Bindia
EPFO (Employees’ Provident Fund Organisation)ના 9 કરોડથી વધુ સભ્યો માટે ખુશખબર છે. EPFO ટૂંક સમયમાં ડિજિટલ યૂગમાં મોટી છલાંગ ભરવા જઈ રહ્યું છે. કેન્દ્રીય શ્રમ અને રોજગાર મંત્રી મનસુખ માંડવિયાએ જાહેરાત કરી છે કે EPFO નું નવું IT પ્લેટફોર્મ EPFO 3.0 મે કે જૂન 2025 સુધી લોન્ચ થવાનું છે.
EPFO 3.0ના અમલ પછી, ખાટાધારકોને પેપરલેસ, ઝડપી અને સરળ સેવાઓ મળશે. સૌથી ખાસ વાત એ છે કે હવે સભ્યો ATM મારફતે તેમના PFના પૈસા ઉપાડી શકશે – જે આજ સુધી માત્ર કાગળની પ્રક્રિયાથી જ શક્ય હતું.
શું હશે EPFO 3.0 ની ખાસિયતો?
– ATM મારફતે PF ઉપાડવાની સુવિધા
– ઓટો-ક્લેમ સેટલમેન્ટ (Auto-Claim Settlement)
– ડિજિટલ કરેક્શન – એટલે કે ઓનલાઈન સુધારાઓ
– OTP દ્વારા ખાતામાં ફેરફારની સુવિધા
– ઝડપી દાવાની પતાવટ
– પેન્શન વિગતો ઓનલાઈન જોઈ શકાય તેવી વ્યવસ્થા
EPFO 3.0 સભ્યોને ઓફિસના ચક્કર ખાવાની કે લાંબા ફોર્મ ભરવાની જરૂર નહિ રહે – હવે માત્ર મોબાઇલ અને OTP વેરિફિકેશનથી જ તમામ કામગીરી શક્ય બની જશે.
EPFOના આંકડા
હાલમાં EPFO પાસે કુલ ₹27 લાખ કરોડથી વધુનું ભંડોળ છે અને તે સભ્યોને 8.25% વ્યાજ આપે છે. નવા પ્લેટફોર્મથી ભવિષ્યમાં વધુ પારદર્શકતા અને ઝડપ મળશે.
EPFOનો ઉદ્દેશ
EPFO 3.0 વડે સંસ્થા “people-first approach” અપનાવશે અને સેવાઓને ડિજિટલ રૂપે એક નવો આયામ આપશે. પેન્શનરો અને યુવાનો બંને માટે આ મોટી રાહત અને ટેકનોલોજી તરફનો મજબૂત પગથિયો ગણાશે. તો હવે PF ઉપાડવો બનશે એટલો જ સરળ, જેટલું ATMથી નાણાં ઉપાડવું! તમે આ નવી વ્યવસ્થા માટે તૈયાર છો?
