Bindiaવલસાડમાં ડ્રગ્સ ફેક્ટરી પર DRIની મોટી કાર્યવાહી, ફેક્ટરી માલિક સહિત 4ની ધરપકડ
વલસાડ જિલ્લાના અટગામ ખાતે ગેરકાયદેસર રીતે ચાલતી ડ્રગ્સ બનાવવાની ફેક્ટરી પર ડાયરેક્ટોરેટ ઓફ રેવન્યુ ઇન્ટેલિજન્સ (DRI) એ મોટી કાર્યવાહી હાથ ધરી છે. આ કાર્યવાહી દરમ્યાન ફેક્ટરી માલિક ચંદ્રકાન્ત છેડા, અશોક પીઠારીયા અને બે વર્કર સહિત કુલ 4 લોકોની ધરપકડ કરવામાં આવી છે. DRI દ્વારા ફેક્ટરીમાંથી 114 કિલોગ્રામ પ્રતિબંધિત ડ્રગ્સનો જથ્થો જપ્ત કરવામાં આવ્યો છે, જેના બજાર મૂલ્યનો અંદાજ રૂ. 20 કરોડથી વધુનો છે. પ્રાથમિક તપાસમાં ખુલ્યું છે કે આરોપીઓ લાયસન્સ વિના છેલ્લા એક વર્ષથી વધુ સમયથી આ ફેક્ટરી ચલાવી રહ્યા હતા. DRIએ આરોપીઓને કસ્ટડીમાં લઈને ત્રણ દિવસના રિમાન્ડ મેળવ્યા છે અને ફેક્ટરીના સપ્લાય નેટવર્ક સહિત વધુ તપાસ શરૂ કરી છે. આ કાર્યવાહીથી વલસાડ જિલ્લામાં ગેરકાયદેસર દવા ઉત્પાદનના નેટવર્ક અંગે અનેક નવી વિગતો બહાર આવવાની સંભાવના છે.…
3
