Bindiaઇરાન-અમેરિકા તણાવ: ખામેનેઇ બંકરમાં, યુએસ વોરશિપ ઈરાન નજીક પહોંચી
મિડલ ઈસ્ટમાં વધતા તણાવ વચ્ચે અમેરિકા અને ઈરાન વચ્ચેની સ્થિતિ વધુ ગંભીર બની રહી છે. અમેરિકી નૌકાદળનું અબ્રાહમ લિંકન કેરિયર સ્ટ્રાઈક ગ્રુપ હવે ઈરાનની નજીક આવેલા યુએસ સેન્ટ્રલ કમાન્ડ વિસ્તારમાં પહોંચી ગયું છે. આ પગલાથી પ્રદેશમાં યુદ્ધના માહોલને લઈને ચિંતા વધી છે. આ દરમિયાન ઈરાનના સુપ્રીમ લીડર અયાતુલ્લાહ અલી ખામેનેઇને લઈને મોટા દાવા સામે આવ્યા છે. અહેવાલો મુજબ ખામેનેઇ હાલ તેહરાનમાં એક અતિ સુરક્ષિત બંકરમાં છુપાયેલા છે અને સંભવિત હુમલાના ભય વચ્ચે તેમણે પોતાના ઉત્તરાધિકારીનું નામ પણ જાહેર કરી દીધું હોવાની અટકળો તેજ બની છે. અમેરિકા સ્થિત એક્ટિવિઝમ વેબસાઇટ “Israel War Room”એ દાવો કર્યો છે કે બોમ્બ હુમલાના ખતરા વચ્ચે ખામેનેઇએ બંકરમાંથી પોતાના ઉત્તરાધિકારીને લઈને નિર્ણય લીધો છે. વેબસાઇટે સોશિયલ મીડિયા પ્લેટફોર્મ X પર લખ્યું કે,…
અમેરિકા–ઈરાન વચ્ચે ફરી યુદ્ધના વાદળો: મધ્ય પૂર્વમાં હાઈ એલર્ટ, અમેરિકાની મોટી સૈન્ય તૈનાતી
મધ્ય પૂર્વમાં ફરી એકવાર ગંભીર તણાવની સ્થિતિ સર્જાઈ છે. અમેરિકા અને ઈરાન વચ્ચે વધતા સંઘર્ષના સંકેતો વચ્ચે અમેરિકાએ ખાડી વિસ્તારમાં પોતાની સૈન્ય હાજરીમાં નોંધપાત્ર વધારો કર્યો છે. એરક્રાફ્ટ કેરિયર, ફાઈટર જેટ્સ, મિસાઈલ ડિફેન્સ સિસ્ટમ્સ અને એર રિફ્યુઅલિંગ ટેન્કરોની તૈનાતીથી પરિસ્થિતિ વધુ સંવેદનશીલ બની ગઈ છે. બીજી તરફ ઈઝરાયલ સહિત અમેરિકાના સાથી દેશોમાં હાઈ એલર્ટ જાહેર કરવામાં આવ્યું છે. પશ્ચિમ એશિયા તરફ એરક્રાફ્ટ કેરિયર સ્ટ્રાઈક ગ્રુપ અમેરિકન અધિકારીઓના જણાવ્યા મુજબ USS અબ્રાહમ લિંકનના નેતૃત્વમાં શક્તિશાળી એરક્રાફ્ટ કેરિયર સ્ટ્રાઈક ગ્રુપને પશ્ચિમ એશિયા તરફ વાળવામાં આવ્યું છે. આ સ્ટ્રાઈક ગ્રુપમાં ગાઈડેડ મિસાઈલ ડિસ્ટ્રોયર્સ અને એટેક સબમરીનનો સમાવેશ થાય છે. આ કાફલો અગાઉ દક્ષિણ ચીન સમુદ્રમાં તૈનાત હતો, પરંતુ રાષ્ટ્રપતિ ડોનાલ્ડ ટ્રમ્પના આદેશ બાદ તેને અરબી સમુદ્ર અને પર્સિયન ગલ્ફ…
ઈરાનના સર્વોચ્ચ નેતા ખામેની ફરી અંડરગ્રાઉન્ડ બંકરમાં છુપાયા, જાણો વિગત
તેહરાન: ઈરાનના સર્વોચ્ચ નેતા આયાતુલ્લાહ અલી ખામેની સુરક્ષા કારણે ફરી એકવાર અંડરગ્રાઉન્ડ બંકરમાં છુપાયા હોવાના અહેવાલો સામે આવ્યા છે. આ છેલ્લા 7 મહિનામાં બીજી વખત છે જ્યારે ખામેનીને સંભવિત અમેરિકન હુમલાના ડરથી જાહેર જીવનમાંથી દૂર રહેવું પડ્યું છે. મીડિયા રિપોર્ટ્સ અનુસાર, અમેરિકાની તરફથી મળેલી જાનથી મારી નાખવાની ધમકીને કારણે ખામેનીને તેહરાનની આસપાસના ઉચ્ચ સુરક્ષાવાળા બંકરમાં ખસેડવામાં આવ્યા છે. જૂન 2025માં પણ ખામેની લગભગ 21 દિવસ સુધી આ પ્રકારના બંકરમાં છુપાયેલા રહ્યા હતા. બીઈબીસી પર્શિયનના અહેવાલ મુજબ, અમેરિકન રાષ્ટ્રપતિએ ખામેનીના “અંત” અંગે કાસિમ સુલેમાની અથવા આઈએસના અબુ બકર અલ-બગદાદી જેવા બનાવવાની વાત ખુલ્લેઆમ કરી હતી. ઈરાનના રાષ્ટ્રપતિ મસૂદ પેઝેશ્કિયાને પણ જણાવ્યું છે કે, “જો ખામેની પર કોઈ હુમલો થાય તો તેને ઈરાન સામે યુદ્ધ માનવામાં આવશે.” વિશ્લેષકોનું…
લાલ ટોપી બની ગ્રીનલેન્ડમાં ટ્રમ્પના વિવાદાસ્પદ “MAGA” યોજના વિરુદ્ધ પ્રતિક, જાણો વિગત
ગ્રીનલેન્ડ/કોપનહેગન: અમેરિકાના પૂર્વ રાષ્ટ્રપતિ ડોનાલ્ડ ટ્રમ્પની ગ્રીનલેન્ડને યુનાઇટેડ સ્ટેટ્સમાં જોડવાની યોજનાને કારણે ગ્રીનલેન્ડ અને યુરોપમાં ભારે વિરોધ પ્રદર્શન થયું છે. ટ્રમ્પના લોકપ્રિય સૂત્ર “MAGA” (Make America Great Again)ને લોકોએ વિરોધનું પ્રતીક બનાવીને “Make America Go Away” તરીકે સ્વરૂપ આપ્યું છે. જૂન 2025માં સત્તામાં ફરી આવ્યા પછી ટ્રમ્પે ગ્રીનલેન્ડને અમેરિકામાં જોડવાની પોતાની જૂની ઇચ્છા પુનઃ જાહેર કરી. આ યોજનાને ગ્રીનલેન્ડ અને ડેનમાર્કમાં સખત પ્રતિકાર મળ્યો છે, કારણ કે આ પ્રદેશ પોતાની ઓળખ, સંસ્કૃતિ અને સ્વતંત્રતાને લઇ ખૂબ જ સંવેદનશીલ છે. લાલ બેઝબોલ ટોપી: વિરોધનું અનોખુ હથિયાર ગ્રીનલેન્ડના રહેવાસીઓએ લાલ બેઝબોલ ટોપી પહેરીને રસ્તાઓ પર ઉતરી આ પ્રતિબિંબ રજૂ કર્યું છે. ટોપી પર લખાયું છે: “MAGA: Make America Go Away” જે ટ્રમ્પના સૂત્રનો વ્યંગાત્મક અને સ્પષ્ટ જવાબ છે.…
ટ્રમ્પની ગ્રીનલેન્ડ મુદ્દે ચેતવણી: સમર્થન ન આપનાર દેશો પર વધુ ટેરિફ લાદવાની ધમકી
અમેરિકાના રાષ્ટ્રપતિ ડોનાલ્ડ ટ્રમ્પે ગ્રીનલેન્ડ પર નિયંત્રણ મેળવવાના મુદ્દે ફરી એકવાર કડક વલણ અપનાવ્યું છે. વ્હાઇટ હાઉસ ખાતે યોજાયેલી આરોગ્ય સંબંધિત ગોળમેજી બેઠક દરમિયાન ટ્રમ્પે ચેતવણી આપી હતી કે જો કોઈ દેશ ગ્રીનલેન્ડને લઈને અમેરિકાની યોજના સમર્થન નહીં આપે, તો તેને ભારે ટેરિફનો સામનો કરવો પડી શકે છે. ટ્રમ્પે સ્પષ્ટ શબ્દોમાં જણાવ્યું કે અમેરિકાની રાષ્ટ્રીય સુરક્ષા માટે ગ્રીનલેન્ડ અત્યંત આવશ્યક છે અને આ મુદ્દે કોઈ પણ પ્રકારનું સમાધાન કરવામાં આવશે નહીં. તેમના આ નિવેદન બાદ આંતરરાષ્ટ્રીય સ્તરે ચર્ચા અને આક્રોશ બંને જોવા મળી રહ્યા છે. ગ્રીનલેન્ડ મુદ્દે ટ્રમ્પનું દબાણ યથાવત જાન્યુઆરીમાં ફરી વ્હાઇટ હાઉસ પરત ફર્યા બાદ રાષ્ટ્રપતિ ટ્રમ્પ સતત ગ્રીનલેન્ડને અમેરિકાના નિયંત્રણ હેઠળ લાવવાની ઇચ્છા વ્યક્ત કરી રહ્યા છે. જોકે, ડેનમાર્ક સહિત અનેક યુરોપિયન દેશોએ…
કેનેડિયન પીએમ માર્ક કાર્ની ટૂંક સમયમાં ભારતની મુલાકાત લેશે, બે વર્ષના રાજદ્વારી તણાવ બાદ સુધારાના સંકેતો
લગભગ બે વર્ષ સુધી ચાલેલા રાજદ્વારી તણાવ પછી હવે ભારત અને કેનેડા વચ્ચે સંબંધોમાં સુધારાના સ્પષ્ટ સંકેતો જોવા મળી રહ્યા છે. કેનેડાના વડા પ્રધાન માર્ક કાર્ની ટૂંક સમયમાં ભારતની મુલાકાત લેશે તેવી તૈયારીઓ ચાલી રહી છે. આ મુલાકાતને બંને દેશો વચ્ચેના સંબંધો માટે એક મહત્વપૂર્ણ “રીસેટ મોમેન્ટ” તરીકે જોવામાં આવી રહી છે. આ મુલાકાત એવા સમયમાં યોજાવાની છે જ્યારે અમેરિકાની કડક ટેરિફ નીતિઓને કારણે વૈશ્વિક વેપારમાં અસ્થિરતા સર્જાઈ છે અને ભારત તથા કેનેડા બંને દેશો નવા વેપારી ભાગીદારોની શોધમાં છે. CEPA પર ફરીથી ચર્ચાની તૈયારી માર્ક કાર્નીની ભારત મુલાકાત માત્ર ઔપચારિક રાજદ્વારી કાર્યક્રમ નથી, પરંતુ તેનો મુખ્ય હેતુ ભારત-કેનેડા વ્યાપક આર્થિક ભાગીદારી કરાર (CEPA) પર વાટાઘાટો ફરી શરૂ કરવાનો છે. આ કરાર દ્વારા 2030 સુધી દ્વિપક્ષીય…
“ઈરાન તાત્કાલિક છોડી દો” – હુમલાની આશંકા વચ્ચે અમેરિકાએ તેના નાગરિકોને લઇ જાહેર કરી એડવાઈઝરી
ઈરાનમાં વધી રહેલી અસ્થિરતા, હિંસક જનઆંદોલન અને સંભવિત યુદ્ધના ભય વચ્ચે અમેરિકાએ તેના નાગરિકો માટે ગંભીર ચેતવણી જાહેર કરી છે. અમેરિકી સરકારે સ્પષ્ટ શબ્દોમાં જણાવ્યું છે કે ઈરાનમાં રહેલા તમામ અમેરિકી નાગરિકોએ કોઈપણ વિલંબ કર્યા વગર દેશ છોડવો જોઈએ. પરિસ્થિતિ ઝડપથી બગડી રહી હોવાથી કોઈપણ પ્રકારની મદદ મળી શકે તેની ખાતરી નથી, તેમ એડવાઈઝરીમાં જણાવાયું છે. પ્રચંડ જનઆક્રોશ અને હિંસક સ્થિતિ ડિસેમ્બર 2025થી ઈરાનમાં શરૂ થયેલા વિરોધ પ્રદર્શનોએ હવે ઉગ્ર અને હિંસક સ્વરૂપ ધારણ કર્યું છે. દેશના 31 પ્રાંતોમાં આર્થિક કટોકટી, બેરોજગારી અને રાજકીય અસંતોષને કારણે લોકો રસ્તા પર ઉતર્યા છે. પ્રદર્શનકારીઓ સુપ્રીમ લીડર આયાતુલ્લાહ અલી ખામેનીના શાસન સામે ખુલ્લેઆમ નારા લગાવી રહ્યા છે. સુરક્ષા દળોની કડક કાર્યવાહી દરમિયાન સેંકડો લોકોના મોતના અહેવાલો સામે આવ્યા છે.…
અમેરિકા 66 આંતરરાષ્ટ્રીય સંગઠનોમાંથી બહાર, તેમાં ભારતનું ISA પણ શામેલ
ડોનાલ્ડ ટ્રમ્પ સરકારે “અમેરિકા ફર્સ્ટ” નીતિ હેઠળ એક ઐતિહાસિક પગલું ઉઠાવ્યું છે. અમેરિકાએ ભારત અને ફ્રાંસના નેતૃત્વવાળા ઇન્ટરનેશનલ સોલર અલાયન્સ (ISA) સહિત 66 વૈશ્વિક સંગઠનો અને સંવિધાનોમાંથી પાછળ હટવાની જાહેરાત કરી છે. વ્હાઇટ હાઉસે જણાવ્યું કે આ સંગઠનો અમેરિકાના સાર્વભૌમત્વ અને આર્થિક હિત વિરુદ્ધ કામ કરે છે. પ્રેસ મેમોરેન્ડમ અનુસાર, આ પગલું હેઠળ 35 ગેર-યુએન સંગઠનો અને 31 યુએન‑સંબંધિત સંગઠનોમાંથી અમેરિકા ખસેડાશે. તેમાં પર્યાવરણ, ઉર્જા, સામાજિક વિકાસ અને વેપાર સાથે સંબંધિત વિવિધ સંગઠનો સામેલ છે, જેમકે ISA, ઇન્ટરનેશનલ યુનિયન ફોર કન્ઝર્વેશન ઓફ નેચર (IUCN), અને ઇન્ટરગવર્મેન્ટલ પેનલ ઓન ક્લાઇમેટ ચેન્જ (IPCC). વિદેશ મંત્રી માર્કો રૂબિયોએ ટ્વિટર પર લખ્યું, “આ પગલું રાષ્ટ્રપતિ ટ્રમ્પના વચનોમાંનો એક મોટો ભાગ છે. અમે ગ્લોબલિસ્ટ નોકરશાહોને સબસિડી આપવાનું બંધ કરી રહ્યા છીએ…
“પીએમ મોદી મારાથી ખુશ નથી કારણ કે…” ટ્રમ્પનું મોટું નિવેદન, જાણો શું છે મામલો
અમેરિકાના રાષ્ટ્રપતિ ડોનાલ્ડ ટ્રમ્પે ભારત અને વડા પ્રધાન નરેન્દ્ર મોદી સાથેના સંબંધોને લઈને એક વખત ફરી ચર્ચાસ્પદ નિવેદન આપ્યું છે. ટ્રમ્પે જણાવ્યું છે કે તેમની અને પીએમ મોદી વચ્ચે સારા સંબંધો છે, પરંતુ ભારત દ્વારા રશિયન તેલની ખરીદીને કારણે તેઓ પીએમ મોદાથી નારાજ છે. ટ્રમ્પના કહેવા મુજબ, રશિયા પાસેથી તેલ ખરીદવાના કારણે ભારતને ઊંચા ટેરિફ ચૂકવવા પડે છે, જે બાબત તેમને પસંદ નથી. તેમણે કહ્યું, “વડા પ્રધાન મોદી ખૂબ સારા વ્યક્તિ છે. તેઓ જાણે છે કે હું નાખુશ છું અને મને ખુશ કરવું જરૂરી છે.” સંરક્ષણ અને વેપાર મુદ્દે ટ્રમ્પની ટિપ્પણી એક મુલાકાતનો ઉલ્લેખ કરતા ટ્રમ્પે દાવો કર્યો હતો કે પીએમ મોદીએ તેમને મળવા માટે પોતે સમય માગ્યો હતો. સંરક્ષણ સહયોગ અંગે વાત કરતા ટ્રમ્પે જણાવ્યું…
ન્યૂયોર્ક કોર્ટમાં વ્હીલચેર પર રજૂ થઈ વેનેઝુએલાની પૂર્વ ફર્સ્ટ લેડી સિલિયા ફ્લોરેસ, ગંભીર ઈજાની આશંકા
અમેરિકી વિશેષ દળો દ્વારા કારાકાસમાં કરાયેલા હાઈ-વોલ્ટેજ મિલિટરી ઓપરેશન ‘એબ્સોલ્યુટ રિઝોલ્વ’ બાદ વેનેઝુએલાની પૂર્વ ફર્સ્ટ લેડી સિલિયા ફ્લોરેસની હાલતને લઈ ચોંકાવનારા દ્રશ્યો સામે આવ્યા છે. સોમવારે જ્યારે 69 વર્ષીય સિલિયા ફ્લોરેસને ન્યૂયોર્કની ફેડરલ કોર્ટમાં રજૂ કરવામાં આવ્યા, ત્યારે તેઓ વ્હીલચેર પર, કપાળ અને જમણી આંખ પર મોટા પાટા સાથે જોવા મળ્યા હતા. ફ્લોરેસના વકીલ માર્ક ડોનેલીએ ન્યાયાધીશ એલ્વિન હેલરસ્ટીન સમક્ષ દાવો કર્યો હતો કે ધરપકડ દરમિયાન તેમને ગંભીર ઈજાઓ પહોંચાડવામાં આવી છે. વકીલના જણાવ્યા મુજબ, તેમની પાંસળીઓમાં ફ્રેક્ચર, શરીર પર અનેક ઉઝરડા અને અંદરથી ગંભીર ઈજાની આશંકા છે. કોર્ટમાં નબળી હાલતમાં હાજરી કોર્ટમાં હાજર રહેલા પ્રત્યક્ષદર્શીઓના જણાવ્યા અનુસાર, સિલિયા ફ્લોરેસ અત્યંત નબળા દેખાતા હતા અને બચાવ પક્ષની ટેબલ સુધી પહોંચવા માટે પણ તેમને સહાયની જરૂર પડી…
