Bindia
ચક્રવાત મોન્થાની અસરને લઈને ઓડિશા રાજ્યમાં ભારે વરસાદ અને પવન માટે એલર્ટ જાહેર કરવામાં આવ્યો છે. રાજ્ય સરકારે સાવચેતીના પગલાં તરીકે સાત જિલ્લાઓમાં સરકારી રજાઓ રદ કરી છે. હવામાન વિભાગના જણાવ્યા અનુસાર, તીવ્ર પવન સાથે ભારે વરસાદ થવાના કારણે નીચાણવાળા વિસ્તારોમાં પૂર અને પહાડી જિલ્લાઓમાં ભૂસ્ખલન થવાની શક્યતા છે.
સરકારી તંત્ર દ્વારા સાવચેતીના પગલાં
બાલાસોર, ગંજમ, કોરાપુટ અને રાયગડા સહિતના જિલ્લાઓના કલેક્ટરોને તાત્કાલિક સરકારી કર્મચારીઓની રજાઓ રદ કરવા અને કટોકટી તૈયારી સુનિશ્ચિત કરવા માટે સૂચના આપવામાં આવી છે. રાજ્યના તમામ સત્તાધિકારીઓને તેમના મુખ્યાલય પરત ફરવાની પણ સૂચના આપી છે. ઓડિશા ડિઝાસ્ટર રેપિડ એક્શન ફોર્સ (ODRAF)ની ટીમો એલર્ટ પર છે, જ્યારે કટોકટી વિભાગે જનતા માટે સમર્પિત હેલ્પલાઇન નંબર જાહેર કર્યો છે.
બચાવ અને રાહત કામગીરી
સરકાર પહેલેથી જ વિવિધ બચાવ અને રાહત પગલાં શરૂ કરી ચૂક્યા છે, જેમાં સંભવિત સ્થળાંતર માટે તૈયારીઓ, ચક્રવાત આશ્રયસ્થાનો સક્રિય કરવું અને સંવેદનશીલ વિસ્તારોમાં રાહત કેન્દ્રો સ્થાપવાનો સમાવેશ થાય છે. મહેસૂલ અને આપત્તિ વ્યવસ્થાપન મંત્રી સુરેશ પૂજારીએ સ્ટેટ સ્પેશિયલ રિલીફ કમિશનર (SRC) કાર્યાલય ખાતે વરિષ્ઠ અધિકારીઓ અને જિલ્લા કલેક્ટરો સાથે ઉચ્ચ સ્તરીય બેઠક યોજી. બેઠક બાદ મંત્રી પૂજારીએ જણાવ્યું,”રાજ્ય સરકાર કોઈપણ પરિસ્થિતિનો સામનો કરવા માટે સંપૂર્ણપણે તૈયાર છે.”
વિભાગોને સતર્ક રહેવા સૂચના
જળ સંસાધન, પંચાયતી રાજ, કૃષિ, આરોગ્ય, અને ઉર્જા જેવા મહત્વના સરકારી વિભાગોને સતર્ક રહેવા અને સંભવિત નુકસાન ઘટાડવા માટે જિલ્લા વહીવટીતંત્ર સાથે કામ કરવાનો નિર્દેશ આપવામાં આવ્યો છે. આ પહેલનો હેતુ છે કે ચક્રવાત મોન્થાની અસરથી રાજ્યના લોકોને સુરક્ષિત રાખવી અને નુકસાન ઓછું કરવું.
હવામાન વિભાગની તાજી આગાહી મુજબ, આગામી 24 થી 48 કલાકમાં રાજ્યના અલગ-અલગ વિસ્તારોમાં ભારે વરસાદ અને પવન ફૂંકવાની સંભાવના છે. લોકોને સાવચેતી અને રાહત કેન્દ્રોની જાણકારી મેળવવાની સલાહ આપવામાં આવી છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/buletin_india
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
