Bindiaઈરાનમાં શોક અને દહેશત: ખામેનીના અંતિમ સંસ્કાર પર ઈઝરાયલી હુમલાનો ભય
ઈરાનના સર્વોચ્ચ નેતા આયાતુલ્લાહ અલી ખામેનીના નિધન બાદ સમગ્ર પશ્ચિમ એશિયામાં તણાવનો માહોલ ઊભો થયો છે. બુધવારે મોડી રાત્રે તેહરાનમાં યોજાનારા અંતિમ સંસ્કારને અચાનક મુલતવી રાખવાનો નિર્ણય લેવામાં આવ્યો છે, જે વૈશ્વિક સ્તરે ઘણી ચર્ચાઓ અને ચિંતાઓનો વિષય બની છે. ઈરાની પ્રશાસન અને ઇસ્લામિક વિકાસ સંકલન પરિષદના જણાવ્યા મુજબ, વિલંબ પાછળનું મુખ્ય કારણ માત્ર લોકોની મોટી સંખ્યા નહીં, પરંતુ ઈઝરાયેલ અને અમેરિકા દ્વારા સંભવિત હુમલાનો ભય છે. 1989માં ખોમેનીના અંતિમ સંસ્કારમાં કરોડો લોકો ઉમટી પડ્યાં હતાં. આ વખતે ખામેનીની લોકપ્રિયતા અને વર્તમાન યુદ્ધની સ્થિતિને જોતા સુરક્ષા સૌથી મોટો પડકાર બની ગઈ છે. અંતિમ સંસ્કાર અને દફનાની યોજના ખામેનીના વસિયતનામા અનુસાર, તેમનું દફન મશહદમાં ઈમામ રેઝા દરગાહ પાસે કરવામાં આવશે, જે શિયા ઈસ્લામમાં અત્યંત પવિત્ર સ્થાન ગણાય…
