Bindiaમૂડીઝનો અહેવાલ: વિશ્વમાં મંદી વચ્ચે ભારત રહેશે સૌથી ઝડપી વિકસતું અર્થતંત્ર
વિશ્વભરના અનેક અર્થતંત્રો મંદીનો સામનો કરી રહ્યા છે, પરંતુ ભારતની ગતિ મજબૂત રહેવાની તૈયારીમાં છે. આંતરરાષ્ટ્રીય રેટિંગ એજન્સી મૂડીઝ (Moody’s) દ્વારા બહાર પાડવામાં આવેલા “ગ્લોબલ મેક્રો આઉટલુક 2026-27” રિપોર્ટ અનુસાર, ભારત G-20 દેશોમાં સૌથી ઝડપથી વિકસતું અર્થતંત્ર રહેશે. એજન્સીએ ભારત માટે આગામી બે વર્ષ માટે સરેરાશ 6.5% વૃદ્ધિ દરનો અંદાજ વ્યક્ત કર્યો છે. ભારતની તાકાત શું છે? મૂડીઝના જણાવ્યા અનુસાર, ભારતની આ મજબૂત વૃદ્ધિ પાયાવિહોણી નથી. મજબૂત માળખાકીય રોકાણ, ગ્રાહક માંગમાં સતત વધારો અને નિકાસમાં વૈવિધ્યકરણ આ ત્રણેય પરિબળો ભારતની ગતિને વેગ આપી રહ્યા છે. યુનાઇટેડ સ્ટેટ્સે ભારતીય ઉત્પાદનો પર 50% સુધીના ટેરિફ લાદ્યા હોવા છતાં, ભારતીય નિકાસકારોએ નવા બજારો શોધી કાઢ્યા છે. પરિણામે, સપ્ટેમ્બર 2025માં અમેરિકાને નિકાસમાં 11.9% ઘટાડા છતાં ભારતની કુલ નિકાસમાં 6.75% નો…
