મુખ્યમંત્રી ભૂપેન્દ્ર પટેલના હસ્તે આણંદની અમૂલ ડેરી ખાતે “અમૂલ AI”નો શુભારંભ

મુખ્યમંત્રી ભૂપેન્દ્ર પટેલ આણંદની અમૂલ ડેરી ખાતે યોજાયેલા વિશેષ કાર્યક્રમમાં ઉપસ્થિત રહ્યા હતા. આ અવસરે તેમણે નવીનતમ ટેક્નોલોજીના ઉપયોગથી સહકારી ચળવળને વધુ સુદ્રઢ બનાવવાના ભાગરૂપે “અમૂલ AI”નું વિધિવત્ લોન્ચિંગ કર્યું. અમૂલ દ્વારા તૈયાર કરાયેલ “અમૂલ AI” 200 કરોડથી વધુ વાર્ષિક ડેટા ટ્રાન્ઝેક્શન અને આશરે 3 કરોડ પશુઓના ડિજિટલ રેકર્ડના સંકલન પર આધારિત છે. આ આધુનિક પ્લેટફોર્મ ડેરી અને પશુપાલન ક્ષેત્રમાં ડિજિટલ ક્રાંતિ લાવવાનું મહત્વપૂર્ણ પગલું માનવામાં આવે છે.

મહિલાઓ માટે સરળ માર્ગદર્શન – ગુજરાતી ભાષામાં સેવા
ખાસ કરીને મહિલા દૂધ ઉત્પાદકો માટે “અમૂલ AI” ખૂબ ઉપયોગી સાબિત થશે. હવે તેઓ પોતાના મોબાઇલ દ્વારા ગુજરાતી ભાષામાં સરળતાથી પશુપાલન, પશુ આરોગ્ય અને ઉત્પાદન વધારવા સંબંધિત માર્ગદર્શન મેળવી શકશે.

સરકારી યોજનાઓ અને સબસિડીની સંપૂર્ણ માહિતી
“અમૂલ AI” રાજ્ય અને કેન્દ્ર સરકારની ડેરી તથા પશુપાલન સંબંધિત વિવિધ યોજનાઓ અને સબસિડી અંગે સંપૂર્ણ માહિતી આપશે. આથી દૂધ ઉત્પાદકોને સરકારી લાભો સરળતાથી મળી શકે અને તેમની આવકમાં વધારો થાય તેવો હેતુ છે.

પશુઓની માહિતી એક ક્લિક પર ઉપલબ્ધ
ટેગ આઈડી, રસીકરણ, સારવાર ઇતિહાસ સહિતની તમામ મહત્વપૂર્ણ વિગતો હવે “અમૂલ AI” પર માત્ર એક ક્લિકથી ઉપલબ્ધ રહેશે. આથી પશુ આરોગ્ય વ્યવસ્થાપન વધુ પારદર્શક અને કાર્યક્ષમ બનશે.

IndiaAI Impact Summit 2026માં થશે પ્રદર્શન
“અમૂલ AI”નું પ્રદર્શન IndiaAI Impact Summit 2026માં પણ કરવામાં આવશે. ટેક્નોલોજી આધારિત ડેરી ક્ષેત્રમાં આ પહેલ રાજ્ય અને દેશ માટે નવી દિશા દર્શાવશે. ટેક્નોલોજી અને સહકારના સંગમથી “અમૂલ AI” ડેરી ક્ષેત્રમાં એક નવી ક્રાંતિ તરફ મહત્વપૂર્ણ પગલું સાબિત થવાની અપેક્ષા છે.

Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP  https://whatsapp.com/channel/0029Va4rXSZ5q08d1AuVRO2I
Instagram:  bindia.in