Bindia
ગુજરાતના મુખ્યમંત્રી ભુપેન્દ્ર પટેલે India-USA વચ્ચે થયેલા નવા ટ્રેડ ડીલ અંગે પ્રતિક્રિયા આપતાં કહ્યું કે, વડાપ્રધાન નરેન્દ્ર મોદીના નેતૃત્વમાં થયેલી આ ડીલ માત્ર ઉદ્યોગ માટે સીમિત નથી, પરંતુ બે મોટી અર્થવ્યવસ્થાના નાગરિકોના હિતમાં અને નવી તકોના સર્જન માટેની ડીલ છે.
વૈશ્વિક બજારો માટે નવા દ્વાર
મુખ્યમંત્રી ભૂપેન્દ્ર પટેલે જણાવ્યું કે, આ ડીલ મેઈક ઇન ઇન્ડિયા અને મેડ ફોર ધ વર્લ્ડ જેવા વિઝનને વધુ બળ આપશે. ડીલ હેઠળ મેડ ઇન ઇન્ડિયા ઉત્પાદનો પર યુએસ ટેરિફમાં 18% ની કટौती કરવામાં આવી છે, જે ઉત્પાદન, MSME, નિકાસકારો અને રોજગારી સર્જન માટે મોટું પ્રોત્સાહન હશે. ઉદ્યોગસાહસિકો અને સ્ટાર્ટઅપ્સ માટે હવે વૈશ્વિક બજારોમાં પ્રવેશ સરળ બનશે.
ગુજરાતના મેન્યુફેક્ચરિંગ સેક્ટર્સને લાભ
મુખ્યમંત્રી એ ઉમેર્યું કે, ગુજરાત ટેક્સટાઇલ, ફાર્મા, કેમિકલ, પેટ્રોલિયમ, જેમ્સ અને જ્વેલરી ક્ષેત્રમાં લીડર છે. આ ડીલથી આ સેક્ટર્સના ઉત્પાદનોના એક્સપોર્ટને પ્રોત્સાહન મળશે, અને MSME સહિતના વેપાર-ઉદ્યોગને સીધો લાભ મળશે.
ભારત-યુએસ સંબંધોમાં નવી પ્રગતિ
ભુપેન્દ્ર પટેલે કહ્યું કે, આ ટ્રેડ ડીલ ભારત-યુએસ દ્વિપક્ષીય સંબંધોમાં નવા અધ્યાયની શરૂઆત છે. વડાપ્રધાન મોદીના સિટિઝન-સેન્ટ્રિક ડિપ્લોમસીથી ભારત-યુએસ સંબંધો વૈશ્વિક શાંતિ અને સમૃદ્ધિ તરફ દોરી જશે. તેમણે ગુજરાતના નાગરિકો તરફથી વડાપ્રધાનને આ ઐતિહાસિક કરાર બદલ અભિનંદન પાઠવ્યા.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
