ગુજરાતમાં ભારે વરસાદની આગાહી, હવામાન વિભાગે ઓરેન્જ અને યલો એલર્ટ જાહેર કર્યો
ગુજરાતમાં હવામાન વિભાગે આગામી દિવસો માટે ભારે વરસાદની આગાહી કરી છે. અરબ સાગરમાં સક્રિય ડિપ્રેશનને કારણે રાજ્યમાં આગામી 4થી 6 દિવસ સુધી વરસાદી માહોલ રહેવાની શક્યતા છે. હવામાન વિભાગે સૌરાષ્ટ્ર અને દક્ષિણ ગુજરાત માટે અતિભારે વરસાદ અંગે ઓરેન્જ અને યલો એલર્ટ જાહેર કર્યા છે. રાજ્યના દરિયાકાંઠાના વિસ્તારોમાં LC3 સિગ્નલ લાગુ કરવામાં આવ્યો છે. તાપમાનમાં બેથી ત્રણ ડિગ્રીનો ઘટાડો શક્યતા સાથે આવી રહી છે. સૌરાષ્ટ્ર અને દક્ષિણ ગુજરાતમાં ભારે વરસાદ મોડીરાતથી કેન્દ્રશાસિત પ્રદેશ દીવ અને ગીર પંથકના ઉના, ગીર ગઢડા, તાલાલા સહિતના વિસ્તારોમાં કમોસમી વરસાદ નોંધાયો છે. અમરેલી, ભાવનગર, વડોદરા, ખેડા અને સુરતના અનેક વિસ્તારોમાં ધોધમાર વરસાદ વરસ્યો છે. ખેડૂતોના તૈયાર થયેલા ડાંગરના પાકને નુકસાન પહોંચવાનું ભય છે. દરિયામાં પણ મોજા 6 થી 8 ફૂટ ઉછળ્યા હતા, જે દરિયામાં કરંટને વધારવા માટે જવાબદાર છે. 67 તાલુકામાં કમોસમી વરસાદ નોંધાયો સરકારી આંકડા અનુસાર સવારના 6 થી 2 વાગ્યા સુધીમાં 67 તાલુકામાં કમોસમી વરસાદ નોંધાયો છે. સૌથી વધુ છોટા ઉદેપુરના કવાંટમાં 1.42 ઇંચ વરસાદ નોંધાયો, જ્યારે સૌથી ઓછો તાપીના વાલોદમાં માત્ર 1 મિમી વરસાદ નોંધાયો. દરિયામાં ભારે કરંટ અને માછીમાર માટે ચેતવણી અરબી સમુદ્રમાં સર્જાયેલા લો પ્રેશરના કારણે દરિયામાં ભારે કરંટ જોવા મળ્યા છે. મોજા 6 થી 8 ફૂટ ઉછળતા જોવા મળ્યા છે. દરિયામાં સલામતીને ધ્યાનમાં રાખીને માછીમારોને દરિયામાં જવાની મનાઈ કરવામાં આવી છે. હવામાન વિભાગે માછીમારો અને દરિયા પારિશ્રમિકોને સાવચેતી રાખવા સલાહ આપી છે. રાજ્યના સરકાર અને વહીવટીતંત્રે ખેડૂતો અને સ્થાનિક લોકોને આગાહી અને જાગૃતિ માટે તત્પરતા જાળવવાની સૂચના આપી છે. તમામ નુકશાન ઘટાડવા અને સુરક્ષાને પ્રાથમિકતા આપતા પગલાં લેવામાં આવી રહ્યા છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/buletin_india FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
બંગાળની ખાડીમાં લો પ્રેશર અને અરબી સમુદ્રમાં ડિપ્રેશન, ગુજરાતના બંદરો પર ભય સૂચક સિગ્નલ
હવામાન વિભાગે ચેતવણી આપી છે કે અરબી સમુદ્રના મધ્ય ભાગમાં એક નવું ડિપ્રેશન (Depression) અને બંગાળની ખાડીમાં લો પ્રેશર સિસ્ટમ સક્રિય થઈ છે. આ હવામાન પરિવર્તનના કારણે ગુજરાતના દરિયાકાંઠા વિસ્તારમાં આગામી બે દિવસ સુધી વરસાદ અને તેજ પવનની સંભાવના વ્યક્ત કરવામાં આવી છે. અરબી સમુદ્રનું તાજું અપડેટ ભારતીય હવામાન વિભાગ (IMD) અનુસાર, અરબી સમુદ્રનું ડિપ્રેશન હાલમાં ગોવાના પણજીથી લગભગ 360 કિલોમીટર દક્ષિણ-દક્ષિણપશ્ચિમમાં કેન્દ્રિત છે. આ સિસ્ટમ ઉત્તરપૂર્વ દિશામાં પ્રતિ કલાક 20 કિલોમીટરની ઝડપે આગળ વધી રહી છે. ગુજરાતના બંદરો પર ભય સૂચક સિગ્નલ હવામાન વિભાગે દરિયાકાંઠાના બંદરો પર ચેતવણી જાહેર કરી છે. પોરબંદર અને ઓખા બંદર પર નંબર 3 ભય સૂચક સિગ્નલ લગાવવા સૂચના આપવામાં આવી છે. જ્યારે જખૌ, માંડવી, મુંદ્રા, ન્યુ કંડલા, સિક્કા, નવલખી, જામનગર અને સલાયા બંદરો પર નંબર 1 ભય સૂચક સિગ્નલ લગાવવામાં આવ્યું છે. વરસાદ અને પવનની આગાહી હવામાન નિષ્ણાતોના અનુમાન મુજબ 25 અને 26 ઓક્ટોબર દરમિયાન દરિયાકાંઠાના વિસ્તારોમાં હળવા થી મધ્યમ વરસાદની સંભાવના છે. દરિયાકાંઠે 35 થી 45 કિલોમીટર પ્રતિ કલાકની ઝડપે પવન ફૂંકાઈ શકે છે અને કેટલાક સમયે 55 કિલોમીટર પ્રતિ કલાક સુધીની તીવ્રતા જોવા મળી શકે છે. IMD નો તાજો અહેવાલ IMD અનુસાર,“દક્ષિણ-પૂર્વ અરબી સમુદ્ર પરનું ડિપ્રેશન આજે (24 ઓક્ટોબર, સવારે 5:30 કલાકે) ઉત્તર-ઉત્તરપૂર્વ તરફ આગળ વધ્યું છે અને હવે પૂર્વ-મધ્ય અરબી સમુદ્ર પર કેન્દ્રિત છે. આગામી 24 કલાકમાં આ સિસ્ટમ વધુ ઉત્તરપૂર્વ દિશામાં આગળ વધવાની શક્યતા છે.” માછીમારોને ચેતવણી હવામાન વિભાગે તમામ માછીમારોને અગાઉથી દરિયામાં ન જવાની સલાહ આપી છે અને હાલ દરિયાઈ પ્રવૃત્તિઓને સ્થગિત રાખવા જણાવ્યું છે. સ્થાનિક પ્રશાસનને પણ તટ વિસ્તારોમાં તાત્કાલિક ચેતવણી સિસ્ટમ સક્રિય રાખવા માટે સૂચના અપાઈ છે. અરબી સમુદ્ર અને બંગાળની ખાડીમાં એકસાથે હવામાન તંત્રો સક્રિય થતા ગુજરાત સહિત પશ્ચિમ કાંઠે હવામાનમાં મોટો ફેરફાર જોવા મળી શકે છે. અધિકારીઓએ લોકો અને માછીમારોને સતર્ક રહેવા અનુરોધ કર્યો છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/buletin_india FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
દક્ષિણ ભારતમાં ભારે થી અતિ ભારે વરસાદની આગાહી, ગુજરાત સહિત ઉત્તર ભારતમાં વાતાવરણ રહેશે સૂકું
ભારતના દક્ષિણ રાજ્યો માટે આગામી દિવસો ભારે વરસાદ લઈને આવી રહ્યા છે. અરબ સાગર અને બંગાળની ખાડીમાં સર્જાયેલું હવામાન તંત્ર દેશના દક્ષિણ ભાગ માટે પડકારરૂપ બનવાનું સંકેત આપે છે. બીજી તરફ, ગુજરાત અને ઉત્તર ભારત માટે હાલ કોઈ મોટી ચેતવણી આપવામાં આવી નથી. અરબ સાગરમાં ચક્રવાતની શક્યતા: શું છે હાલની પરિસ્થિતિ? – દક્ષિણ-પૂર્વ અરબ સાગર અને લક્ષદ્વીપ પાસે સાયક્લોનિક સર્ક્યુલેશન સર્જાયું છે. – આગામી 48 કલાકમાં તે લો-પ્રેશર એરિયામાં ફેરવાઈ શકે છે (18–19 ઓક્ટોબર દરમિયાન). – 20 ઓક્ટોબર સુધીમાં આ સિસ્ટમ ડિપ્રેશન કે પછી સાયક્લોનિક સ્ટોર્મમાં પણ ફેરવાઈ શકે છે. – હાલના IMDના અનુમાન મુજબ, આ ચક્રવાત ઓમાન કે સોમાલિયા તરફ આગળ વધે તેવી સંભાવના છે, એટલે કે ભારતના કિનારાથી લેન્ડફોલ થવાની શક્યતા ઓછી છે. ક્યા રાજ્યોમાં ભારે વરસાદની આગાહી? રાજ્ય આગાહી લક્ષદ્વીપ ભારે થી અતિ ભારે વરસાદ કેરળ, તમિલનાડુ ભારે વરસાદ દક્ષિણ આંધ્ર પ્રદેશ, દક્ષિણ કર્ણાટક મધ્યમ થી ભારે વરસાદ દક્ષિણ મહારાષ્ટ્ર, દક્ષિણ મધ્ય પ્રદેશ હળવો થી મધ્યમ વરસાદ સૂકું અને ચોખ્ખું વાતાવરણ યથાવત ચક્રવાતી સિસ્ટમ દક્ષિણ ભારતમાં સક્રિય હોવાને કારણે, ઉત્તર અને પશ્ચિમ ભારતમાં ભારે અસર નહીં થાય. ગુજરાત, દિલ્હી, ઉત્તર પ્રદેશ, રાજસ્થાન, પંજાબ, બિહાર, ઝારખંડ, છત્તીસગઢ, પશ્ચિમ બંગાળ સહિતના વિસ્તારોમાં વાતાવરણ સૂકું અને ચોખ્ખું રહેવાની શક્યતા છે. ગુજરાતના દરિયાકાંઠા વિસ્તારો માટે માછીમારોએ સાવચેતી રાખવી જરૂરી બની શકે છે, જો આ સિસ્ટમ વધુ તીવ્ર બને તો. – સૌરાષ્ટ્ર કિનારાથી દક્ષિણ તરફ મજબૂત વાદળોની ગાઢતા – દક્ષિણ પશ્ચિમ ચક્રવાતી ગતિવિધિ સ્પષ્ટ – દક્ષિણ તામિલનાડુ અને લક્ષદ્વીપ નજીક ભારે વાદળજમાવટ ચક્રવાત દક્ષિણ ભારત માટે પડકારરૂપ આગામી દિવસોમાં દક્ષિણ ભારતે અતિ ભારે વરસાદનો સામનો કરવાની તૈયારી રાખવી પડશે. ગુજરાત, ઉત્તર પ્રદેશ, રાજસ્થાન અને અન્ય ઉત્તર ભારતીય રાજ્યોએ તાત્કાલિક કોઈ ખતરો નથી, પરંતુ હવામાન વિભાગના અપડેટ્સ ઉપર નજર રાખવી જરૂરી છે. માછીમારો અને દરિયાકાંઠાના રહેવાસીઓએ લેટેસ્ટ ચેતવણીઓ અને માહિતી મુજબ પગલાં લેવા સૂચવાયું છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/buletin_india FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
દિવાળીમાં મેઘરાજાની ધમાકેદાર એન્ટ્રી! દક્ષિણ અને સૌરાષ્ટ્રના વિસ્તારોમાં વરસાદની આગાહી, IMDએ આપી ચેતવણી
ગુજરાતના કેટલાક જિલ્લાઓમાં આ વર્ષે મેઘરાજા પણ પોતાનો “હિસ્સો” આપવા તૈયાર છે. ભારતના હવામાન વિભાગ (IMD) દ્વારા કરવામાં આવેલી આગાહી મુજબ, દિવાળીના દિવસોમાં દક્ષિણ ગુજરાત અને સૌરાષ્ટ્રના વિવિધ જિલ્લાઓમાં છૂટાછવાયા અને ગાજવીજ સાથેના વરસાદની શક્યતા છે. IMDની આગાહી મુજબ, વરસાદ થઈ શકે તેવા મુખ્ય જિલ્લાઓ: – 16 ઓક્ટોબર: તાપી, નવસારી, ડાંગ, વલસાડ – 17 ઓક્ટોબર: ભાવનગર, અમરેલી, ગીર સોમનાથ સહિત ઉપરોક્ત જિલ્લાઓ – 18-19 ઓક્ટોબર: અમરેલી, તાપી, નવસારી, વલસાડ, ડાંગ, ગીર સોમનાથ આ સ્થળોએ હળવાથી સામાન્ય વરસાદ, અને કેટલીક જગ્યાએ ગાજવીજ સાથે વરસાદ પડી શકે છે. બાકીના વિસ્તારોમાં શુષ્ક વાતાવરણ રહેશે. શ્રીલંકા નજીક સક્રિય સિસ્ટમમાંથી વાવાઝોડાની શક્યતા! હવામાન વિભાગે જણાવ્યું છે કે બંગાળની ખાડીમાં શ્રીલંકા નજીક એક લો-પ્રેશર સિસ્ટમ સક્રિય થઈ છે. જો આ સિસ્ટમને અનુકૂળ વાતાવરણ મળે તો તે વાવાઝોડામાં પણ પરિવર્તિત થઈ શકે છે. હાલ તે ધીરે-ધીરે દક્ષિણ અરબી સમુદ્ર તરફ આગળ વધી રહી છે. હાલમાં પશ્ચિમ દરિયાકાંઠે (ગુજરાત તરફ) સીધી અસરની શક્યતા ઓછી જણાઈ રહી છે, પરંતુ આગળના દિવસોમાં સ્થિતિ બદલાઈ શકે છે. તાપમાનમાં પણ થશે બદલાવ: – મહત્તમ તાપમાનમાં ખાસ ફેરફારની શક્યતા નથી – લઘુત્તમ તાપમાન આગામી 24 કલાકમાં 2-3 ડિગ્રી સુધી વધવાની આગાહી – દિવસમાં ગરમી વધશે, પરંતુ રાતના સમયે ઠંડક રહેશે ચોમાસાની વિદાય પછી પણ અસર: હવે ગુજરાતમાંથી ચોમાસાએ વિદાય લીધી છે, તેમ છતાં એન્ટી-સાયક્લોન સિસ્ટમના કારણે હવામાનમાં હજી પણ બદલાવ આવી રહ્યો છે. ઉત્તર-પશ્ચિમ પવનના પ્રવાહના કારણે રાતે ઠંડી અને દિવસે ગરમ વાતાવરણનો અનુભવ થઈ રહ્યો છે. ચોમાસાની વિદાય રેખા હાલમાં ક્યાં? હાલે ચોમાસાની વિદાય રેખા કારવાર, કલબુર્ગી, નિઝામાબાદ, કાંકેર, કેઓંઝરગઢ, સાગર ટાપુ અને ગુવાહાટી સુધી પહોંચી છે. આગામી દિવસોમાં અન્ય રાજ્યોમાંથી પણ ચોમાસાની સંપૂર્ણ વિદાયના અનુમાન છે. દિવાળીમાં ઝાકઝમાળ અને રોશની વચ્ચે આ વખતે મેઘરાજા પણ “પટાકડા ફોડવા” આવી શકે છે. ખાસ કરીને દક્ષિણ ગુજરાત અને સૌરાષ્ટ્રના વિસ્તારોમાં રહેતા નાગરિકોએ હવામાન અપડેટ્સ પર નજર રાખવી જરૂરી છે. જો સિસ્ટમ વધુ મજબૂત બને તો રાજ્યના હવામાનમાં વધુ મોટો પલટો આવી શકે છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/buletin_india FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
દિવાળીમાં ધોધમાર વરસાદનો ખતરો!, અંબાલાલ પટેલની ભયાનક આગાહી
ગુજરાતમાં દિવાળીની તયારી જોમશોખથી ચાલી રહી છે ત્યારે હવામાનવિદ અંબાલાલ પટેલે આવી આગાહી કરી છે કે, આ વર્ષે દિવાળીમાં વરસાદ ખાબકી શકે છે. છેલ્લા થોડા સમયથી રાજ્યમાં મોસમ સતત બદલાતા રહે છે અને ચોમાસા બાદ પણ એક પછી એક સિસ્ટમ સક્રિય થવાના સંકેત મળી રહ્યા છે. દિવાળીના આસપાસ વાદળછાયું વાતાવરણ અને માવઠાની શક્યતા અંબાલાલ પટેલે જણાવ્યું છે કે 13 ઓક્ટોબરથી ગુજરાતમાં વાદળછાયું વાતાવરણ રહેશે. ત્યારે 17 ઓક્ટોબરથી દરિયાકાંઠા વિસ્તારોમાં ભારે પવન ફુંકાવાની શક્યતા છે. સૌથી મહત્વની વાત એ છે કે, 18થી 20 ઓક્ટોબર દરમિયાન બંગાળના ઉપસાગરમાં લો પ્રેશર સક્રિય થવાની શક્યતા છે, જે ગુજરાતના વાતાવરણને સીધી અસર કરશે. અરબી સમુદ્રમાં નવી સિસ્ટમ, દિવાળી દરમિયાન વરસાદ? અગાઉ ચોમાસુ વિદાય લઈ ચૂક્યું હોવા છતાં અંબાલાલ પટેલે આગાહી કરી છે કે અરબી સમુદ્રમાં નવી સિસ્ટમ 18 ઓક્ટોબરથી સક્રિય થવાની છે. આ સિસ્ટમના કારણે ગુજરાતમાં 30 ઓક્ટોબર સુધી વાદળછાયું વાતાવરણ રહેશે. સાથે-સાથે કેટલાંક વિસ્તારોમાં માવઠું પણ પડી શકે છે. ખેડૂતોએ રાખવો ચેતવણીનો અવાજ નવરાત્રી દરમિયાન પડેલા અણધાર્યા વરસાદથી મગફળી અને કપાસના પાકને ભારે નુકસાન થયું હતું. હવે દિવાળીના આસપાસ માવઠા પડે તો તે શિયાળાની વાવણી અને પાક માટે લાભદાયી પણ સાબિત થઈ શકે છે. પરંતુ જો વરસાદ અતિ થાય તો નુકસાનની પણ શક્યતા છે. આગામી વરસાદી SYSTEMS નું સમયપત્રક તારીખ હવામાન સ્થિતિ 13 ઓક્ટોબર વાદળછાયું વાતાવરણ શરૂ 17 ઓક્ટોબર દરિયા કાંઠે પવન અને વાદળો 18–20 ઓક્ટોબર બંગાળમાં લો પ્રેશર; માવઠાની શરૂઆત 30 ઓક્ટોબર સુધી વાદળછાયું વાતાવરણ, હળવો વરસાદ 7 નવેમ્બર દક્ષિણ ભારતમાં અતિભારે વરસાદ; ગુજરાત પર અસર 9–11 નવેમ્બર વેસ્ટર્ન ડિસ્ટર્બન્સ, ફરી માવઠાની શક્યતા 16–18 નવેમ્બર પછી વાવાઝોડાની શક્યતા, સિસ્ટમ મજબૂત બનશે વાદળછાયું દિવાળી અંબાલાલ પટેલે જણાવ્યું કે જો દિવાળીની આસપાસ વાદળો દેખાય, તો તેને આવતા વર્ષે સારા વરસાદ અને સમૃદ્ધિનો સંકેત માનવામાં આવે છે. એટલે કે વાદળછાયું દિવાળી હવામાન દૃષ્ટિએ શુભ માનવામાં આવે છે. નવેમ્બરથી ડિસેમ્બર: વાવાઝોડાનું ભય? અંબાલાલ પટેલે વધુમાં જણાવ્યું કે નવેમ્બર મધ્યથી ડિસેમ્બર આરંભ સુધી, બંગાળના ઉપસાગરમાં સર્જાતી સિસ્ટમના કારણે ભારતના પૂર્વ કાંઠે અને ગુજરાતના હવામાનમાં ભારે પલટો આવી શકે છે. જો સિસ્ટમ મજબૂત બનશે તો વાવાઝોડું આવે તેવી પણ શકયતા છે. સચેત રહો, મોસમ પર નજર રાખો ખેડૂતો, વેપારીઓ અને સામાન્ય જનતાએ આગામી 30 દિવસ માટે મોસમની ગતિવિધિઓ પર ધ્યાન આપવાની જરૂર છે. દિવાળીના તહેવારના સમયગાળામાં હવામાન બદલાશે એવું સ્પષ્ટ છે પણ કેવી રીતે અને કેટલું અસરકારક, એ પર નજર રાખવી મહત્વપૂર્ણ છે.
Bindia
- Treding News , Trending News
- October 5, 2025
“શક્તિ” વાવાઝોડું: ગુજરાત માટે ચેતવણી, ભારે વરસાદની આગાહી
અરબ સાગરમાં સક્રિય બનેલા વાવાઝોડું ‘શક્તિ’ને લઇને હવામાન વિભાગે તાકીદની આગાહી કરી છે. તોફાન ગુજરાતના દરિયાકાંઠા તરફ આગળ વધી રહ્યું નથી, છતાં રાજ્યના હવામાન પર તેનું ગંભીર અને વ્યાપક અસરો જોવા મળી રહી છે. આગામી 7 દિવસ માટે હળવાથી મધ્યમ વરસાદ અને પછી ભારે વરસાદ પડવાની તીવ્ર શક્યતા વ્યક્ત કરવામાં આવી છે. હવામાન વિભાગની આગાહી રાજ્યમાં આજથી આગામી 5 દિવસ હળવાથી મધ્યમ વરસાદ વરસી શકે છે. તે પછી ઉત્તર ગુજરાત, દક્ષિણ ગુજરાત અને કચ્છના વિસ્તારોમાં ભારે વરસાદની શક્યતા છે. હવામાન વિભાગના જણાવ્યા અનુસાર LCS-3 (Low Cautionary Signal) ઉત્તર ગુજરાત માટે અને DW2 (Distant Warning Signal-2) દક્ષિણ ગુજરાતના દરિયા માટે જાહેર કરવામાં આવ્યા છે. રાજ્યમાં અનેક જગ્યાએ વીજળીના કડાકાભડાકા સાથે ધોધમાર વરસાદ નોંધાયો છે. દરિયામાં ભારે કરંટ વાવાઝોડાંની અસરને કારણે દરિયામાં ભારે કરંટ નોંધાઈ રહ્યો છે. તેથી માછીમારોને દરિયો ન ખેડવા હવામાન વિભાગ દ્વારા સ્પષ્ટ સૂચના આપવામાં આવી છે. દક્ષિણ અને પશ્ચિમ કાંઠાવર્તી વિસ્તારોમાં દરિયાઈ પ્રવૃતિ બંધ રાખવા સરકાર દ્વારા આગ્રહપૂર્ણ સૂચના આપવામાં આવી છે. શક્તિ વાવાઝોડું: હાલત શું છે? વાવાઝોડું ઓમાનથી આશરે 220 કિ.મી. દૂર છે. તેનું દિશા-ગતિ પશ્ચિમથી દક્ષિણ પશ્ચિમ તરફ છે, એટલે કે તે હાલે સીધું ગુજરાત તરફ નહીં પરંતુ અરબી દરિયામાં આગળ વધી રહ્યું છે. છતાં, વાવાઝોડાંની ઔપચારિક ત્રાટકાતી પહેલા તેની અસરો કચ્છ અને દક્ષિણ ગુજરાતમાં જોવા મળી રહી છે. કઈ જગ્યાઓ પર ભારે વરસાદની શક્યતા? – ઉત્તર ગુજરાત: બનાસકાંઠા, પાટણ, મહેસાણા – દક્ષિણ ગુજરાત: નવસારી, વલસાડ, સુરત – સૌરાષ્ટ્ર-કચ્છ: કચ્છ, જામનગર, પોરબંદર, દ્વારકા આ વિસ્તારોમાં આગામી દિવસોમાં અતિભારે વરસાદ માટે તંત્ર દ્વારા પૂર્વ તૈયારી શરૂ કરી દેવામાં આવી છે. સરકારી એજન્સીઓ એલર્ટ પર – જનતાને અપીલ રાજ્યની NDRF, SDRF અને સ્થાનિક તંત્રોને એલર્ટ પર મુકવામાં આવ્યા છે. લોકોને હિટ મેસેજ, અલર્ટ અને રેડિયો/ટીવી ઉપરના સૂચનો અનુસરવા અપીલ કરાઈ છે. ખેડૂતો અને પ્રવાસીઓએ ખાસ સાવચેતી રાખવાની સલાહ આપવામાં આવી છે. રાજ્ય માટે સાવચેત રહેવાનો સમય હાલ તોફાન સીધું ગુજરાતને ત્રાટકે તેવી શક્યતા ઓછી છે, પરંતુ હવામાન વિભાગના જણાવ્યા અનુસાર તેની પરોક્ષ અસરો તિવ્ર વરસાદ, વીજળી અને કરંટ, અને દરિયાઈ જોખમ રૂપે ઝંઝાવાત લાવી શકે છે. રાજ્ય માટે આગામી દિવસો ખૂબ મહત્વપૂર્ણ રહેશે.
- Trending News , Treding News , ગુજરાત
- October 2, 2025
અરબી સમુદ્રમાં ડિપ્રેશન સર્જાયું: પોરબંદરથી 210 કિ.મી. દૂર સ્થિર, જાણો સમગ્ર વિગત
અરબી સમુદ્રમાં છેલ્લા કેટલાક દિવસોથી સર્જાયેલી હવામાની સિસ્ટમ હવે વધુ શક્તિશાળી બની છે. હવામાન વિભાગ મુજબ, આ સિસ્ટમ હવે ડિપ્રેશનમાં પરિવર્તિત થઈ ગઈ છે અને હાલ પોરબંદરથી આશરે 210 કિલોમીટર પશ્ચિમ-દક્ષિણપશ્ચિમ તરફ સ્થિર છે. આગામી દિવસોમાં તોફાની પવન અને વરસાદ માટે રાજ્યના દરિયાકાંઠાના વિસ્તારોને એલર્ટ રાખવામાં આવ્યા છે. ડિપ્રેશનનું સ્થાન અને ગતિ 2 ઓક્ટોબર, સવારે 11:30 કલાકે મળેલી માહિતી મુજબ ડિપ્રેશન નીચે આપેલા સ્થાનોએ નોંધાયું છે: – પોરબંદરથી: 210 કિ.મી. પશ્ચિમ-દક્ષિણપશ્ચિમ – દ્વારકાથી: 210 કિ.મી. દક્ષિણપશ્ચિમ – નલિયાથી: 290 કિ.મી. દક્ષિણ-દક્ષિણપશ્ચિમ – કરાચીથી: 460 કિ.મી. દક્ષિણ આ સિસ્ટમ આગામી ત્રણ દિવસ દરમિયાન મધ્ય અરબી સમુદ્ર તરફ દક્ષિણપશ્ચિમ દિશામાં આગળ વધવાની શક્યતા છે. વરસાદ અને પવનની આગાહી 2થી 5 ઓક્ટોબર દરમિયાન ગુજરાતના સૌરાષ્ટ્ર અને કચ્છના દરિયાકાંઠા વિસ્તારમાં વરસાદની શક્યતા. 3 થી 5 ઓક્ટોબર દરમિયાન મધ્ય અને પશ્ચિમ મધ્ય અરબી સમુદ્ર વિસ્તારમાં 45-55 કિ.મી./કલાકની ઝડપે તોફાની પવન ફૂંકાવાની શક્યતા. ક્યારેક પવનની ઝડપ 65 કિ.મી./કલાક સુધી પહોંચી શકે છે. દરિયાઈ સ્થિતિ અને માછીમાર માટે ચેતવણી હવામાન વિભાગે માછીમારોને માટે ખાસ ચેતવણી આપી છે: – 3 ઓક્ટોબર સુધી: ઉત્તરપૂર્વ અને ઉત્તરપશ્ચિમ અરબી સમુદ્રમાં દરિયાઈ સ્થિતિ તોફાનીથી અત્યંત તોફાની રહેવાની શક્યતા. – 4 થી 5 ઓક્ટોબર: પશ્ચિમ મધ્ય અરબી સમુદ્રમાં પણ તોફાની સ્થિતિ યથાવત રહેશે. – આથી માછીમારોને આ તમામ દિવસોમાં દરિયો ન ખેડવાની સ્પષ્ટ સલાહ આપવામાં આવી છે. હવામાન વિભાગ નજર રાખી રહ્યો છે ભારતીય હવામાન વિભાગ (IMD) આ સિસ્ટમ પર સતત નજર રાખી રહ્યું છે અને નવી અપડેટ સાથે જનતાને સુચિત કરે છે. સ્થાનિક પ્રશાસન દ્વારા દરિયાકાંઠાના વિસ્તારોમાં નાગરિકોને સતર્ક રહેવા સૂચના આપવામાં આવી રહી છે.
- Treding News , Trending News , ગુજરાત
- September 30, 2025
રાજકોટ જિલ્લામાં અકસ્માત: ઉપલેટા શહેરમાં 2 ઇંચ ભારે વરસાદથી વર્ષો જૂનુ બંધ મકાન ધરાશાયી
રાજકોટ જિલ્લાના ઉપલેટા શહેરમાં ગઈ રાત્રે પડેલા ભારે વરસાદના કારણે એક જૂનુ અને લાંબા સમયથી બંધ મકાન તૂટી પડ્યું છે. સવારે વહેલી તડકે બનેલી આ ઘટના લોકોમાં ચકચાર ફેલાવી છે, પરંતુ સદનસીબે કોઈ જાનહાનિ થઈ નથી. ગઈ રાત્રે ઉપલેટા પંથકમાં આશરે 2 ઇંચ જેટલો ભારે વરસાદ થયો હતો, જે અચાનક શહેરમાં પૂરવર્ષા જેવા પરિસ્થિતિ સર્જી. આ વરસાદના પગલે નીચાણવાળા વિસ્તારોમાં પાણી ભરાવાનું અને લોકોને મુશ્કેલીનો સામનો કરવો પડ્યો હતો. આ ભારે વરસાદ અને ભેજના કારણે ઉપલેટા શહેરના એક જર્જરિત મકાનની છત અને કાટમાળ અચાનક ધરાશાયી થઈ ગઈ. આ મકાન વર્ષો જૂનું અને લાંબા સમયથી બંધ હતું, જેના કારણે કોઈપણ વ્યક્તિના મોત કે ઘાયલ થવાના આશંકા ટાળી શકાય. ઘટનાની જાણ થતાં ઉપલેટા વહીવટ તંત્ર તાત્કાલિક ઘટનાસ્થળે પહોંચ્યા હતા. ઉપલેટા મામલતદાર, પોલીસ ઇન્સ્પેક્ટર અને અન્ય અધિકારીઓએકાટમાળ હટાવવાનું કામ શરૂ કર્યું અને શહેરના અન્ય જૂના મકાનોની તાત્કાલિક તપાસ માટે સૂચનાઓ પણ આપવામાં આવી. અધિકારીઓએ નાગરિકોને જૂના અને જર્જરિત મકાનોમાં રહેતા લોકો માટે સાવચેત રહેવાની સલાહ આપી છે અને વરસાદી સીઝન પહેલા તેમના મકાનોનું સમારકામ કરાવવા તાકીદ કરી છે, જેથી આવનારા ભયંકર વરસાદ અને વાવાઝોડા સમયે મોટી દુર્ઘટનાઓ ટાળી શકાય. આ ઘટના ઉપલેટા શહેરના નાગરિકોને ઘર-મકાનની સલામતી અંગે ચેતવણી પણ આપી રહી છે, ખાસ કરીને ચોમાસાના સમયમાં જ્યાં ભારે વરસાદ પડવાની શક્યતા હોય ત્યાં ભવિષ્યમાં આવા પ્રકારની દુર્ઘટનાઓથી બચવા માટે સજાગ રહેવું અનિવાર્ય બની ગયું છે.
- Treding News , Trending News , ગુજરાત
- September 28, 2025
ધોધમાર વરસાદે ખેલૈયાઓની મજા બગાડી, રાજ્યના આ વિસ્તારોમાં ગરબા રદ કરાયા
ગુજરાતમાં તહેવારોની મોસમ છે, પરંતુ હવામાન વિભાગે રાજ્યના કેટલાક વિસ્તારોમાં ભારે અને અતિભારે વરસાદની આગાહી કરેલી છે. ખાસ કરીને સૌરાષ્ટ્ર અને દક્ષિણ ગુજરાતમાં રેડ એલર્ટ જાહેર કરવામાં આવ્યો છે. છેલ્લા બે દિવસથી સતત ખાબકેલા વરસાદના કારણે રાજ્યભરમાં અનેક વિસ્તારોમાં પાણી ભરાઈ ગયાં છે, જેના કારણે ગરબા જેવા કાર્યક્રમો રદ કરવાની ફરજ પડી છે. ગાંધીનગર: ગાંધીનગરના ગિફ્ટ સિટી વિસ્તારમાં નવરાત્રિના ગરબા ગ્રાઉન્ડમાં ભારે વરસાદને કારણે પાણી ભરાઈ ગયું છે. આ પરિસ્થિતિને જોઈને આજના તમામ ગરબા કાર્યક્રમો રદ કરવા પડયા. વરસાદ સાથે પવન પણ ગતિશીલ હોવાને કારણે બેનરો અને ડેકોરેશન ધરાશાયી થઈ ગયાં. સાબરકાંઠા (હિંમતનગર): હિંમતનગરમાં પણ ભારે વરસાદ અને પાણી ભરાવાના કારણે ગરબા માટે નક્કી કરાયેલ જગ્યા પર પાણી ભરાઈ ગયા હતા. બેનરો અને મંચના ડેકોરેશન પવન સાથે ધરાશાયી થઈ ગયા હતા, જેના કારણે તમામ ગરબા કાર્યક્રમો રદ કરાયા. અમરેલી: અમરેલીના થનગનાટ અને ખોડલધામ પાર્ટી પ્લોટમાં પાણી ભરાવાના કારણે ગરબા બંધ કરવામા આવ્યા છે. વરસાદની આ તીવ્રતા કારણે ખેલૈયાઓ અને આયોજકો બંનેને ભારે નુકસાન થયું છે. વડોદરા: વડોદરા શહેરમાં પણ મોટા ગરબા કાર્યક્રમો રોકવા પડયા છે. લક્ષ્મી વિલાસ પેલેસમાં આયોજિત તહેવાર અને યુનાઇટેડ વે ઓફ બરોડાના ગરબા કાર્યક્રમો સ્થગિત કર્યા છે. આ બધા પગલાં રમતો અને દર્શકોની સુરક્ષા માટે લેવામાં આવ્યા છે. આ સ્થિતિને લઇને હવામાન વિભાગે વધુ સાવધાની રાખવા અને તાજા હવામાન માહિતી માટે ધ્યાન રાખવાની સલાહ આપી છે. ગુજરાતમાં નાગરિકોએ વરસાદમાં અનાવશ્યક બહાર ન જવાનું અને સુરક્ષિત રહેવાનું સૂચન મળ્યું છે. આ ભારે વરસાદ અને પૂરને કારણે તહેવારની મોજમસ્તી થોડા દિવસ માટે ટાળવી પડી છે, પરંતુ આશા છે કે આ પરિસ્થિતિ જલદી સુધરીને ગરબાની મજા ફરી ફરીથી માણી શકાશે.
- Treding News , Trending News , ગુજરાત
- September 25, 2025
નવરાત્રીમાં મેઘરાજાની ખલેલ: બંગાળની ખાડીના ડિપ્રેશનને લઈને દક્ષિણ ગુજરાત અને સૌરાષ્ટ્રમાં યલો એલર્ટ જાહેર
ગુજરાતમાં નવરાત્રિની ધૂમજમાળી વચ્ચે મેઘરાજા પણ બિનમુલાકાતી મહેમાનની જેમ આવી ગયા છે. હવામાન વિભાગે ચેતવણી આપી છે કે બંગાળની ખાડી પર સર્જાયેલા ડિપ્રેશનને કારણે રાજ્યના અનેક જિલ્લાઓમાં ભારે વરસાદ વરસી શકે છે. ત્યારે નર્મદા, દક્ષિણ ગુજરાત અને સૌરાષ્ટ્રના વિસ્તારોમાં ખાસ ધ્યાને રહેવાની જરૂરિયાત છે. શું છે હવામાનમાં પરિવર્તનનું કારણ? હાલે દક્ષિણ બંગાળની ખાડી અને મધ્ય મ્યાનમાર વિસ્તારમાં અપર એર સર્ક્યુલેશન સર્જાયું છે, જે 25 સપ્ટેમ્બરે નીચા દબાણ (Low Pressure) માં પરિવર્તિત થયું છે. આ સિસ્ટમ પશ્ચિમ દિશામાં આગળ વધી રહી છે અને 26 સપ્ટેમ્બરે ડિપ્રેશનનું સ્વરૂપ લેશે એવી શક્યતા છે. 27 સપ્ટેમ્બરના આસપાસ આ સિસ્ટમ દક્ષિણ ઓડિશા અને ઉત્તર આંધ્ર પ્રદેશના દરિયાકાંઠાને પાર કરી શકે છે, જેને કારણે ગુજરાત પર ચોમાસાની પાછલી જોરદાર અસર જોવા મળી રહી છે. ગુજરાતમાં ક્યાં-ક્યાં વરસાદની શક્યતા છે? હવામાન વિભાગે આગામી દિવસોમાં અલગ-અલગ તબક્કે વરસાદની આગાહી સાથે યલો એલર્ટ (Yellow Alert) જાહેર કર્યું છે: 25 સપ્ટેમ્બર – છૂટાછવાયા વરસાદ જિલ્લાઓ: આણંદ, પંચમહાલ, દાહોદ, વડોદરા, છોટાઉદેપુર, નર્મદા, ભરૂચ, સુરત, તાપી, નવસારી, વલસાડ, રાજકોટ, જૂનાગઢ, અમરેલી, ભાવનગર, ગીર સોમનાથ, બોટાદ 26 સપ્ટેમ્બર – ગાજવીજ સાથે વરસાદ જિલ્લાઓ: ઉપરના તમામ જિલ્લામાં ફરીથી ગાજવીજ સાથે વરસાદ પડે તેવી શક્યતા. શહેરોમાં ટ્રાફિક જામ અને નીચાણવાળા વિસ્તારોમાં પાણી ભરાઈ શકે છે. 27 સપ્ટેમ્બર – યલો એલર્ટ યલો એલર્ટ જાહેર થયેલા જિલ્લાઓ: – તાપી – નવસારી – વલસાડ – ડાંગ અન્ય જિલ્લામાં સામાન્ય વરસાદ: આણંદથી લઈને ભાવનગર, ગીર સોમનાથ, અમરેલી સુધીના વિસ્તારોમાં છૂટાછવાયો પરંતુ ઝાપટાવાળો વરસાદ. 28 સપ્ટેમ્બર – દક્ષિણ ગુજરાત અને સૌરાષ્ટ્રમાં ભારે વરસાદ યલો એલર્ટ: આણંદ, વડોદરા, ભરૂચ, નર્મદા, સુરત, તાપી, નવસારી, ડાંગ, વલસાડ, ગીર સોમનાથ, અમરેલી, ભાવનગર 29 સપ્ટેમ્બર – વરસાદનું વધુ એક તીવ્ર તબક્કું યલો એલર્ટ: ભરૂચ, સુરત, તાપી, નવસારી, ડાંગ, વલસાડ, જૂનાગઢ, ગીર સોમનાથ, અમરેલી, ભાવનગર 30 સપ્ટેમ્બર – વરસાદનું જોર ઘટશે જિલ્લાઓ: ગીરસોમનાથ, અમરેલી, ભાવનગર, જૂનાગઢ, પોરબંદર, નવસારી, વલસાડ પરંતુ: છૂટાછવાયા વિસ્તારોએ ભારે વરસાદની શક્યતા યથાવત નાગરિકોને સલાહ: હવામાન વિભાગે લોકોને સાવચેતી રાખવા, ખાસ કરીને નવરાત્રિના આઉટડોર કાર્યક્રમો, યાત્રા, તથા પહાડીઓ/દૂરસ્થ વિસ્તારમાં રહેતા લોકોને આગાહી મુજબ સજાગ રહેવા સૂચવ્યા છે. શહેરો માટે નીચાણવાળા વિસ્તારમાં પાણી ભરાવાની શક્યતા રહે છે. ચોમાસાની વિદાય નથી થઇ હજી પણ! નૈઋત્ય ચોમાસાની વિદાય રેખા હજુ વેરાવળ, વલ્લભ વિદ્યાનગર, બાંસવાડા, ઇટાવા અને હરિદ્વાર સુધી જ પહોંચી છે. એટલે કે, ગુજરાતના મોટાભાગના ભાગોમાં ચોમાસું હજુ ચાલુ જ છે. નવરાત્રીના રંગમાં વરસાદનો ભંગ પડવાની શક્યતા છે. ગુજરાતમાં અલગ અલગ વિસ્તારોમાં આગામી પાંચ દિવસ સુધી મેઘરાજાની ઝપટાઓ વચ્ચે ગરબાના તાળ ઝૂમી શકશે નહીં. હવામાન વિભાગની અપડેટ પર નજર રાખો અને સાવચેતી સાથે તહેવાર ઉજવો.
