દુશ્મનોના શ્વાસ થંભી જશે: 114 ‘રાફેલ’ અને ‘સ્કેલ્પ’ મિસાઈલથી સજ્જ થશે ભારત

ભારતીય આકાશ હવે પહેલાં કરતા વધુ સુરક્ષિત અને અભેદ્ય બનવા જઈ રહ્યું છે. સંરક્ષણ મંત્રાલયની આવતીકાલે યોજાનારી સંરક્ષણ સંપાદન પરિષદની બેઠક ભારતની સૈન્ય શક્તિ માટે માઈલસ્ટોન સાબિત થશે. આ બેઠકમાં 114 મલ્ટી-રોલ ફાઇટર એરક્રાફ્ટ માટેના સોદાને લીલી ઝંડી મળે તેવી પ્રબળ શક્યતા છે, જેમાં ફ્રાન્સના ‘રાફેલ’ સૌથી મજબૂત દાવેદાર છે.

વાયુસેના હાલમાં 42 સ્ક્વોડ્રનની જરૂરિયાત સામે માત્ર 29 સ્ક્વોડ્રન સાથે કામ કરી રહી છે, ત્યારે આ મેગા ડીલ ચીન અને પાકિસ્તાન બંને મોરચે ભારતનો હાથ ઉપર રાખશે.

સ્કેલ્પ મિસાઈલ:
આ સોદાની સૌથી મહત્વની કડી ‘સ્કેલ્પ’ ક્રુઝ મિસાઇલ છે. આ એક એવી ઘાતક મિસાઇલ છે જે દુશ્મનના પ્રદેશમાં સેંકડો કિલોમીટર અંદર ઘૂસીને ચોકસાઈપૂર્વક હુમલો કરવાની ક્ષમતા ધરાવે છે.

રાફેલ વિમાન પહેલાથી જ ભારતીય વાયુસેનાનો હિસ્સો હોવાથી, નવા 114 વિમાનો માટે અલગથી ઈન્ફ્રાસ્ટ્રક્ચર કે તાલીમની જરૂર નહીં પડે, જે સમય અને નાણાં બંનેની બચત કરશે.

આ ઉપરાંત, આ સોદામાં P8i સબમરીન-શિકારી વિમાનો અને હાઈ-અલ્ટીટ્યુડ સ્યુડો સેટેલાઈટ્સનો પણ સમાવેશ કરવામાં આવ્યો છે, જે હિંદ મહાસાગરથી લઈને હિમાલયની ચોટીઓ સુધી ભારતની દેખરેખ શક્તિને અજેય બનાવશે.

ભારતમાં ઉત્પાદન અને આત્મનિર્ભરતા:
નિષ્ણાતોના મતે, આ સોદો માત્ર ખરીદી પૂરતો મર્યાદિત નથી, પરંતુ ‘મેક ઇન ઇન્ડિયા’ અભિયાન હેઠળ ભારતમાં જ વિમાનોના ઉત્પાદન અને ટેકનોલોજી ટ્રાન્સફર પર ભાર મૂકવામાં આવશે. સુખોઈ-30 MKI અને તેજસ જેવા વિમાનોની સાથે જ્યારે રાફેલનું નવું બેચ જોડાશે, ત્યારે ભારતીય વાયુસેના એશિયામાં સૌથી શક્તિશાળી હવાઈ દળ તરીકે ઉભરી આવશે. રાફેલમાં ભારતીય બનાવટના શસ્ત્રો અને સેન્સર્સને પણ એકીકૃત કરવામાં આવશે, જે આત્મનિર્ભર ભારતની દિશામાં એક મોટું કદમ છે.

Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP  https://whatsapp.com/channel/0029Va4rXSZ5q08d1AuVRO2I
Instagram:  bindia.in