Bindiaબુલિયન બજારમાં ‘બ્લેક ફ્રાઈડે’ : સોના-ચાંદીના ભાવમાં ભૂકંપ જેવો ઐતિહાસિક કડાકો
બુલિયન માર્કેટમાં શુક્રવારની રાત્રે સોના અને ચાંદીના ભાવમાં અચાનક અને ભારે ગાબડું જોવા મળ્યું છે. એમસીએક્સ (MCX) પર રાત્રે 10:00 વાગ્યા પછી અચાનક વેચવાલી થતાં બજારમાં ભારે અસ્થિરતા સર્જાઈ અને જ્વેલર્સ તેમજ ટ્રેડરો પણ આશ્ચર્યમાં પડી ગયા. ચાંદીમાં મહાકડાકો: ચાંદીના ભાવમાં સૌથી વધુ અસર જોવા મળી. થોડા દિવસો પહેલા ₹4.20 લાખ પ્રતિ કિલો પહોંચેલી ચાંદી, અચાનક ઘટાડા પછી ₹3,28,000 થી ₹3,40,000 ની આસપાસ ટ્રેડ થઈ રહી છે. બજારમાં ગભરાટ એટલો વ્યાપક હતો કે ચાંદીમાં લોઅર સર્કિટ પણ લાગવી પડી. સોનું પણ ધરમાર તૂટ્યું: સોનાના ભાવમાં પણ રાત્રે 10:30 વાગ્યા સુધી મોટું ગાબડું જોવા મળ્યું. રેકોર્ડ હાઈ ₹1.80 લાખની સપાટી વટાવ્યા બાદ સોનાનું ભાવ હવે ₹1,54,000 થી ₹1,56,000 ની આસપાસ ટ્રેડ થઇ રહ્યું છે, લગભગ ₹20,000 ની તૂટ નોંધાઈ છે. બજાર પટકાવાના મુખ્ય કારણો: – પ્રોફિટ બુકિંગ: છેલ્લા મહિનામાં ભાવમાં સતત તેજી પછી ટ્રેડરો દ્વારા નફો વસૂલવાનું શરૂ કરાયું. – ડૉલર ઇન્ડેક્સ: આંતરરાષ્ટ્રીય બજારમાં અમેરિકી ડૉલર મજબૂત થવાના કારણે કિંમતી ધાતુઓ પર નકારાત્મક અસર. – વૈશ્વિક ગભરાટ: COMEX પર સોના-ચાંદી રેકોર્ડ સ્તરથી નીચે પડતા ભારતીય બજારમાં પેનિક સેલિંગ. રોકાણકારો અને ગ્રાહકો પર અસર: ઉંચા ભાવે રોકાણ કરનારા રોકાણકારો માટે આ કડાકો ચિંતાનો વિષય બન્યો છે. જોકે, સોનું-ચાંદી ખરીદવા ઈચ્છતા મધ્યમ વર્ગના ગ્રાહકો માટે ભાવઘટાડો આશાનું કિરણ લાવી શકે છે. હાલ બજાર અત્યંત વોલેટાઈલ છે અને ભાવ પ્રતિ સેકન્ડ બદલાઈ રહ્યા છે. સોમવારે બજાર ખુલ્યા બાદ વધુ સ્પષ્ટતા થશે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
ચાંદીના બજારમાં મહાકડાકો: એક જ દિવસમાં 15% ની નીચલી સર્કિટ, રોકાણકારોના કરોડો રૂપિયા ધોવાયા
ચાંદીના રોકાણકારો માટે શુક્રવાર ‘બ્લેક ફ્રાઈડે’ સાબિત થયો છે. મલ્ટી કોમોડિટી એક્સચેન્જ (MCX) પર ચાંદીના ભાવમાં અચાનક 15% ની નીચે સર્કિટ લગાવવામાં આવી હતી. ગઇકાલે ₹4.20 લાખ પ્રતિ કિલોગ્રામ પર પહોંચી ચાંદી, આજે ₹૩.૯૯ લાખની આસપાસ બંધ થઈ છે. આ તેજી ઘટાડાના પાછળ વૈશ્વિક અને સ્થાનિક કારણો છે. અમેરિકી ડોલરના મજબૂત થવાના અને ફેડના નવા ચેરમેનની નિમણૂકના સંકેતો વચ્ચે સોના-ચાંદીમાં આક્રમક વેચવાલી જોવા મળી છે. નિષ્ણાતો માને છે કે બજારમાં આટલી તેજી પછી કરેકશન આવવું સ્વાભાવિક છે, પરંતુ ૧૫% નો ઘટાડો બજારની અસ્થિરતા દર્શાવે છે. વિશ્લેષકોના મુખ્ય તારણો: – ચાંદીના ભાવ છેલ્લા 12 મહિનામાં લગભગ ૧૭૦% વધ્યા છે. ₹4.20 લાખના ઓલ-ટાઇમ હાઈ પછી મોટા રોકાણકારોએ નફો વસૂલવાનું શરૂ કર્યું. – આંતરરાષ્ટ્રીય બજારમાં (COMEX) ચાંદીનો વાયદો ૪% ઘટીને 110 ડોલર પ્રતિ ઔંસ પર આવી ગયો, જેની સીધી અસર ભારતીય બજારમાં જોવા મળી. – ઘરેલું બજારમાં ભાવ આંતરરાષ્ટ્રીય સ્તર કરતાં વધુ ઉંચા હતા, જે તફાવત ઘટતા બજારમાં ભારે ઘટાડો થયો. – મોતીલાલ ઓસ્વાલ અને ઇન્ડસઇન્ડ સિક્યોરિટીઝના વિશ્લેષકો માને છે કે આ માત્ર ટૂંકા ગાળાનું કરેકશન છે. જાન્યુઆરી મહિનામાં ચાંદી 50%થી વધુ વધી છે, જે ઈતિહાસમાં સૌથી મજબૂત પ્રદર્શન છે. ભવિષ્યનો દૃષ્ટિકોણ: સોલર પેનલ, ઇલેક્ટ્રોનિક્સ અને ઇન્ડસ્ટ્રીયલ સેક્ટરમાં ચાંદીની માંગ સતત વધી રહી છે. નિષ્ણાતો રોકાણકારોને સલાહ આપે છે કે મોટી રકમ એક સાથે રોકવા બદલે ટુકડે-ટુકડે રોકાણ કરવું વધુ સલામત છે. વૈશ્વિક ભૂ-રાજકીય તણાવ અને અનિશ્ચિતતા લાંબા ગાળે સોના-ચાંદીના ભાવ માટે પોઝિટિવ છે, જે ભાવને ફરીથી ઉપર તરફ ખેંચી શકે છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
ભારતના GDPમાં FY26ના Q2માં 8.2% વૃદ્ધિ, અર્થતંત્ર ફરી મજબૂત પકડમાં
ભારતનું અર્થતંત્ર ફરી મજબૂત સ્થિતિમાં પ્રવેશ્યું છે. FY26ના બીજા ત્રિમાસિક ગાળામાં (Q2) ભારતનો GDP 8.2% વૃદ્ધિ સાથે આગળ વધ્યો છે, જ્યારે પહેલા ત્રિમાસિકમાં આ વૃદ્ધિ 7.8% હતી. અર્થશાસ્ત્રીઓએ આ વખતે 7.3% વૃદ્ધિનો અનુમાન લગાવ્યો હતો, જ્યારે RBI અને સરકાર બંનેએ પહેલા 7% માન્યું હતું. સરકાર દ્વારા GSTમાં કાપ, તહેવાર પહેલાં સ્ટોકિંગ વધારવું અને ગ્રામીણ વિસ્તારોમાં માંગને પ્રોત્સાહન આપવા જેવા પગલાં આ વિકાસ દરને ઊંચો લાવવા માટે મહત્ત્વપૂર્ણ સાબિત થયા છે. પ્રાઇમરી સેક્ટર (કૃષિ અને માઇનિંગ)માં વૃદ્ધિ: – કૃષિ ક્ષેત્રમાં 3.5% વૃદ્ધિ, ગયા વર્ષની તુલનામાં થોડી ધીમી – માઇનિંગ સેક્ટરમાં સ્થિરતા, માત્ર 0.04% ઘટાડો – ગ્રામીણ અર્થવ્યવસ્થામાં સુધાર અને સારા વરસાદના કારણે ખેતી સાથે જોડાયેલી ગતિવિધીઓ મજબૂત નાણાંમંત્રી નિર્મલા સીતારમણએ જણાવ્યું છે કે, GSTમાં અપાયેલી છૂટ બાદ લોકો પાસે 2 લાખ કરોડ સુધીની બચત થઇ શકે છે, જેના કારણે બજારમાં ખર્ચ વધશે અને અર્થતંત્રમાં નવી ઊંચાઈઓ જોવા મળશે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
8માં પગાર પંચમાં DA, HRA અને TA બંધ થશે? કર્મચારીઓ માટે મહત્વનો અપડેટ બહાર આવ્યો
કેન્દ્ર સરકારે 8મા પગાર પંચ (8th Pay Commission) માટે Terms of Reference (ToR) જાહેર કરી દીધા છે, જેને પગલે સ્પષ્ટ થઈ ગયું છે કે નવા પગાર પંચની સત્તાવાર રચના થઈ ગઈ છે. જસ્ટિસ રંજના દેસાઈની અધ્યક્ષતામાં ત્રણ સભ્યોની કમિટી હવે 8મા પગાર પંચની ભલામણો તૈયાર કરશે. સરકાર દ્વારા કમિશનને 18 મહિનાની અવધિ આપવામાં આવી છે અને માનવામાં આવે છે કે 2027ના મધ્ય સુધી તેનો રિપોર્ટ કેન્દ્ર સરકારને સોંપી દેવામાં આવશે. 8મું પગાર પંચ ક્યારે લાગુ થશે? હાલ રિપોર્ટ 2027માં આવશે, પરંતુ સરકારના નિયમો મુજબ પગાર પંચની ભલામણો 1 જાન્યુઆરી 2026થી અમલમાં આવશે. એટલે કે નવો પગાર પછી લાગશે, પરંતુ બાકી રકમ 1 જાન્યુઆરી 2026થી ગણાશે. તેથી કર્મચારીઓ અને પેન્શનરોને આર્થિક લાભ પાછલા સમયથી મળશે. શું DA, HRA અને TA હવે બંધ થઈ જશે? કર્મચારીઓમાં સૌથી મોટી ચિંતા એ છે કે શું 8મા પગાર પંચ બાદ DA (મોંઘવારી ભથ્થું), HRA (હાઉસ રેન્ટ એલાઉન્સ) અને TA (મુસાફરી ભથ્થું) બંધ થઈ શકે છે? સરકારે એવો કોઈ સંકેત આપ્યો નથી કે DA, HRA કે TA બંધ થશે. – પગાર નિષ્ણાતોના જણાવ્યા મુજબ, – ભથ્થાઓને બંધ કરવાની કોઈ યોજના નથી – 8મું પગાર પંચ લાગુ ન થાય ત્યાં સુધી 7મા પગાર પંચના નિયમો જ યથાવત્ રહેશે – દર 6 મહિને DAમાં વધારો ચાલુ રહેશે – અર્થાત કર્મચારીઓના ભથ્થા પર કોઈ અસર થવાની શક્યતા નથી. આગામી 18 મહિનામાં DA કેટલો વધે શકે? પેરોલ નિષ્ણાત રામચંદ્રન કૃષ્ણમૂર્તિ (Nexdigm) અનુસાર, 8મા પગાર પંચનો રિપોર્ટ તૈયાર થવામાં ઓછામાં ઓછા 18 મહિના લાગશે. આ દરમિયાન દર 6 મહિને DAમાં વધારો થતો રહેશે. એક અંદાજ અનુસાર (વાસ્તવિક વધારો CPI પર આધારિત): – વર્તમાન DA = 58% – 6 મહિનાં પછી → 61% – 12 મહિનાં પછી → 64% – 18 મહિનાં પછી → 67% આ માત્ર ઉદાહરણ માટેના આંકડા છે. CPI મુજબ વધઘટ થઈ શકે છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
ભારતનો વિકાસ રોકવો અશક્ય: GDP 7.5% વૃદ્ધિ સાથે અર્થતંત્ર પર ચાર ચાંદ લગશે, SBI રિપોર્ટમાં દાવો
ભારતનું અર્થતંત્ર આ નાણાકીય વર્ષના બીજા ક્વાર્ટરમાં 7.5 ટકા અથવા તેથી વધુ દરે વૃદ્ધિ પામશે, એવું SBI રિસર્ચના તાજા અહેવાલમાં કહેવામાં આવ્યું છે. આ વૃદ્ધિ મુખ્યત્વે સપ્ટેમ્બર અંતે GST દરમાં ઘટાડો અને તહેવારોની મોસમમાં વેચાણમાં વધારોના કારણે શક્ય બની રહી છે. અહેવાલ અનુસાર, રોકાણ પ્રવૃત્તિમાં વધારો, ગ્રામીણ વપરાશમાં સુધારો, અને સેવાઓ તેમજ ઉત્પાદન ક્ષેત્રોમાં ઝડપથી વૃદ્ધિ આ ઉંચી GDP વૃદ્ધિને ટેકો આપી રહી છે. GSTના માળખાકીય સુધારાઓએ પણ સ્થાનિક માંગને મજબૂત બનાવવામાં મદદ કરી છે. મુખ્ય આંકડા અને અનુમાન SBIના અહેવાલ મુજબ, બીજા ક્વાર્ટરના મુખ્ય અર્થશાસ્ત્રીય સૂચકાંકો 83% વધ્યા છે, જ્યારે પહેલા ક્વાર્ટરમાં આ દર 70% હતો. નાણાકીય વર્ષ 2025-26ના બીજા ક્વાર્ટરમાં વાસ્તવિક GDP વૃદ્ધિ સંબંધિત મોડેલ અનુસાર 7.5% હોવાની અપેક્ષા છે. ભારતીય રિઝર્વ બેંકે બીજા ક્વાર્ટર માટે 7% વૃદ્ધિનો અંદાજ લગાવ્યો છે. નવેમ્બર માટે કુલ GST સંગ્રહ આશરે ₹1.49 લાખ કરોડ થવાની શક્યતા છે, જે વાર્ષિક ધોરણે 6.8% નો વધારો દર્શાવે છે. IGST અને આયાત પર સેસ સહિત, નવેમ્બરનો GST સંગ્રહ ₹2 લાખ કરોડથી વધુ થવાની ધારણા છે. વહાણ, ઈલેક્ટ્રોનિક્સ અને ફર્નિશિંગમાં વેચાણમાં વધારો ક્રેડિટ અને ડેબિટ કાર્ડ ખર્ચના ડેટા દર્શાવે છે કે: ઈ-કોમર્સ પ્લેટફોર્મ પર વાહન, ઇલેક્ટ્રોનિક્સ, ફર્નિશિંગ, મુસાફરીમાં નોંધપાત્ર વધારો થયો છે. ખર્ચનું લગભગ 38% ઉપયોગિતાઓ અને સેવાઓ પર, 17% સુપરમાર્કેટ અને કરિયાણાની દુકાનો પર, અને 9% ટ્રાવેલ એજન્સીઓ પર રહ્યું. મધ્યમ કદના શહેરોમાં માંગનો વધારો સૌથી વધુ નોંધાયો છે. ભવિષ્ય માટે આશાવાદી મેક્રોઇકોનોમિક દૃષ્ટિકોણ SBI અહેવાલમાં જણાવાયું છે કે ભારતનો મેક્રોઇકોનોમિક આઉટલુક સાવચેતીભર્યો પરંતુ આશાવાદી રહેશે. મજબૂત સ્થાનિક માંગ, રોકાણ પ્રવૃત્તિમાં વધારો, અને GST 2.0 સુધારા કારણે વૃદ્ધિ ચાલુ રહેવાની અપેક્ષા છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
ઊંઝા માર્કેટ યાર્ડમાં હવામાનની અનિશ્ચિતતાએ જીરાના ભાવમાં અણધાર્યો ઉછાળો, જાણો વિગત
રાજ્યમાં છેલ્લા કેટલાક દિવસોથી ચાલી રહેલી હવામાનની અનિશ્ચિતતાએ કૃષિ બજારમાં હલચલ મચાવી છે. ખાસ કરીને ઊંઝા માર્કેટ યાર્ડમાં જીરાના ભાવમાં અચાનક વધારો નોંધાયો છે. વેપારીઓના જણાવ્યા મુજબ, કમોસમી વરસાદ અને અનિશ્ચિત વાતાવરણના કારણે 20 કિલો દીઠ ₹300થી વધુનો ઉછાળો નોંધાયો છે. હવામાનની અસર માત્ર પાક પર જ નહીં, પરંતુ ખેડૂતોના નિર્ણય પર પણ પડી રહી છે. વેપારીઓનું કહેવું છે કે કમોસમી વરસાદને કારણે ખેડૂતો રવિ પાકનું વાવેતર ખાસ કરીને જીરાનું મોડું કે ઓછું કરી શકે છે. આ કારણે સપ્લાયમાં ઘટાડો થવાની શક્યતા છે, જે સીધો પ્રભાવ ભાવ પર પડી રહ્યો છે. હાલમાં ઊંઝા માર્કેટ યાર્ડમાં દૈનિક 14,000 થી 15,000 બોરી જીરાની આવક થઈ રહી છે. જો વાતાવરણ અનુકૂળ નહીં રહે તો જીરાના ભાવમાં વધુ વધારો થવાની શક્યતા છે. જોકે, જો હવામાન સુધરશે, તો હાલના ભાવ સ્થિર રહે તેવી સંભાવના છે. આ પરિસ્થિતિને ધ્યાનમાં રાખીને વેપારીઓ અને ખેડૂતો બંને સતર્ક છે. હવામાનના આગામી ફેરફારો પર બજારની દિશા નિર્ભર રહેશે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/buletin_india FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
ટ્રમ્પની ટેરિફ ધમકીઓ વચ્ચે ભારતીય નિકાસમાં મજબૂત વૃદ્ધિ, જાણો વિગત
અમેરિકન પ્રશાસન દ્વારા ભારત પર 50% સુધી ટેરિફ લાદવાની ધમકીઓ હોવા છતાં, ભારતીય નિકાસ ક્ષેત્રે મજબૂત વૃદ્ધિ જોવા મળી છે. સપ્ટેમ્બર 2025ના તાજા આંકડાઓ મુજબ, ભારતના મુખ્ય ઉદ્યોગોએ ઉત્તમ પ્રદર્શન કર્યું છે, ખાસ કરીને તે ક્ષેત્રો પર જ્યાં સૌથી ખરાબ અસર થવાની આશંકા હતી. નિકાસનો સર્વેક્ષણ: – કુલ નિકાસ: સપ્ટેમ્બરમાં ભારતની કુલ મર્ચેન્ડાઇઝ નિકાસ વાર્ષિક ધોરણે 6.7% વધેલી છે. – ઇલેક્ટ્રોનિક્સ ગુડ્સ: 50.5%નો નોંધપાત્ર વૃદ્ધિ. – ચોખા (Rice): 33% વૃદ્ધિ. – મરીન પ્રોડક્ટ્સ/સીફૂડ: 23% વૃદ્ધિ. આ આંકડાઓ દર્શાવે છે કે ટેરિફ ધમકીઓ હોવા છતાં, ભારતના મુખ્ય ઉદ્યોગો વૈશ્વિક પડકારો સામે સ્થિરતા જાળવી રહ્યા છે. ઘટકોમાં નરમાઈ: ટેક્સટાઈલ અને એપેરલ સેક્ટરમાં 10% થી 12% સુધીનો ઘટાડો. એપ્રિલ થી સપ્ટેમ્બર દરમ્યાન લેધર અને ફૂટવેર નિકાસમાં 5% થી 8% ઘટાડો નોંધાયો. ટ્રમ્પ પ્રશાસનની ટેરિફ ધમકીઓએ ઘણી આશંકાઓ ઊભી કરી હોવા છતાં, ઈલેક્ટ્રોનિક્સ, ચોખા અને સીફૂડ જેવા મુખ્ય ક્ષેત્રોમાં ભારતની નિકાસમાં મજબૂત વૃદ્ધિ નોંધાઈ છે. આ દર્શાવે છે કે ભારતીય ઉદ્યોગો વૈશ્વિક બજારમાં પડકારો વચ્ચે પણ દ્રઢ સ્થિતિ જાળવી શકે છે અને નવી તકનો લાભ લઈ શકે છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/buletin_india FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
ભારતના સોનાના ભંડારમાં નોંધાયો વધારો, ફોરેક્સ રિઝર્વ રેકોર્ડ ઊંચાઈની નજીક પહોંચ્યું
ભારતીય અર્થતંત્ર માટે એક વધુ સકારાત્મક સંકેત મળ્યો છે. દેશનો વિદેશી હૂંડિયામણ ભંડાર (Foreign Exchange Reserves) ફરીથી ઐતિહાસિક સ્તરોની નજીક પહોંચી ગયો છે, જેમાં સોનાના ભંડારમાં નોંધપાત્ર વધારો નોંધાયો છે. શુક્રવારે ભારતીય રિઝર્વ બેંક (RBI) દ્વારા જાહેર કરાયેલા તાજા આંકડા અનુસાર, ભારતનો ફોરેક્સ રિઝર્વ $702.28 બિલિયન સુધી પહોંચી ગયો છે — જે તેના સર્વકાલીન ઉચ્ચતમ સ્તર $704.88 બિલિયનથી માત્ર $2.5 બિલિયન ઓછો છે. ભારતીય ચલણમાં આ અનામત હવે ₹61.5 લાખ કરોડથી વધુના સ્તર પર છે. ફોરેક્સ રિઝર્વમાં વધારાના મુખ્ય કારણો 17 ઓક્ટોબર 2025ના અઠવાડિયા સુધી, ભારતનો વિદેશી હૂંડિયામણ ભંડાર $4.496 બિલિયન વધ્યો. પાછલા અઠવાડિયામાં પણ તેમાં $2.176 બિલિયનનો વધારો નોંધાયો હતો. આ વૃદ્ધિનો મુખ્ય લાભ સોનાના ભાવમાં તેજી અને ડોલરના નબળા પડવાથી મળ્યો છે. સોનાના ભંડારમાં નોંધપાત્ર વધારો ગયા સપ્તાહના અંતે ભારતના સોનાના ભંડારનું મૂલ્ય $6.181 બિલિયન વધીને $108.546 બિલિયન થયું. ભારતીય ચલણમાં આ મૂલ્ય હવે આશરે ₹9.54 લાખ કરોડ સુધી પહોંચી ગયું છે. આ વધારો વૈશ્વિક બુલિયન માર્કેટમાં સોનાના ભાવમાં ઉછાળો અને ડોલરની નબળાઈને કારણે મળેલા મૂલ્યાંકન લાભોનું પ્રતિબિંબ છે. ફોરેક્સ રિઝર્વના ઘટકોમાં ફેરફાર – Foreign Currency Assets (FCA): $1.692 બિલિયન ઘટીને $570.411 બિલિયન – Gold Reserves: $6.181 બિલિયન વધીને $108.546 બિલિયન – Special Drawing Rights (SDRs): $38 મિલિયન વધીને $18.722 બિલિયન – IMF Reserve Position: $30 મિલિયન ઘટીને $4.602 બિલિયન વિશ્વમાં ભારતનું સ્થાન ભારત હાલમાં વિશ્વના સૌથી મોટા ફોરેક્સ રિઝર્વ ધરાવતા દેશોમાંથી એક છે. આ અનામત ભારતને બાહ્ય આર્થિક આંચકાઓથી રક્ષણ આપે છે અને રૂપિયાની સ્થિરતા (Rupee Stability) જાળવવામાં મદદરૂપ બને છે. ભારતનો ફોરેક્સ રિઝર્વ છેલ્લે સપ્ટેમ્બર 2024માં $704.88 બિલિયનના સર્વોચ્ચ સ્તર પર પહોંચ્યો હતો અને હવે ફરી એ સ્તર નજીક છે. સોનાના ભાવમાં વધારાને કારણે ફોરેક્સ રિઝર્વના મૂલ્યમાં વધારો થયો છે, જે ભારતના આર્થિક આરોગ્ય અને નાણાકીય સ્થિરતાનું પ્રતિબિંબ છે. આ વૃદ્ધિ ભારતને વૈશ્વિક બજારમાં વધુ મજબૂત સ્થાન આપે છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/buletin_india FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
