BindiaJDU નેતાએ PM મોદીને પત્ર લખી નીતિશ કુમાર માટે ભારત રત્નની માંગ કરી
જનતા દળ (યુનાઇટેડ)ના વરિષ્ઠ નેતા કે.સી. ત્યાગીએ વડાપ્રધાન નરેન્દ્ર મોદીને પત્ર લખીને બિહારના મુખ્યમંત્રી નીતિશ કુમારને દેશના સર્વોચ્ચ નાગરિક સન્માન ભારત રત્નથી સન્માનિત કરવાની માગ કરી છે. કે.સી. ત્યાગીએ પત્રમાં જણાવ્યું કે સમાજવાદી આંદોલનના અનમોલ રત્ન નીતિશ કુમાર ભારત રત્ન માટે પૂરતું લાયક છે અને તેમને આ સન્માન મળવું જોઈએ. તેમણે જણાવ્યું, “30 માર્ચ 2024 આપણા પૂર્વજોને સન્માન આપવાનો દિવસ છે. તમારા પ્રયાસોથી સ્વર્ગસ્થ ચૌધરી ચરણ સિંહ અને કરપુરી ઠાકુરને ભારત રત્ન આપવામાં આવ્યો હતો. તેઓના જનકલ્યાણ અને ખેડૂતોના હિત માટેના પ્રયાસો ખૂબ મહત્વપૂર્ણ રહ્યા છે.” પત્રમાં આગળ જણાવાયું છે કે, “હું તમારા પ્રયાસોથી પ્રભાવિત છું અને વિનંતી કરું છું કે સમાજવાદી આંદોલનના બાકી રહેલા અમૂલ્ય રત્ન નીતિશ કુમાર પણ ભારત રત્નના લાયક છે. લાખો લોકોની…
