Bindia“જય શ્રી રામનું સ્મરણ, સુખ-શાંતિ અને સફળ જીવનનું શાશ્વત ધામ.”
🚩 જય શ્રી રામ, જીવન બને સુખધામ “જય શ્રી રામ” માત્ર એક જયઘોષ નથી, પરંતુ કરોડો લોકોની આસ્થા, સંસ્કાર અને જીવન જીવવાની પ્રેરણા છે. ભગવાન શ્રીરામનું નામ મનમાં શક્તિ, શાંતિ અને સદાચારનો સંચાર કરે છે. જ્યારે જીવનમાં મુશ્કેલીઓ આવે છે, ત્યારે શ્રીરામનું સ્મરણ મનને સ્થિર રાખવાની અને યોગ્ય માર્ગ પર ચાલવાની પ્રેરણા આપે છે. ભગવાન શ્રીરામને મર્યાદા પુરુષોત્તમ કહેવાય છે, કારણ કે તેમણે પોતાના સમગ્ર જીવનમાં સત્ય, ધર્મ, કર્તવ્ય અને વચનપાલનને સર્વોપરી સ્થાન આપ્યું હતું. રાજા હોવા છતાં તેમણે પ્રજાના હિતને પ્રથમ સ્થાન આપ્યું અને પરિવાર, સમાજ તથા રાષ્ટ્ર પ્રત્યેની પોતાની જવાબદારીઓનું શ્રેષ્ઠ ઉદાહરણ પૂરું પાડ્યું. તેમના જીવનમાંથી આપણે શીખીએ છીએ કે સચ્ચાઈ અને ધર્મના માર્ગ પર ચાલનાર વ્યક્તિને અંતે સફળતા અને સન્માન બંને મળે છે.…
ભક્તિ જ જીવનની સૌથી મોટી શક્તિ
🕉️ ભક્તિ જ જીવનની સૌથી મોટી શક્તિ માનવ જીવનમાં અનેક પડકારો, મુશ્કેલીઓ અને સંઘર્ષો આવે છે. ક્યારેક પરિસ્થિતિ એવી બની જાય છે કે તમામ રસ્તાઓ બંધ થઈ ગયા હોય એવું લાગે છે. આવા સમયે મનને સ્થિર રાખવાની, આશા જાળવી રાખવાની અને જીવનમાં આગળ વધવાની સૌથી મોટી શક્તિ છે – ભક્તિ. ભક્તિનો અર્થ માત્ર મંદિર જવું, પૂજા-પાઠ કરવો કે ધાર્મિક વિધિઓ કરવી એટલો જ નથી. સાચી ભક્તિ એટલે ભગવાન પ્રત્યેનો અડગ વિશ્વાસ, નિઃસ્વાર્થ પ્રેમ અને દરેક પરિસ્થિતિમાં તેમના પર સંપૂર્ણ ભરોસો રાખવો. જ્યારે મનમાં ભક્તિ હોય છે ત્યારે ભય ઓછો થાય છે, આત્મવિશ્વાસ વધે છે અને મુશ્કેલીઓનો સામનો કરવાની હિંમત મળે છે. ભારતીય સંસ્કૃતિમાં ભક્તિના અનેક પ્રેરણાદાયી પ્રસંગો જોવા મળે છે. મીરાબાઈની શ્રીકૃષ્ણ પ્રત્યેની અતૂટ ભક્તિ,…
ગાંધીનગરમાં યોજાયો સંસ્કૃત પ્રોત્સાહન સમારોહ: સંસ્કૃતિનો જીવંત વારસો ગણાવી અધ્યક્ષ હિમાંજય પાલીવાલનું સંબોધન
ગુજરાત રાજ્ય સંસ્કૃત બોર્ડ દ્વારા સંસ્કૃત પ્રોત્સાહન યોજના અંતર્ગત આજે ગાંધીનગર ખાતે રાજ્યકક્ષાનો ભવ્ય “સંસ્કૃત પ્રોત્સાહન સમારોહ” યોજાયો હતો. માધ્યમિક સ્તરે સંસ્કૃત ભાષાના શિક્ષણને વધુ વેગ આપવા તેમજ આ ક્ષેત્રે કાર્યરત શૈક્ષણિક સંસ્થાઓ અને શિક્ષકોને પ્રોત્સાહિત કરવાના ઉદ્દેશથી કાર્યક્રમનું આયોજન કરાયું હતું. આ કાર્યક્રમમાં બોર્ડના અધ્યક્ષ હિમાંજય પાલીવાલે સંસ્કૃત ભાષાની મહત્તા પર પ્રકાશ પાડતાં જણાવ્યું હતું કે, સંસ્કૃત માત્ર ભાષા નથી, પરંતુ આપણી સંસ્કૃતિનો જીવંત વારસો છે. નવી પેઢી આ વારસા સાથે જોડાય તે માટે આચાર્યો અને શિક્ષકોની ભૂમિકા મહત્વની છે. આ કાર્યક્રમમાં રાજ્યની કુલ 223 સંસ્થાઓ જોડાઈ હતી. સંસ્થાઓના આચાર્યઓ અને સંસ્કૃત વિષયના ગુરુજીઓ સહિત કુલ 476 શિક્ષણસેવકોનું તેમની ઉત્કૃષ્ટ સેવા બદલ સન્માન કરવામાં આવ્યું હતું. આ અવસરે ડૉ. પદ્મકુમારજીએ “પરિવાર પ્રબોધન: સંસ્કૃત દ્વારા વ્યક્તિત્વ…
સરકારી કાર્યક્રમોમાં ‘વંદે માતરમ’ ગાવું અને વગાડવું ફરજીયાત, નવો પ્રોટોકોલ જાહેર
વંદે માતરમની રચનાની ૧૫૦મી વર્ષગાંઠને નિમિત્તે કેન્દ્ર સરકારે નવી માર્ગદર્શિકા બહાર પાડી છે. આ નવી ગાઇડલાઇન મુજબ, વંદે માતરમના છ શ્લોકનું ગાન અથવા વગાડવું હવે તમામ ખાસ સરકારી કાર્યક્રમોમાં ફરજીયાત રહેશે. સત્તાવાર સંસ્કરણના ગાનનો સમયગાળો ૩ મિનિટ ૧૦ સેકન્ડનો રહેશે. કયા પ્રસંગો પર ફરજીયાત રહેશે? – રાષ્ટ્રપતિ અને રાજયપાલ/લેફટનન્ટ ગવર્નરના આગમન અને પ્રસ્થાન – નાગરિક શપથ સમારોહ અને પદ્મ પુરસ્કાર જેવા નાગરિક સન્માન સમારોહ – રાષ્ટ્રને સંબોધન પહેલા અને પછી – ત્રિરંગા લહેરાવતી પરેડ દરમિયાન જો વંદે માતરમ અને રાષ્ટ્રગીત ‘જન ગણ મન’ બંને રજૂ કરવામાં આવે, તો પહેલા ‘વંદે માતરમ’ અને ત્યારબાદ ‘જન ગણ મન’ વગાડવામાં આવશે. આ દરમિયાન ઉપસ્થિત દરેક વ્યક્તિએ ધ્યાને ઊભા રહેવું ફરજીયાત રહેશે. જો કે સિનેમા હોલ અથવા દસ્તાવેજી/ન્યુઝરીલના પ્રસારણ દરમિયાન…
પદ્મ પુરસ્કારનું નામ ‘પદ્મ’ રાખવાનો આધ્યાત્મિક અર્થ, જાણો વિગત
દર વર્ષે જ્યારે પદ્મ પુરસ્કારની સૂચિ જાહેર થાય છે, ત્યારે સમગ્ર દેશમાં ગૌરવનો મૌસમ વહી જાય છે. કલા, સાહિત્ય, વિજ્ઞાન અને સમાજસેવા જેવા ક્ષેત્રોમાં પોતાનું જીવન નિર્ભયતાપૂર્વક સમર્પિત કરનારી વિભૂતિઓને પદ્મ વિભૂષણ, પદ્મ ભૂષણ અને પદ્મશ્રીથી નવાજવામાં આવે છે. પરંતુ આ પુરસ્કારો માત્ર મેડલ અને પ્રશસ્તિ પત્રથી સીમિત નથી; તેમા ભારતની હજારો વર્ષ જૂની આદ્યાત્મિક ચેતના છુપાયેલી છે. પદ્મ પુરસ્કારની સ્થાપના: – સ્થાપના: 2 જાન્યુઆરી 1954 – સત્તાવાર જાહેરખબરો: 8 જાન્યુઆરી 1955 – કેટેગરીઝ: પદ્મ વિભૂષણ, પદ્મ ભૂષણ, પદ્મશ્રી ‘પદ્મ’ નામની પાવનતા: ‘પદ્મ’ એ સંસ્કૃત શબ્દ છે, જેનો અર્થ છે કમળનું ફૂલ. ભારતીય સંસ્કૃતિમાં કમળ માત્ર એક ફૂલ નથી; તે જીવન દર્શનનું પ્રતિક છે. કમળ કીચડમાં ઉગે છે, પણ ક્યારેય દુષિત નથી થાય. આ રીતે, પદ્મ…
પ્રજાસત્તાક દિવસ 2026: ભારત 26 જાન્યુઆરીએ પ્રજાસત્તાક દિવસ કેમ ઉજવાય છે? ઇતિહાસ, મહત્વ અને ઉજવણીઓ
ભારત દર વર્ષે 26 જાન્યુઆરીના દિવસે પ્રજાસત્તાક દિવસની ઉજવણી કરે છે. આ દિવસ દેશના બંધારણની અમલીકરણની યાદમાં નિર્વિચાર મહત્વ ધરાવે છે અને સમગ્ર દેશ માટે દેશભક્તિ અને ગર્વનો પ્રતીક છે. 2026માં, ભારત 77મો પ્રજાસત્તાક દિવસ ઉજવશે, જે સોમવારે આવે છે. ઇતિહાસ ભારતને 15 ઓગસ્ટ, 1947 ના રોજ સ્વતંત્રતા મળી, ત્યારે દેશમાં બંધારણના અમલ માટે માર્ગદર્શિકા ન હતી. સ્વતંત્રતા પછીના કાયદા બ્રિટિશ “ભારત સરકાર અધિનિયમ, 1935” પર આધારિત હતા. ભારતીય બંધારણ તૈયાર કરવા માટે મુસદ્દા સમિતિની રચના કરવામાં આવી, જેના અધ્યક્ષ હતા ડૉ. બી.આર. આંબેડકર. સમિતિના પ્રયાસો પછી ભારતીય બંધારણ 26 નવેમ્બર, 1949 ના રોજ પૂર્ણ થયું. આ દિવસને બંધારણ દિવસ તરીકે ઉજવવામાં આવે છે. બે મહિના પછી, 26 જાન્યુઆરી, 1950 ના રોજ બંધારણ અમલમાં આવ્યું. આ…
પ્રજાસત્તાક દિવસની પૂર્વસંધ્યાએ રાષ્ટ્રપતિ દ્રૌપદી મુર્મુનું રાષ્ટ્રને સંબોધન, જાણો વિગત
રાષ્ટ્રપતિ દ્રૌપદી મુર્મુએ પ્રજાસત્તાક દિવસની પૂર્વસંધ્યાએ રાષ્ટ્રને સંબોધન કરતાં કહ્યું કે યુવાનો દેશના વિકાસને નવી દિશા આપી રહ્યા છે. તેમણે જણાવ્યું કે પ્રજાસત્તાક દિવસ અતીત, વર્તમાન અને ભવિષ્યને જોડતો પવિત્ર તહેવાર છે, જે દેશની દિશા અને સ્થિતિ પર ચિંતન કરવાની તક આપે છે. રાષ્ટ્રપતિએ કહ્યું કે 15 ઓગસ્ટ 1947ના રોજ સ્વતંત્રતા પ્રાપ્ત થયા બાદ ભારત પોતાના રાષ્ટ્રીય ભાગ્યનો નિર્માતા બન્યું. ત્યારબાદ 26 જાન્યુઆરી 1950ના રોજ બંધારણ અમલમાં આવતા ભારત એક સંપ્રભુ, લોકશાહી પ્રજાસત્તાક તરીકે સ્થપાયું. તેમણે ભારપૂર્વક જણાવ્યું કે ભારતનું બંધારણ ન્યાય, સ્વતંત્રતા, સમાનતા અને બંધુત્વ જેવા આદર્શો પર આધારિત છે, જે વિશ્વના સૌથી મોટા લોકશાહી પ્રજાસત્તાકનો મજબૂત પાયો બનાવે છે. આ આદર્શો બંધારણના નિર્માતાઓની દૃષ્ટિ અને રાષ્ટ્રની એકતાનું પ્રતિક છે. રાષ્ટ્રપતિ મુર્મુએ સરદાર વલ્લભભાઈ પટેલની…
આરએસએસ સરસંઘચાલક ડૉ. મોહનજી ભાગવતનું આગમન રાજકોટમાં, શતાબ્દી વર્ષ ઉજવણી અંતર્ગત વિશેષ સંવાદ
રાષ્ટ્રીય સ્વયંસેવક સંઘ (આરએસએસ)ના શતાબ્દી વર્ષની ઉજવણીના ભાગરૂપે અખિલ ભારતીય પ્રવાસ યોજના અંતર્ગત પરમપૂજ્ય સરસંઘચાલક ડૉ. મોહનજી ભાગવત રવિવારે રાજકોટના સેવાભારતી ભવનમાં આગમન થયા. તેમની મુલાકાત દરમ્યાન તેઓ જાહેર સભાને સંબોધન નહીં કરે, પરંતુ સમાજના પ્રબુદ્ધ નાગરિકો અને વિવિધ ક્ષેત્રના અગ્રણીઓ સાથે વિશેષ સંવાદ કરશે. આ મુલાકાત દરમિયાન, ડૉ. મોહનજી ભાગવત ‘પંચ પરિવર્તન’ ના વિષયો પર ભાર મુકશે, જેમાં સામાજિક સમરસતા, કુટુંબ પ્રબોધન, સ્વદેશી (સ્વબોધ), પર્યાવરણ સંરક્ષણ અને નાગરિક કર્તવ્ય જેવા મહત્વના મુદ્દાઓની ચર્ચા થશે. સૌરાષ્ટ્રના વિવિધ ક્ષેત્રોના આગેવાનો સાથે આ સંવાદ દ્વારા ઊંડું ચિંતન અને વિચારોનો વિનિમય થશે. ઉલ્લેખનીય છે કે, ડૉ. મોહનજી ભાગવતનો ગુજરાત સાથે દેહ અને પારિવારિક સંબંધ છે. તેમના પિતા સ્વ. મધુકરરાવજી ભાગવત, ભૂતકાળમાં ગુજરાતના પ્રાંત પ્રચારક તરીકે મહત્વપૂર્ણ દાયિત્વ નિભાવતા રહ્યા…
મૌની અમાવસ્યા પર શ્રદ્ધાનો મહાસાગર, પ્રયાગરાજ સંગમ ખાતે 4.36 કરોડ ભક્તોએ લગાવી પવિત્ર ડૂબકી
ઉત્તર પ્રદેશના પ્રયાગરાજમાં યોજાઈ રહેલા ઐતિહાસિક માઘ મેળામાં મૌની અમાવસ્યાના પાવન અવસરે આસ્થાનો અભૂતપૂર્વ નજારો જોવા મળ્યો. રવિવારે બ્રહ્મમુહૂર્તથી જ સંગમના ઘાટો પર શ્રદ્ધાળુઓની ભારે ભીડ ઉમટી પડી હતી. સાંજે 6 વાગ્યા સુધીમાં 4.36 કરોડથી વધુ ભક્તોએ ત્રિવેણી સંગમમાં પવિત્ર સ્નાન કર્યું, જે વહીવટીતંત્રના અંદાજ કરતા ઘણી વધુ સંખ્યા છે. સ્નાનનો ક્રમ વહેલી સવારથી શરૂ થયો હતો. સવારે 4 વાગ્યા સુધીમાં 50 લાખ, 6 વાગ્યા સુધીમાં 75 લાખ અને 7 વાગ્યા સુધીમાં 1 કરોડ શ્રદ્ધાળુઓએ પવિત્ર ડૂબકી લગાવી હતી. સવારે 8 વાગ્યા સુધીમાં આ આંકડો 1.3 કરોડને પાર ગયો હતો. બપોરે 12 વાગ્યા સુધીમાં 3.15 કરોડ, સાંજે 4 વાગ્યા સુધીમાં 3.82 કરોડ અને સાંજે 6 વાગ્યા સુધીમાં કુલ 4.36 કરોડ ભક્તોએ સ્નાન પૂર્ણ કર્યું હતું. ગત…
મકર સંક્રાંતિ 2026: દાન-સ્નાન માટે કેટલા વાગ્યે છે શુભ મુહૂર્ત? જાણો પૂજાની વિધિ
હિન્દુ ધર્મમાં મકર સંક્રાંતિનું વિશેષ મહત્વ છે. આ વર્ષે મકર સંક્રાંતિ વધુ પુણ્યપ્રદ માનવામાં આવી રહી છે, કારણ કે અનેક વર્ષો બાદ ષટતિલા એકાદશી અને મકર સંક્રાંતિનો શુભ સંયોગ રચાઈ રહ્યો છે. સાથે જ સર્વાર્થ સિદ્ધિ યોગ અને અમૃત સિદ્ધિ યોગ પણ આ દિવસની ધાર્મિક મહત્તા વધારી રહ્યા છે. જ્યોતિષ શાસ્ત્ર અનુસાર, આ સંયોગમાં કરેલું સ્નાન અને દાન અનેક ગણું ફળ આપે છે. મકર સંક્રાંતિનું ધાર્મિક મહત્વ શાસ્ત્રોમાં કહેવામાં આવ્યું છે – “ઉત્તરાયણં દેવયાનં, દક્ષિણાયનં પિતૃયાનમ્”. મકર સંક્રાંતિ અયન સંક્રાંતિ હોવાથી તેને અન્ય સંક્રાંતિઓ કરતાં વિશેષ માનવામાં આવે છે. સામાન્ય સંક્રાંતિમાં આઠ ઘડી પહેલાં અને પછીનો સમય પુણ્યકાળ ગણાય છે, પરંતુ મકર સંક્રાંતિમાં 40 ઘડી પહેલાંથી જ પુણ્યકાળ શરૂ થાય છે, તેથી પ્રાતઃકાળથી સ્નાન-દાન કરવું શાસ્ત્રસંમતિ…
