સોના-ચાંદીમાં તોફાની તેજી, સોનાનો ભાવ ઓલટાઈમ હાઈ પર
સોના અને ચાંદીના ભાવમાં તોફાની વધારો નોંધાયો છે. ઈન્ડિયા બુલિયન જ્વેલર્સ એસોસિએશન (IBJA) મુજબ 24 કેરેટ સોનાનું ભાવ આ અઠવાડીયામાં 6,177 રૂપિયા વધીને 10 ગ્રામ એટલે કે એક તોલા સોનાની કિંમત 1,37,956 રૂપિયાની ઓલટાઈમ હાઈ પર પહોંચી ગઈ છે. 22 કેરેટ સોનાની કિંમત 1,26,368 રૂપિયા, જ્યારે 18 કેરેટ સોનાનું ભાવ 98,834 રૂપિયા નોંધાયો છે. ચાંદીના ભાવમાં પણ જંગી વધારો જોવા મળી રહ્યો છે. 2024માં ચાંદીની કિંમત 84,000 આસપાસ હતી, જે અત્યારે 2,28,000 રૂપિયા પાર કરી ગઈ છે. માત્ર એક અઠવાડિયામાં ચાંદીના ભાવમાં 28,040 રૂપિયાનો ઉછાળો આવ્યો છે. સોનું અને ચાંદીના ભાવ વધવાના મુખ્ય કારણો – આંતરરાષ્ટ્રીય બજારમાં તેજી: વિશ્વભરમાં સોના અને ચાંદીના ભાવ રેકોર્ડ સ્તરે છે. – ETFમાં વધતું રોકાણ: શેર બજારમાં અસ્થિરતા હોવાથી રોકાણકારો સલામત વિકલ્પ તરીકે સોના અને ચાંદીમાં રોકાણ કરી રહ્યા છે. – ડોલર નબળાઈ અને વ્યાજ દરની અપેક્ષા: ડોલર નબળો થતો જાય છે અને અમેરિકામાં વ્યાજ દર ઘટવાની શક્યતા છે, જેના કારણે સોનું-ચાંદી આકર્ષક બની છે. – ચાંદીની ઔદ્યોગિક માંગ: ઇલેક્ટ્રોનિક્સ, સોલાર પેનલ અને ગ્રીન ટેકનોલોજી માટે ચાંદીની માંગ વધી રહી છે. – રાજકીય અશાંતિ અને વૈશ્વિક તણાવ: વિશ્વના રાજકીય સંઘર્ષ અને તેલના ભાવના વધારો સોનું-ચાંદીની ખરીદી વધારવા માટે પ્રેરક બની રહ્યા છે. – કેન્દ્રિય બેંકોની ખરીદી: અનેક દેશોની સેન્ટ્રલ બેંકો પણ સોનાની મોટી માત્રામાં ખરીદી કરી રહી છે. નિષ્ણાંતોનું માનવું છે કે આગળ પણ સોનાં-ચાંદીના ભાવમાં વધારો થવાનું ચાલુ રહેશે, ખાસ કરીને વૈશ્વિક બજાર અને વૈશ્વિક તણાવને ધ્યાનમાં રાખીને. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
બુલિયન બજારમાં તેજીનો માહોલ : સોના-ચાંદીના ભાવમાં મોટો ઉછાળો, રોકાણકારોમાં ખુશીનો માહોલ
દિલ્હી બુલિયન બજારમાં બે દિવસની મંદી બાદ બુધવારે સોના અને ચાંદીના ભાવમાં તીવ્ર ઉછાળો નોંધાયો. રોકાણકારો અને વેપારીઓમાં ફરીથી ઉત્સાહનો માહોલ જોવા મળ્યો છે. ઓલ ઈન્ડિયા સરાફા એસોસિએશનના જણાવ્યા મુજબ, 99.9 ટકા શુદ્ધતા ધરાવતું સોનું ₹2,600 વધીને ₹1,24,400 પ્રતિ 10 ગ્રામ સુધી પહોંચી ગયું. તે જ રીતે, 99.5 ટકા શુદ્ધતા ધરાવતું સોનું ₹1,23,800 પ્રતિ 10 ગ્રામ થયું. મંગળવારે સોનાનો ભાવ ₹1,21,200 પ્રતિ 10 ગ્રામ હતો. ચાંદીના ભાવમાં પણ મોટો ઉછાળો જોવા મળ્યો. ₹6,700ના વધારા સાથે ચાંદી ₹1,51,700 પ્રતિ કિલો સુધી પહોંચી ગઈ, જ્યારે ગઈકાલે તે ₹1,45,000 પ્રતિ કિલો પર બંધ થઈ હતી. એચડીએફસી સિક્યોરિટીઝના સિનિયર કોમોડિટી એનાલિસ્ટ સૌમિલ ગાંધીએ જણાવ્યું કે, “સોનાના ભાવમાં થયેલો આ તીવ્ર ઉછાળો યુએસ ફેડરલ ઓપન માર્કેટ કમિટી (FOMC) ની નીતિ બેઠક પહેલાં રોકાણકારો દ્વારા વધતી ખરીદીના કારણે છે. કિંમતી ધાતુએ ફરીથી $4,000 પ્રતિ ઔંસની સપાટી મેળવી છે, જે સોનાની મજબૂત માંગનો સંકેત આપે છે.” વિદેશી બજારમાં પણ કિંમતી ધાતુઓમાં તેજી જોવા મળી. સ્પોટ ગોલ્ડ 1.95% અથવા $77.26 વધીને $4,029.53 પ્રતિ ઔંસ થયું. મંગળવારે તે ત્રણ દિવસના ઘટાડા બાદ $3,886 પ્રતિ ઔંસના સ્તરે બંધ થયું હતું. મીરે એસેટ શેરખાનના કોમોડિટીઝ અને કરન્સીના વડા પ્રવીણ સિંહે જણાવ્યું કે, “મધ્યપૂર્વમાં વધતા તણાવ અને ભૌગોલિક અનિશ્ચિતતાને કારણે રોકાણકારો સલામત આશ્રય તરીકે સોનું પસંદ કરી રહ્યા છે. આ જ કારણસર સોનાના ભાવમાં તેજી નોંધાઈ છે.” નિષ્ણાતોનું કહેવું છે કે જો આંતરરાષ્ટ્રીય બજારમાં આ જ રુઝાન ચાલુ રહ્યો, તો આગામી અઠવાડિયામાં સોનાના ભાવ ₹1,25,000 પ્રતિ 10 ગ્રામની સપાટી પાર કરી શકે છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/buletin_india FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
Bindia
- Treding News , Trending News , બીઝનેસ
- September 28, 2025
દશેરા પછી સોનાના ભાવમાં શું થશે બદલાવ? જાણો RBI મીટિંગ અને બજાર પર અસર
સપ્ટેમ્બર 2025 દરમિયાન સોનાના ભાવમાં ઉતાર-ચઢાવ જોવા મળ્યા છે, જેમાં છેલ્લા બે દિવસમાં ખાસ કરીને સોનાના ભાવમાં નોંધપાત્ર વધારો નોંધાયો છે. 24 કેરેટ સોનાના (10 ગ્રામ) ભાવમાં ₹1,040 નો વધારો થયો છે, જ્યારે 100 ગ્રામના સોનાના ભાવમાં ₹10,400 નો ઉછાળો જોવા મળ્યો છે. આ સાથે સોનાનો ભાવ રેકોર્ડ સ્તર નજીક પહોંચી ગયો છે અને આ મહિને જ 9% થી વધુનો વધારો નોંધાયો છે. સોનાના ભાવ પર RBI મીટિંગની અસર રિઝર્વ બેંક ઓફ ઇન્ડિયાની આગામી મીટિંગ 1 ઓક્ટોબરે યોજાનાર છે, જેમાં વ્યાજ દરોની જાહેરાત થશે. બજારમાં અપેક્ષા છે કે રેપો રેટ સ્થિર રહેશે, જે સોનાના ભાવ માટે મોટો નિર્ણય સાબિત થશે. આવતીકાલે દશેરા તહેવારને લઈને સોનાના ભાવમાં નાનીકહાણીમાં ફેરફાર થઈ શકે છે, પરંતુ તહેવારો બાદ સોનાના ભાવ ફરી વધારાના ટ્રેન્ડમાં પ્રવેશ કરી શકે છે. બજારના વર્તમાન પરિપ્રેક્ષ્ય MCX પર ઓક્ટોબર 2025 ના સમાપ્તિ સોનાના ભાવ ₹1,13,766 પ્રતિ 10 ગ્રામ અને ડિસેમ્બર સમાપ્તિ સોનાનું ભાવ ₹1,15,074 પર બંધ થયું હતું. આ સાથે, ડિસેમ્બરના સમાપ્તિ ચાંદીના ભાવ ₹1,42,189 પ્રતિ કિલોગ્રામની નવી ઊંચાઈએ પહોંચી ગયા છે. આંતરરાષ્ટ્રીય બજારમાં પણ સોનાના ભાવ $3,750 થી ઉપર રહ્યા અને $3,790 ની રેકોર્ડ સપાટી પર પહોંચી ગયા. રોકાણકારોની સલામતી માટેની માંગ અને વાસ્તવિક વ્યાજ દરોમાં ઘટાડા પછી સોનાની અને ચાંદીની માંગ બંનેમાં વધારો નોંધાયો છે. રોકાણકારો માટે શું છે આગાહી? SMC ગ્લોબલ સિક્યોરિટીઝનું કહેવું છે કે સોનાના ભાવમાં આગામી સપ્તાહમાં આશરે 3% નો વધારો શક્ય છે, જ્યારે ચાંદીના ભાવમાં 5.36% નો તેજ વધારો થવાની શક્યતા છે. સોનાના અને ચાંદીના ભાવનો ગુણોત્તર 85.52 થી ઘટીને 83.61 થયો છે, જે ચાંદીની તાત્કાલિક મજબૂતી દર્શાવે છે. ટેરિફ અને ઔદ્યોગિક માંગ અમેરિકા દ્વારા નવી ટેરિફ નીતિઓ અમલમાં આવવાના કારણે સુરક્ષિત રોકાણ તરીકે સોનાની માંગ વધવા લાગી છે. ખાસ કરીને બ્રાન્ડેડ દવાઓ, ભારે ટ્રક, રસોડાના કેબિનેટ અને ફર્નિચર પર ટેરિફ વધારવાથી સ્થાનિક અને આંતરરાષ્ટ્રીય બજાર પર અસર પડી શકે છે. સાથે જ, ફોટોવોલ્ટેઇક પેનલ અને ઇલેક્ટ્રોનિક્સના વધતા ઉપયોગને કારણે ચાંદીની માંગ વધી રહી છે, જે આગામી સમયમાં ચાંદીના ભાવને વધુ મજબૂત બનાવી શકે છે. ભાવનું અંદાજપત્ર – COMEX ના આંકડાઓ મુજબ, – સોનાનો ભાવ ₹108,600 થી ₹115,000 વચ્ચે – ચાંદીનો ભાવ ₹129,500 થી ₹142,000 વચ્ચે રહી શકે છે. દશેરા પછી તહેવારોની માગ અને RBI ની વ્યાજ દરની જાહેરાત સોનાના ભાવ પર નાજુક અસર કરશે. તે છતાં, લાંબા ગાળામાં સોનાની કિંમતોમાં વધારો જ રહેવાની સંભાવના છે. રોકાણકારોએ આ પરિપ્રેક્ષ્યને ધ્યાનમાં રાખીને યોગ્ય નિર્ણય લેવા વધુ સમજદારી બતાવવી પડશે.
