Bindia
જ્ઞાનપ્રકાશ સ્વામીનો વિવાદ દિવસેને દિવસે વધી રહ્યો છે. હવે રાજકારણીઓ પણ સોસિયલ મિડિયા પોસ્ટ દ્વારા પોતોનો રોષ વ્યક્ત કરી રહ્યા છે. રાજયસભાના સાંસદ પરિમલ નથવાણીએ સોશિયલ મીડિયાના માધ્યમથી જલારામ બાપા પર ટિપ્પણી કરનારા જ્ઞાનપ્રકાશ સ્વામીએ વીરપુર જઈ જલારામ બાપાના મંદિરે મસ્તક નમાવી પોતાની ભૂલનો સ્વીકાર કરવો તેવું સૂચન કર્યું છે.
આ પણ વાંચો :- Halvad : હળવદમાં વધુ એક સ્વામીનો બફાટ, ચારણબાઈ પર કર્યુ વિવાદિત નિવેદન
વધુમાં તેમણે એમ પણ કહ્યું કે, સંત શિરોમણી શ્રી જલારામ બાપાને માત્ર લોહાણા સમાજ જ નહી પરંતુ સમગ્ર હિન્દુ સમાજ ભગવાન સ્વરૂપ માને છે. તેમનું અપમાન કરવાનો કોઈને અધિકાર નથી. પોતાના સંપ્રદાય કે કોઈ વ્યક્તિને ઊંચા દેખાડવા માટે સમાજને ભ્રમિત કરે તેવા નિવેદનો કરીને જલારામ બાપાને નીચા દેખાડવાનો પ્રયાસ નિંદનીય છે. લાખો લોકોની આસ્થાને ઠેસ પહોંચાડનારે તાત્કાલિક ધોરણે વીરપુર જલારામ બાપાના મંદિરમાં જઈને પોતાની ભૂલ સ્વીકારીને માફી માંગવી જોઈએ અને પશ્ચાતાપ કરી લોકોનો રોષ ઠારવો જોઈએ.
સ્વામીનારાયણ સંપ્રદાયના સ્વામી દ્વારા જલારામ બાપા પર કરવામાં આવેલ વિવાદાસ્પદ ટિપ્પણીને લઈને હોબાળો મચ્યો હતો. જેના બાદ વીરપુરમાં જલારામ ચોક ખાતે સ્વામીની ટિપ્પણીને લઈને ઉગ્ર વિરોધ પ્રદર્શન કરવામાં આવ્યું હતું. સાંસદ પરિમલ નથવાણીએ પણ સ્વામીની ટિપ્પણીને વખોડતાં પોતાની ભૂલનું પ્રાયશ્ચિત કરવાનું સૂચન કર્યું હતું. સાંસદ પરિમલ નથવાણીએ સોશિયલ મીડિયામાં આજે એક પોસ્ટ મૂકી. આ પોસ્ટમાં તેમણે લખ્યું છે કે, જલારામ બાપાને નીચા દેખાડવાનો પ્રયાસ નિંદનીય છે.
આ પણ વાંચો :- Rajkot : રાજકોટમાં જ્ઞાનપ્રકાશ સ્વામીનો વિવાદ વકર્યો, રઘુવંશી સમાજે ઉચ્ચારી ઉગ્ર આંદોલનની ચીમકી
પરિમલ નથવાણી ઝારખંડમાંથી બે વખત સાંસદ રહી ચૂકયા છે. સાંસદ પરિમલ નથવાણીએ અનેક વખત આ પ્રકારના મોટા વિવાદમાં પોતાનું સ્પષ્ટ મંતવ્ય રજૂ કરતા રહ્યા છે. તે પછી રાજકોટમાં રજપૂત સમાજ અને રૂપાલા વચ્ચેના વિવાદ હોય,કે વેરાવળમાં ડોકટર અતુલ ચગના આપઘાતનો મુદ્દો હોય અથવા તો પછી છેલ્લા ઘણા સમયથી સિંહોના થતા મૃત્યુ અટકાવાનો મામલો હોય કે પછી રમગગમત ક્ષેત્રમાં ક્રિકેટ બાદ ફૂટબોલની રમતમાં પણ ગુજરાત આગળ વધે તેવા મુદ્દાને લઈને હંમેશા સાંસદે પોતાના વિચારો સ્પષ્ટ રીતે રૂજૂ કર્યા છે.
Follow us On Social Media
🔔 YouTube : https://www.youtube.com/@BIndiaDigital
📸 Instagram : https://www.instagram.com/bindiadigital/
🌐 Website : https://bindia.co/
TWITTER : https://x.com/buletin_india
FOLLOW ON WHATSAPP : https://whatsapp.com/channel/0029Va4rXSZ5q08d1AuVRO2I
