Bindia Digital
વડોદરામાં રેલવે લોકલ ક્રાઈમ બ્રાન્ચને મોટી સફળતા મળી છે. ટ્રેનમાં ઉંઘતી મહિલાઓના સામાનની ચોરી કરનાર ચોર મુદ્દામાલ સાથે ઝડપાયો છે.આ મામલે વડોદરા લોકલ ક્રાઈમ બ્રાન્ચે આરોપીને ઝડપીને વધુ તપાસ હાથ ધરી છે. આરોપી મધ્યપ્રદેશથી વડોદરા ચોરી કરવા આવતો હતો. અને સમગ્ર ઘટનામાં પોલીસે બાતમીના આધારે કાર્યવાહી કરી છે.
રેલવે લોકલ ક્રાઈમ બ્રાન્ચે આરોપી વિકાસને પકડયો:- આરોપીની તપાસમાં સામે આવ્યું છે કે, આરોપી અલગ-અલગ ટ્રેનોમાં રાત્રીના સમયે ઘુસી જતો અને મહિલાના સામાનને ટાર્ગેટ કરતો હતો ત્યારે આરોપી પાસેથી 438 ગ્રામ સોના-ચાંદીના દાગીના મળી આવ્યો છે. સુરત રેલવે પોલીસે કુલ અલગ-અલગ 4 ગુનાનો ભેદ ઉકેલી નાખ્યો છે. આરોપી ગુનાહિત ઈતિહાસ ધરાવે છે અને મધ્યપ્રદેશ,રાજસ્થાન,મહારાષ્ટ્રમાં પણ આરોપી સામે ગુના નોંધાયા છે. પોલીસ રિમાન્ડ માંગી આરોપીની વધુ તપાસ કરી શકે છે.
વડોદરામાંથી ઝડપાયો દાગીનાચોર:- તિરુચાપલ્લી સ્પેશિયલ એક્સપ્રેસ ટ્રેનમાં મુસાફરી કરતી મુંબઈની મહિલાના સોનાના દાગીના ભરેલું પર્સની ચોરી થયું હતું. આ ઘટનામાં નાસી જનાર મહિલા અને એક ઈસમને વડોદરા શહેર વેસ્ટર્ન રેલ્વે LCB પોલીસે ઝડપી પાડી તેની પાસેથી 18.45 લાખ ઉપરાંતનો મુદ્દામાલ કબજે લઈ આગળની કાર્યવાહી હાથ ધરી છે. વેસ્ટર્ન રેલવે વડોદરા લોકલ ક્રાઈમ બ્રાન્ચની ટીમે રેલવે ટ્રેનમાં મુસાફરી દરમિયાન અને મહિલાઓના કિમતી સામાનની ચોરી કરતી એક મહિલા અને એક ઈસમને ઝડપી પાડ્યો છે.
Bindia
