સાવધાન! અમદાવાદ બની રહ્યું છે ડાયાબિટીસ-બીપીનું હબ: AMCના રિપોર્ટમાં ડરામણો ખુલાસો
પંકજ મકવાણા – અમદાવાદ, ગુજરાતના આર્થિક પાટનગર ગણાતા અમદાવાદમાં હવે ‘લાઈફસ્ટાઈલ ડિસીઝ’નો રોગ નાગરિકોને ભરખી રહ્યો હોય તેવા ચિંતાજનક આંકડા સામે આવ્યા છે. અમદાવાદ મ્યુનિસિપલ કોર્પોરેશન (AMC) દ્વારા વર્ષ 2021થી 2025 દરમિયાન શહેરના 82 અર્બન હેલ્થ સેન્ટર્સ પર કરવામાં આવેલા 33 લાખ નાગરિકોના હેલ્થ સ્ક્રીનિંગમાં અત્યંત ડરામણું ચિત્ર ઉપસ્યું છે. કુલ સ્ક્રીનિંગના 19% એટલે કે અંદાજે 6.2 લાખ લોકો હાઈપરટેન્શન (બીપી) અને 17.2% એટલે કે 5.6 લાખ લોકો ડાયાબિટીસથી પીડાતા હોવાનું સત્તાવાર રીતે નોંધાયું છે. સાયલન્ટ કિલર: 30+ ની પેઢી રડારમાં- મ્યુનિસિપલ આરોગ્ય વિભાગના ઉચ્ચ અધિકારીઓના જણાવ્યા અનુસાર, કોરોનાકાળ બાદ લોકોમાં બિન-ચેપી રોગો (NCD)નું પ્રમાણ ઝડપથી વધ્યું છે. કેન્દ્ર સરકારના 2030 સુધીમાં આવા રોગોમાં 30% ઘટાડો કરવાના લક્ષ્યાંકને પહોંચી વળવા હવે 30 વર્ષથી વધુની વયના તમામ નાગરિકોનું સ્ક્રીનિંગ ફરજિયાત બનાવવાની દિશામાં તંત્ર આગળ વધી રહ્યું છે. નિષ્ણાંતોના મતે હાઈ બીપી એ ‘સાયલન્ટ કિલર’ છે, જે સીધું જ હાર્ટ એટેક અને કાર્ડિયાક સમસ્યાઓ નોતરે છે. ઝોન વાઈઝ વિશ્લેષણ: ક્યાં કેટલા દર્દીઓ? (22 ડિસેમ્બર 2025ના AMC ડેટા પ્રમાણે) તંત્ર હવે એક્શન મોડમાં: કોર્પોરેશન હવે માત્ર ડાયાબિટીસ કે બીપી જ નહીં, પણ ગંભીર ગણાતા સર્વાઈકલ કેન્સરના ડેટા પણ એકત્રિત કરી રહ્યું છે. 82 હેલ્થ સેન્ટર્સ પર રસીકરણની સાથે હવે નિદાન અને મફત દવાઓ આપવાની કામગીરી તેજ કરવામાં આવી છે. અધિકારીઓએ ચેતવણી આપી છે કે જો જીવનશૈલીમાં સુધારો નહીં કરવામાં આવે, તો આગામી પાંચ વર્ષમાં આ આંકડા બેવડાઈ શકે છે. અમદાવાદીઓની બદલાતી ખાણી-પીણી અને શારીરિક શ્રમનો અભાવ હવે મેડિકલ ઈમરજન્સી તરફ દોરી જઈ રહ્યો છે. આ આંકડા માત્ર સંખ્યા નથી, પણ દરેક ઘર પરિવાર માટે ચેતવણી! Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
Bindia
- Top News , લાઈફસ્ટાઈલ
- February 10, 2026
કોફી પીવાથી ઉંમર ઓછી લાગી શકે છે!: રિસર્ચમાં થયો ખુલાસો, જાણો વિગત
કોફી આજના સમયમાં ઘણા લોકોના રોજિંદા જીવનનો મહત્વપૂર્ણ ભાગ બની ગઈ છે. ચાની જેમ કોફીના પણ અનેક ચાહકો છે. હવે એક નવા સંશોધનમાં ખુલાસો થયો છે કે કોફી માત્ર તાજગી જ નહીં, પરંતુ વૃદ્ધત્વ (એજિંગ) ઘટાડવામાં પણ મદદરૂપ બની શકે છે. કોફી કેવી રીતે એજિંગ ઘટાડે છે? વૈજ્ઞાનિક અભ્યાસ મુજબ, કોફીમાં રહેલા પોલિફેનોલ્સ અને ક્લોરોજેનિક એસિડ શરીરમાં ઓક્સિડેટીવ તણાવ ઘટાડવામાં મદદ કરે છે. ઓક્સિડેટીવ તણાવ ટેલોમેર્સને ટૂંકા કરે છે, જે વૃદ્ધત્વને ઝડપી બનાવે છે. કોફીના એન્ટીઑકિસડન્ટ તત્વો આ તણાવ ઘટાડીને પરોક્ષ રીતે એજિંગ પ્રક્રિયાને ધીમી કરી શકે છે. ટેલોમેર બાયોલોજી સાથે સંબંધ ટેલોમેર બાયોલોજી પર આધારિત સંશોધન દર્શાવે છે કે સેલ્યુલર સુરક્ષા અને મેટાબોલિક સિગ્નલિંગમાં કોફીના સંયોજનો મહત્વની ભૂમિકા ભજવે છે. નિયમિત અને મર્યાદિત માત્રામાં કોફીનું સેવન ટેલોમેર સ્થિરતાને ટેકો આપી શકે છે. માનસિક તણાવ અને એજિંગ માનસિક તણાવ અને કેટલીક માનસિક સમસ્યાઓ જૈવિક તણાવ વધારે છે, જેના કારણે ટેલોમેર્સને નુકસાન પહોંચે છે. આવા સંજોગોમાં, કોફીમાં રહેલા એન્ટીઑકિસડન્ટ્સ સેલ્સને વધારાનો સપોર્ટ આપી શકે છે. એન્ટીઑકિસડન્ટથી ભરપૂર પીણાં છે લાભદાયી કોફી ઉપરાંત ગ્રીન ટી અને કેટલાક ફળ આધારિત પીણાં પણ એન્ટીઑકિસડન્ટથી ભરપૂર હોય છે, જે ઓક્સિડેટીવ તણાવ ઘટાડીને એજિંગ ધીમું કરવામાં મદદ કરે છે. સંતુલિત આહારમાં કોફી કેવી રીતે સામેલ કરવી? – દરરોજ 1થી 2 કપ કોફી પીવી યોગ્ય માનવામાં આવે છે – કેફીનયુક્ત અને ડીકેફીનયુક્ત બંને પ્રકારની કોફી લઈ શકાય – કોફીનો ઉપયોગ કૂકીઝ, કેક અને અન્ય વાનગીઓમાં પણ થઈ શકે છે – કોફી સાથે ફાઇબરથી ભરપૂર અને સ્વસ્થ ખોરાક લેવો જરૂરી – કોઈપણ વસ્તુનો અતિરેક નુકસાનકારક હોઈ શકે છે, તેથી વધારે કોફી પીવાનું ટાળો લાઈફસ્ટાઈલ પણ મહત્વની સારો આહાર, પૂરતી ઊંઘ, નિયમિત વ્યાયામ અને તણાવમુક્ત જીવનશૈલી એજિંગને ધીમું કરવામાં મહત્વની ભૂમિકા ભજવે છે. કોફી તેનો એક સહાયક ભાગ બની શકે છે. Disclaimer: લેખમાં દર્શાવેલ સલાહ અને સૂચનો માત્ર સામાન્ય માહિતીના હેતુ માટે છે અને તેને વ્યાવસાયિક તબીબી સલાહ તરીકે ન લેવા જોઈએ. જો તમારી પાસે કોઈ પ્રશ્નો અથવા ચિંતાઓ હોય, તો હંમેશા તમારા ડૉક્ટરની સલાહ લો. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
- Top News , લાઈફસ્ટાઈલ
- January 27, 2026
લસણના પાણીમાં આ વસ્તુઓ ઉમેરીને પીવાથી રોગપ્રતિકારક શક્તિ મજબૂત બને છે, જાણો હેલ્ધી ડ્રિંક બનાવવાની રીત
કેન્સર ક્યારે અને કોને થાય તે ચોક્કસ રીતે કહી શકાય તેમ નથી. બદલાતી જીવનશૈલી, ખોટી ખાવાની આદતો અને વધતો તણાવ રોગપ્રતિકારક શક્તિને નબળી બનાવે છે, જેના કારણે ગંભીર બીમારીઓનો ખતરો વધે છે. આ કારણે આજકાલ લોકો પોતાના આહાર પર વિશેષ ધ્યાન આપી રહ્યા છે અને આયુર્વેદિક ઉપાયો તરફ વળી રહ્યા છે. લસણનું પાણી: આયુર્વેદિક હેલ્ધી ડ્રિંક આયુર્વેદ મુજબ, લસણ એક શક્તિશાળી ઔષધીય તત્વ છે. તેમાં એન્ટીઑકિસડન્ટ અને બળતરા વિરોધી ગુણધર્મો હોય છે, જે શરીરની રોગપ્રતિકારક શક્તિને મજબૂત બનાવવામાં મદદરૂપ થાય છે. શું લસણનું પાણી કેન્સરથી બચાવે છે? હેલ્થ એક્સપર્ટ્સ સ્પષ્ટ રીતે કહે છે કે લસણનું પાણી કેન્સરની રોકથામ અથવા સારવારની ગેરંટી આપતું નથી. જોકે, તે શરીરને મજબૂત બનાવે છે, ઇમ્યુનિટી વધારે છે અને સર્વાંગી સ્વાસ્થ્ય જાળવવામાં મદદ કરે છે. કેટલાક વૈજ્ઞાનિક અભ્યાસો અને આયુર્વેદમાં લસણને લાભદાયી માનવામાં આવ્યું છે, પરંતુ તેને કેન્સરની દવા તરીકે માનવી યોગ્ય નથી. લસણના પાણીમાં શું ઉમેરવું? હેલ્થ એક્સપર્ટ્સ અનુસાર, – હળદર (કર્ક્યુમિનથી ભરપૂર) – આદુ (બળતરા વિરોધી ગુણધર્મો સાથે) આ બંને વસ્તુઓ લસણ સાથે મળીને રોગપ્રતિકારક શક્તિને વધુ મજબૂત બનાવે છે. હેલ્ધી ડ્રિંક બનાવવાની રીત – એક ગ્લાસ પાણી લો – તેમાં લસણની 4 કળીઓનો ભૂકો ઉમેરો – ધીમા તાપે ઉકાળો અને પાણી હુંફાળું કરો – હવે તેમાં 2 ચપટી હળદર અને 1 ઇંચ આદુનો ટુકડો ઉમેરો – ફરી સારી રીતે ઉકાળો અને ગ્લાસમાં રેડો – આ પીણું ખાલી પેટે અથવા નાસ્તા સાથે પી શકાય છે લસણનું પાણી પીવાના ફાયદા – રોગપ્રતિકારક શક્તિ મજબૂત બનાવે – ચેપ સામે લડવામાં મદદ કરે – પાચનતંત્રને સુધારે – શરીરને ડિટોક્સિફાય કરે – સામાન્ય સ્વાસ્થ્ય જાળવવામાં મદદરૂપ Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
- Top News , લાઈફસ્ટાઈલ
- November 10, 2025
દૂધથી લઈને મશરૂમ સુધી, Vitamin B12 વધારવાના 7 અસરકારક ઉપાય
વિટામિન B12 (કોબાલામિન) શરીર માટે અત્યંત જરૂરી પોષક તત્વ છે. તે રક્તમાં લોહીની સપ્લાય જાળવવામાં, નસો (નર્વ્સ)ને મજબૂત બનાવવામાં અને મગજના સ્વાસ્થ્યને સુધારવામાં મદદ કરે છે. Vitamin B12 ની ઉણપના લક્ષણો – સતત થાક અને નબળાઈ અનુભવવી – ચહેરા અને આંખોમાં પીળાશ દેખાવું – નખ ખરબચડા અને સફેદ પટ્ટાવાળા થવા – વાળ ખરવા લાગવા -પગમાં દુખાવો અથવા ઝણઝણાટ અનુભવવો Vitamin B12ના કુદરતી સ્ત્રોત (Natural Sources): પ્રાણીઝ સ્ત્રોત (Non-Vegetarian Sources): – ઈંડા (ખાસ કરીને પીળો ભાગ) – દૂધ અને દૂધજન્ય વસ્તુઓ (દહીં, પનીર, ચીઝ) – માછલી (સાલ્મન, ટ્યુના, સાર્ડિન) – ચિકન અને લિવર શાકાહારીઓ માટે વિકલ્પો (Vegetarian Sources): – સોયા મિલ્ક અને સોયા પ્રોડક્ટ્સ – ફોર્ટિફાઈડ અનાજ (Vitamin B12 ઉમેરેલા સીરિયલ્સ) – મશરૂમ – પાલક, બ્રોકોલી, કાલે જેવા લીલા શાકભાજી – નારંગી, જામફળ, કેળા, કેરી જેવા ફળો Vitamin B12 વધારવા માટે ઉપાયો – દૈનિક આહારમાં દૂધ, દહીં અથવા સોયા મિલ્ક ઉમેરો – નાસ્તામાં ફોર્ટિફાઈડ સીરિયલ્સ લો – દરરોજ લીલા શાકભાજીનો સમાવેશ કરો – જો જરૂર લાગે તો ડૉક્ટર સલાહથી Vitamin B12ના સપ્લિમેન્ટ લો – સ્ટ્રેસ ઓછો રાખો અને નિયમિત ઊંઘ લો Disclaimer: લેખમાં દર્શાવેલ સલાહ અને સૂચનો માત્ર સામાન્ય માહિતીના હેતુ માટે છે અને તેને વ્યાવસાયિક તબીબી સલાહ તરીકે ન લેવા જોઈએ. જો તમારી પાસે કોઈ પ્રશ્નો અથવા ચિંતાઓ હોય, તો હંમેશા તમારા ડૉક્ટરની સલાહ લો. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/buletin_india FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
