રાફિકમાં 20 ટકાનો વધારો અહેવાલો અનુસાર, ઈરાન સંઘર્ષ બાદ પનામા કેનાલમાંથી પસાર થતા જહાજોની સંખ્યામાં આશરે 20 ટકા વધારો થયો છે. પનામા કેનાલના સીએફઓ વિક્ટર વાયાલે જણાવ્યું હતું કે ફેબ્રુઆરીના અંતમાં મધ્ય પૂર્વમાં તણાવ વધ્યા બાદ વૈશ્વિક શિપિંગ કંપનીઓએ વધુ પ્રમાણમાં આ માર્ગનો ઉપયોગ શરૂ કર્યો છે. કેનાલ ફી પણ પહોંચી રેકોર્ડ સ્તરે જહાજોની વધતી અવરજવર વચ્ચે પનામા કેનાલમાંથી પસાર થવા માટે લેવામાં આવતી ફીમાં પણ મોટો વધારો નોંધાયો…
વૈશ્વિક ઊર્જા સંકટ સામે ઘણા દેશોના કડક પગલાં, ઈંધણ બચાવવા અનેક નીતિઓ અમલમાં
ઈરાન-સંઘર્ષ અને હોર્મુઝ સ્ટ્રેટમાં અવરજવર પર પડેલા પ્રભાવ બાદ વૈશ્વિક ઊર્જા બજારમાં ભારે અસ્થિરતા જોવા મળી રહી છે. ક્રૂડ ઓઈલ અને ગેસ પુરવઠામાં વિક્ષેપના કારણે અનેક દેશોમાં મોંઘવારી વધી છે, ફ્લાઇટ સેવાઓ ઘટી છે અને સરકારોને કડક નીતિગત પગલાં લેવાની ફરજ પડી છે. વિશ્વભરમાં હાલ આ સ્થિતિને અત્યાર સુધીનું સૌથી મોટું ઊર્જા સંકટ માનવામાં આવી રહ્યું છે. 60થી વધુ દેશોમાં 200થી વધુ નીતિઓ અહેવાલો અનુસાર, 60થી વધુ દેશોએ ઇંધણ બચાવવા અને અર્થતંત્ર પર પડતી અસર ઘટાડવા માટે લગભગ 200 જેટલી નીતિઓ અમલમાં મૂકી છે. તેમાં વર્ક ફ્રોમ હોમ, જાહેર પરિવહનનો વધારો, અને ઇંધણ વપરાશ પર મર્યાદા જેવા પગલાં સામેલ છે. ભારત: ભાવ સ્થિર, પરંતુ દબાણ યથાવત ભારતમાં સરકાર સબસિડી દ્વારા પેટ્રોલ અને ડીઝલના ભાવ સ્થિર રાખવાનો…
પાકિસ્તાનમાં નાગરિક વિસ્તારોમાં મિસાઇલ સિસ્ટમ તૈનાત હોવાના દાવા, સરહદી વિસ્તારોમાં વધ્યું તણાવ
ભારત-પાકિસ્તાન વચ્ચે વધેલા તણાવની વચ્ચે પાકિસ્તાનના કેટલાક સરહદી વિસ્તારોમાં નાગરિક વિસ્તારો નજીક સૈન્ય સાધનો અને મિસાઇલ સિસ્ટમ તૈનાત કરવામાં આવી હોવાના દાવાઓ સામે આવ્યા છે. અહેવાલો અનુસાર શાળાઓ, રહેણાંક વિસ્તારો અને ઘરોની છત નજીકથી સૈન્ય પ્રવૃત્તિઓ વધારવામાં આવી રહી છે, જેને કારણે સ્થાનિકોમાં ચિંતા ફેલાઈ છે. નાગરિક વિસ્તારોમાં સૈન્ય તૈનાતીના દાવા અહેવાલોમાં દાવો કરવામાં આવ્યો છે કે પાકિસ્તાનના નારોવાલ જિલ્લાના શકરગઢ, ઝફરવાલ અને જંદરોટ જેવા વિસ્તારોમાં રહેણાંક વિસ્તારોની નજીક રોકેટ લોન્ચર, ડ્રોન લોન્ચ સિસ્ટમ અને મિસાઇલ ઉપકરણો તૈનાત કરવામાં આવ્યા છે. કેટલાક સ્થાનિક વિસ્તારોમાં શાળાઓ અને ઘરોની આસપાસ સુરક્ષા દળોની હલચલ વધી હોવાનું પણ જણાવાયું છે. આંતરરાષ્ટ્રીય માનવતાવાદી કાયદા પર ચર્ચા રક્ષા વિશ્લેષકોનું કહેવું છે કે જો કોઈ નાગરિક વિસ્તારનો ઉપયોગ સૈન્ય કામગીરી માટે કરવામાં આવે,…
પાકિસ્તાનમાં નવું આતંકી સંગઠન સક્રિય, બન્નુ હુમલામાં 15 સૈનિકોના મોતનો દાવો
પાકિસ્તાનના ખૈબર પખ્તુનખ્વા પ્રાંતમાં સુરક્ષા સ્થિતિ વધુ બગડતી જોવા મળી રહી છે. તાજેતરના અહેવાલો મુજબ નવા આતંકવાદી સંગઠન ‘ઇત્તેહાદ-ઉલ-મુજાહિદ્દીન’એ બન્નુ વિસ્તારમાં મોટો હુમલો કર્યો હોવાનો દાવો કરવામાં આવ્યો છે, જેમાં 15 પાકિસ્તાની સૈનિકોના મોત થયાનું જણાવાયું છે. પાકિસ્તાની સેનાએ આ ઘટના બાદ વિસ્તારમાં સર્ચ ઓપરેશન શરૂ કર્યું હોવાનું જણાવાયું છે. શું છે ઇત્તેહાદ-ઉલ-મુજાહિદ્દીન? અહેવાલો મુજબ આ સંગઠનની રચના 2025માં ખૈબર પખ્તુનખ્વા વિસ્તારમાં સક્રિય કેટલાક નાના ઉગ્રવાદી જૂથોના વિલયથી થઈ હતી. આમાં ઇસ્લામિક ક્રાંતિ જૂથ, લશ્કર-એ-ઇસ્લામ અને હાફિઝ ગુલ બહાદુર જૂથના તત્વો જોડાયા હોવાનું કહેવાય છે. હાફિઝ ગુલ બહાદુર જૂથને અગાઉ પાકિસ્તાની સરકાર તરફથી અલગ-અલગ સમયગાળામાં અલગ રીતે જોવામાં આવતું રહ્યું છે. બન્નુમાં આત્મઘાતી હુમલાનો દાવો અહેવાલોમાં દાવો કરવામાં આવ્યો છે કે બન્નુ વિસ્તારમાં આત્મઘાતી હુમલો કરીને…
ઈરાન-અમેરિકા તણાવ વધુ ઘેરાયો: ટ્રમ્પે શાંતિ પ્રસ્તાવ ફગાવ્યો, ક્રૂડ ઓઈલના ભાવમાં ઉછાળો
મધ્ય પૂર્વમાં ચાલી રહેલા સંઘર્ષ વચ્ચે શાંતિની આશાઓને ફરી ઝટકો લાગ્યો છે. અમેરિકાના રાષ્ટ્રપ્રમુખ ડોનાલ્ડ ટ્રમ્પે ઈરાન દ્વારા મોકલાયેલા શાંતિ પ્રસ્તાવને નકારી કાઢતા વૈશ્વિક રાજકીય તણાવ વધુ ઘેરાયો છે. આ ઘટનાક્રમની અસર આંતરરાષ્ટ્રીય તેલ બજાર પર પણ જોવા મળી રહી છે અને ક્રૂડ ઓઈલના ભાવમાં લગભગ 3 ટકા સુધીનો ઉછાળો નોંધાયો છે. ઈરાનનો શું હતો પ્રસ્તાવ? રવિવારે ઈરાને અમેરિકા સમક્ષ શરતી શાંતિ પ્રસ્તાવ રજૂ કર્યો હતો. તેમાં લેબનોન સહિતના સંઘર્ષ વિસ્તારોમાં યુદ્ધ રોકવા અને પ્રાદેશિક સુરક્ષા માટે કેટલીક મહત્વપૂર્ણ માંગણીઓ મૂકવામાં આવી હતી. ઈરાને યુદ્ધ દરમિયાન થયેલા નુકસાન માટે આર્થિક વળતર, સ્ટ્રેટ ઓફ હોર્મુઝ પર પોતાનું નિયંત્રણ જાળવી રાખવાનો અધિકાર અને અમેરિકા દ્વારા લાદવામાં આવેલી નૌકાદળ નાકાબંધી હટાવવાની માંગ કરી હતી. સાથે જ ઈરાની સંપત્તિઓ અનફ્રીઝ…
હંતાવાયરસનો ખતરો: સંક્રમિત લક્ઝરી ક્રૂઝ શિપ સ્પેન પહોંચ્યું, 3ના મોત બાદ WHO એલર્ટ
હંતાવાયરસના સંક્રમણને કારણે ચર્ચામાં આવેલું લક્ઝરી ક્રૂઝ શિપ ‘MV હોન્ડિયસ’ રવિવારે સવારે સ્પેનના ટેનેરિફ દ્વીપ પર પહોંચી ગયું છે. જહાજમાં ફેલાયેલા સંક્રમણને કારણે અત્યાર સુધીમાં ત્રણ પ્રવાસીઓના મોત થયા હોવાનું સામે આવ્યું છે, જ્યારે અન્ય અનેક મુસાફરો બીમાર પડ્યા છે. મૃતકોમાં એક ડચ દંપતી અને એક જર્મન નાગરિકનો સમાવેશ થાય છે. આરોગ્ય અધિકારીઓ મુજબ, જહાજ પર કુલ 149 લોકો સવાર છે, જે 23 અલગ-અલગ દેશોના નાગરિકો છે. WHO અને યુરોપિયન યુનિયનની દેખરેખ વર્લ્ડ હેલ્થ ઓર્ગેનાઈઝેશન (WHO) અને યુરોપિયન યુનિયનની વિનંતી બાદ સ્પેન સરકારે તાત્કાલિક રાહત અને બચાવ કામગીરી શરૂ કરી છે. WHOના મહાનિદેશક ટેડ્રોસ અધાનમ ઘેબ્રેયસસ પણ પરિસ્થિતિની દેખરેખ માટે ટેનેરિફ પહોંચ્યા હોવાનું જણાવવામાં આવ્યું છે. આરોગ્ય ટીમો દ્વારા જહાજ પરના તમામ મુસાફરોને ‘હાઈ-રિસ્ક કોન્ટેક્ટ’ માનીને…
કેરેબિયન ક્રૂઝ પર નોરોવાયરસનો ફેલાવો, 100થી વધુ લોકો બીમાર
વિશ્વ હજુ હંતાવાયરસના ખતરાને લઈને સતર્ક છે ત્યાં હવે નોરોવાયરસના વધતા કેસોએ આરોગ્ય એજન્સીઓની ચિંતા વધારી છે. અમેરિકાના ફ્લોરિડાથી રવાના થયેલા લક્ઝરી ક્રૂઝ શિપ ‘કેરેબિયન પ્રિન્સેસ’ પર નોરોવાયરસ ફેલાતા 115 લોકો બીમાર પડ્યા છે. અમેરિકાની આરોગ્ય એજન્સી CDC (સેન્ટર્સ ફોર ડિઝિઝ કંટ્રોલ એન્ડ પ્રિવેન્શન) મુજબ, બીમાર થયેલા લોકોમાં 102 મુસાફરો અને 13 ક્રૂ મેમ્બર્સનો સમાવેશ થાય છે. ઉલટી, ઝાડા અને પેટમાં દુખાવાના લક્ષણો CDCના જણાવ્યા અનુસાર સંક્રમિત લોકોને ગંભીર ઉલટી, ઝાડા, પેટમાં દુખાવો અને નબળાઈ જેવા લક્ષણો જોવા મળી રહ્યા છે. આ ક્રૂઝ શિપ 28 એપ્રિલે ફ્લોરિડાથી 13 દિવસની યાત્રા માટે નીકળ્યું હતું. જહાજ પર કુલ 3,116 મુસાફરો અને 1,131 ક્રૂ મેમ્બર્સ સવાર છે. જ્યારે બીમાર લોકોની સંખ્યા નિર્ધારિત મર્યાદાથી વધી ગઈ ત્યારે ક્રૂઝ પ્રશાસને સત્તાવાર…
હોર્મુઝ સ્ટ્રેટમાં ફરી તણાવ, ઈરાન-અમેરિકા વચ્ચે હુમલાના દાવા
પશ્ચિમ એશિયામાં ફરી એકવાર તણાવપૂર્ણ સ્થિતિ સર્જાઈ છે. ઈરાનની સૈન્ય કમાન ‘ખાતમ અલ-અનબિયા સેન્ટ્રલ હેડક્વાર્ટર્સ’એ દાવો કર્યો છે કે અમેરિકી સેનાએ હોર્મુઝ સ્ટ્રેટ નજીક બે ઈરાની જહાજોને નિશાન બનાવી હુમલો કર્યો છે. ઈરાનના જણાવ્યા અનુસાર, આ કાર્યવાહી દરમિયાન દક્ષિણ ઈરાનના કેટલાક રહેણાંક વિસ્તારો પર પણ હુમલા કરવામાં આવ્યા હતા. ઈરાની સૈન્ય પ્રવક્તા ઈબ્રાહિમ જોલ્ફાગરીએ આ હુમલાને અમેરિકા અને ઈરાન વચ્ચે થયેલા યુદ્ધવિરામનું ઉલ્લંઘન ગણાવ્યું છે. મળતી માહિતી મુજબ, નિશાન બનેલા જહાજોમાં એક ઓઈલ ટેન્કર હતું, જે જસ્ક નજીકથી હોર્મુઝ સ્ટ્રેટ તરફ જઈ રહ્યું હતું, જ્યારે બીજું જહાજ UAEના ફુજૈરાહ નજીક આ જલમાર્ગમાં પ્રવેશી રહ્યું હતું. ઈરાનનો આરોપ છે કે હોર્મોઝગાન પ્રાંતના બંદર-એ-ખમીર અને સિરિક જેવા નાગરિક વિસ્તારોમાં પણ હવાઈ હુમલા કરવામાં આવ્યા હતા. ઈરાને દાવો કર્યો…
ઉત્તર કોરિયાનો ખતરનાક નિર્ણય! કિમ જોંગ ઉનની હત્યા થાય તો આપમેળે થશે પરમાણુ હુમલો
ઉત્તર કોરિયાએ પોતાની પરમાણુ નીતિમાં એવો મોટો ફેરફાર કર્યો છે, જેને કારણે વૈશ્વિક સ્તરે ચિંતા વધી ગઈ છે. નવી જોગવાઈ મુજબ જો દેશના સર્વોચ્ચ નેતા કિમ જોંગ ઉન પર હુમલો થાય અથવા તેઓ કામ કરવા અસમર્થ બને, તો ઉત્તર કોરિયાની સેના કોઈપણ સીધા આદેશ વગર આપમેળે પરમાણુ હુમલો શરૂ કરી દેશે. દક્ષિણ કોરિયાની ગુપ્તચર એજન્સી NISના અહેવાલ અનુસાર, અગાઉ પરમાણુ હુમલાની સંપૂર્ણ સત્તા માત્ર કિમ જોંગ ઉન પાસે હતી. પરંતુ હવે પરમાણુ કમાન્ડ અને કંટ્રોલ સિસ્ટમ પર હુમલો થાય તો તરત જ “ઓટોમેટિક ન્યુક્લિયર સ્ટ્રાઈક” શરૂ કરવાની જોગવાઈ કરવામાં આવી છે. આ નિર્ણય પાછળ Iran પર થયેલા અમેરિકી અને ઈઝરાયેલી હુમલાઓ તેમજ ટોચના નેતાઓની સુરક્ષામાં થયેલા ભંગને મહત્વનું કારણ માનવામાં આવી રહ્યું છે. ઉત્તર કોરિયા હવે…
