BindiaBRICS સમિટ માટે દિલ્હીમાં ભેગા થશે વિશ્વના મોટા નેતાઓ, પુતિન અને જિનપિંગની મુલાકાત પર નજર
BRICS સમિટ માટે ભારત આગામી સપ્ટેમ્બરમાં મહત્વપૂર્ણ આંતરરાષ્ટ્રીય કૂટનીતિક કાર્યક્રમનું આયોજન કરવા જઈ રહ્યું છે. નવી દિલ્હીમાં યોજાનારી BRICS શિખર બેઠકમાં રશિયાના રાષ્ટ્રપતિ વ્લાદિમીર પુતિન, ચીનના રાષ્ટ્રપતિ શી જિનપિંગ અને ઈરાનના પ્રતિનિધિમંડળની હાજરીની શક્યતા વ્યક્ત કરવામાં આવી રહી છે. વૈશ્વિક રાજકારણમાં ચાલી રહેલા તણાવ, મિડલ ઈસ્ટની સ્થિતિ અને અમેરિકા સાથે વિવિધ દેશોના મતભેદ વચ્ચે આ બેઠકને ખૂબ જ મહત્વપૂર્ણ માનવામાં આવી રહી છે. BRICS સમિટ માટે ભારત 12 અને 13 સપ્ટેમ્બરના રોજ BRICS શિખર સંમેલનની યજમાની કરશે. આ બેઠકમાં વિશ્વની ઉभरતી અર્થવ્યવસ્થાઓના નેતાઓ એકત્રિત થશે અને વૈશ્વિક અર્થતંત્ર, વેપાર, સુરક્ષા તેમજ આંતરરાષ્ટ્રીય સહયોગ જેવા મહત્વપૂર્ણ મુદ્દાઓ પર ચર્ચા કરશે. BRICS સમિટ માટે શી જિનપિંગની ભારત યાત્રા પર સૌની નજર BRICS સમિટ માટે ચીનના રાષ્ટ્રપતિ શી જિનપિંગ BRICS સમિટમાં ભાગ લેવા માટે ભારત આવી શકે છે. જો તેમની મુલાકાત નક્કી થાય છે, તો કોવિડ-19 મહામારી અને 2020ના ગલવાન સરહદ વિવાદ બાદ આ તેમની પ્રથમ ભારત યાત્રા હશે. ભારત અને ચીન વચ્ચે છેલ્લા કેટલાક વર્ષોમાં સરહદ મુદ્દે તણાવ રહ્યો છે. ગલવાન ઘટનાએ બંને દેશોના સંબંધોમાં મોટી અસર પેદા કરી હતી. જોકે, તાજેતરના સમયમાં બંને દેશો વચ્ચે રાજદ્વારી સ્તરે વાતચીત અને સંબંધોમાં સુધારા માટે પ્રયાસો થયા છે. આવી સ્થિતિમાં શી જિનપિંગની સંભવિત ભારત મુલાકાતને દ્વિપક્ષીય સંબંધોને નવી દિશા આપનારી ઘટના તરીકે જોવામાં આવી રહી છે. BRICS સમિટ માટે પુતિનની હાજરીની પણ શક્યતા રશિયાના રાષ્ટ્રપતિ વ્લાદિમીર પુતિન પણ BRICS શિખર સંમેલનમાં ભાગ લે તેવી શક્યતા છે. ક્રેમલિન તરફથી પણ પુતિનની ભારત મુલાકાત અંગે સંકેત આપવામાં આવ્યા છે. ભારત અને રશિયા વચ્ચે લાંબા સમયથી વ્યૂહાત્મક સંબંધો રહ્યા છે. સંરક્ષણ, ઊર્જા, વેપાર અને આંતરરાષ્ટ્રીય મુદ્દાઓ પર બંને દેશો વચ્ચે સતત સહયોગ જોવા મળે છે. યુક્રેન યુદ્ધ બાદ બદલાયેલા વૈશ્વિક રાજકીય સમીકરણોમાં ભારત-રશિયા સંબંધો પર પણ સમગ્ર વિશ્વની નજર છે. BRICS સમિટ માટે ઈરાનની ભાગીદારી પણ મહત્વપૂર્ણ BRICSના વિસ્તરણ બાદ ઈરાન પણ આ સંગઠનનો સભ્ય દેશ છે. તેથી BRICS બેઠકમાં ઈરાનની ભાગીદારી પણ મહત્વપૂર્ણ રહેશે. જોકે, ઈરાન તરફથી કયા સ્તરનું પ્રતિનિધિમંડળ આવશે તે અંગે અંતિમ નિર્ણય હજુ બાકી છે. મિડલ ઈસ્ટમાં ચાલી રહેલા તણાવ અને આંતરરાષ્ટ્રીય રાજકારણમાં ઈરાનની ભૂમિકાને ધ્યાનમાં લેતા, BRICS બેઠકમાં ઈરાનની હાજરીને પણ મહત્વપૂર્ણ માનવામાં આવી રહી છે. SCO બેઠકમાં મોદી અને વૈશ્વિક નેતાઓની મુલાકાત BRICS સમિટ પહેલાં વડાપ્રધાન નરેન્દ્ર મોદી આગામી મહિને કિર્ગિસ્તાનમાં યોજાનારી શંઘાઈ સહયોગ સંગઠન (SCO) શિખર બેઠકમાં ભાગ લેશે. આ બેઠકમાં ભારત, રશિયા, ચીન અને ઈરાન સહિતના દેશોના નેતાઓ સામેલ થશે. SCO બેઠકમાં ક્ષેત્રીય સુરક્ષા, વેપાર, આતંકવાદ વિરોધી સહયોગ અને પશ્ચિમ એશિયાની સ્થિતિ જેવા મુદ્દાઓ પર ચર્ચા થવાની શક્યતા છે. અમેરિકા અને ઈરાન વચ્ચેના તણાવ બાદ યોજાનારી આ બેઠક આંતરરાષ્ટ્રીય સ્તરે મહત્વપૂર્ણ બની શકે છે. ભારત-ચીન સંબંધો માટે તક જો શી જિનપિંગ ભારત આવે છે તો આ મુલાકાત ભારત-ચીન સંબંધો માટે એક મહત્વપૂર્ણ કૂટનીતિક તક બની શકે છે. બંને દેશો વચ્ચે સરહદ વિવાદ હજુ પણ એક મોટો મુદ્દો છે, પરંતુ ઉચ્ચ સ્તરીય મુલાકાતો દ્વારા સંબંધોમાં સ્થિરતા લાવવાના પ્રયાસો થઈ શકે છે. નિષ્ણાતોનું માનવું છે કે BRICS જેવી બહુપક્ષીય બેઠકમાં બંને દેશોના નેતાઓ વચ્ચે અનૌપચારિક ચર્ચા થવાની શક્યતા પણ રહે છે, જે ભવિષ્યના સંબંધો માટે મહત્વપૂર્ણ બની શકે છે. પાકિસ્તાનને પણ મળી શકે છે ભારતનું ધ્યાન આ દરમિયાન પાકિસ્તાન તરફથી પણ ભારત સાથે જોડાયેલું એક મહત્વપૂર્ણ સંકેત સામે આવ્યું છે. પાકિસ્તાન 2027માં ઇસ્લામાબાદમાં યોજાનારી SCO શિખર બેઠક માટે વડાપ્રધાન નરેન્દ્ર મોદીને આમંત્રણ આપી શકે છે. પાકિસ્તાન સપ્ટેમ્બર 2026માં SCOની અધ્યક્ષતા સંભાળશે અને ત્યારબાદ 2027માં શિખર બેઠકની યજમાની કરશે. જો ભારત તરફથી આ આમંત્રણ સ્વીકારવામાં આવે છે તો તે બંને દેશોના સંબંધોમાં એક મહત્વપૂર્ણ રાજદ્વારી ઘટનાક્રમ બની શકે છે. વૈશ્વિક રાજકારણમાં ભારતની ભૂમિકા મજબૂત થશે BRICS અને SCO જેવી આંતરરાષ્ટ્રીય બેઠકોની યજમાની ભારતની વધતી વૈશ્વિક ભૂમિકાને દર્શાવે છે. અમેરિકા, ચીન, રશિયા અને અન્ય મોટા દેશો વચ્ચેના બદલાતા સંબંધોમાં ભારત એક મહત્વપૂર્ણ સંતુલનકારી ભૂમિકા ભજવી રહ્યું છે. દિલ્હીમાં યોજાનારી BRICS બેઠક દરમિયાન વૈશ્વિક અર્થતંત્ર, સુરક્ષા અને આંતરરાષ્ટ્રીય સહયોગ જેવા મુદ્દાઓ પર મોટા નિર્ણયો થઈ શકે છે. વિશ્વના મોટા નેતાઓની સંભવિત હાજરીને કારણે આ સમિટ પર સમગ્ર વિશ્વની નજર રહેશે. Follow us on WHATSAPP :- https://whatsapp.com/channel/0029Va4r… WEBSITE : https://bindia.co/ INSTAGRAM : https:// bindia.in FACEBOOK : https://www.facebook.com/buletinindialive X : https://x.com/bindia276
ઈરાન તરફથી હોર્મુઝ સ્ટ્રેટ બંધ કરવાની જાહેરાત, વૈશ્વિક બજારોમાં ચિંતા
મધ્ય પૂર્વમાં વધતા સૈન્ય તણાવ વચ્ચે Iranએ વ્યૂહાત્મક રીતે મહત્વપૂર્ણ હોર્મુઝ સ્ટ્રેટને બંધ કરવાની જાહેરાત કરતાં વિશ્વભરમાં ચિંતા ફેલાઈ ગઈ છે. ઈરાનની સૈન્ય સંસ્થા Islamic Revolutionary Guard Corps (IRGC) દ્વારા કડક ચેતવણી આપવામાં આવી છે કે આ જળમાર્ગમાંથી પસાર થનારા કોઈપણ જહાજને નિશાન બનાવવામાં આવી શકે છે. કડક ચેતવણી બાદ તણાવમાં વધારો ઈરાનના સૈન્ય અધિકારીઓએ જણાવ્યું છે કે જો કોઈ જહાજ હોર્મુઝ જળમાર્ગમાંથી પસાર થવાનો પ્રયાસ કરશે તો તેની સામે કડક કાર્યવાહી કરવામાં આવશે. આ નિવેદન બાદ આંતરરાષ્ટ્રીય સ્તરે ચિંતાનો માહોલ ઉભો થયો છે, કારણ કે આ માર્ગ વૈશ્વિક ઊર્જા પુરવઠા માટે જીવનરેખા સમાન છે. વિશ્વની ઊર્જા જીવનરેખા Strait of Hormuz પર્સિયન ગલ્ફને ઓમાનના અખાત સાથે જોડે છે. વિશ્વના કુલ તેલ વપરાશનો અંદાજે 20 ટકા હિસ્સો આ જ માર્ગ પરથી પસાર થાય છે. સાઉદી અરેબિયા, કુવૈત, ઈરાક, કતાર, બહેરીન અને સંયુક્ત આરબ અમીરાત માંથી નિકળતું તેલ અને ગેસ આ જ માર્ગ મારફતે આંતરરાષ્ટ્રીય બજારોમાં પહોંચે છે. ખાસ કરીને China સહિતના એશિયન દેશો આ સપ્લાય પર ભારે નિર્ભર છે. તેલના ભાવમાં તેજી શક્ય વિશ્લેષકોના મતે જો આ જળમાર્ગમાં અવરોધ ઊભો થાય તો આંતરરાષ્ટ્રીય બજારમાં ક્રૂડ ઓઈલના ભાવમાં તાત્કાલિક ઉછાળો આવી શકે છે. અગાઉ પણ ઈરાન દ્વારા હોર્મુઝ અંગે ધમકી આપવામાં આવતા બજારોમાં અસ્થિરતા જોવા મળી હતી. જો પરિસ્થિતિ લાંબા સમય સુધી યથાવત રહેશે તો વિશ્વભરમાં ઇંધણની અછત, પરિવહન ખર્ચમાં વધારો અને મોંઘવારી વધવાની શક્યતા છે. વૈશ્વિક અર્થતંત્ર પર અસર હોર્મુઝ સ્ટ્રેટ એક આંતરરાષ્ટ્રીય જળમાર્ગ છે, જ્યાં વેપારી જહાજોને પસાર થવાનો અધિકાર છે. છતાં હાલના ભૂરાજકીય તણાવને કારણે પરિસ્થિતિ ગંભીર બની શકે છે. નિષ્ણાતો ચેતવણી આપી રહ્યા છે કે જો આ સંકટ વધુ ગાઢ બનશે તો તેનો પ્રભાવ માત્ર મધ્ય પૂર્વ પૂરતો સીમિત નહીં રહે, પરંતુ વૈશ્વિક શેરબજાર અને અર્થતંત્ર પર પણ સીધી અસર પડશે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
સોના-ચાંદીના ભાવમાં ઐતિહાસિક ઉછાળો, સોનું ₹1,62,000ને સ્પર્શ્યું
બુધવારે રાત્રે એમસીએક્સ (MCX) પર સોના અને ચાંદીના ભાવમાં તેજી જોવા મળી છે. વૈશ્વિક સ્તરે યુદ્ધના તણાવ અને આર્થિક અનિશ્ચિતતાને કારણે રોકાણકારો સુરક્ષિત રોકાણની દિશા તરફ વળ્યા છે, જેના પરિણામે કિંમતી ધાતુઓના ભાવ આસમાને પહોંચ્યા છે. ચાંદીમાં ઐતિહાસિક ઉછાળો ચાંદીના ભાવમાં એક જ દિવસમાં ₹31,000નો ઉછાળો નોંધાયો. તેની સાથે ચાંદીનો ભાવ ₹3,75,000 પ્રતિ કિલો સુધી પહોંચી ગયો છે. બજારના નિષ્ણાતો જણાવે છે કે આ તેજી અત્યંત અપ્રતિમ છે અને આગામી સમયમાં ચાંદી ₹૪ લાખની સપાટી પણ સ્પર્શી શકે છે. સોનામાં 5% જેટલો જંગી ઉછાળો સોનામાં એક જ સેશનમાં ₹8,000નો વધારો જોવા મળ્યો, જે ટકાવારી પ્રમાણે લગભગ 5% જેટલો છે. આ ઉછાળાના કારણે સોનું 10 ગ્રામ માટે ₹1,62,000 ની સપાટી સુધી પહોંચી ગયું છે. આ તેજી પાછળના મુખ્ય કારણો – અમેરિકા-યુરોપ તણાવ: અમેરિકાના ટેરિફ્સ અને વેપાર યુદ્ધના ભયના કારણે સોનાની માંગ વધેલી. – વેનેઝુએલા સંઘર્ષ: વેનેઝુએલામાં વધતા તણાવને લીધે રોકાણકાર સુરક્ષિત એસેટ્સ તરફ વળ્યા. – ડોલરની નબળાઈ: અમેરિકન ડોલરની કીમત ઘટવાથી સોનું-ચાંદી જેવી સેફ હેવન એસેટ્સમાં રોકાણ વધ્યું. આ તાજેતરની તેજી બુલિયન માર્કેટના જૂના સમીકરણોને જમાઈ ગઈ છે. તહેવાર અને લગ્નની સીઝન પહેલા જ સોનું-ચાંદી સામાન્ય લોકોની પહોચથી દુર થઈ ગયું છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
અમેરિકન એરલાઇન્સ પર શિયાળાના તોફાનનો પ્રકોપ: ₹1,600 કરોડથી વધુનું નુકસાન, છતાં શેરબજારમાં ઉછાળો
અમેરિકન એરલાઇન્સ (American Airlines) હાલમાં ભીષણ શિયાળાના તોફાન અને આર્થિક પડકારના વચ્ચે લડી રહી છે. તોફાનને કારણે કંપનીને આશરે 150-200 મિલિયન ડોલર (₹1,200-1,600 કરોડ)નું નુકસાન થવાની ભીતિ છે. બરફના પ્રકોપના કારણે અત્યાર સુધી 9,000 થી વધુ ફ્લાઇટ્સ રદ કરવી પડી છે, જે કંપનીના ઇતિહાસમાં હવામાન સંબંધિત સૌથી મોટો અવરોધ છે. તોફાનના આંચકા છતાં, શેરબજારમાં કંપનીના શેરમાં 3%થી વધુનો ઉછાળો જોવા મળ્યો છે. તેના પાછળનું મુખ્ય કારણ કંપની દ્વારા 2026 માટે નફાની આશાવાદી આગાહી છે. એરલાઇન્સે જણાવ્યું છે કે સામાન્ય મુસાફરો ખર્ચમાં કાપ મૂકી રહ્યા છે, પરંતુ ધનિક ગ્રાહકો (પ્રીમિયમ અને કોર્પોરેટ મુસાફરો) હાઈ-માર્જિન સેવાઓ માટે વધુ ખર્ચ કરવા તૈયાર છે. લાંબા સમય બાદ કોર્પોરેટ ટ્રાવેલમાં પણ મજબૂત રિકવરી જોવા મળી છે. કંપનીએ 2026 માટે પ્રતિ શેર $1.70 થી $2.70 નફો ગણાવ્યો છે, જે બજારની અપેક્ષા કરતા ઘણો વધારે છે. ગત વર્ષે યુએસ સરકારના શટડાઉનને કારણે કંપનીને $325 મિલિયનનો ફટકો લાગ્યો હતો. તોફાન અને આર્થિક પડકાર વચ્ચે, અમેરિકન એરલાઇન્સ પ્રીમિયમ સર્વિસ અને હાઈ-એન્ડ ટ્રાવેલ પર ધ્યાન કેન્દ્રિત કરીને ડેલ્ટા અને યુનાઇટેડ જેવી હરીફ કંપનીઓને ટક્કર આપવા સજ્જ છે. નિષ્ણાતોનું કહેવું છે કે આ આકાંક્ષી વલણ રોકાણકારોમાં નવો વિશ્વાસ જગાડશે અને 2026માં કંપની માટે વધુ મજબૂત નફો લાવશે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
દુનિયામાં ટ્રેડ, ટેકનોલોજી અને રેયર અર્થ મિનરલ્સ હથિયાર બની રહ્યા છે: PM મોદી, India–EU FTA નું મહત્વ સમજાવ્યું
ભારત–યુરોપિયન યુનિયન (EU) બિઝનેસ ફોરમમાં વડાપ્રધાન નરેન્દ્ર મોદીએ વૈશ્વિક અર્થવ્યવસ્થાના બદલાતા પરિસ્થિતિ પર ગંભીર સંબોધન કર્યું. તેમણે જણાવ્યું કે આજે વેપાર, ટેક્નોલોજી અને રેયર અર્થ મિનરલ્સનો ઉપયોગ હથિયાર તરીકે થઈ રહ્યો છે. તેમ છતાં, વડાપ્રધાન મોદીએ કોઈ દેશનું નામ લીધું નહોતું, પરંતુ તેમના નિવેદનને ડોનાલ્ડ ટ્રમ્પની આક્રમક ટ્રેડ અને ટેરિફ નીતિઓ માટે પરોક્ષ સંકેત તરીકે જોવામાં આવી રહ્યું છે. વડાપ્રધાન મોદીએ India–EU વચ્ચે થયેલા ઐતિહાસિક ફ્રી ટ્રેડ એગ્રીમેન્ટ (FTA)ને “નવા યુગની શરૂઆત” ગણાવી અને જણાવ્યું કે આ કરાર માત્ર આર્થિક સહયોગ પૂરતો સીમિત નથી, પરંતુ વૈશ્વિક સ્તરે વિશ્વસનીય, સ્થિર અને ભવિષ્યમુખી સપ્લાય ચેઇનનું નિર્માણ કરવાનું મહત્વપૂર્ણ પગલું છે. તેમણે આંકડાઓ સાથે India–EU સંબંધોની ઊંડાઈ દર્શાવી. EU ના દેશોમાં ભારતીય રોકાણ આશરે 40 અબજ યુરો છે, જ્યારે 6,000 થી વધુ યુરોપિયન કંપનીઓ ભારતમાં કાર્યરત છે. આ સાથે, યુરોપમાં લગભગ 1,500 ભારતીય કંપનીઓ સક્રિય છે. છેલ્લા દસ વર્ષમાં India–EU વચ્ચે વેપાર 180 બિલિયન યુરો સુધી પહોંચ્યો છે. FTAના લાભોમાં શ્રમ-આધારિત ઉદ્યોગો, ટેક્સટાઇલ, રત્ન અને આભૂષણ, ઓટો પાર્ટ્સ, એન્જિનિયરિંગ પ્રોડક્ટ્સ, કૃષિ અને मत્સ્યઉદ્યોગને યુરોપિયન બજારમાં વિસ્તૃત પ્રવેશ મળશે, જેનાથી ખેડૂતો અને માછીમારોની આવકમાં વધારો શક્ય છે. IT, એજ્યુકેશન, બિઝનેસ સર્વિસીસ અને ટ્રેડિશનલ મેડિસિન ક્ષેત્રોમાં પણ નવી તકો ઊભી થશે. વડાપ્રધાન મોદીએ ગ્રીન એનર્જી અને સસ્ટેનેબલ ડેવલપમેન્ટ પર ભાર મુક્યો અને ગ્રીન હાઈડ્રોજન, સોલર એનર્જી, સર્ક્યુલર ઇકોનોમી, વોટર મેનેજમેન્ટ અને એગ્રીકલ્ચર ક્ષેત્રોમાં સંયુક્ત સંશોધન અને રોકાણ વધારવાની અપીલ કરી. તેમણે પૂછ્યું કે શું ભારત અને યુરોપ મળીને ઇલેક્ટ્રિક વાહનો, બેટરી, સેમિકન્ડક્ટર ચિપ્સ જેવા ક્ષેત્રોમાં બાહ્ય નિર્ભરતા ઘટાડીને વિશ્વસનીય સપ્લાય ચેઇન બનાવી શકે? PM મોદીએ આ કરારને વિશ્વ માટે મજબૂત સંદેશ તરીકે વર્ણવ્યું અને જણાવ્યું કે India–EU FTA બિઝનેસ, નોકરીઓ અને નવી વૃદ્ધિ માટે નવી તકો લાવશે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
ભારત-યુરોપિયન યુનિયન ટ્રેડ ડીલને લઇ અમેરિકા આક્રમક, ટ્રમ્પના નાણામંત્રીએ યુરોપને ‘ધોખેબાજ’ ગણાવ્યા
ભારત અને યુરોપિયન યુનિયન (EU) વચ્ચેના મુક્ત વ્યાપાર કરાર (FTA) માટેની વાટાઘાટો સફળતાપૂર્વક પૂર્ણ થતા જ અંતરરાષ્ટ્રીય રાજકીય તણાવ સર્જાઇ ગયો છે. ડોનાલ્ડ ટ્રમ્પના નેતૃત્વવાળી અમેરિકી સરકારના નાણામંત્રી સ્કૉટ બેસેન્ટે યુરોપિયન દેશો પર અગ્રેસિવ ટિપ્પણીઓ કરતાં આક્રોશ વ્યક્ત કર્યો. અમેરિકી નાણામંત્રીની ચિંતા: સ્કૉટ બેસેન્ટે જણાવ્યું કે, “અમારે રશિયા પાસેથી તેલ ખરીદવા બદલ ભારત પર 25% થી લઈને 50% સુધી ટેરિફ લગાવ્યા, પરંતુ યુરોપિયન દેશો તેની સામે ઊભા રહેવાને બદલે ભારત સાથે વ્યાપારિક સોદાઓ કરી રહ્યા છે.” તેમણે યુરોપીયન દેશો પર આરોપ લગાવ્યો કે તેઓ રશિયાના તેલ માધ્યમથી પરોક્ષ રીતે પોતાના જ વિરુદ્ધ યુદ્ધનું ફંડિંગ કરી રહ્યા છે. આથી સ્પષ્ટ થાય છે કે યુએસ-ભારત વ્યાપાર વાટાઘાટો ધીમા રહી રહ્યા છે, જ્યારે યુરોપે બાજી મારી લીધી છે. ભારત-ઈયુ ટ્રેડ ડીલની વિશેષતાઓ: – આ વાટાઘાટો 2007થી ચાલી રહ્યા હતા, એટલે કે 18 વર્ષ પછી સફળતા મળી. – આ ડીલ ભારતીય અર્થતંત્ર માટે સંતુલિત અને ભવિષ્યલક્ષી છે. – ડીલથી બંને પક્ષો વચ્ચે રોકાણ અને રોજગારીની નવી તકો ઊભી થશે. – હાલ કાયદાકીય તપાસ ચાલી રહી છે, અને વર્ષ 2026માં હસ્તાક્ષર થવાની સંભાવના છે. પીએમ મોદી અને યુરોપિયન નેતાઓ વચ્ચે શિખર બેઠક: આ ઐતિહાસિક કરારની ઔપચારિક જાહેરાત 27 જાન્યુઆરીએ ભારત-યુરોપિયન યુનિયન શિખર સંમેલનમાં કરવામાં આવશે. PM નરેન્દ્ર મોદી યુરોપિયન કમિશનના પ્રમુખ ઉર્સુલા વૉન ડેર લેયેન અને યુરોપિયન કાઉન્સિલના પ્રમુખ એન્ટોનિયો કોસ્ટા સાથે ઉચ્ચ સ્તરીય બેઠક યોજશે. કરારને અમલમાં લાવવા માટે યુરોપિયન સંસદની મંજૂરી જરૂરી છે, જ્યારે ભારતમાં કેન્દ્રીય કેબિનેટની સંમતિ બાદ તે 2027ની શરૂઆતથી પ્રભાવી બની શકે છે. ભારત વૈશ્વિક સ્તરે આર્થિક મહાસત્તા બનવાની દિશામાં દ્રઢપદે આગળ વધી રહ્યું છે. આ ડીલથી યુરોપ સાથેના વ્યાપાર સંબંધ મજબૂત થશે, જ્યારે અમેરિકાની આ નારાજગી આંતરરાષ્ટ્રીય રાજકારણમાં નવા સમીકરણો ઉભા કરી શકે છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
ટ્રમ્પની ‘ગ્રીનલેન્ડ હઠ’ સામે યુરોપનો કડક પ્રહાર: અમેરિકા-યુરોપ ટ્રેડ ડીલ રદ, વૈશ્વિક અર્થતંત્રમાં ખળભળાટ
વિશ્વની મહાસત્તા અમેરિકા અને યુરોપિયન યુનિયન વચ્ચે ફરી એકવાર મોટો રાજકીય અને આર્થિક ટકરાવ સર્જાયો છે. અમેરિકાના રાષ્ટ્રપતિ ડોનાલ્ડ ટ્રમ્પ દ્વારા ગ્રીનલેન્ડને અમેરિકામાં સામેલ કરવાની ખુલ્લી અને આક્રમક ધમકી બાદ યુરોપિયન યુનિયન લાલઘૂમ બની છે. તેના પ્રત્યાઘાતરૂપે યુરોપે અમેરિકા સાથેની મહત્વપૂર્ણ ટેરિફ ટ્રેડ ડીલ તાત્કાલિક અસરથી રદ કરી દીધી છે. આ નિર્ણયને વૈશ્વિક કૂટનીતિમાં ભૂકંપ સમાન ઘટના માનવામાં આવી રહી છે. શું છે સમગ્ર વિવાદ? ડોનાલ્ડ ટ્રમ્પ અગાઉના કાર્યકાળથી જ ગ્રીનલેન્ડ ખરીદવાની ઈચ્છા વ્યક્ત કરતા આવ્યા છે. પરંતુ આ વખતે તેમણે માત્ર ખરીદી નહીં, પરંતુ બળજબરીથી ગ્રીનલેન્ડ ‘હસ્તગત’ કરવાની ચીમકી પણ ઉચ્ચારી છે. ગ્રીનલેન્ડ ભૌગોલિક રીતે ઉત્તર અમેરિકાની નજીક હોવા છતાં રાજકીય રીતે ડેન્માર્ક અને યુરોપિયન યુનિયન સાથે જોડાયેલું સ્વાયત્ત ક્ષેત્ર છે. ટ્રમ્પનું માનવું છે કે ગ્રીનલેન્ડ વ્યૂહાત્મક રીતે અને કુદરતી સંસાધનોની દ્રષ્ટિએ અમેરિકા માટે અત્યંત મહત્વનું છે. જોકે, યુરોપે આ નિવેદનને સાર્વભૌમત્વ પર સીધો હુમલો ગણાવ્યો છે. યુરોપિયન યુનિયનનો જડબાતોડ જવાબ ટ્રમ્પના નિવેદન બાદ બ્રસેલ્સમાં ઉચ્ચસ્તરીય બેઠકો યોજાઈ હતી. ત્યારબાદ યુરોપિયન યુનિયને અમેરિકાની દાદાગીરી સામે કડક વલણ અપનાવતા અમેરિકા સાથેની ટેરિફ ટ્રેડ ડીલ સ્થગિત કરી દીધી. આ ડીલ દ્વારા અમેરિકન કંપનીઓને યુરોપના બજારમાં જકાતમાં મોટી રાહત મળતી હતી. હવે આ નિર્ણયથી અમેરિકન નિકાસકારોને અબજો ડોલરનું નુકસાન થવાની શક્યતા છે. વિશ્લેષકો માને છે કે આ પગલું ટ્રમ્પની “America First” નીતિ સામેનો અત્યાર સુધીનો સૌથી મોટો પડકાર છે. સોશિયલ મીડિયા પર ઉગ્ર પ્રતિક્રિયાઓ – આ સમાચાર સામે આવતા જ ‘X’ (ટ્વિટર), ફેસબુક અને અન્ય ડિજિટલ પ્લેટફોર્મ પર ચર્ચાનો વંટોળ સર્જાયો છે. – ઘણા પત્રકારો આ ઘટનાને “નવા ટ્રેડ વોરની શરૂઆત” કહી રહ્યા છે – કેટલાક વિશ્લેષકો માને છે કે આ વિવાદ નાટો (NATO) જેવા સૈન્ય સંગઠનમાં પણ તિરાડ પાડી શકે છે – “Greenland Not For Sale” જેવા હેશટેગ્સ ટ્રેન્ડ કરી રહ્યા છે હવે આગળ શું? ટ્રમ્પના વળતા પ્રહાર પર નજર હવે સમગ્ર વિશ્વની નજર વ્હાઈટ હાઉસ તરફ છે. રાજકીય નિષ્ણાતો માને છે કે ટ્રમ્પ સ્વભાવથી પીછેહઠ કરનારા નેતા નથી. શક્યતા છે કે તેઓ યુરોપિયન કાર, ટેક્નોલોજી અને અન્ય ઉત્પાદનો પર ભારે આયાત વેરો (Import Duty) લગાવી શકે. જો આવું થાય તો વિશ્વ એક ભયંકર ‘ટ્રેડ વોર’ તરફ આગળ વધશે, જેની સીધી અસર વૈશ્વિક શેરબજારો, મોંઘવારી, સામાન્ય જનજીવન પર પડશે. ગ્રીનલેન્ડ મુદ્દે શરૂ થયેલો આ વિવાદ હવે માત્ર રાજકીય નહીં, પરંતુ વૈશ્વિક આર્થિક સંકટનું સ્વરૂપ ધારણ કરી રહ્યો છે. યુરોપ અને અમેરિકા વચ્ચે વધતો તણાવ આગામી દિવસોમાં દુનિયાની દિશા નક્કી કરી શકે છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
વિકાસશીલથી વિકસિત તરફ ભારતની યાત્રા ! | TO THE TOPIC | GUJARATI NEWS BULLETIN
ભારત હવે વિશ્વની ચોથી સૌથી મોટી અર્થવ્યવસ્થા જાપાનને પાછળ છોડ્યું એવો કેન્દ્ર સરકારનો દાવો 2030 સુધીમાં જર્મનીથી પણ આગળ નીકળીશે ભારત વૈશ્વિક એજન્સીઓનો GDPમાં સતત વૃદ્ધિનો અંદાજ બેરોજગારીમાં ઘટાડાનો ટ્રેન્ડ છે અને નિકાસ પ્રદર્શનમાં સુધારો 2047 સુધીમાં ઉચ્ચ મધ્યમ-આવક ધરાવતો દેશ બનવાનું લક્ષ્ય Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
જાપાનને પાછળ છોડી ભારત વિશ્વની ચોથી સૌથી મોટી અર્થવ્યવસ્થા બન્યું
સરકારે તાજેતરમાં જ પ્રસિદ્ધ કરેલા આર્થિક સમીક્ષા રિપોર્ટ અનુસાર, ભારતે જાપાનને પાછળ છોડી, કુલ ઘરેલુ ઉત્પાદન (GDP)ના આધારે વિશ્વની ચોથી સૌથી મોટી અર્થવ્યવસ્થા તરીકે પોતાનું સ્થાન મજબૂત કર્યું છે. સરકારના જણાવ્યા મુજબ, ભારતની GDP લગભગ 4.18 ટ્રિલિયન ડોલર સુધી પહોંચી છે. આ સાથે ભારત અમેરિકા, ચીન અને જર્મની પછી વૈશ્વિક આર્થિક ક્રમમાં ચોથા ક્રમે આવી ગયું છે. આ આંકડાઓની અંતિમ પુષ્ટિ આંતરરાષ્ટ્રીય નાણાકોષ (IMF) 2026ની પ્રથમ છમાસિકમાં કરશે. છેલ્લા દસ વર્ષમાં ભારતની અર્થવ્યવસ્થાનો કદ લગભગ દોગણો થયો છે. મેન્યુફેક્ચરિંગ, સર્વિસ સેક્ટર, ઇન્ફ્રાસ્ટ્રક્ચર અને ડિજિટલ અર્થતંત્રમાં થયેલા સુધારાઓએ વૃદ્ધિને મજબૂત આધાર આપ્યો છે. वित્ત વર્ષ 2025–26ની બીજી ત્રિમાસિકમાં GDP વૃદ્ધિ દર 8.2% નોંધાઈ, જે છેલ્લા છ વર્ષમાં સૌથી વધુ છે. મજબૂત ઘરેલુ માંગ, ઉપભોક્તા ખર્ચ, રોકાણમાં વધારો અને સંસ્થાગત સુધારાઓએ અર્થતંત્રને સ્થિરતા આપી છે. સરકારએ આ સ્થિતિને ‘ગોલ્ડીલોક્સ’ પરિસ્થિતિ તરીકે વર્ણવી છે, જેમાં વિકાસ અને મોંઘવારી વચ્ચે સંતુલન જોવા મળે છે. હાલની વૃદ્ધિ જળવાઈ રહે તો આગામી 2–3 વર્ષમાં ભારત જર્મનીને પણ પાછળ છોડી, વિશ્વની ત્રીજી સૌથી મોટી અર્થવ્યવસ્થા બની શકે છે, જેમાં GDP લગભગ 7.3 ટ્રિલિયન ડોલર સુધી પહોંચવાની શક્યતા છે. આ સિદ્ધિ માત્ર આર્થિક સફળતા નહીં, પણ વૈશ્વિક વિશ્વાસનો પણ પ્રતિક છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
ભારત-રશિયા ઊર્જા સહયોગ મજબૂત, પૂર્વ રાજદૂત અજય મલ્હોત્રાએ આપ્યું નિવેદન
ભૂતપૂર્વ ભારતીય રાજદૂત અજય મલ્હોત્રાએ રશિયામાં જણાવ્યું કે ભારત અને રશિયા વચ્ચે તેલ અને ગેસ સહિત અનેક ક્ષેત્રોમાં લાંબા સમયથી મજબૂત સહયોગ છે. તેમણે જણાવ્યા પ્રમાણે, ભારતે રશિયન તેલ અને ગેસમાં આશરે $18 બિલિયનનું રોકાણ કર્યું છે, અને રશિયન કંપનીઓ પણ ભારતમાં નોંધપાત્ર પ્રમાણમાં રોકાણ કરી રહી છે. અજય મલ્હોત્રાએ જણાવ્યું કે, અમેરિકા દ્વારા લાગવામાં આવેલા એકપક્ષીય પ્રતિબંધો કેટલીક કંપનીઓની નિર્ણય પ્રક્રિયાને પ્રભાવિત કરી રહ્યા છે. તેમ છતાં, તેમણે કહ્યું કે રાષ્ટ્રીય હિતને પહેલા જોવું જોઈએ અને જરૂરી હોય તો ચોક્કસ વસ્તુઓ કે ઉત્પાદનોની આયાત આગળ વધારવી જોઈએ, અને અમેરિકન મુક્તિ મેળવવાની જરૂર નથી. તેઓએ ઉલ્લેખ કર્યો કે વિશ્વભરમાં ટેરિફ અને પ્રતિબંધો માત્ર દબાણ બનાવવા માટે છે, અને ભારતે પોતાના આર્થિક અને રાષ્ટ્રીય હિતને પ્રાથમિકતા આપવી જોઈએ. આ નિવેદનથી સ્પષ્ટ થાય છે કે ભારત-રશિયા ઊર્જા સહયોગ મજબૂત છે અને તે ભારતના ઊર્જા સુરક્ષામાં મહત્વપૂર્ણ ભૂમિકા ભજવે છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
