Bindia
સુરતમાં વિધમી યુવકને 20 વર્ષની કેદની સજા ફટકારવામાં આવી છે. હિંદુ યુવતીના નગ્ન ફોટા પાડીને તેણીને બ્લેકમેઇલ કર્યા બાદ વારંવાર રેપ કરનાર આરોપીને કોર્ટે બળાત્કારના ગુનામાં તકસીરવાર ઠેરવ્યો હતો. અને ૨૦ વર્ષની સખત કેદની સજા તેમજ એક લાખનો દંડ કરતો હુકમ કર્યો હતો.
આ પણ વાંચો :- Surat : સુરતમાં ક્રેન તૂટી પડતા દુર્ઘટનાં સર્જાઈ, એક શ્રમિકનું મોત, 1ની હાલત ગંભીર
આ કેસની વિગત મુજબ વેસુ વિસ્તારમાં રહેતી તેમજ ધો. ૧૨માં અભ્યાસ કરતી સગીરાની મુલાકાત સ્કૂલમાં જ અભ્યાસ કરતા અને ઘોડદોડ રોડ ઉપર ડિવાઇન સ્કૂલની પાસે લવલી પાર્કમાં રહેતા અશદ અલ્તાફ વિરાની તેમજ આર્યન મહેતાની સાથે થઈ હતી. આ દરમિયાન સગીરા અને અશદ વચ્ચે પ્રેમ થયો હતો અને અશદે સગીરાના નગ્ન ફોટા પાડીને તેને બ્લેકમેઇલ કરવાનું શરૂ કરી ડુમસ સ્થિત વિકેન્ડ હોમમાં લઈ ગયો હતો અને ત્યાં સગીરાની સાથે રેપ કર્યો હતો. અવારનવાર અશદ સગીરાને બોલાવીને વિવિધ હોટલોમાં લઈ જતો અને રેપ કરતો હતો.
સગીરા એક દિવસ ઘરે સૂતી હતી. ત્યારે તેની માતાએ સગીરાનો મોબાઈલ જોયો હતો. અને તેમાં સગીરાના નગ્ન ફોટા વિશે પૂછતાં તેણે સમગ્ર ઘટના કહી હતી.આ રેપ કરાવવામાં અશદને ડુમસ રોડ, મગદલ્લા ગામમાં તાપી નિવાસમાં રહેતા રુદ્ર ચંદ્રેશ પટેલ ટાવરમાં રહેતો પ્રવીણ નેત્રપાલસિંગ ચૌધરી પણ મદદગારી કરતા હતા. સગીરાએ અશદ વિરાણી, રૂદ્ર પટેલ તેમજ પ્રવીણ ચૌધરીની સામે વેસુ પોલીસમાં ફરિયાદ કરતા પોલીસે ગુનો નોંધી તેઓની ધરપકડ કરી હતી.
આ પણ વાંચો :- Ahmedabad : અમદાવાદમાં પોલીસ ઈન્સ્પેક્ટરોની કરાઈ આતંરિક બદલી, પોલીસ બેડામાં મચ્યો ખળભળાટ
આ કેસ કોર્ટમાં ચાલી જતાં સરકારી વકીલ દિપેશ દવેએ દલીલો કરી હતી. કોર્ટે બંને પક્ષોની દલીલો બાદ ત્રણેય પૈકી રેપ કરનાર આરોપી અશદ વિરાણીને તકસીરવાર ઠેરવીને ૨૦ વર્ષની સખત કેદની સજા તેમજ ૧ લાખનો દંડ કરતો હુકમ કર્યો હતો. આ ઉપરાંત અન્ય બે આરોપી રૂદ્ર અને પ્રવીણને શંકાનો લાભ આપીને નિર્દોષ છોડી મૂકવાનો હુકમ કર્યો હતો.
Follow us On Social Media
🔔 YouTube : https://www.youtube.com/@BIndiaDigital
📸 Instagram : https://www.instagram.com/bindiadigital/
🌐 Website : https://bindia.co/
TWITTER : https://x.com/buletin_india
FOLLOW ON WHATSAPP : https://whatsapp.com/channel/0029Va4rXSZ5q08d1AuVRO2I
