Bindiaટ્રમ્પની ગ્રીનલેન્ડ મુદ્દે ચેતવણી: સમર્થન ન આપનાર દેશો પર વધુ ટેરિફ લાદવાની ધમકી
અમેરિકાના રાષ્ટ્રપતિ ડોનાલ્ડ ટ્રમ્પે ગ્રીનલેન્ડ પર નિયંત્રણ મેળવવાના મુદ્દે ફરી એકવાર કડક વલણ અપનાવ્યું છે. વ્હાઇટ હાઉસ ખાતે યોજાયેલી આરોગ્ય સંબંધિત ગોળમેજી બેઠક દરમિયાન ટ્રમ્પે ચેતવણી આપી હતી કે જો કોઈ દેશ ગ્રીનલેન્ડને લઈને અમેરિકાની યોજના સમર્થન નહીં આપે, તો તેને ભારે ટેરિફનો સામનો કરવો પડી શકે છે. ટ્રમ્પે સ્પષ્ટ શબ્દોમાં જણાવ્યું કે અમેરિકાની રાષ્ટ્રીય સુરક્ષા માટે ગ્રીનલેન્ડ અત્યંત આવશ્યક છે અને આ મુદ્દે કોઈ પણ પ્રકારનું સમાધાન કરવામાં આવશે નહીં. તેમના આ નિવેદન બાદ આંતરરાષ્ટ્રીય સ્તરે ચર્ચા અને આક્રોશ બંને જોવા મળી રહ્યા છે. ગ્રીનલેન્ડ મુદ્દે ટ્રમ્પનું દબાણ યથાવત જાન્યુઆરીમાં ફરી વ્હાઇટ હાઉસ પરત ફર્યા બાદ રાષ્ટ્રપતિ ટ્રમ્પ સતત ગ્રીનલેન્ડને અમેરિકાના નિયંત્રણ હેઠળ લાવવાની ઇચ્છા વ્યક્ત કરી રહ્યા છે. જોકે, ડેનમાર્ક સહિત અનેક યુરોપિયન દેશોએ આ માંગણીને સ્પષ્ટપણે નકારી કાઢી છે. ટ્રમ્પ વહીવટીતંત્રનો દાવો છે કે ગ્રીનલેન્ડ ભૌગોલિક રીતે ઉત્તર અમેરિકાના વિસ્તારમાં આવે છે અને આ કારણે અમેરિકા માટે તેનું મહત્વ વધુ છે. રાષ્ટ્રીય સુરક્ષા અને આર્ક્ટિક ક્ષેત્રમાં વ્યૂહાત્મક મહત્વ અમેરિકન પ્રશાસન મુજબ, ગ્રીનલેન્ડનું સ્થાન આર્ક્ટિક ક્ષેત્રમાં છે, જ્યાં વૈશ્વિક શક્તિઓ વચ્ચે સ્પર્ધા સતત વધી રહી છે. આવી સ્થિતિમાં ગ્રીનલેન્ડનું વ્યૂહાત્મક મહત્વ અમેરિકા માટે અત્યંત મહત્વપૂર્ણ બની ગયું છે. વહીવટીતંત્રનું માનવું છે કે આ પ્રદેશ પર નિયંત્રણ મેળવવાથી અમેરિકા પોતાની રાષ્ટ્રીય સુરક્ષા વધુ મજબૂત કરી શકે છે. ખનિજ સંપત્તિ પર પણ નજર? ટ્રમ્પના નિવેદનોના ટીકાકારોનું માનવું છે કે અમેરિકા માત્ર સુરક્ષા કારણોસર જ નહીં, પરંતુ ગ્રીનલેન્ડની વિશાળ ખનિજ અને પ્રાકૃતિક સંપત્તિ પર પણ ધ્યાન કેન્દ્રિત કરી રહ્યું છે. આર્ક્ટિક વિસ્તારમાં રહેલા દુર્લભ ખનિજ વૈશ્વિક અર્થતંત્ર અને ટેકનોલોજી માટે ખૂબ જ મહત્વના માનવામાં આવે છે. માર્ચમાં ખાસ દૂતની મુલાકાત, સોદાની શક્યતા? ગ્રીનલેન્ડ મુદ્દે અમેરિકાના ખાસ દૂતે જણાવ્યું છે કે તેઓ માર્ચ મહિનામાં આ ડેનિશ પ્રદેશની મુલાકાત લેવાની યોજના ધરાવે છે. તેમણે વિશ્વાસ વ્યક્ત કર્યો કે આ મુદ્દે કોઈ સોદો શક્ય બની શકે છે. ખાસ દૂતે કહ્યું કે રાષ્ટ્રપતિ ટ્રમ્પ આ મુદ્દે ગંભીર છે અને ડેનમાર્ક સાથે પ્રારંભિક સ્તરે શરતો અંગે વાતચીત થઈ ચૂકી છે. હવે વિદેશ પ્રધાન અને ઉપરાષ્ટ્રપતિના સ્તરે ચર્ચાઓ કરીને સોદાને અંતિમ સ્વરૂપ આપવાના પ્રયાસો કરવામાં આવશે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
ટ્રમ્પની નજર ‘બરફના ટાપુ’ ગ્રીનલેન્ડ પર: રાષ્ટ્રીય સુરક્ષા માટે કેમ છે અનિવાર્ય?, જાણો શું છે મહત્વ
અમેરિકાના પૂર્વ રાષ્ટ્રપતિ ડોનાલ્ડ ટ્રમ્પએ ફરી એકવાર ગ્રીનલેન્ડ પર અમેરિકાના નિયંત્રણની ઇચ્છા વ્યક્ત કરતા વૈશ્વિક રાજકારણમાં ચર્ચાનો તોફાન સર્જ્યો છે. ટ્રમ્પના મતે, ગ્રીનલેન્ડ માત્ર બરફથી ઢંકાયેલો ટાપુ નહીં પરંતુ અમેરિકાની રાષ્ટ્રીય સુરક્ષાનો વ્યૂહાત્મક કિલ્લો છે. તેમના આ નિવેદન બાદ ડેનમાર્ક અને ગ્રીનલેન્ડ સરકાર તરફથી કડક પ્રતિક્રિયા સામે આવી છે, તેમ છતાં ટ્રમ્પે આ મુદ્દે ખાસ દૂતની નિમણૂક કરીને પોતાના ઈરાદા સ્પષ્ટ કરી દીધા છે. અમેરિકા માટે ગ્રીનલેન્ડ કેમ મહત્વનું? ગ્રીનલેન્ડ ભૌગોલિક રીતે યુરોપ અને ઉત્તર અમેરિકા વચ્ચેના સૌથી ટૂંકા માર્ગ પર સ્થિત છે. અહીંથી અમેરિકા રશિયા અને ચીન જેવી વૈશ્વિક શક્તિઓની આર્કટિક વિસ્તારમાં થતી લશ્કરી અને વ્યાવસાયિક ગતિવિધિઓ પર નજીકથી નજર રાખી શકે છે. ખાસ કરીને આર્કટિક ક્ષેત્રમાં રશિયન પરમાણુ સબમરીન અને ચીની કાર્ગો જહાજોની વધતી અવરજવરને કારણે અમેરિકા અહીં પોતાની લશ્કરી હાજરી અને મિસાઇલ ચેતવણી પ્રણાલી વધુ મજબૂત બનાવવા માંગે છે. નોંધપાત્ર વાત એ છે કે ગ્રીનલેન્ડની રાજધાની નુઉક, ડેનમાર્ક કરતાં ન્યૂયોર્કને વધુ નજીક છે, જે તેને અમેરિકા માટે વ્યૂહાત્મક રીતે વધુ મહત્વપૂર્ણ બનાવે છે. ખનિજ અને કુદરતી સંપત્તિનો ખજાનો ગ્રીનલેન્ડ માત્ર બરફનું સામ્રાજ્ય નથી; તેના નીચે તેલ, કુદરતી ગેસ અને દુર્લભ ખનિજોનો વિશાળ ભંડાર છુપાયેલો છે. હાલ આ સંસાધનોનો વિકાસ મર્યાદિત છે, પરંતુ ભવિષ્યમાં આર્કટિક ક્ષેત્ર વૈશ્વિક અર્થતંત્ર માટે મહત્વપૂર્ણ બનવાનું છે. ટ્રમ્પની નજર આ સંસાધનો પર છે, જેથી અમેરિકા આર્કટિકના આર્થિક ભવિષ્યમાં પ્રભુત્વ જમાવી શકે. લશ્કરી હાજરી અને ઐતિહાસિક કરાર ૧૯૫૧ના એક ઐતિહાસિક કરાર હેઠળ અમેરિકાને ગ્રીનલેન્ડમાં પિટુફિક (Thule) એર બેઝ પર લશ્કરી થાણું રાખવાનો અધિકાર મળ્યો છે. ડેનમાર્ક લાંબા સમયથી અમેરિકાની આ હાજરીને સ્વીકારી રહ્યું છે, કારણ કે તેની પાસે ગ્રીનલેન્ડની સુરક્ષા માટે પૂરતી લશ્કરી ક્ષમતા નથી. ડેનમાર્કને નાટો (NATO) મારફતે અમેરિકાથી સુરક્ષા ગેરંટી મળે છે. ગ્રીનલેન્ડની સ્વતંત્રતાની ઇચ્છા ગ્રીનલેન્ડ હાલમાં ડેનમાર્કનો સ્વાયત્ત પ્રદેશ છે. 2009ના કાયદા મુજબ, ગ્રીનલેન્ડના લોકો લોકમત દ્વારા ડેનમાર્કથી અલગ થઈને સંપૂર્ણ સ્વતંત્રતા જાહેર કરી શકે છે. સર્વેક્ષણો દર્શાવે છે કે મોટાભાગના લોકો સ્વતંત્રતા તરફ ઝુકાવ ધરાવે છે, પરંતુ તેઓ અમેરિકાના સીધા નિયંત્રણ હેઠળ જવાની સંભાવનાથી ચિંતિત છે. જો ગ્રીનલેન્ડ સ્વતંત્ર બને, તો તે માર્શલ ટાપુઓની જેમ અમેરિકા સાથે ‘ફ્રી એસોસિએશન’ કરાર કરી શકે છે, જેમાં લશ્કરી સુરક્ષાના બદલામાં અમેરિકા આર્થિક સહાય આપે છે. આર્કટિકનું નવું ‘કોલ્ડ વોર’? વિશ્લેષકોનું માનવું છે કે ટ્રમ્પની ગ્રીનલેન્ડ પ્રત્યેની જીદ આગામી વર્ષોમાં આર્કટિક ક્ષેત્રને વૈશ્વિક શક્તિઓના નવા સંઘર્ષનું કેન્દ્ર બનાવી શકે છે. અમેરિકા, રશિયા અને ચીન વચ્ચે વધતી સ્પર્ધા આ બરફીલા પ્રદેશને નવા ‘કોલ્ડ વોર’ તરફ ધકેલી રહી હોવાના સંકેતો આપી રહી છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
