Bindiaહવામાન અપડેટ: હિમાચલ, જમ્મુ-કાશ્મીરમાં વરસાદ, કરા અને વાવાઝોડાની સંભાવના; દિલ્હીમાં પણ યેલો એલર્ટ
ઉત્તર ભારતમાં એક પછી એક સક્રિય થઈ રહેલા પશ્ચિમી વિક્ષેપો (Western Disturbance)ને કારણે હવામાનમાં ઝડપી ફેરફાર જોવા મળી રહ્યો છે. ભારતીય હવામાન વિભાગ (IMD) મુજબ 23 જાન્યુઆરીએ દિલ્હી-NCRમાં ગાજવીજ, વીજળી અને ભારે વરસાદની શક્યતા છે, જેને પગલે યેલો એલર્ટ જારી કરવામાં આવ્યો છે. તે જ સમયે હિમાચલ પ્રદેશ, જમ્મુ-કાશ્મીર, લદ્દાખ, પંજાબ અને હરિયાણા સહિત હિમાલયી વિસ્તારોમાં વરસાદ, કરા, વાવાઝોડા અને તેજ પવન સાથે હવામાન વધુ સક્રિય રહેવાની આગાહી છે. અનેક પશ્ચિમી વિક્ષેપોથી હવામાન અસ્થિર IMDના બુલેટિન અનુસાર, ઉત્તર પાકિસ્તાન ઉપર 3.1 કિમી ઊંચાઈએ એક પશ્ચિમી વિક્ષેપ સક્રિય છે. સાથે જ 5.8 કિમી ઊંચાઈએ નીચા દબાણનો વિસ્તાર રચાયો છે. ઉત્તરપૂર્વ ઈરાન ઉપર પણ એક પશ્ચિમી વિક્ષેપ સક્રિય છે, જ્યારે ઉત્તરપશ્ચિમ ઉત્તર પ્રદેશ ઉપર ચક્રવાતીય પરિભ્રમણ જોવા મળી…
રાજ્યમાં ફરી માવઠાનો ખતરો: 22 થી 27 જાન્યુઆરી દરમિયાન કમોસમી વરસાદની શક્યતા
ગુજરાતમાં ફરી એકવાર માવઠાનો ખતરો તોળાઇ રહ્યો છે. હવામાન વિભાગની આગાહી અનુસાર, 22 જાન્યુઆરીથી 27 જાન્યુઆરી સુધી રાજ્યમાં કમોસમી વરસાદનો એક રાઉન્ડ આવી શકે છે. હાલ રાજ્યમાં કડકડતી ઠંડી પડી રહી છે, અને આ વચ્ચે માવઠાની આગાહી ખેડૂતોમાં ચિંતાનું કારણ બની છે. ગુજરાતમાં વરસાદની શક્યતાઓ – સૌરાષ્ટ્ર, કચ્છ અને ઉત્તર ગુજરાતમાં હળવો વરસાદ પડવાની સંભાવના છે. – રાજ્યના અનેક જિલ્લાઓમાં હવામાન વિભાગે વાદળછાયું વાતાવરણ અને ભેજવાળા પવનની શક્યતા દર્શાવી છે. – ડિસેમ્બર મહિનામાં વરસેલા માવઠાથી ખેડૂતોને નુકસાન થયું હતું, અને ફરી વરસાદ પડવાને કારણે ઘઉં સહિતના પાકને નુકસાન થવાની આશંકા છે. ઉત્તર ભારત અને વેસ્ટર્ન ડિસ્ટર્બન્સ હવામાન નિષ્ણાતોના જણાવ્યા અનુસાર, ઉત્તર ભારતમાં હાલ તીવ્ર ઠંડી છવાઈ છે. વેસ્ટર્ન ડિસ્ટર્બન્સની અસર હેઠળ 22 જાન્યુઆરીથી 27 જાન્યુઆરી દરમિયાન…
ગુજરાતમાં કડકડતી ઠંડીનો ચમકારો યથાવત, કેશોદ સૌથી ઠંડુ શહેર બન્યું
ગુજરાતમાં ફરી એકવાર કડકડતી ઠંડીનો અનુભવ થઈ રહ્યો છે. રાજ્યના અનેક વિસ્તારોમાં લઘુત્તમ તાપમાનમાં નોંધપાત્ર ઘટાડો નોંધાયો છે. રાજ્યમાં સૌથી ઓછું તાપમાન કેશોદમાં 8.1 ડિગ્રી સેલ્સિયસ નોંધાયું છે, જેના કારણે કેશોદ રાજ્યનું સૌથી ઠંડુ શહેર બન્યું છે. ગુજરાતના મુખ્ય શહેરોમાં લઘુત્તમ તાપમાન કેશોદ – 8.1°C કંડલા એરપોર્ટ – 8.6°C નલિયા – 9.2°C અમરેલી – 9.4°C દીવ – 10.3°C ડીસા – 11°C ભુજ – 12.4°C મહુવા – 12.5°C પોરબંદર – 13.6°C અમદાવાદ – 14.5°C વેરાવળ – 14.5°C ઠંડીના કારણે વહેલી સવારે અને મોડી રાત્રે લોકોને ગરમ કપડાંનો સહારો લેવો પડી રહ્યો છે. ઉત્તર ભારતમાં ઠંડીના નવા રેકોર્ડ ઉત્તર ભારતમાં ઠંડી સતત નવા રેકોર્ડ બનાવી રહી છે. અનેક પહાડી વિસ્તારોમાં ભારે બરફવર્ષા થઈ છે, જ્યારે મેદાન વિસ્તારોમાં ગાઢ…
ઉત્તર ભારતમાં ઠંડીનો કહેર: 8 રાજ્યોમાં શીત લહેરની ચેતવણી, દિલ્હીમાં 2013 બાદનું સૌથી નીચું તાપમાન
ઉત્તર અને પૂર્વ ભારતમાં હાડમારી ઠંડીનો પ્રભાવ વધુ તેજ બન્યો છે. પર્વતીય વિસ્તારોમાં સતત બરફવર્ષા અને ઉત્તર તરફથી વહેતા ઠંડા પવનોને કારણે દિલ્હી-એનસીઆર, પંજાબ, હરિયાણા, રાજસ્થાન સહિત અનેક રાજ્યોમાં તાપમાન સામાન્ય કરતાં ઘણું નીચે ઉતરી ગયું છે. દિલ્હીના પાલમ વિસ્તારમાં લઘુત્તમ તાપમાન 3.0 ડિગ્રી સેલ્સિયસ નોંધાયું છે, જે 2013 પછીનું સૌથી ઓછું તાપમાન છે. હવામાન વિભાગે આગામી ત્રણ દિવસ માટે ઉત્તર પ્રદેશ, રાજસ્થાન, પંજાબ, હરિયાણા, ઉત્તરાખંડ, હિમાચલ પ્રદેશ, બિહાર અને આસામ સહિત 8 રાજ્યોમાં શીત લહેરની ચેતવણી જારી કરી છે. જમ્મુ-કાશ્મીર અને લદ્દાખમાં અનેક સ્થળોએ તાપમાન શૂન્યથી નીચે પહોંચી ગયું છે. રાજસ્થાનના પ્રતાપગઢમાં માઈનસ 2 ડિગ્રી અને બાડમેરમાં માઈનસ 1 ડિગ્રી સેલ્સિયસ નોંધાયું છે. પંજાબમાં ભટિંડા સૌથી ઠંડુ સ્થળ રહ્યું જ્યાં 1.6 ડિગ્રી તાપમાન નોંધાયું, જ્યારે…
ઉત્તરાયણ પહેલા અંબાલાલ પટેલની આગાહી: ગુજરાતના વાતાવરણમાં આવશે પલટો
ગુજરાતમાં હાલ હાડ થીજવતી ઠંડીનો અનુભવ થઈ રહ્યો છે. આવી સ્થિતિમાં જાણીતા હવામાન નિષ્ણાત અંબાલાલ પટેલે રાજ્યના હવામાનને લઈને મહત્વની આગાહી કરી છે. તેમના જણાવ્યા મુજબ પવનની ગતિ અને ઉત્તર પર્વતીય વિસ્તારોમાંથી આવતાં ઠંડા પવનના કારણે હાલ રાજ્યમાં ઠંડીનો ચમકારો યથાવત છે. અંબાલાલ પટેલે જણાવ્યું કે ન્યુક્લિયર એનર્જીના પ્રયોગો, માનવસર્જિત કારણો તેમજ કુદરતી ફેરફારોના કારણે પશ્ચિમી વિક્ષેપ (વેસ્ટર્ન ડિસ્ટર્બન્સ) પર અસર પડી રહી છે. એટલાન્ટિક મહાસાગરથી લઈને સહરાના રણ અને આરબ દેશો સુધીના વાતાવરણમાં થતા ફેરફારોની અસર ભારત સુધી જોવા મળી રહી છે. તેમના અનુમાન મુજબ 18 જાન્યુઆરી આસપાસ એક નવો પશ્ચિમી વિક્ષેપ સક્રિય થશે. જેના પરિણામે ગુજરાતમાં 18 થી 23 જાન્યુઆરી દરમિયાન વાદળછાયું વાતાવરણ રહેવાની શક્યતા છે. આ સમયગાળા દરમિયાન લઘુતમ તાપમાનમાં થોડો વધારો થવાથી…
પર્વતોમાં હિમવર્ષાથી મેદાનોમાં ઠંડક, ગાઢ ધુમ્મસ અને શીત લહેરે જનજીવન ખોરવ્યું
પશ્ચિમ હિમાલયના વિસ્તારોમાં વરસાદ અને ભારે હિમવર્ષાના કારણે ઉત્તર ભારતના મેદાની વિસ્તારોમાં કડકડતી ઠંડીનો પ્રભાવ વધી ગયો છે. બુધવારે સતત બીજા દિવસે પંજાબ, હરિયાણા અને રાષ્ટ્રીય રાજધાની દિલ્હી સહિત ઉત્તર ભારતના મોટા ભાગમાં તાપમાનમાં નોંધપાત્ર ઘટાડો થયો છે. ગાઢ ધુમ્મસ, ઠંડા પવનો અને સૂર્યપ્રકાશના અભાવે સામાન્ય જનજીવન પ્રભાવિત થયું છે. પંજાબ-હરિયાણામાં કડકડતી ઠંડી પંજાબ અને હરિયાણામાં ઠંડીનું મોજું યથાવત્ છે. રાજ્યના અનેક વિસ્તારોમાં તાપમાન 10 ડિગ્રી સેલ્સિયસથી નીચે નોંધાયું છે. અમૃતસરમાં મહત્તમ તાપમાન 10.4 ડિગ્રી સેલ્સિયસ નોંધાયું હતું, જ્યારે ભટિંડામાં લઘુત્તમ તાપમાન 4.6 ડિગ્રી સાથે સૌથી ઠંડુ સ્થાન રહ્યું. નારનૌલ (હરિયાણા)માં લઘુત્તમ તાપમાન 4 ડિગ્રી સેલ્સિયસ નોંધાયું. ગાઢ ધુમ્મસને કારણે દૃશ્યતા 10થી 150 મીટર સુધી ઘટી ગઈ, જેના કારણે ફ્લાઇટ્સ અને ટ્રાફિક પર અસર પડી. રાજ્ય…
નવા વર્ષમાં કેવો રહેશે કુદરતનો મિજાજ..! | GUJARATI NEWS BULLETIN
ભરશિયાળે ગુજરાત પર તોળાયું માવઠાનું સંકટ રાજ્યમાં છુટાછવાયા વરસાદની વકી કચ્છ, બનાસકાંઠા, પાટણમાં પડી શકે છે માવઠું જામનગર, મોરબી, દેવભૂમિ દ્વારકામાં માવઠાની શક્યતા ભારતીય હવામાન વિભાગની માવઠાની આગાહી અમદાવાદના કેટલાક વિસ્તારોમાં હળવા છાંટા પડ્યા ઠંડી સામે રક્ષણ માટે લોકોએ તાપણાનો સહારો લીધો અમીરગઢમાં કમોસમી વરસાદથી ધરતીપુત્રો ચિંતિત Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
રાજ્યમાં 31 ડિસેમ્બર અને 1 જાન્યુઆરીએ કમોસમી વરસાદની શક્યતા, જાણો હવામાન વિષે
ગુજરાત રાજ્યમાં વર્ષના અંતે અને નવા વર્ષની શરૂઆત સાથે કમોસમી વરસાદની શક્યતા વ્યક્ત કરવામાં આવી છે. હવામાન નિષ્ણાત પરેશ ગોસ્વામીના જણાવ્યા મુજબ 31 ડિસેમ્બર અને 1 જાન્યુઆરીના રોજ રાજ્યના અનેક વિસ્તારોમાં માવઠું પડી શકે છે. આ સાથે 2025ની વિદાય અને નવા વર્ષની શરૂઆત વરસાદી માહોલ સાથે થવાની સંભાવના છે. પરેશ ગોસ્વામીની આગાહી અનુસાર કચ્છના તમામ વિસ્તારોમાં કમોસમી વરસાદની અસર જોવા મળી શકે છે. જ્યારે સૌરાષ્ટ્રના મોરબી, સુરેન્દ્રનગર, રાજકોટ, જૂનાગઢ, પોરબંદર, દ્વારકા અને જામનગર જિલ્લામાં માવઠાની શક્યતા છે. દરિયાકાંઠાના ભાવનગર, અમરેલી અને ગીરસોમનાથમાં હળવા ઝાપટાં પડી શકે છે. આ ઉપરાંત ઉત્તર ગુજરાતના પાટણ તેમજ વાવ-થરાદ વિસ્તારમાં પણ સામાન્ય વરસાદની આગાહી કરવામાં આવી છે. રાજ્યમાં ઠંડીનું જોર વધ્યું રાજ્યભરમાં ઠંડીના પ્રમાણમાં સતત વધારો થઈ રહ્યો છે. તાપમાનના પારા…
ઉત્તર ભારતમાં ભારે ઠંડી અને ગાઢ ધુમ્મસનો કહેર, અનેક વિસ્તારોમાં તાપમાન 5 ડિગ્રીથી નીચે
ઉત્તર ભારતમાં ભારે ઠંડી અને ગાઢ ધુમ્મસે જનજીવન અસ્તવ્યસ્ત કરી દીધું છે. દિલ્હી સહિત પંજાબ, હરિયાણા અને રાજસ્થાનના અનેક વિસ્તારોમાં લઘુત્તમ તાપમાન 5 ડિગ્રી સેલ્સિયસથી નીચે ગગડી ગયું છે. દિલ્હીમાં લઘુત્તમ તાપમાન 6.3 ડિગ્રી સેલ્સિયસ નોંધાયું છે. ઉત્તર પ્રદેશ, બિહાર અને ઉત્તરાખંડમાં પણ ઠંડીનું મોજું ફરી વળ્યું છે, જ્યારે પહાડી વિસ્તારોમાં કડકડતી ઠંડી પડી રહી છે. લદ્દાખના દ્રાસમાં તાપમાન માઈનસ 14.2 ડિગ્રી સેલ્સિયસ સુધી ઘટી ગયું છે. રવિવારે સવારે પંજાબ અને ઉત્તર પ્રદેશના અનેક વિસ્તારોમાં ગાઢ ધુમ્મસને કારણે દૃશ્યતા 50 મીટરથી પણ ઓછી રહી. હવામાન વિભાગના જણાવ્યા અનુસાર, ઠંડા પવનોએ પંજાબ, હરિયાણા, ચંદીગઢ અને દિલ્હીથી લઈને મધ્યપ્રદેશ, છત્તીસગઢ અને ઝારખંડ સુધી લોકોને પરેશાન કર્યા છે. આસામના ગુવાહાટીમાં પણ ઠંડીની અસર જોવા મળી છે, જ્યારે આંદામાન અને…
ગાઢ ધુમ્મસને કારણે હવાઈ ટ્રાફિક ખોરવાયો: દિલ્હી એરપોર્ટ પરથી 110 ફ્લાઇટ્સ રદ, 370થી વધુ મોડી
રવિવારે દિલ્હીમાં ગાઢ ધુમ્મસ છવાઈ જતા ઇન્દિરા ગાંધી આંતરરાષ્ટ્રીય એરપોર્ટ (IGIA) પર હવાઈ સેવાઓ પર ગંભીર અસર જોવા મળી. દૃશ્યતા ઘટી જવાથી કુલ 110 ફ્લાઇટ્સ રદ કરવી પડી હતી, જેમાં 59 આગમન અને 51 પ્રસ્થાનની ફ્લાઇટ્સનો સમાવેશ થાય છે. એરપોર્ટ અધિકારીઓના જણાવ્યા અનુસાર, પ્રતિકૂળ હવામાનની અસર દિવસભર યથાવત રહી. ફ્લાઇટ ટ્રેકિંગ વેબસાઇટના ડેટા મુજબ, 370થી વધુ ફ્લાઇટ્સ મોડી પડી હતી. ખાસ કરીને પ્રસ્થાન કરતી ફ્લાઇટ્સમાં સરેરાશ 26 મિનિટનો વિલંબ નોંધાયો હતો. દિલ્હી એરપોર્ટના સંચાલક DIAL (Delhi International Airport Limited) દ્વારા સાંજે આપવામાં આવેલા નિવેદનમાં જણાવાયું હતું કે તમામ પડકારો વચ્ચે એરપોર્ટની કામગીરી શક્ય તેટલી સામાન્ય રીતે ચાલુ રાખવામાં આવી હતી. નોંધનીય છે કે IGIA દેશના સૌથી વ્યસ્ત એરપોર્ટોમાંનું એક છે, જ્યાં દરરોજ અંદાજે 1,300 ફ્લાઇટ્સનું સંચાલન…
