Bindia
દિલ્હીમાં 10 નવેમ્બરે લાલ કિલ્લા પાસે થયેલા બોમ્બ વિસ્ફોટમાં અત્યાર સુધીમાં ૧૨ લોકોના મોત થયા છે. આ મામલાની તપાસમાં હવે એક મોટો ખુલાસો થયો છે. શંકાસ્પદ ડૉક્ટર પરવેઝ અંસારીનો આગ્રાની SN મેડિકલ કોલેજ સાથે ગાઢ સંબંધ હતો.
તપાસ એજન્સીઓના જણાવ્યા મુજબ, ડૉ. અંસારી ઉત્તર પ્રદેશના હુસૈનગંજનો રહેવાસી છે અને તે ફરીદાબાદ આતંકવાદી મોડ્યુલ સાથે સંકળાયેલો હોવાનું માનવામાં આવે છે. તેના આગ્રા જોડાણને કારણે ગુપ્તચર એજન્સીઓએ હવે શહેરમાં હાઇ એલર્ટ જાહેર કર્યો છે.
આગ્રાની SN મેડિકલ કોલેજ સાથે જોડાણ
સૂત્રો અનુસાર, પરવેઝ અંસારીએ ૨૦૧૫માં SN મેડિકલ કોલેજ, આગ્રાથી MBBS પૂર્ણ કર્યું હતું. ત્યારબાદ તેણે કોલેજમાં જ ડૉક્ટર તરીકે કામ કરવાનું શરૂ કર્યું હતું. પરંતુ માત્ર એક વર્ષ પછી, 2016માં તેણે અચાનક નોકરી છોડી દીધી અને શહેર છોડી ગયો. આ અચાનક ગાયબ થઈ જવાથી હવે એજન્સીઓ શંકાસ્પદ પ્રવૃત્તિઓના તાર જોડવામાં વ્યસ્ત છે. તપાસકર્તાઓ કોલેજના હોસ્ટેલ રેકોર્ડ, સંપર્કો અને તેના સાથીઓના નિવેદનો મેળવવામાં લાગી ગયા છે.
તપાસ અને સુરક્ષા વ્યવસ્થા ચુસ્ત
દિલ્હી વિસ્ફોટના કિસ્સા સાથે સંકળાયેલા તાર આગ્રા સુધી પહોંચતા ગુપ્તચર એજન્સીઓ અને સ્થાનિક પોલીસ બંને એલર્ટ પર છે. આગ્રાના પોલીસ કમિશનર દીપક કુમારે જણાવ્યું કે, શહેરને ત્રણ સુરક્ષા ઝોનમાં વિભાજિત કરીને પોલીસ દળો તૈનાત કરવામાં આવ્યા છે. તે ઉપરાંત, ઇન્ટેલિજન્સ બ્યુરો (IB) અને ATS ટીમોને પણ સક્રિય કરવામાં આવી છે.
સુરક્ષા એજન્સીઓની ચિંતા
તપાસમાં જાણવા મળ્યું છે કે ડૉ. અંસારીએ SN મેડિકલ કોલેજમાં અભ્યાસ દરમિયાન કેટલીક અજાણી વિદેશી કોન્ટેક્ટ્સ સાથે ઓનલાઇન સંવાદ કર્યો હતો. એજન્સીઓ હવે આ ડિજિટલ ટ્રેસ અને તેની બેંક તથા કોલ રેકોર્ડ્સની પણ તપાસ કરી રહી છે. ફરીદાબાદ મોડ્યુલના અન્ય સભ્યોના માધ્યમથી તેના દિલ્હી બ્લાસ્ટ સાથેના સીધા જોડાણની શક્યતા પણ તપાસ હેઠળ છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
