Bindiaગુજરાત વિધાનસભાનું બજેટ સત્ર 23 દિવસ ચાલશે, જાણો બેઠકોની વિગત
ગુજરાત વિધાનસભાનું પંદરમી વિધાનસભાનું આઠમું બજેટ સત્ર તા. 16 ફેબ્રુઆરી 2026 થી શરૂ થશે. રાજ્યપાલ આચાર્ય દેવવ્રતજી દ્વારા સત્ર બોલાવવાનું આહ્વાન કરવામાં આવ્યું છે. સત્રની રૂપરેખા અને કામકાજ અંગેની વિગત વિધાનસભાના અધ્યક્ષ શંકરભાઈ ચૌધરી દ્વારા જાહેર કરવામાં આવી છે. સત્રની અવધિ અને બેઠકો ગુજરાત વિધાનસભાનું આ બજેટ સત્ર 16 ફેબ્રુઆરીથી 25 માર્ચ 2026 સુધી ચાલશે. કુલ 23 દિવસના કામકાજ દરમિયાન 26 બેઠકો યોજાશે. સત્રનું મુખ્ય કામકાજ સત્રના પ્રથમ દિવસે એટલે કે 16 ફેબ્રુઆરીએ રાજ્યપાલ ગૃહને સંબોધન કરશે. 17 ફેબ્રુઆરી 2026ના રોજ નાણામંત્રી દ્વારા વર્ષ 2026-27નું બજેટ રજૂ કરવામાં આવશે. બજેટ સાથે વર્ષ 2011-12, 2014-15, 2015-16 અને 2018-19 ના વધારાના ખર્ચના પત્રકો તેમજ 2025-26ના પૂરક અંદાજપત્રો રજૂ કરવામાં આવશે. ચર્ચા અને નાણાકીય કામકાજ રાજ્યપાલના સંબોધન પર ચર્ચા માટે 3 બેઠકો યોજાશે. સરકારી કામકાજ અને વિધેયકો માટે 4 બેઠકો નક્કી કરવામાં આવી છે. નાણાકીય કામકાજ માટે કુલ 18 બેઠકો રહેશે, જેમાં – બજેટ પર સામાન્ય ચર્ચા માટે 4 બેઠકો, – વિભાગવાર માંગણીઓ પર ચર્ચા અને મતદાન માટે 12 બેઠકો, – પૂરક માંગણીઓ પર ચર્ચા અને મતદાન માટે 2 બેઠકો યોજાશે. બિનસરકારી કામકાજ સત્ર દરમિયાન 6 બેઠકોમાં બિનસરકારી કામકાજ નિયમો મુજબ હાથ ધરવામાં આવશે. તારાંકિત પ્રશ્નો અંગે વ્યવસ્થા સત્ર દરમિયાન તારાંકિત પ્રશ્નોનું કામકાજ પણ હાથ ધરાશે. આ માટે અધ્યક્ષ દ્વારા મંત્રીઓના પાંચ જૂથો બનાવવામાં આવ્યા છે. સભ્યોને પ્રશ્નોની સૂચના ઓનલાઈન તથા ઓફલાઈન બંને માધ્યમથી આપવા સુવિધા ઉપલબ્ધ કરાવવામાં આવી છે. કામકાજ સલાહકાર સમિતિની બેઠક સત્ર શરૂ થતાં પહેલાં અધ્યક્ષ શંકરભાઈ ચૌધરીના અધ્યક્ષસ્થાને કામકાજ સલાહકાર સમિતિની બેઠક યોજાશે, જેમાં સત્ર દરમિયાન હાથ ધરવાના કામકાજ અંગે વિગતવાર ચર્ચા કરીને ભલામણો કરવામાં આવશે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
ગાંધીનગર જિલ્લામાં ટાઈફોઈડના વધતા કેસ વચ્ચે કોંગો ફિવરનો પ્રથમ કેસ નોંધાયો, જાણો વિગત
ગાંધીનગર જિલ્લામાં ટાઈફોઈડના કેસોમાં સતત વધારો થઈ રહ્યો છે, તે વચ્ચે હવે કોંગો ફિવરનો પહેલો કેસ સામે આવતા આરોગ્ય તંત્ર એલર્ટ મોડમાં આવ્યું છે. પિંડારડા ગામમાં કોંગો ફિવર પોઝિટિવ આવેલા દર્દીને વધુ સારવાર માટે અમદાવાદની ખાનગી હોસ્પિટલમાં ખસેડવામાં આવ્યો છે. કોંગો ફિવરનો કેસ મળતા આરોગ્ય વિભાગ સક્રિય કોંગો ફિવરનો કેસ સામે આવતા જ જિલ્લા આરોગ્ય વિભાગે તાત્કાલિક કાર્યવાહી શરૂ કરી છે. ▪️ પિંડારડા ગામમાં આરોગ્ય વિભાગની બે ટીમો તૈનાત ▪️ ગામમાં સર્વેલન્સ કામગીરી, ફોગિંગ અને દવા છંટકાવ શરૂ ▪️ પશુપાલન વિભાગને પણ એલર્ટ કરવામાં આવ્યો, કારણ કે કોંગો ફિવર પ્રાણીઓ અને ટિક્સ જેવા જંતુઓ દ્વારા ફેલાય છે આ પગલાંનો હેતુ સંક્રમણને વધુ ફેલાતું અટકાવવાનો છે. ટાઈફોઈડ અને કોંગો ફિવરથી ડબલ એલર્ટ ગાંધીનગર શહેર અને ગ્રામ્ય વિસ્તારોમાં ટાઈફોઈડના કેસોમાં વધારો નોંધાઈ રહ્યો છે. હવે કોંગો ફિવરનો કેસ મળતા આરોગ્ય વિભાગે ડબલ ચેતવણી જાહેર કરી છે. આરોગ્ય અધિકારીઓએ જનતાને નીચે મુજબની સાવચેતી રાખવા અપીલ કરી છે: – ઉકાળેલું અથવા શુદ્ધ પાણી પીવું – સ્વચ્છતા જાળવવી અને હેન્ડ સેનિટાઇઝરનો ઉપયોગ – જંતુ નિયંત્રણ અને કચરાનું યોગ્ય નિરાકરણ – તાવ કે અન્ય લક્ષણો જણાય તો તાત્કાલિક ડોક્ટરની સલાહ લેવી વિશેષજ્ઞોના જણાવ્યા મુજબ, ટાઈફોઈડ અને કોંગો ફિવર બંને ગંભીર સંક્રમણજન્ય રોગો છે, અને બેદરકારીથી પરિસ્થિતિ બગડી શકે છે. ગામ-ગામ જાગૃતિ અભિયાન જિલ્લા આરોગ્ય વિભાગ દ્વારા જાગૃતિ અભિયાન શરૂ કરવામાં આવ્યું છે. આરોગ્ય કર્મચારીઓ અને સ્વયંસેવકો લોકોમાં રોગચાળા અંગે માહિતી આપી રહ્યા છે અને સાવચેતીના ઉપાયો સમજાવી રહ્યા છે. આ ઘટનાથી સ્પષ્ટ થાય છે કે ગાંધીનગર જિલ્લામાં હાલ વિશેષ તકેદારી અને જાહેર સહયોગ અત્યંત જરૂરી છે. આરોગ્ય વિભાગે લોકોને અફવાઓથી દૂર રહી સત્તાવાર માર્ગદર્શનનું પાલન કરવા અપીલ કરી છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
અમદાવાદઃ અડાલજમાં પત્રકારનું ધોળા દિવસે અપહરણ, સમગ્ર પ્રદેશમાં ચકચાર
અડાલજ પોલીસ સ્ટેશન હદ વિસ્તારમાં આજે મધ્યાહ્ન સમયે એક ચોંકાવનારી ઘટના સામે આવી છે, જ્યાં એક ટીવી ન્યૂઝ ચેનલના પત્રકારનું ધોળા દિવસે અપહરણ કરવામાં આવ્યું છે. આ ઘટનાને લઈને સમગ્ર વિસ્તારમાં ચકચાર મચી ગઈ છે અને પત્રકારિતાના સુરક્ષા પ્રશ્નો ફરી ઉઠી રહ્યા છે. પ્રાથમિક માહિતી અનુસાર, અજાણ્યા ચાર શખ્સો એક સફેદ રંગની થાર ગાડીમાં આવેલા હતા. તેમણે પત્રકારને રસ્તા પરથી જ જબરદસ્તી ગાડીમાં બેસાડી અને અજાણી દિશામાં લઈ ગયા. ઘટનાની જાણ થતાં જ અડાલજ પોલીસ તાત્કાલિક ઘટનાસ્થળે પહોંચી ગઈ હતી અને તપાસ શરૂ કરવામાં આવી છે. ઘટનાની પૃષ્ઠભૂમિ અને તપાસની દિશા પત્રકારનું અપહરણ કઈ બાબતને લઈ થયું છે તે હજી સુધી સ્પષ્ટ નથી થયું. એવું માનવામાં આવી રહ્યું છે કે પત્રકાર દ્વારા છેલ્લા કેટલાક દિવસોમાં લોકલ લેવલે કરવામાં આવેલી કેટલીક અણઘડી જાણકારીઓ અથવા ખુલાસાઓ આ ઘટનાને પગલે આવ્યા હોઈ શકે છે. જોકે, પોલીસે હજુ સુધી કોઈ ચોક્કસ દિશામાં નિવેદન આપ્યું નથી. અડાલજ પોલીસ દ્વારા આસપાસના સીસીટીવી ફૂટેજ કળવાઈ રહ્યા છે અને થાર ગાડીના રુટને ટ્રેસ કરવા માટે ટેકનિકલ ટેમને પણ તહેનાત કરવામાં આવી છે. પોલીસનું કહેવું છે કે આ કેસમાં કોઈપણ દિશામાં તપાસ થતી રહેશે અને જલ્દીજ દોષિતોને પકડવામાં આવશે. વિસ્તારમાં તણાવભર્યું વાતાવરણ ઘટનાને લઈ સ્થાનિક પત્રકાર વર્ગમાં ભારે રોષ જોવા મળી રહ્યો છે. પત્રકાર સુરક્ષા બાબતે અનેક પ્રશ્નો ઉઠી રહ્યાં છે. આ ઘટના બાદ સ્થાનીક ન્યૂઝ ચેનલો અને મીડિયા સંગઠનો દ્વારા પણ પોલીસ તંત્ર સામે તાકીદ કરી છે કે આરોપીઓને ઝડપથી પકડવામાં આવે અને પત્રકારોની સુરક્ષા સુનિશ્ચિત કરવામાં આવે. પોલીસ અને પ્રશાસનનો પ્રતિસાદ અડાલજ પોલીસ સ્ટેશનના ઇન્ચાર્જે જણાવ્યું કે, “અમે ઘટનાની ગંભીરતાને ધ્યાનમાં લઈને તમામ દિશામાં તપાસ શરૂ કરી છે. પત્રકારને સુરક્ષિત શોધી કાઢવા માટે વિશેષ ટીમ રચવામાં આવી છે અને આસપાસના જિલ્લાઓમાં પણ એલર્ટ આપી દેવાયુ છે.” Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/buletin_india FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
