Bindia
IPL 2025ની 49મી મેચમાં પંજાબ કિંગ્સે ચેન્નાઈ સુપર કિંગ્સ (CSK)ને 4 વિકેટથી હરાવી, પ્લેઓફની દોરથી બહાર ફેંકી દીધી. ચેન્નઈ માટે આ શારમજનક હાર સાબિત થઈ છે કારણ કે તે સતત બીજી વાર પ્લેઓફ માટે ક્વોલિફાય કરવામાં નિષ્ફળ ગઈ છે.
ચેન્નઈની પહેલી બેટિંગ અને ચહલનો ચમત્કાર
ચેપોક સ્ટેડિયમમાં ટોસ જીતીને પ્રથમ બેટિંગ કરનાર CSKએ સેમ કરનના શાનદાર 88 રનના ઇનિંગ પર ભરોસો રાખીને 20 ઓવરમાં 190 રન બનાવ્યા. જોકે તેમની આ મજબૂત બેટિંગ લાઇન અપ યુઝવેન્દ્ર ચહલની લેજન્ડરી બોલિંગ સામે ટકી શકી નહીં. ચહલે એક જ ઓવરમાં હેટ્રિક કુલ 4 વિકેટ ઝડપી, જેના કારણે ચેન્નઈનો મિડલ ઓર્ડર અને ટેલ એન્ડ ધરાશાયી થઈ ગયો.
પ્રભસિમરન અને ઐયરની ધમાકેદાર બેટિંગ
191 રનના ટાર્ગેટનો પીછો કરવા ઉતરેલી પંજાબ કિંગ્સની શરૂઆત મજબૂત રહી. ઓપનર પ્રભસિમરન સિંહે 36 બોલમાં 54 રન ફટકારી, જેમાં 5 ચોગ્ગા અને 3 છગ્ગા સામેલ હતા. તેણે કેપ્ટન શ્રેયસ ઐયર સાથે મળીને ટીમને મજબૂત પોઝીશનમાં પહોચાડી. ઐયરે 41 બોલમાં 72 રનની શાનદાર ઇનિંગ રમી, જેમાં તેણે 5 ચોગ્ગા અને 4 છગ્ગા ફટકાર્યા.
ચેન્નઈના બોલરો નિષ્ફળ
CSK તરફથી ખલીલ અહેમદે 2 વિકેટ ઝડપી અને મથિશા પથિરાનાએ પણ 2 વિકેટ લીધી, પણ પંજાબના હુમલાખોર બેટ્સમેન સામે તેઓ પ્રભાવ છોડી શક્યા નહીં. રવિન્દ્ર જાડેજા અને નૂર અહેમદે પણ એક-એક વિકેટ લીધી હતી.
શશાંક અને યાન્સેનનું ફિનિશિંગ ટચ
મેચના અંતિમ અવસ્થામાં શશાંક સિંહે 12 બોલમાં 23 રન બનાવ્યા અને યાન્સેનએ વિજયી ચાર ફટકારીને મેચ પંજાબની ઝોળીમાં નાખી દીધી. જોશ ઈંગ્લીસ 6 રન સાથે અણનમ રહ્યો.
ચેન્નઈ IPL 2025માંથી બહાર, પંજાબ પ્લેઓફ રેસમાં
આ હાર સાથે ચેન્નઈ IPL 2025માંથી બહાર થનારી પહેલી ટીમ બની ગઈ છે. બીજી તરફ, પંજાબે આ જીત સાથે પોતાની પ્લેઓફની આશાઓ જલવાઈ રાખી છે. ચહલની હેટ્રિક અને ઐયરની કેપ્ટનસીએ ટીમને જીત અપાવામાં મુખ્ય ભૂમિકા ભજવી છે.
