Bindia
રાજ્યમાં બોમ્બની ધમકીઓની ઘટનાઓ સતત સામે આવી રહી છે. આ દરમિયાન બોમ્બની ધમકીની વધુ એક ઘટના સામે આવી છે. પાટણ કલેક્ટર કચેરીને બોમ્બથી ઉડાવી દેવાની ધમકી મળી છે. જેને લઈને તંત્ર દોડતું થયું છે.
પાટણ જિલ્લાના કલેક્ટર કચેરીના મેલ આઈડી પર બોમ્બ બ્લાસ્ટની ધમકીવાળો ઇમેઇલ મળતાં જ તંત્ર દોડતું થયું છે. કલેક્ટર કચેરીના મેલ આઈડી પર પોણા બે વાગ્યે એક આઈડી પરથી મોકલવામાં આવ્યો હતો, જેમાં બપોરે ત્રણ વાગ્યા સુધી કલેક્ટર કચેરીમાં બ્લાસ્ટ થવાની શક્યતા દર્શાવવામાં આવી હતી.
પોલીસે તપાસ શરૂ કરી
ઘટનાની જાણ થતાં જ SP સહિત પોલીસનો કાફલો ઘટના સ્થળે પહોંચ્યો હતો. જોકે ત્રણ વાગ્યા સુધી કોઈ દુર્ઘટના ન બનતા તંત્રએ રાહતનો શ્વાસ લીધો હતો.બોમ્બની ધમકીને લઈને કલેક્ટર કચેરીમાં બોમ્બ સ્ક્વોડ દ્વારા તપાસ કરવામાં આવી રહી છે. બીજી તરફ બોમ્બની ધમકીને લઈને કલેકટર કચેરીના અધિકારીઓ- કર્મચારીઓને ઘરે રવાના કરાયા હતા. પોલીસે હવે ઇમેઈલ મોકલનાર સુધી પહોંચવાના પ્રયાસો તેજ કર્યા છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/buletin_india
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
