Bindia
ગુજરાતમાં દારૂબંધીના લીરેલીરા ઉડી રહ્યાં છે. ત્યારે વડોદરા શહેરમાં વધુ એક નબીરાએ અકસ્માત કર્યો છે. તાંદલજામાં કારચાલકે બાઇક સવારને અડફેટે લીધો છે. કારચાલક ભાગે તે પહેલા લોકોએ તેને ઝડપી મેથીપાક ચખાડયો હતો. કારમાંથી દારૂની બોટલ પણ મળી આવી છે. કારચાલકે કહ્યું કે,કાર ચલાવતા હું દારૂનો નશો કરી રહ્યો હતો.
આ પણ વાંચો :- Gandhinagar : ઠાકોર સમાજની અવગણ્યાને લઈ સાંસદ ગેનીબેનનું નિવેદન, કહ્યું- “વિક્રમભાઈની માંગ વ્યાજબી છે”
મળતી માહિતી મુજબ, કાર ચાલકે ફુલ સ્પીડમાં કાર હંકારીને બાઈક ચાલકને અડફેટે લીધો છે. તો કારમાં ચાલકની સીટ નજીક જ દારૂની બોટલ મળી આવી હતી. નશામાં બેફામ કાર ચલાવીને નબીરાએ અકસ્માત સર્જતા લોકોમાં પણ રોષની લાગણી જોવા મળી છે. આ સમગ્ર કેસમાં જે પી રોડ પોલીસે ગુનો નોંધીને વધુ તપાસ હાથધરી છે.
આ પણ વાંચો :- Ahmedabad : અમદાવાદમાં બ્રાહ્મણ સમાજની મેગા બિઝનેસ સમિટનો પ્રારંભ, મુખ્યમંત્રી ભૂપેન્દ્ર પટેલ રહ્યાં હાજર
ઉલ્લેખનિય છે કે, વડોદરામાં નબીરાએ અકસ્માત કર્યાને 24 કલાક થયા ત્યાં બીજો અકસ્માત સામે આવ્યો છે આ અકસ્માતમાં પણ નબીરાએ એક બાઈક ચાલકને અડફેટે લેતા તે ગંભીર રીતે ઈજાગ્રસ્ત થયો છે. તો સ્થાનિકોએ બાઈક ચાલકને સારવાર હેઠળ હોસ્પિટલ ખસેડી આપ્યો છે અને નબીરાને મેથીપાક આપીને પોલીસને સોંપ્યો છે. આરોપી કાર ચાલકે એટલો નશો કર્યો હતો કે તે ઉભો રહેવાનો પણ લાયક ન હતો.જેપી રોડ પોલીસે સમગ્ર મામલે વધુ તપાસ હાથધરી છે.
Follow us On Social Media
🔔 YouTube : https://www.youtube.com/@BIndiaDigital
📸 Instagram : https://www.instagram.com/bindiadigital/
🌐 Website : https://bindia.co/
TWITTER : https://x.com/buletin_india
FOLLOW ON WHATSAPP : https://whatsapp.com/channel/0029Va4rXSZ5q08d1AuVRO2I
