Bindia
ભારતના ‘ઓપરેશન સિંદૂર’ બાદ પાકિસ્તાનમાં હજુ પણ ભયનો માહોલ છે. પાકિસ્તાને પાક-અધિકૃત કાશ્મીર (PoK)માં લાઇન ઓફ કંટ્રોલ (LoC) નજીક આધુનિક એન્ટી-ડ્રોન અને એર ડિફેન્સ સિસ્ટમ તૈનાત કરી છે. રિપોર્ટ્સ મુજબ, રાવલકોટ, કોટલી અને ભિમ્બર સેક્ટરમાં નવી કાઉન્ટર અનમેન્ડ એરિયલ સિસ્ટમ (C-UAS) લગાવવામાં આવી છે.
પાકિસ્તાની સેનાને આશંકા છે કે ભારત ફરી કોઈ ચોક્કસ અને ઝડપી કાર્યવાહી કરી શકે છે. આ કારણે LoC પર 30થી વધુ ખાસ એન્ટી-ડ્રોન યુનિટ્સ તૈનાત કરવામાં આવી છે. આ તૈનાતી મુર્રી સ્થિત 12મી અને 23મી ઇન્ફન્ટ્રી ડિવિઝન દ્વારા કરવામાં આવી છે, જે કોટલી-ભિમ્બર ક્ષેત્રની બ્રિગેડ્સનું સંચાલન કરે છે.
કઈ એન્ટી-ડ્રોન સિસ્ટમ લગાવવામાં આવી?
– સ્પાઈડર કાઉન્ટર-UAS સિસ્ટમ:
આ સિસ્ટમ રેડિયો ફ્રીક્વન્સી દ્વારા ડ્રોનને ઓળખે છે અને લગભગ 10 કિલોમીટર સુધી નાના ડ્રોન તથા લોઇટરિંગ મ્યુનિશનને ટ્રેક કરી શકે છે. ડ્રોનના સંચારને જામ કરીને તેને હવામાં અટકાવવા અથવા લેન્ડ કરવા મજબૂર કરી શકે છે.
– સુફ્રા જામિંગ ગન:
ખભા પર રાખીને ચલાવાય તેવું આ હથિયાર લગભગ 1.5 કિલોમીટર રેન્જ ધરાવે છે. તે ડ્રોનના કંટ્રોલ, વીડિયો અને GPS સિગ્નલને અવરોધે છે. આ ગન પાકિસ્તાનના નેશનલ ઇલેક્ટ્રોનિક્સ કોમ્પ્લેક્સ (NECOP) દ્વારા વિકસાવવામાં આવી છે.
એર ડિફેન્સ હથિયારો પણ તૈનાત
એન્ટી-ડ્રોન સિસ્ટમ સાથે સાથે ઓર્લિકોન GDF 35 mm એન્ટી-એરક્રાફ્ટ ગન અને Anza Mk-II તથા Mk-III MANPADS પણ LoC નજીક તૈનાત કરાયા છે, જે ઓછી ઊંચાઈએ ઉડતા લક્ષ્યોને નિશાન બનાવી શકે છે.
ઓપરેશન સિંદૂરમાં ભારતની મોટી કાર્યવાહી
ઓપરેશન સિંદૂર દરમિયાન ભારતીય વાયુસેનાએ પાકિસ્તાની ડ્રોન અને ફાઇટર જેટ્સને હવામાં જ નષ્ટ કર્યા હતા. સુદર્શન મિસાઈલ સિસ્ટમથી લગભગ 300 કિલોમીટર દૂર ઉડતા હાઈ-વેલ્યુ એરક્રાફ્ટને પણ તોડી પાડવામાં આવ્યું હતું. રાફેલ અને સુખોઈ-30 વિમાનો દ્વારા પાકિસ્તાનના હેંગરમાં રહેલા મેડ ઇન ચાઈના વિંગ લૂંગ ડ્રોન તબાહ કરાયા હતા.
ભારત બનાવી રહ્યું છે વિશ્વનો પહેલો ડ્યુઅલ સ્ટેલ્થ ડ્રોન
ઓપરેશન સિંદૂર બાદ ભારતની હવાઈ શક્તિની ચર્ચા વૈશ્વિક સ્તરે થઈ રહી છે. હવે ભારત વિશ્વનો પહેલો ડ્યુઅલ સ્ટેલ્થ ડ્રોન વિકસાવી રહ્યું છે, જે રડાર અને ઇન્ફ્રારેડ સિગ્નલથી બચી શકે છે અને સેકન્ડ્સથી પણ ઓછા સમયમાં હુમલો કરવાની ક્ષમતા ધરાવશે. આ ડ્રોન હૈદરાબાદની સ્ટાર્ટઅપ કંપનીઓ દ્વારા રક્ષા મંત્રાલયની મદદથી વિકસાવવામાં આવી રહ્યો છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
