Bindiaઆર્થિક ગોઠવણ: AMCમાં સિક્યોરિટીના નામે ‘સેફ ગેમ’? 13 વર્ષમાં ₹325 કરોડનું આંધણ, જનતાના ટેક્સના પૈસા બાઉન્સરોના વટમાં હોમાયા!
પંકજ મકવાણા – અમદાવાદ: શું અમદાવાદ મ્યુનિસિપલ કોર્પોરેશન (AMC) પ્રજાની સેવા માટે છે કે સત્તાધીશોના ‘વિઆઈપી કલ્ચર’ના રક્ષણ માટે? આ સવાલ એટલા માટે ઉઠી રહ્યો છે કારણ કે છેલ્લા ૧૩ વર્ષમાં મ્યુનિસિપલ તિજોરીમાંથી સિક્યોરિટી ગાર્ડ્સ અને બાઉન્સરોના નામે ₹૩૨૫.૪૬ કરોડ જેવી માતબર રકમ ચૂકવી દેવામાં આવી છે. વિપક્ષે આક્ષેપ કર્યો છે કે પ્રાથમિક સુવિધાઓ આપવાને બદલે શાસકો પોતાની આસપાસ બાઉન્સરો રાખીને જનતાના પૈસે વટ પાડી રહ્યા છે. સિક્યોરિટી એજન્સીઓનો ‘ધીકતો ધંધો’ મ્યુનિસિપલ કોર્પોરેશનમાં સિક્યોરિટી પૂરી પાડતી એજન્સીઓ માટે આ વ્યવસાય સોનાની લગડી સાબિત થયો છે. વર્ષ ૨૦૧૨-૧૩ થી ૨૦૨૫-૨૬ સુધીના આંકડાઓ પર નજર કરીએ તો ખર્ચનો આંકડો સતત ઊંચો જઈ રહ્યો છે. ખાસ કરીને છેલ્લા પાંચ વર્ષમાં (૨૦૨૦ થી ૨૦૨૫) આ ખર્ચમાં તોતિંગ વધારો જોવા મળ્યો છે. વિપક્ષી નેતા શહેઝાદખાન પઠાણે આક્ષેપ કર્યો છે કે આ એજન્સીઓ રાજકીય વગ ધરાવે છે, જેના કારણે નિયમોના ભંગ છતાં તેમની સામે કોઈ કડક કાર્યવાહી થતી નથી. જનતાના પૈસે જનતાને જ રોકવાનો ખેલ? સૌથી વધુ ચોંકાવનારો મુદ્દો એ છે કે જ્યારે શહેરના પૂર્વ કે પશ્ચિમ વિસ્તારના રહીશો રોડ, ગટર કે પાણીની સમસ્યા લઈને મ્યુનિસિપલ કચેરીએ પહોંચે છે, ત્યારે આ જ સિક્યોરિટી ગાર્ડ્સ અને બાઉન્સરો તેમને અટકાવવા માટે ‘ઢાલ’ તરીકે વપરાય છે. વિપક્ષનો આક્ષેપ છે કે શાસક પક્ષ નાગરિકોના પ્રશ્નો ઉકેલવામાં નિષ્ફળ ગયો છે, તેથી અસંતોષને દબાવવા માટે બાઉન્સરોનો આશરો લેવામાં આવી રહ્યો છે. મુખ્ય આક્ષેપો અને વાસ્તવિકતા: વિગત વિપક્ષનો આક્ષેપ /વાસ્તવિકતા કુલ ખર્ચ ૧૩ વર્ષમાં ₹૩૨૫.૪૬ કરોડ જેવી જંગી રકમની ચૂકવણી. શોષણનો આક્ષેપ એજન્સીઓ ગાર્ડ્સને ઓછો પગાર આપી આર્થિક શોષણ કરે છે. રાજકીય મિલીભગત એજન્સીઓ છેક ઉપર સુધીના અધિકારીઓને ‘સાચવતી’ હોવાનો ગંભીર આક્ષેપ. VIP કલ્ચર પગી કે ચોકીદારને બદલે બાઉન્સરો રાખીને સત્તાનો દેખાડો કરવાની વૃત્તિ! કયા વર્ષમાં સિક્યોરિટી એજન્સીઓને કેટલા રૂપિયા ચૂકવાયા 1]. 2012-13 – 10,77,98,544 2]. 2013-14 – 13,21,67,022 3]. 2014-15 – 14,09,55,179 4]. 2015-16 – 16,63,24,527 5]. 2016-17 – 15,36,00,915 6]. 2017-18 – 16,15,30,963 7]. 2018-19 – 15,44,51,588 8]. 2019-20 – 13,87,00,641 9]. 2020-21 – 31,66,77,347 10]. 2021-22 – 37,39,89,988 11]. 2022-23 – 34,93,92,703 12]. 2023-24 – 44,10,79,547 13]. 2024-25 – 49,37,99,127 14]. 2025-26 – 12,41,69,246 કુલ રકમ: 325,46,37,337/- પારદર્શિતા ક્યાં? સાર્વજનિક મિલકતોની સુરક્ષા અનિવાર્ય છે, પરંતુ સુરક્ષાના નામે ‘વટ’ પાડવો અને માનીતી એજન્સીઓને કરોડોના કોન્ટ્રાક્ટ લ્હાણીમાં આપવા એ ગંભીર તપાસનો વિષય છે. વર્ષ ૨૦૨૦ પછી ખર્ચમાં થયેલો અચાનક ઉછાળો સૂચવે છે કે આ માત્ર સુરક્ષાનો પ્રશ્ન નથી, પણ વ્યવસ્થિત આર્થિક ગોઠવણ હોઈ શકે છે. શું આ ખર્ચ અંગે કોઈ તટસ્થ ઓડિટ થશે? શું ઓછો પગાર લેતા સિક્યોરિટી ગાર્ડ્સના હિતમાં કોઈ પગલાં લેવાશે? જનતા એ જાણવા માંગે છે કે તેમના ટેક્સના પૈસા રોડ-રસ્તા સુધારવામાં વપરાશે કે નેતાઓના બાઉન્સરોનો પગાર ચુકવવામાં?+ Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
1,200 કરોડ રોકાણ કૌભાંડ: ઢીલી તપાસ સામે રોકાણકારોનો વિરોધ અને આંદોલન
થાણેમાં રૂ. 1,200 કરોડના મોટા રોકાણ કૌભાંડના સેંકડો પીડિત રોકાણકારોએ પોલીસની ધીમી કાર્યવાહી સામે પોલીસ કમિશનરની ઓફિસ બહાર જોરદાર વિરોધ પ્રદર્શન કર્યું હતું. પ્રદર્શનકારીઓએ કેસની ઝડપી અને અસરકારક તપાસ કરવા તેમજ છેતરપિંડીમાં ગુમાવેલા નાણાં પરત અપાવવાની માંગ ઉઠાવી હતી. પોલીસના જણાવ્યા અનુસાર, આ કૌભાંડમાં અંદાજે 11,000 રોકાણકારો સાથે રૂ. 1,200 કરોડની છેતરપિંડી કરવામાં આવી હતી. આર્થિક ગુના શાખા (EOW) દ્વારા ગયા મહિને આ મામલે કાર્યવાહી કરતા ગુજરાતમાંથી દંપતી સહિત ત્રણ આરોપીઓની ધરપકડ કરવામાં આવી હતી. આ આરોપીઓમાં મુખ્ય આરોપી સમીર નાવેકર, તેની પત્ની નેહા નાવેકર અને તેમના સહયોગી અમિત પલાવનો સમાવેશ થાય છે. એક સંકલિત કાર્યવાહીમાં થાણે પોલીસની આર્થિક ગુના શાખાએ પડોશી રાજ્ય ગુજરાતમાંથી આ ત્રણેને ઝડપી લીધા હતા. પુણે, કોલ્હાપુર, જલગાંવ અને રત્નાગિરી સહિતના વિવિધ જિલ્લાઓમાંથી આવેલા પ્રદર્શનકારીઓએ પોલીસ કમિશનરની ઓફિસના પ્રવેશદ્વાર પાસે પહોંચીને રસ્તો અવરોધી દીધો હતો. તેમનો આરોપ હતો કે પોલીસ તપાસ ગોકળગાયની ગતિએ આગળ વધી રહી છે અને હજુ સુધી પૂરતું ન્યાય મળ્યો નથી. પોલીસના જણાવ્યા અનુસાર, આરોપીઓએ 2019માં પુણેમાં મુખ્ય મથક ધરાવતી ‘ટ્રેડ વિથ જાઝ’ નામની ઇન્વેસ્ટમેન્ટ કંપનીની સ્થાપના કરી હતી. કંપની દ્વારા આકર્ષક વળતરની લાલચ આપી એક સ્કીમ રજૂ કરવામાં આવી હતી, જેમાં સમગ્ર મહારાષ્ટ્રમાંથી અંદાજે 1,500 પોલીસ કર્મચારીઓ સહિત 11,000થી વધુ લોકોએ રોકાણ કર્યું હતું. હાલ પોલીસ દ્વારા તપાસ ચાલુ છે અને કૌભાંડ સાથે જોડાયેલા અન્ય આરોપીઓ તથા નાણાંના વ્યવહારોની વિગતો ખંગાળવામાં આવી રહી છે. Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
126 બેંક ખાતાઓ મારફતે 460 કરોડથી વધુની સાયબર છેતરપિંડીનો પર્દાફાશ
ગુજરાત સાયબર સેન્ટર ઓફ એક્સલન્સ (GSCOE) દ્વારા શેરબજારમાં ભારે નફાની લાલચ આપી રોકાણકારોને છેતરનાર એક સુવ્યવસ્થિત સાયબર ગેંગનો પર્દાફાશ કરવામાં આવ્યો છે. આ મામલે પોલીસે ચાર આરોપીઓની ધરપકડ કરી છે. પ્રાથમિક તપાસમાં ખુલાસો થયો છે કે આ ગેંગે 126 બેંક ખાતાઓનો ઉપયોગ કરીને ગુજરાત સહિત દેશના 27 રાજ્યોમાં 460 કરોડ રૂપિયાથી વધુની છેતરપિંડી કરી હતી. નકલી એપ અને વોટ્સએપ ગ્રુપથી ફસાવાતા રોકાણકારો અધિકારીઓના જણાવ્યા મુજબ, આરોપીઓ વોટ્સએપ મારફતે લોકોને સંપર્ક કરી પોતાને રજિસ્ટર્ડ બ્રોકર કંપનીના અધિકારી તરીકે ઓળખાવતા હતા. બાદમાં ભોગ બનનારાઓને વોટ્સએપ ગ્રુપમાં ઉમેરીને “ROCKCREEAK” નામની નકલી ટ્રેડિંગ એપ્લિકેશન ડાઉનલોડ કરાવાતી હતી. આ એપ મારફતે: રજીસ્ટ્રેશન, લોગિન અને વેરિફિકેશન કરાવવામાં આવતુ શેર ટ્રેડિંગ માટે વિવિધ બેંક ખાતાઓમાં નાણાં જમા કરાવાતાં વોલેટમાં ખોટો, જંગી નફો બતાવવામાં આવતો પૈસા ઉપાડવાની વિનંતી પર “Under Process” બતાવી રકમ અટકાવી લેવાતી આ રીતે ગેંગે માર્જિન મની અને અન્ય ચાર્જના બહાને ફરિયાદી અને તેમના પરિવાર પાસેથી ₹3,90,30,047ની છેતરપિંડી કરી હતી. ટેકનોલોજીથી આરોપીઓ સુધી પહોંચેલી પોલીસ સાયબર પોલીસએ બેંક ખાતાઓ, મોબાઇલ નંબર, ટાવર ડમ્પ અને ટેકનિકલ વિશ્લેષણના આધારે આરોપીઓના લાઈવ લોકેશન ટ્રેસ કર્યા. ત્યારબાદ થરાદ અને ભરૂચમાં દરોડા પાડી ચાર આરોપીઓની ધરપકડ કરવામાં આવી. ઝડપાયેલા આરોપીઓ: રામાભાઈ લાલજીભાઈ પંડ્યા – બેંક ખાતા સપ્લાયર દર્શનકુમાર હરેશભાઈ પુરોહિત – ખાતા ધારક અમરતભાઈ હમીરભાઈ જોષી – બેંક ખાતા ચલાવનાર રઘુરામ ભુરાભાઈ પાંડવ – બેંક ખાતા ચલાવનાર પોલીસે આરોપીઓ પાસેથી 9 મોબાઇલ ફોન, 2 લેપટોપ, 13 ચેકબુક/પાસબુક અને 7 ડેબિટ કાર્ડ જપ્ત કર્યા છે. 11.83 કરોડની પુષ્ટિ થયેલી છેતરપિંડી તપાસ દરમિયાન દેશના વિવિધ રાજ્યોમાંથી અનેક ફરિયાદો સામે આવી છે. અત્યાર સુધીમાં ₹11,83,52,468ની છેતરપિંડી પુષ્ટિ થઈ છે. ફરિયાદો નીચેના રાજ્યોમાંથી નોંધાઈ છે: ગુજરાત – 3 કર્ણાટક – 10 મહારાષ્ટ્ર – 6 હરિયાણા – 1 તમિલનાડુ – 2 ઉત્તરપ્રદેશ – 2 તેલંગાણા – 3 આંધ્રપ્રદેશ – 1 પશ્ચિમ બંગાળ – 1 ઝારખંડ – 1 460 કરોડનો ફ્રોડ, 27 રાજ્યોમાં ફેલાયેલું જાળું આરોપીઓ પાસેથી મળેલી માહિતી મુજબ, 126 બેંક ખાતાઓ મારફતે દેશભરમાં 460 કરોડથી વધુની રકમનું ટ્રાન્ઝેક્શન કરવામાં આવ્યું હતું. આ ફ્રોડ ગુજરાત, કર્ણાટક, મહારાષ્ટ્ર, તમિલનાડુ, ઉત્તરપ્રદેશ, હરિયાણા, તેલંગાણા સહિત 20થી વધુ રાજ્યોમાં ફેલાયેલો હતો. ગેંગનું મોડસ ઓપરેન્ડી આ ગેંગ રોકાણકારોના પૈસા અલગ-અલગ બેંક ખાતાઓમાં જમા કરાવીને પછી RTGS, ક્રિપ્ટો ટ્રાન્ઝેક્શન અને આંતરરાજ્ય ટ્રાન્સફર દ્વારા સાયબર સિન્ડિકેટના અન્ય સભ્યો સુધી પહોંચાડતી હતી. દરેક ટ્રાન્ઝેક્શન પર પોતાનું કમિશન મેળવી ગેંગ ગુનાને અંજામ આપતી હતી. નાગરિકો માટે GSCOEની મહત્વની ચેતવણી સાયબર છેતરપિંડીથી બચવા GSCOE દ્વારા નાગરિકોને નીચે મુજબની સલાહ આપવામાં આવી છે: – ટૂંકા ગાળામાં મોટો નફો આપતી સ્કીમોથી સાવચેત રહો – પોતાનું બેંક ખાતું અથવા સિમકાર્ડ કોઈને ન આપો – કોઈ ખાતા કે સિમની માંગ કરે તો તરત પોલીસ અથવા સાયબર ક્રાઈમને જાણ કરો – રોકાણ કરતા પહેલા કંપની SEBI, RBI અથવા અન્ય રેગ્યુલેટરી સંસ્થામાં રજિસ્ટર્ડ છે કે નહીં તે ચકાસો – સાયબર ગુનાની ઘટનામાં ‘ગોલ્ડન અવર’ દરમિયાન 1930 પર સંપર્ક કરો Follow us On Social Media YouTube : https://www.youtube.com/@BIndiaDigital Website : https://bindia.co/ TWITTER : https://x.com/bindia276 FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I Instagram: bindia.in
