Bindia
વેનેઝુએલાની જાણીતી વિપક્ષી નેતા મારિયા કોરિના મચાડોને 2025 માટે નોબેલ શાંતિ પુરસ્કારથી સન્માનિત કરવામાં આવ્યા છે. આ પુરસ્કાર તેમને વેનેઝુએલામાં લોકશાહી અધિકાર માટેના શાંતિપૂર્ણ સંઘર્ષ માટે આપવામાં આવ્યો છે. તેમણે આ પુરસ્કાર પૂર્વ અમેરિકી રાષ્ટ્રપતિ ડોનાલ્ડ ટ્રમ્પને સમર્પિત કર્યો છે, જે તેમના નિવેદનને લઈ હવે વૈશ્વિક રાજકારણમાં નવી ચર્ચા ઊભી થઈ છે.
મચાડોનું નિવેદન
મચાડોએ સોશિયલ મીડિયા પર પોસ્ટ કરીને લખ્યું,“આ પુરસ્કાર વેનેઝુએલાના દુઃખી લોકો અને રાષ્ટ્રપતિ ટ્રમ્પને સમર્પિત છે, જેમણે અમારા કારણને નિર્ણાયક સમર્થન આપ્યું.” તેમણે જણાવ્યું કે તેઓ આજે પહેલાં કરતાં વધુ વિશ્વાસ સાથે લોકશાહીની લડાઈ લડી રહ્યા છે અને ટ્રમ્પ તેમજ વિશ્વના લોકશાહી રાષ્ટ્રો તેમની આશા છે.
મારિયા કોરિના મચાડો કોણ છે?
– જન્મ: 7 ઓક્ટોબર 1967
– વ્યવસાય: ઔદ્યોગિક એન્જિનિયર
– રાજકીય પક્ષ: વેન્ટે વેનેઝુએલા
– 2002માં ‘સુમાતે’ નામના નાગરિક સંગઠનથી શરૂઆત
– 2010માં નેશનલ એસેમ્બલીમાં સૌથી વધુ મતો સાથે જીત
– 2014માં કાર્યભારમાંથી હટાવાયા
– 2024માં વિપક્ષની રાષ્ટ્રપતિ ઉમેદવાર, પરંતુ માદુરો સરકારે તેમને અયોગ્ય જાહેર કર્યા
નોબેલ સમિતિએ શું કહ્યું?
નોબેલ સમિતિના અધ્યક્ષ જોર્ગન વાટને કહ્યું,“મચાડો લોકશાહીના અંધારામાં ઉજાસ છે. તેમણે વિભાજિત વિપક્ષને એક કર્યા અને તાનાશાહી સામે શાંતિપૂર્ણ પ્રતિકાર કર્યો.” સમિતિએ જણાવ્યું કે મચાડોએ દેશ છોડ્યા વિના જીવનને જોખમમાં મૂકી આ લડત લડી છે, જે કરોડો લોકોને પ્રેરણા આપે છે.
ટ્રમ્પને સમર્પણ શા માટે?
ટ્રમ્પે પોતાના કાર્યકાળ દરમિયાન વેનેઝુએલાના વિપક્ષને ખુલ્લું સમર્થન આપ્યું હતું અને તાનાશાહી વિરુદ્ધ લાલચાવેલું વલણ દાખવ્યું હતું. મચાડો માને છે કે ટ્રમ્પના કારણે આંતરરાષ્ટ્રીય સમર્થન મજબૂત બન્યું હતું. ટ્રમ્પે ઘણા વખતથી નોબેલ શાંતિ પુરસ્કાર માટે વકાલત કરી છે, દાવો કર્યો છે કે તેમણે “સાતથી વધુ યુદ્ધો અટકાવ્યા” છે.
વાયરલ વીડિયો અને આંતરરાષ્ટ્રીય પ્રતિક્રિયા
મચાડોના સહયોગી એડમુંડો ગોન્ઝાલેઝે એક વીડિયો શેર કર્યો જેમાં મચાડો ફોન પર આશ્ચર્ય વ્યક્ત કરે છે. “મને વિશ્વાસ જ નથી થતો.” આ વીડિયો વાયરલ થયો અને વેનેઝુએલામાં આશાની નવી લહેર જગાવી.
વિશ્વનાRajકારણમાં અસર
– UN Human Rights Office અને અનેક લોકશાહી દેશોએ મચાડોને અભિનંદન પાઠવ્યા
– આ પુરસ્કારથી માદુરો સરકાર પર આંતરરાષ્ટ્રીય દબાણ વધે તેવી શકયતા
– વિશ્લેષકો કહે છે કે આ સંમાન માત્ર વ્યક્તિગત નહીં પરંતુ વેનેઝુએલાના લોકોના સંઘર્ષનું પ્રતીક છે
