Bindiaસોના-ચાંદીના ભાવમાં ઐતિહાસિક ઉછાળો, સોનું ₹1,62,000ને સ્પર્શ્યું
બુધવારે રાત્રે એમસીએક્સ (MCX) પર સોના અને ચાંદીના ભાવમાં તેજી જોવા મળી છે. વૈશ્વિક સ્તરે યુદ્ધના તણાવ અને આર્થિક અનિશ્ચિતતાને કારણે રોકાણકારો સુરક્ષિત રોકાણની દિશા તરફ વળ્યા છે, જેના પરિણામે કિંમતી ધાતુઓના ભાવ આસમાને પહોંચ્યા છે. ચાંદીમાં ઐતિહાસિક ઉછાળો ચાંદીના ભાવમાં એક જ દિવસમાં ₹31,000નો ઉછાળો નોંધાયો. તેની સાથે ચાંદીનો ભાવ ₹3,75,000 પ્રતિ કિલો સુધી પહોંચી ગયો છે. બજારના નિષ્ણાતો જણાવે છે કે આ તેજી અત્યંત અપ્રતિમ છે અને આગામી સમયમાં ચાંદી ₹૪ લાખની સપાટી પણ સ્પર્શી શકે છે. સોનામાં 5% જેટલો જંગી ઉછાળો સોનામાં એક જ સેશનમાં ₹8,000નો વધારો જોવા મળ્યો, જે ટકાવારી પ્રમાણે લગભગ 5% જેટલો છે. આ ઉછાળાના કારણે સોનું 10 ગ્રામ માટે ₹1,62,000 ની સપાટી સુધી પહોંચી ગયું છે. આ તેજી પાછળના મુખ્ય કારણો – અમેરિકા-યુરોપ તણાવ: અમેરિકાના ટેરિફ્સ અને વેપાર યુદ્ધના ભયના કારણે સોનાની માંગ વધેલી. – વેનેઝુએલા સંઘર્ષ: વેનેઝુએલામાં વધતા તણાવને લીધે રોકાણકાર સુરક્ષિત એસેટ્સ તરફ વળ્યા. – ડોલરની નબળાઈ: અમેરિકન ડોલરની કીમત ઘટવાથી સોનું-ચાંદી જેવી સેફ હેવન એસેટ્સમાં રોકાણ વધ્યું. આ તાજેતરની તેજી બુલિયન માર્કેટના જૂના સમીકરણોને જમાઈ ગઈ છે. તહેવાર અને લગ્નની સીઝન પહેલા જ સોનું-ચાંદી સામાન્ય લોકોની પહોચથી દુર થઈ ગયું છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
Silver Price Today: ચાંદી $114 પહોંચતાં ઈતિહાસ, ભારતીય બજારમાં ભાવ ₹3.68 લાખ પ્રતિ કિલો
ચાંદીના ભાવમાં ફરી એકવાર ઇતિહાસ સર્જાયો છે. વૈશ્વિક બજારમાં ચાંદીએ તમામ રેકોર્ડ તોડી નાખતાં $100નો આંકડો પાર કર્યો છે. સોમવાર, 26 જાન્યુઆરીએ ચાંદીનો ભાવ $114 પ્રતિ ઔંસ સુધી પહોંચી ગયો, જે ભારતીય બજારમાં અંદાજે ₹3.68 લાખ પ્રતિ કિલોગ્રામ બરાબર છે. આ સ્તર ચાંદી માટે વૈશ્વિક બજારમાં અત્યાર સુધીની સૌથી ઊંચી સપાટી માનવામાં આવી રહી છે. Comexના આંકડા મુજબ, એક જ દિવસે ચાંદીમાં આશરે 13% અથવા $13.15નો ઉછાળો નોંધાયો છે. હવે સવાલ: શું ચાંદી ₹4 લાખ સુધી પહોંચશે? ચાંદીના ભાવમાં આવેલા આ જંગી ઉછાળાને જોતા બજારમાં એક મોટો પ્રશ્ન ઊભો થયો છે – શું આગામી થોડા દિવસોમાં ચાંદી ₹4 લાખ પ્રતિ કિલોગ્રામને વટાવી જશે? બજાર નિષ્ણાતો અનુસાર, હાલના વલણને જોતા તેનો જવાબ હા હોઈ શકે છે. ચાંદીના ભાવમાં તેજીના મુખ્ય કારણો નિષ્ણાતો માને છે કે અનેક પરિબળોએ મળીને ચાંદીના ભાવને મજબૂત ટેકો આપ્યો છે: – નબળો ડોલર: ડોલર ઇન્ડેક્સમાં ઘટાડાથી કિંમતી ધાતુઓમાં માંગ વધી – ઔદ્યોગિક માંગમાં વધારો: સોલાર, ઇલેક્ટ્રોનિક્સ અને ગ્રીન એનર્જીમાં ચાંદીની જરૂરિયાત – રોકાણકારોનો વધતો રસ: છૂટક અને સંસ્થાગત રોકાણકારોની ખરીદી – શોર્ટ કવરિંગ: શોર્ટ પોઝિશન ફસાતાં ભાવમાં અચાનક ઉછાળો – ચીનના નિકાસ નિયંત્રણો: પુરવઠા અંગેની ચિંતા – સેફ-હેવન ટ્રેન્ડ: ભૂરાજકીય અનિશ્ચિતતામાં ચાંદી પર વિશ્વાસ ફેડની નીતિથી પણ ચાંદીને ટેકો બજારને અપેક્ષા છે કે અમેરિકાની ફેડરલ રિઝર્વ હાલ વ્યાજદર યથાવત રાખશે, પરંતુ 2026માં બે વખત દર ઘટાડાની શક્યતા ભાવમાં પહેલેથી જ પ્રતિબિંબિત થઈ રહી છે. જો ફેડનું વલણ અનિશ્ચિત રહ્યું તો ચાંદીના ભાવને વધુ ટેકો મળી શકે છે. ચાંદી હાલમાં રોકાણકારોની પ્રથમ પસંદ બની રહી છે. મજબૂત માંગ, પુરવઠાની તંગી અને વૈશ્વિક અનિશ્ચિતતાને જોતા બજેટ પહેલાં ચાંદી ₹4 લાખ પ્રતિ કિલોગ્રામ સુધી પહોંચે તેવી શક્યતા નકારી શકાતી નથી. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
ચાંદીમાં એક જ દિવસમાં ₹17,000નો ભારે ઉછાળો, સોનાના ભાવમાં પણ જોરદાર વધારો
સોના અને ચાંદીના ભાવ હાલ રોકાણકારોને ચોંકાવી રહ્યા છે. કિંમતી ધાતુઓના ભાવમાં દરરોજ નવા રેકોર્ડ બની રહ્યા છે અને બજારમાં તેજીનો માહોલ જોવા મળી રહ્યો છે. રિટેલ રોકાણકારોથી લઈને મોટા રોકાણકારો સુધી સોના-ચાંદીમાં ભારે ખરીદી કરી રહ્યા છે. નિષ્ણાતોનું માનવું છે કે આ તેજી ટૂંકા ગાળાની નહીં પરંતુ લાંબા ગાળાની હોઈ શકે છે. ચાંદીના ભાવમાં એક જ દિવસે ₹17,000થી વધુનો ઉછાળો શુક્રવારે MCX પર ચાંદીના ભાવમાં અચાનક વિસ્ફોટક વધારો નોંધાયો હતો. 5 માર્ચના વાયદા માર્કેટમાં 1 કિલો ચાંદીની કિંમત એક જ દિવસે ₹17,145 વધીને ₹2,40,935 સુધી પહોંચી હતી. ટ્રેડિંગ દરમિયાન ચાંદીનો ભાવ લગભગ ₹19,000 વધીને ₹2,42,000 પ્રતિ કિલો સુધી પહોંચ્યો હતો. સોનામાં પણ તેજી બીજી તરફ સોનાના ભાવમાં પણ જોરદાર ઉછાળો જોવા મળ્યો. MCX પર 5 ફેબ્રુઆરીના વાયદા માટે 10 ગ્રામ સોનાનો ભાવ લગભગ ₹1,200 વધીને ₹1,39,940 સુધી પહોંચ્યો હતો. છેલ્લા કેટલાક દિવસોથી સોનાના ભાવ સતત વધતા જઈ રહ્યા છે. એક અઠવાડિયામાં સોના-ચાંદીમાં મોટો વધારો છેલ્લા એક અઠવાડિયામાં સોના અને ચાંદીના ભાવમાં ભારે વધારો નોંધાયો છે. 19 ડિસેમ્બરે 10 ગ્રામ સોનાનો ભાવ ₹1,34,196 હતો, જે હવે લગભગ ₹1.40 લાખની નજીક પહોંચ્યો છે. એટલે કે એક અઠવાડિયામાં સોનામાં અંદાજે ₹6,000નો વધારો થયો છે. એ જ રીતે, 19 ડિસેમ્બરે ચાંદીનો ભાવ ₹2,08,000 પ્રતિ કિલો હતો, જે હવે વધીને ₹2,40,000 સુધી પહોંચી ગયો છે. એટલે કે ચાંદીમાં એક અઠવાડિયામાં આશરે ₹32,000નો ઉછાળો આવ્યો છે. આગળ શું? નિષ્ણાતોનું માનવું છે કે વૈશ્વિક અનિશ્ચિતતા, મોંઘવારી અને સુરક્ષિત રોકાણ તરીકેની માંગને કારણે આગામી દિવસોમાં પણ સોના-ચાંદીના ભાવમાં વધુ તેજી જોવા મળી શકે છે અને નવા રેકોર્ડ તૂટવાની શક્યતા છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
સોના-ચાંદીના ભાવ ઐતિહાસિક સ્તરે: માર્કેટમાં ખરીદી ઠપ્પ, રોકાણકારોમાં ઉત્સાહ
સોના અને ચાંદીના ભાવોએ નવા રેકોર્ડ તોડી ઐતિહાસિક સપાટીએ પહોંચ્યા છે. વૈશ્વિક આર્થિક અનિશ્ચિતતા, ભૌગોલિક તણાવ અને સુરક્ષિત રોકાણ તરીકેની વધતી માંગના કારણે બુલિયન માર્કેટમાં ભાવ રોજબરોજ નવા ઊંચા સ્તરે પહોંચી રહ્યા છે. રાજકોટની સોનીબજારમાં 10 ગ્રામ સોનાનો ભાવ ₹1,41,000 અને ચાંદીનો ભાવ ₹2,20,000 પ્રતિ કિલોગ્રામ નોંધાયો છે. મુખ્ય માહિતી: – 24 કેરેટ સોનાનો બજાર ભાવ ₹1,38,500 પ્રતિ 10 ગ્રામ. – પ્રતિ ગ્રામ સોનાનો ભાવ ₹13,850થી વધુ. – આંતરરાષ્ટ્રીય બજારમાં સોનાનો ભાવ $4,400 પ્રતિ ઔંસ, જે ઐતિહાસિક ગણાય છે. – ચાંદીના વાયદા ભાવોએ પણ અગાઉના તમામ રેકોર્ડ તોડ્યા છે. બજાર નિષ્ણાતો કહે છે કે વૈશ્વિક રાજકીય તણાવ, ડોલરની નબળાઈ, અમેરિકી ફેડરલ રિઝર્વ દ્વારા વ્યાજદરમાં ઘટાડ અપેક્ષા અને સોનાને “સેફ હેવન” તરીકે વધતી માંગ આ તેજી પાછળ મુખ્ય કારણ છે. ચાંદીમાં ઔદ્યોગિક અને રોકાણ બંને માંગ વધતા ભાવ મજબૂત બન્યા છે. પ્રતિક્ષિત છે કે ટૂંકા ગાળે ભાવમાં થોડી અસ્થિરતા રહી શકે, પરંતુ લાંબા ગાળે સોના અને ચાંદીના ભાવ મજબૂત રહેવાની શક્યતા છે. વધતા ભાવને કારણે રિટેલ ખરીદી ઠપ્પ થઈ છે, જ્યારે રોકાણકારોમાં ઉત્સાહ વધ્યો છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
બુલિયન બજારમાં તેજીનો માહોલ : સોના-ચાંદીના ભાવમાં મોટો ઉછાળો, રોકાણકારોમાં ખુશીનો માહોલ
દિલ્હી બુલિયન બજારમાં બે દિવસની મંદી બાદ બુધવારે સોના અને ચાંદીના ભાવમાં તીવ્ર ઉછાળો નોંધાયો. રોકાણકારો અને વેપારીઓમાં ફરીથી ઉત્સાહનો માહોલ જોવા મળ્યો છે. ઓલ ઈન્ડિયા સરાફા એસોસિએશનના જણાવ્યા મુજબ, 99.9 ટકા શુદ્ધતા ધરાવતું સોનું ₹2,600 વધીને ₹1,24,400 પ્રતિ 10 ગ્રામ સુધી પહોંચી ગયું. તે જ રીતે, 99.5 ટકા શુદ્ધતા ધરાવતું સોનું ₹1,23,800 પ્રતિ 10 ગ્રામ થયું. મંગળવારે સોનાનો ભાવ ₹1,21,200 પ્રતિ 10 ગ્રામ હતો. ચાંદીના ભાવમાં પણ મોટો ઉછાળો જોવા મળ્યો. ₹6,700ના વધારા સાથે ચાંદી ₹1,51,700 પ્રતિ કિલો સુધી પહોંચી ગઈ, જ્યારે ગઈકાલે તે ₹1,45,000 પ્રતિ કિલો પર બંધ થઈ હતી. એચડીએફસી સિક્યોરિટીઝના સિનિયર કોમોડિટી એનાલિસ્ટ સૌમિલ ગાંધીએ જણાવ્યું કે, “સોનાના ભાવમાં થયેલો આ તીવ્ર ઉછાળો યુએસ ફેડરલ ઓપન માર્કેટ કમિટી (FOMC) ની નીતિ બેઠક પહેલાં રોકાણકારો દ્વારા વધતી ખરીદીના કારણે છે. કિંમતી ધાતુએ ફરીથી $4,000 પ્રતિ ઔંસની સપાટી મેળવી છે, જે સોનાની મજબૂત માંગનો સંકેત આપે છે.” વિદેશી બજારમાં પણ કિંમતી ધાતુઓમાં તેજી જોવા મળી. સ્પોટ ગોલ્ડ 1.95% અથવા $77.26 વધીને $4,029.53 પ્રતિ ઔંસ થયું. મંગળવારે તે ત્રણ દિવસના ઘટાડા બાદ $3,886 પ્રતિ ઔંસના સ્તરે બંધ થયું હતું. મીરે એસેટ શેરખાનના કોમોડિટીઝ અને કરન્સીના વડા પ્રવીણ સિંહે જણાવ્યું કે, “મધ્યપૂર્વમાં વધતા તણાવ અને ભૌગોલિક અનિશ્ચિતતાને કારણે રોકાણકારો સલામત આશ્રય તરીકે સોનું પસંદ કરી રહ્યા છે. આ જ કારણસર સોનાના ભાવમાં તેજી નોંધાઈ છે.” નિષ્ણાતોનું કહેવું છે કે જો આંતરરાષ્ટ્રીય બજારમાં આ જ રુઝાન ચાલુ રહ્યો, તો આગામી અઠવાડિયામાં સોનાના ભાવ ₹1,25,000 પ્રતિ 10 ગ્રામની સપાટી પાર કરી શકે છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/buletin_india FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
